Ebröönyüü 12:11 - Kuö Dëdrä Jenɛɛsë Rutë

¹¹ 'Kasa nyɔɔ ma ‑gägä amɩ 'klɩ nɩ, 'inyɩ amɩ 'tʋ ‑a kä 'köklesa; 'i pala amɩ sɩɔ. ‑Maa 'taɩn a 'mlɩ 'nɩ, nyüülü ‑gägäa' 'klɩ nya 'bülü 'i tʋa' 'jäa: plɛgälɩflɛrɛkʋ nyra 'klɩgägäkʋ.

Ebröönyüü 12:11 Referans Kwoze

2 Korɛɛntënyüü 4:17

'Be ‑sʋɩlɩ a 'jääa' 'fʋma ‑bɛ 'inyɩ ‑wlɛlɩ ‑a, ‑maa 'i tɛrɛ amɩ 'wliklɩbʋabʋakʋlʋ ‑sia' ana ‑sʋɩ 'wʋ. 'Ia 'wliklɩbʋabʋakʋlʋ ‑wlɛɛɛlɩ 'plɔʋplɔʋa ‑gʋ 'unya 'bʋa ‑gböösa 'unya ‑si ana ‑sʋɩ 'wʋ.

1 Piɛɛrë 1:6

'A 'ia ‑gʋ dɔrʋ 'blaa 'amɩ ‑gböösa 'saarɩ, ‑bakää ‑sʋɩ 'kɔkɔmlɛa 'mlɩ 'anya 'kpɔɔa, jrüü jiea wii bäsaa.

Ebröönyüü 12:10

Ana tʋɩɩ ‑gäää amɩ 'klɩ 'taɩn jie 'lɩ 'ü jrea' 'saa 'i 'na ana ‑gʋ. ‑Maa Nyɔsʋa 'kpɩa amɩ amä plɛgälɩflɛrɛkʋ kä, ana 'kläa 'nyü 'mä 'na 'plɔʋplɔʋ ‑beere 'ɔɔn.

Ebröönyüü 5:14

‑Maa kälɩbäjijri bä nyüü kpaküa jijri: 'üa 'lɩgaglakʋa ‑gʋ nɩ, 'ünya fala 'üa bobowli wiili 'naa' nyra inyɩa' 'naa 'pɛlɩ.

Rɔmënyüü 14:17

'be Nyɔsʋaa 'kamaplälä nɩ, ‑mää jijri 'aiɛ 'mamladiia wii 'nyɩ 'saabä, ‑maa 'klɩgägäkʋ, 'wlinönrökʋ nyra dɔrʋlʋ sɔa' 'Nyüna ‑Susua ‑nyɛɛ, 'ia wii bäsaa.

2 Piɛɛrë 2:14

Bätësaa 'dooa wii 'ü bobo, ‑balʋa nʋnʋkʋa 'doo bä 'üa plɛ 'klɩ. 'Ü 'kʋɛɛrɛ ü 'fʋmaa' 'üa nyüfë ‑gba, 'üa polu 'si dɛɛnyükäkäkʋ 'klɩ. Nyɔsʋaa busukʋ bä 'üün ‑gälɩ.

2 Timotee 4:8

'Bala 'saarɩ ‑gälɩ nɩ, 'klɩgä 'wlugbölä 'ümäa' 'mɩ ‑nyɩ nɩ, 'mɔɔ 'ä ‑glaaa. 'Pläkänyɔɔlɔ ‑gäa' 'klɩ ɔ ‑tʋʋäa' ‑gä, nya 'mɩ 'ään ‑nyɩa 'ia ‑srɩlɩa 'mlɩ. ‑Bɛ ‑mää 'na 'doo ‑a, nyüülü kä 'fɩɔ ‑waa' 'ɔɔn ü ‑glaaa' bɩa 'ɔa jijisrɩ bä bɩa 'lɩ.

Jenɛɛsë 21:11

Wiili Sara 'paa' 'i pa Abraamë ‑gba ‑gböösa, 'be 'ɔa 'jʋ bɩa bäsaa.