Ebröönyüü 1:9 - Kuö Dëdrä Jenɛɛsë Rutë

⁹ ‑Wa 'klɩgägäkʋ, ‑nya jrara ‑balʋ 'nyüa 'mlɩ, 'a 'ia ‑gʋ, Nyɔsʋa, ‑na Nyɔsʋa, ‑gblɔɔ ‑na 'wli dɔrʋa 'kpɩ 'kä. 'Ɔ 'dara ‑mɩ nyɔɔ 'ɔnya ‑si ‑mülü 'wʋ .

Ebröönyüü 1:9 Referans Kwoze

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

Rɔmënyüü 15:13

Abɩa 'suru Nyɔsʋa 'sie 'amɩ dɔrʋ 'kɔkɔmlɛ nyra plɛgälɩflɛrɛkʋ 'klɩ 'sɩrɩ 'a toroa' 'ɔɔn plɛ. 'Ama nʋ 'saa nɩ, 'Nyüna ‑Susua 'klü nya 'amɩ 'surukʋ 'wli ‑siea!

Lukë 4:18

'Pläkänyɔɔa ‑Susu bä 'mɩ ‑gälɩ, 'ɔnya 'balɩ 'mɩ 'mä 'pʋablanyüü 'Mʋfagogo 'sa. 'Ɔ blɔ 'mɩ 'mä nyüülü ‑kanyɩa' plɛtorofa kä plɛlɩpa ; 'mä ‑jienyüü ‑gbala 'sɩrɩ 'ü ‑kanyɩa' ‑jienyüü bä, ‑bɛ 'mä 'nɔnɔnyüü ‑gbala, 'ü 'mrɛɛ 'ü 'jäkä, 'mä nyüülü 'jääa' ‑sʋɩ, ‑sʋɩ 'lɩ 'ba .

1 Jaan 1:3

I a 'jäa' ‑bɛ a 'nua' 'wli nɩ, 'ii a ‑gbala bɩa 'amɩ, 'ana 'mʋgbɛ nyra amɔ 'mä 'doo bä. ‑Mää ana 'kpɔ ‑a, ‑maa a nyra Tʋ ‑bɛ 'ɔa 'Jʋ Jesu 'Kriisë nëmä 'doo bä.

1 Piɛɛrë 1:3

A 'bʋala Nyɔsʋa, ana 'Pläkänyɔɔ Jesu 'Kriisëa Tʋ! 'Ɔa nyatɛplɛ kpakia ‑gʋ 'ɔ ‑glooro 'sɔɔwʋ amɩ 'ɔnya 'ba Jesu 'Kriisë 'kuaabre. 'Asɩ a 'jä plɛgälɩpiepiekʋlʋ ‑nyɛɛa' 'kläa 'jäjäkʋ.

Ebröönyüü 7:26

'A 'samaa 'nyüna ‑gbɔsapɛrɩnyɔɔ kpakö a 'bata, 'ɔ ‑kaapɩɔ bʋbɔgbi nʋ; 'ɔ ‑kaapɩɔ ‑balʋ nʋ, 'ɔnya sɔ ‑balʋnyüü dɛrɩ, Nyɔsʋa nya 'jrara 'ɔɔn cɛɩɩa 'wliklɩ.

Filipënyüü 2:9

'A 'ia ‑gʋ Nyɔsʋa 'jrara 'ɔɔn kʋfalä ‑sia' kʋfëa 'fɩɔwʋa ‑gälɩ, 'ɔnya ‑nyɩ 'ɔɔn 'nyrɩlɩ ‑sia' 'nyrɩa 'fɩɔwʋ;

Ɛfɛsënyüü 1:3

Abɩa Nyɔsʋa 'bʋala, 'ɔɔ bä ana 'Pläkänyɔɔ Jesu 'Kriisëa Tʋ. 'Ɔ 'pa amɩ 'nɩ 'Kriisë 'lɩ, 'ɔɔ kälɩ 'ɔ ‑srörö 'ɔnya ‑nyɩ amɩ 'ɔa 'nɩpapakʋlʋa 'fɩɔ bäa' cɛa 'mlɩ.

1 Korɛɛntënyüü 1:9

Nyɔsʋa ‑träärälɩ 'ɔa 'papawii, 'ɔɔ we 'amɩ, 'a nyra 'ɔa 'Jʋ, ana 'Pläkänyɔɔ Jesu 'Kriisë, 'mä 'doo bä.

Jaan 20:17

'Iibäa' Jesu nɩ: «‑Nyɩ ‑fɛ 'mɩ ‑gba, 'n ‑kaaŋlʋ 'na Tʋa ‑nyɛɛ 'jra. ‑Maa mi ‑a ‑gbala 'na ‑wlajü, 'na Tʋa ‑nyɛɛ 'n 'jraa, ɔ bäa' 'ana Tʋ; 'na Nyɔsʋaa ‑nyɛɛ 'n 'jraa, ɔ bäa' 'ana Nyɔsʋa.»

Jaan 1:41

'Ɔnya mi dotro, 'ɔnya ‑gbala 'ɔa ‑wlajʋ Simɔɔ: «Anyaa' Mesii 'jä.» Mesiia ‑gbaa bä «'Kriisë».

'Nyügälɩjawii 2:15

'Asɩ nyüü ‑ka bä ‑na ‑nyɛɛ, 'ü ‑ka prɛ Nikolaiitënyüüa 'kpɩkpɩakʋ dɛrɩ.

2 Korɛɛntënyüü 11:31

Nyɔsʋalɔ bäa' 'Pläkänyɔɔ Jesu 'Kriisëa Tʋ, ɔ 'bʋalaa' 'plɔʋplɔʋ, jre 'imɩ 'sɩrɩ 'nyɩa' ‑gbagblɛ kä.

Rɔmënyüü 12:9

'Ana ‑wawlakʋ 'nyɩ bä ‑glaaklɩ. 'Ba jrara ‑balʋ 'nyüa 'mlɩ, 'kä 'a nö i 'naa' ‑a 'doo.

Akëtë 10:38

'A jre 'iin 'sɩrɩ Nyɔsʋa ‑tʋa' 'Nyüna ‑Susu nyra 'klü Nasarɛɛtënyɔɔ Jesu ‑gälɩ, ‑bɛ 'ɔ ‑nyɩa' 'ɔɔn 'klü, 'sɩrɩ 'ɔ ‑sröröa' ‑tʋtʋa 'fɩɔ ‑gälɩ, 'ɔ nöa' 'mʋfagbi ‑bɛ 'ɔ ‑futoa' nyüülü kä 'fɩɔ ma bäa' Sataan a ‑goou; 'be Nyɔsʋa bä kä 'ɔɔn dɛrɩ.

Akëtë 4:27

'Kasa, 'a ‑taa bätälä kʋa' ‑pɩa 'mlɩ Erɔɔdë nyra Pɔɔsë Pilatë 'nönröwli, 'ü nyra nyüülü 'nyɩa' juifë bä nyra Israɛɛlëa nyüü kɔsɔ. 'Ünya jrara ‑na 'nyünajrʋpafɛnyɔɔ, Jesulɔ ‑baaa' 'lɩ nyüüa ‑tɔrʋpɩɔ.

Jaan 3:34

'Be nyɔɔ Nyɔsʋa blɔa' nɩ, Nyɔsʋaa mlɩa wii 'ɔ 'paa, Nyɔsʋa 'nyɩ nyaka 'ɔa ‑Susua 'kä 'ɔ 'cere 'ɔmɩ 'uun ‑gälɩ.

Ebröönyüü 2:11

'Be nyɔɔlɔ ‑futoa' nyüü ‑gba nyra nyüülü nyaa' ‑gbafuto nɩ, 'üa 'fɩɔ bä 'doo. 'A 'ia ‑gʋ 'inyɩ Jesu 'nyüsü 'wʋ kä, ɔma were 'üün ‑wlajü,

Jaan 10:17

'N 'saa 'na 'klä, 'ia ‑gʋ Tʋ ‑wa 'mɩ, ‑bɛ 'mä ‑pɩ 'ään 'jä 'sɔɔwʋ.

Akëtë 4:26

'Pläa 'kɩɩɩ nya 'mä 'döö 'paa, 'kä 'pläa 'cifu nya trara, 'ü nyra 'Pläkänyɔɔ nyra 'ɔa 'Kriisë 'mä 'wlitotro .

Ebröönyüü 2:9

‑Maa ‑jää wiili a 'jääa' 'wʋ: Jesu 'cere 'wʋ 'aanjëa 'klʋɩ jrüü jiea 'mlɩ, ‑maa jäjäkʋa ‑sʋɩ 'ɔ 'jäa', 'ia ‑gʋ nɩ, Nyɔsʋa nya ‑nyɩ 'ɔɔn 'bʋalakʋ nyra 'lɩträäräkʋ ‑beere 'kɩɩa 'wlugbö. 'Abɩa Nyɔsʋaa ‑gbinanakʋa ‑gʋ Jesu jä nyüüa 'fɩɔa ‑gʋ.