Ebröönyüü 1:3 - Kuö Dëdrä Jenɛɛsë Rutë

³ 'A 'Jʋlɔ bä Nyɔsʋa 'wliklɩbʋabʋakʋa srarakʋ, 'ɔɔ bä 'tasɩrɩ 'ɔa 'pije. 'Ɔɔ 'klaa diia 'fɩɔ kälɩ 'ɔa 'wʋsɔɔrɔ 'papawiia 'mlɩ. 'Ɔa 'mʋgbɛ kälɩ 'ɔ ‑srörö 'ɔ bɩaa' amɩ ‑gbafutokʋ ana ‑balʋa ‑gʋ nɩ, 'ɔnya kʋwälɩ cɛ 'lɩ Nyɔsʋalɔ 'bʋaa' 'wliklɩa 'dupa 'lɩ.

Ebröönyüü 1:3 Referans Kwoze

'Nyügälɩjawii 4:11

«O 'Pläkänyɔɔ, ana Nyɔsʋa, 'i 'wʋ ‑mɩ 'klɩ amä ‑mɩ 'jrara, amä ‑mɩ 'bʋala, amä ‑mɩ 'klü ‑nyɩ, 'be ‑mɔ nʋ diia 'fɩɔ, ‑mɔ 'nyie 'aiɛ 'i nrörö ‑bɛ 'i bälɩ.»

Jaan 1:14

Nyɔsʋaa 'Papawiili nya srörö nyɔɔ 'lɩ, 'ɔnya kʋ ana ‑tɔrʋpɩɔ. Anya 'jä 'ɔa 'wliklɩ 'bʋabʋakʋ; 'wliklɩ 'bʋabʋakʋlʋ Tʋ ‑nyɩa' 'ɔa 'Jʋ 'doo 'doo. ‑Gbinanakʋ ‑bɛ 'cɩcasa 'si 'ɔɔn 'lɩ.

2 Korɛɛntënyüü 4:4

'Üü 'nyɩ toro 'iin plɛ. 'Be 'plälä kʋa' ‑pɩa nyɔsʋa 'cakla 'üa bobowli 'lɩ 'ümä 'jöjrüükpü 'lɩ kʋ, 'ü ‑pɩ 'napɛlɛ bäa' 'Mʋfagogoa 'mlɩ 'wʋjä, ‑bɛ 'ɛɛ srara 'Kriisëlɔ bäa' Nyɔsʋaa 'pikea 'wliklɩbʋbʋakʋ.

Ebröönyüü 12:2

A tɛ Jesua 'doo 'klɩ. 'Ɔɔ ‑nyɛɛ nyɔsʋaplɛtorokʋ 'kä 'ɔ jrä 'ɛɛn 'wli. 'Ɔ 'pa plɛ 'mlɩ 'pa 'pa 'ünya 'mä 'ɔɔn krʋa ‑gälɩ 'blara, 'ɔa ‑gbʋʋ nya 'nyɩ 'nyüsülü bäa' 'ia 'samaa jäjäkʋa 'mlɩ ‑gba bä, 'be dɔrʋlʋ 'ɔ tɛrɛa' 'ɔɔn, 'uu 'ɔ ‑treee. 'Köklesa ‑plɩɩ ɔ nɩ, Nyɔsʋaa 'kɩɩkpataa 'dupa 'pɛlɩ 'ɔ kʋ.

Jaan 1:4

'Ii 'lɩ 'klä bä kä, 'klä nya bä nyüüa ‑srɩ.

Ebröönyüü 10:12

‑Maa 'Kriisëlɔ nɩ, ‑gbɔ 'doo 'ɔ 'sa ‑balʋa ‑gʋ 'kä 'plɔʋplɔʋa ‑gʋ 'ɔnya kʋ Nyɔsʋaa 'dupa 'lɩ.

Judë 1:25

'Ɔa 'doo bä ana 'Lɩgla Nyɔsʋa, 'ɔɔ ‑srörö Jesu 'Kriisë ana 'Pläkänyɔɔ kälɩ 'ɔnya 'balɩ amɩ mlɩ, a ‑nyɩ 'ɔɔn 'bʋalakʋ, 'wliklɩbʋabʋakʋ, 'klü nyra 'kamakʋ 'taɩn a 'fɩɔ 'lɩ, 'köklesaplɩɩ nyra 'plɔʋplɔʋa ‑gʋ. 'Asɩ i bä!

Ebröönyüü 9:26

Ima bä ɩ 'saa nɩ, 'ɔnya ɩ 'wʋ 'kɔkɔmlɛ 'wʋ järäa 'bala 'pläa 'käkolofa 'wʋ. ‑Maa ‑taa ‑gälɩblöröjrüülü kä 'mlɩ a bäa' nɩ, 'ɔ srara 'ɔa nyufa 'wʋ 'doo 'wʋ 'plɔʋplɔʋa ‑gʋ, ‑gbɔlʋ 'ɔ 'saa ‑bɛ 'ɔ ‑nyɩa' 'ɔa nyufa nɩ, 'iibä ‑balʋa 'fɩɔ 'a ‑gblooo.

1 Jaan 1:7

‑Maa ama 'nyɛrɛ ‑srɩ 'klɩ, 'sɩrɩ 'ɔa 'mʋgbɛ bäa' ‑srɩ nɩ, anya ‑maa, 'kä 'ɔa 'jʋ Jesu 'Kriisëa ‑toru nya amɩ ‑gbafuto, ana ‑balʋa 'fɩɔa ‑gʋ.

Ebröönyüü 4:14

‑Bɛ a käa' ‑gbɔsapɛrɩnyɔɔ kpakö, Nyɔsʋaa 'Jʋ, Jesu ɔ paa' cɛɩɩa 'mlɩ, 'ii känyrɩ a 'kpla ana nyɔsʋaplɛlɛ a 'nyierea' 'klɩ 'mʋfasa.

1 Jaan 3:5

'A jre 'imɩ 'sɩrɩ Jesu jia' 'lɩ ana ‑balʋ 'ba, ‑bɛ ‑balʋ 'nyɩa' 'ɔɔn 'lɩ bä 'plɔʋ.

2 Piɛɛrë 1:16

'Taɩn 'lɩ a sraraa' 'amɩ ana 'Pläkänyɔɔ Jesu 'Kriisëa 'klü nyra 'ɔa jijisrɩ nɩ, ‑mää 'nänë anyɩ 'amɩ 'klɩ pala. ‑Maa ana 'nyü 'jä 'ɔa 'bʋabʋakʋ.

1 Piɛɛrë 3:22

'Ɔ 'jra cɛa 'mlɩ, 'ɔ bä Nyɔsʋaa 'dupa 'pɛlɩ. 'A ‑plɩɩ 'ɔ 'kamlaa 'aanjë, ‑sisili kä 'fɩɔ 'kamaa', nyra ‑sisili kä 'fɩɔ käa' 'klü.

1 Piɛɛrë 1:21

'Ɔɔ 'lɩ 'a toro Nyɔsʋa plɛ; Nyɔsʋalɔ 'baa' 'ɔɔn jäjä 'lɩ ‑bɛ 'ɔ ‑nyɩa' 'ɔɔn 'wliklɩbʋabʋakʋ. 'Ia 'taɩn 'lɩ 'ana plɛtorokʋ nyra plɛgälɩpiepiekʋ 'mä Nyɔsʋa 'lɩ bä.

Ebröönyüü 8:1

Wiili kä 'fɩɔ a 'saarɩ nɩ, ‑jää wiili bäa' 'ia 'mlɩa wii: 'iibä a kä ‑gbɔsapɛrɩnyɔɔ kpakö, 'a 'ɔa ‑gä a ‑gbala ɩ ‑plɩɩ 'amɩ. 'Ɔ kʋ cɛa 'mlɩ, Nyɔsʋaa 'kɩɩkpataa 'dupa 'lɩ.

Marëkë 16:19

'Pläkänyɔɔ bɩaa' 'üün wii ‑gba 'palakʋ, 'ɔnya sakla cɛlɩ, 'ɔnya kʋ Nyɔsʋaa 'dupa 'pɛ 'lɩ.

'Nyügälɩjawii 3:21

Nyɔɔlɔ nëmäa' 'wʋsi nɩ, 'nyraa 'ɔɔn nya 'na 'kɩɩkpata ‑gälɩ kʋa, 'sɩrɩ 'na 'mʋgbɛ ‑sia' 'wʋ ‑bɛ 'n mia' ‑bɛ 'mɔɔ ‑bɛ 'na Tʋ kʋa' 'ɔa 'kɩɩkpata ‑gälɩ.

Ebröönyüü 7:27

'Ɔnyɩ ‑gbɔsapɛrɩnyüü kpakü ‑mülüa 'sa ‑a bä. 'Üülü nɩ, 'ü kä 'ümä 'üa 'mʋgbɛa ‑balʋ nyra nyüüa ‑balʋa ‑gbɔ 'sa ‑srɩ o ‑srɩ. ‑Maa 'ɔɔlɔ nɩ, 'ɔ nröröa' 'ɔa 'mʋgbɛ ‑gbɔ 'lɩ 'wʋ 'doo 'plɔʋplɔʋa ‑gʋ.

Akëtë 2:33

Nyɔsʋa nya 'bʋala 'ɔɔn 'ɔnya ‑tʋ 'ɔɔn 'ɔa 'dupa 'lɩ, Tʋ nya ‑nyɩ Jesu 'Nyüna ‑Susu 'sɩrɩ 'ɔ ‑gba käa'. 'Ɔnya ‑gblɔɔ amɩ 'uun ‑gälɩ 'kä, 'a 'ii 'a 'jää ‑plɩɩ 'wʋ ‑bɛ 'a 'nööwli.

Jaan 1:29

‑Srɩ ‑gbaa' kä nɩ, Jaan 'jääa' Jesu ‑bɛ 'ɔ jaraa' 'ɔa 'pɛlɩ nɩ, 'ɔ ‑nëma: «‑Jää Nyɔsʋaa ‑Bablëëjʋlɔ 'baa' 'lɩ 'pläa ‑balʋ.

Kolɔɔsënyüü 3:1

'A nyra 'Kriisë ma sɔ 'kuaabre nɩ, 'ba 'bata cɛlɩa dii, 'a ‑nyɛɛ 'Kriisë kʋ Nyɔsʋaa 'dupa 'lɩ.

Rɔmënyüü 8:34

Nyɔɔ 'plɛɛ 'mä 'üün 'pɔnɩ le? 'Kriisë 'ɔ jä! 'Pɩrɩgälɩ nɩ, 'ɔnya sɔ jäjäa ‑tɔrʋpɩɔ, 'ɔ bä Nyɔsʋaa 'dupa 'pɛlɩ ‑bɛ 'ɔ bibie ana 'wli 'lɩ!

Akëtë 7:56

'Ɔ ‑nëma: «'Ba tɛ 'lɩ! 'N 'jää cɛ 'wʋ ‑bɛ 'ɛ ‑gaaamlɩ, ‑bɛ Nyɔɔa 'Jʋ 'nyüglö Nyɔsʋaa 'dupa 'lɩ.»

Rɔmënyüü 1:16

'Be 'nyɩ 'Mʋfagogolä 'paaa' 'Kriisëa ‑gäa 'sasakʋa 'nyüsü ‑a kä. 'Ää bä Nyɔsʋaa 'klülü 'ɔ ‑sröröa' kälɩ ‑bɛ 'ɔ 'pʋɔa' nyɔɔ o nyɔɔ toroa' 'ɔɔn plɛ: kolo juifë ‑gälɩ 'kä, ‑a jrä ünyɩa' juifë bä ‑gälɩ.

Ebröönyüü 9:16

Nyɔɔ ma tɩ 'ɔa ‑jaaa ‑pɔɔkʋ, ‑bɛ 'üma nëmä 'uun ‑täsä nɩ, 'ü kä 'ümä 'kasa 'saa jre 'sɩrɩ nyɔɔlɔ tɩa' ‑pɔɔkʋlʋ jäa'.

Matiö 22:24

«'Kpɩkpɩanyɔɔ, Moisë ‑gbala amɩ: ‹Nyɔɔ ma jä ‑bɛ 'ɔ ma 'nyɩ 'jʋ ‑a kä nɩ, 'ɔa ‑wlajʋ kä 'kusroŋlʋʋlɔ 'ɔ nyra 'ɔɔn 'mä nyɔɔlɔa 'jü ‑gu.›

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Ebröönyüü 1:13

Nyɔsʋa ‑kaapɩɔ 'aanjëɩɩ ‑gbala ‑maa: 'A ‑pɩ 'na 'dupa 'lɩ ‑a kʋ kʋ, 'kä 'n nrörö ‑na 'nyüamlɩjraranyüü ‑na bökligälɩtʋkpö 'lɩ .

2 Piɛɛrë 1:17

'Be ana Tʋ Nyɔsʋa ‑nyɩ 'ɔɔn 'nyrɩbʋalakʋ nyra 'wliklɩbʋakʋ, 'taɩn 'lɩ 'papawii sɔa' 'Wʋsi 'Bʋalakʋa ‑nyɛɛ ‑bɛ 'i 'daaa': «'Ɔ kʋa' ‑pɩ, 'ɔɔ bä 'na plɛ ‑gälɩa 'Jʋ, 'ɔɔ 'lɩ 'n ‑tʋ 'na dɔrʋa 'fɩɔ.»