Kolɔɔsënyüü 4:2 - Kuö Dëdrä Jenɛɛsë Rutë

² 'Anyɩ 'nyüglö nyɔsʋabibiekʋa ‑gʋ. 'Ba ‑tre 'imɩ, 'kä 'a 'trɛɛ Nyɔsʋa.

Kolɔɔsënyüü 4:2 Referans Kwoze

Filipënyüü 4:6

'Ana plɛ 'nyɩ ‑taaralɩ dɛɛa ‑gʋ, ‑maa wiia 'fɩɔ 'mäa' 'lɩjrä nɩ, 'ba bibie Nyɔsʋa; 'ba ‑gbala 'ɔɔn dɛɛlɛ 'a 'bataa', 'kä 'a 'trɛɛ bɩa 'ɔmɩ.

Ɛfɛsënyüü 6:18

'Ba bibie Nyɔsʋa 'taɩn a 'fɩɔ 'lɩ. Wiili kä 'fɩɔ 'a ‑waa', i 'a 'bataa', 'ba ‑gbala 'ia 'fɩɔ Nyɔsʋa, ‑maa abɩa 'Ɔa ‑Susu ji 'amɩ ‑gba. 'Anyɩ sɩa, 'ba nʋ 'imɩa 'doo, 'kä 'a bibie nyɔsʋaanyüüa 'fɩɔa 'wli 'lɩ.

Rɔmënyüü 12:12

A dɔrʋ 'bla 'amɩ 'a jre dɛɛlɛ 'naa' Nyɔsʋa tɛrɛa' 'amɩ ‑sraakäpɩa ‑gʋ. 'Ba kpʋkplɔmlɩ ‑sʋɩa 'mlɩ, 'anyɩ ‑sɩa nyɔsʋabibiekʋa ‑gʋ.

Matiö 26:41

'Anyɩ 'mʋmɔ 'ba bibie Nyɔsʋa 'a ‑pɩ ‑balʋ 'lɩ blö. Nyɔɔ 'klaa 'mʋfa bobowli ‑maa 'ɔa fugba 'nyɩ 'klü ‑a kä.»

Lukë 18:1

Jesu nya 'pala 'üün tapönänä 'klɩ ‑bɛ 'ɔ srara 'üün 'sɩrɩ 'ü käa' 'ümäa' nyɔsʋabibie 'plɔʋplɔʋ, 'üa 'klü 'nyɩ jä 'lɩ.

Lukë 21:36

'Ia ‑gʋ, 'ba ‑tre 'ana nyüfë, 'ba bibie Nyɔsʋa 'amä 'cɩcanyüü bä, 'amä 'ia wiili kä 'fɩɔ 'mäa' 'lɩjrä mlɩ 'wʋ, ‑bɛ 'amä Nyɔɔa 'Jʋ 'klɩ 'nyüglö.»

1 Piɛɛrë 4:7

Diia 'fɩɔa bɩarafa 'a 'lɩjijrö. 'A 'ia ‑gʋ, 'anyɩ 'mʋmɔ, 'ba jre 'ana nyufaa 'tierekʋ 'amä Nyɔsʋa bibie.

Kolɔɔsënyüü 1:9

A 'nua' 'iin 'wli nɩ, 'ia ‑gʋ anyɩ 'nyüglö 'ana 'wli 'lɩa nyɔsʋabibiekʋa ‑gʋ ‑a. Bibie a bibie 'ɔɔn 'ɔmä 'amɩ wiili kä 'fɩɔ 'ɔ 'bataa' srara, ɔ ‑nyɩ 'amɩ wiijejrekʋ nyra 'lɩgaglakʋ 'ɔa ‑Susu 'lɩ.

Marëkë 13:33

'Anyɩ 'mʋmɔ, 'ba bibie Nyɔsʋa, 'be 'taɩn 'lɩ kä 'mlɩ 'imäa' 'lɩjrä 'anyɩ 'iin jre ‑a jre.

Kolɔɔsënyüü 3:17

‑Bɛ diili kä 'fɩɔ 'amäa' nʋ, 'papawii 'lɩ 'aiɛ 'ana nʋnʋgbia 'mlɩ nɩ, 'ba nʋ 'imɩ 'Pläkänyɔɔ Jesua 'nyrɩklɩ; 'ba ‑srörö 'ɔɔn kälɩ 'amä Nyɔsʋalɔ bäa' Tʋ 'trɛɛ.

Kolɔɔsënyüü 2:7

Abɩa 'ana tigblii bä 'ɔɔn 'lɩ, 'kä 'ana 'kläa 'fɩɔ bä 'ɔɔn 'lɩ. 'Ba nyɔnyrɔ nyɔsʋaplɛlɛ a 'kpɩaa' 'amɩ 'lɩ, 'kä Nyɔsʋaa 'trɔrʋ 'sie 'amɩ 'klɩ.

Kolɔɔsënyüü 4:12

'Ana nyɔɔ Epafarasë 'trɛɛ 'amɩ. 'Ɔɔlɔ nɩ Jesu 'Kriisëa ‑geei 'ɔ bä, 'ɔnyɩ 'nyüglö 'ana 'wli 'lɩa ‑golufufukʋa ‑gʋ ‑a nyɔsʋabibiekʋ 'lɩ, 'amä 'wʋsɔɔrɔ ‑bɛ 'amä 'tasɩrɩ wiili Nyɔsʋa 'bataa' jre.

Kolɔɔsënyüü 3:15

'Kä 'wlinönrökʋlʋ 'Kriisë ‑nyɛɛa' 'tiere 'ana polu, 'be 'a 'wlinönrökʋlʋa ‑gʋ Nyɔsʋa we 'amɩ, 'amä nyɔɔ 'doo bä; 'ba 'trɛɛ Nyɔsʋa 'taɩn a 'fɩɔ 'lɩ.

Akëtë 1:14

'Üa 'fɩɔ ma bibie Nyɔsʋa ‑pɩɔ 'doo 'wʋ, 'üü ‑bɛ 'ŋlëgë, nyra Jesua 'yio Marii, nyra Jesua ‑wlajü.