Kolɔɔsënyüü 3:9 - Kuö Dëdrä Jenɛɛsë Rutë

⁹ 'Anyɩ käklä ‑gbagblɛ 'wʋ, 'be 'anya 'a 'ana ‑kätɩnyɔɔ ‑bɛ 'ɔa nʋnʋgbi ‑gba 'ba,

Kolɔɔsënyüü 3:9 Referans Kwoze

Ɛfɛsënyüü 4:25

'Ii känyrɩ 'ba 'pie ‑gbagblɛ! ‑Moloo ma bälɩ ɔ 'saralɩ 'ɔa ‑moloo 'cɩcasa, 'be anya 'a nyüü 'doo bä.

Ɛfɛsënyüü 4:22

'A kä 'amä 'ana ‑kätɩsaa nʋnʋgbi nyra 'ana ‑kätɩnyɔɔlɔ käa' dɛɛnyülü ‑trɔɔrɔa' ‑wälɩ 'cɛrɛ. 'Ba 'ba 'ana ‑kätɩnyɔɔlɔ, ɔ bʋblɔa' 'ana 'klä ‑gba.

Jaan 8:44

'Amɔlɔ nɩ, 'ana tʋ bä Sataan. Wiili 'ana tʋ 'bataa' 'ii 'a 'bata 'amä nʋ. 'Bala 'pläa 'käkolofa 'wʋ 'ɔ bä nyüüblanyɔɔ, 'ɔnyɩ 'salɩ 'cɩcasa ‑a, 'cɩcasa 'nyɩ 'ɔɔn 'lɩ ‑a bä. Ɔma 'salɩ 'ɔa plɛ 'klɩa wii, 'ia 'fɩɔ bä ‑gbagblɛ. ‑Gbagblɛkänyɔɔ 'ɔ bä, ‑bɛ 'ɔ bä ‑gbagblɛa tʋ.

Rɔmënyüü 6:6

A jre 'iin 'sɩrɩ 'ɔɔ ‑bɛ ana ‑kätɩnyɔɔ koloa' ‑pɩɔ 'doo 'wʋ. 'Ii känyrɩ ‑taa ‑balʋfugbalä kä 'ämä bʋblɔ a ‑kapɩ ‑balʋa ‑goou bä.

'Nyügälɩjawii 22:15

‑Maa ‑fälɩ, 'ii ‑fä, ‑gëglänyüü, 'palɩ nyüülü 'paa' ‑sagbili Nyɔsʋa 'nyɩ 'bataa', nyüüblanyüü, nyüülü traraa' ‑papadii 'wli, nyüülü ‑waa' ‑gbagblɛ ‑bɛ 'ü käa' 'ɛɛn, 'ümä tɩɔ!

'Nyügälɩjawii 21:27

Diili kä 'fɩɔ plaa' nyüü ‑fre 'lɩ Nyɔsʋaa 'klɩ ‑nëmä bätäläa 'mlɩ ‑a pa, nyüülü nöa' bɩa bʋbɔgbi, ‑bɛ ü käa' ‑gbagblɛ nɩ, 'ü ‑nëmä bätäläa 'mlɩ ‑a pa. Nyüülü kä 'dooa 'nyrɩ ‑jɩjraa' ‑Bablëëjʋa 'kläa ‑pɔɔkʋa 'mlɩ nɩ, 'üa 'doo nëmä 'äa 'mlɩ pa.

1 Timotee 1:10

‑Dɔ bälɩ nyüülü nöa' ‑sagbili Nyɔsʋa 'nyɩ 'bataa' 'üa ‑gʋ, nyɩberülü ‑bɛ nyɩberü 'piea', ü 'paaa' ‑goou 'peru, ‑gbagblɛkänyüü, nyüülü 'sɔrɩa' ‑gbagblɛsa, nyra nyüülü 'nyɩ 'bataa' 'cɩcasaa 'kpɩkpɩakʋ.

'Nyügälɩjawii 21:8

‑Maa, ü käa' ŋalɛ nyra nyüülü 'nyɩ toroa' Nyɔsʋa plɛ, ü nöa' bʋbɔgbi, nyüüblanyüü, nyüülü nöa' ‑sagbili Nyɔsʋa 'nyɩ 'bataa', ‑gëglänyüü, nyüülü traraa' ‑papanyɔsʋaɩɩ 'wli, nyra ‑gbagblɛnyüü, 'üa 'fɩɔ nya 'pʋpʋlʋ 'pütüa', 'ua kapuprʋgbaa 'mlɩ bäa. 'A 'sɔɔa në jäjä.»

Kolɔɔsënyüü 3:8

'Ii känyrɩ 'ana 'mʋgbɛ nɩ, 'ba 'pie ‑mlatɩ 'ia 'fɩɔlʋ, ibäa': 'crɛ, plɛklɩfefekʋ, plɛbʋbɔkʋ. ‑Jejreewii nyra bʋbɔwii 'nyɩ 'cie 'ana mlɩ.