Kolɔɔsënyüü 3:4 - Kuö Dëdrä Jenɛɛsë Rutë

⁴ 'Kriisë 'ɔɔ bä ana 'klä. 'Taɩn 'lɩ 'ɔmäa' 'klɩtɔrɔ nɩ, 'ana 'mʋgbɛ nyra 'ɔɔn nya 'klɩtɔrɔa 'ɔa 'wliklɩbʋabʋakʋ 'lɩ.

Kolɔɔsënyüü 3:4 Referans Kwoze

Jaan 11:25

Jesu nya ‑gbala 'ɔɔn: «'Mɔɔ bä 'kubreasɔsɔkʋ, 'nyaa bä 'klä. Nyɔɔlɔ toroa' 'mɩ plɛ nɩ, 'ɔnya 'lɩbäa ‑bakää 'ɔ jä.

1 Jaan 3:2

'Na ‑wawanyüü 'amɩ, Nyɔsʋaa 'jü a bä ‑mlatɩ, ‑bɛ 'sɩrɩ amäa' ‑srɩɩ bä nɩ, Nyɔsʋa ‑kaaŋlʋ amɩ 'iin srara. ‑Maa wiili a jrea' nɩ, 'taɩn 'lɩ 'ɔmäa' ‑srɩɩ 'ɔa nyufa srara nɩ anya 'ɔa 'sa bäa, 'be 'sɩrɩ 'ɔ bäa', 'asɩ amä 'ɔɔn 'jä.

Galaatënyüü 2:20

'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.

1 Piɛɛrë 1:13

'Ii känyrɩ, abɩa 'ana bobowli 'nyüglö, 'anyɩ 'mʋmɔ! 'Ba 'pie 'ana plɛa 'fɩɔ plɛgälɩflɛrɛkʋlʋ 'amäa' 'jä ‑gälɩ, 'taɩn 'lɩ Jesu 'Kriisë 'mäa' 'klɩtɔrɔ.

Filipënyüü 3:21

'Ɔmä ana fugbëlë 'nyɩa' 'klü kä, 'ɔa 'wliklɩbʋafugba 'lɩcicri. 'Ɔa 'klülü kä ‑gʋ 'ɔ 'kamaa' diia 'fɩɔ nɩ, 'üü 'ɔ nëmä nʋ ‑bɛ 'ɔmä ana fugba 'cici.

Jaan 17:24

'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ.

1 Piɛɛrë 5:4

'Ia 'taɩn 'lɩ ‑bablëëgbanyɛrɛnyüüa 'cifi kpakö ma 'tɔ nɩ, 'ɔnya 'amɩ 'kɩɩa 'wlugbölä plöa' ‑bɛ änyɩ bɩaa' 'klɩ ‑nyɩa.

1 Jaan 2:28

'Na 'jü 'amɩ, 'ba kʋ 'ɔɔn 'lɩ. 'Ia 'taɩn 'lɩ ɔma ji ‑srɩɩ nɩ, ana plɛ 'mä nyɔnyrɔ, 'nyüsü ‑pɩ amɩ 'bla 'ɔa jijitaɩn 'lɩ.

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.

'Nyügälɩjawii 22:14

Abɩa dɔrʋ 'bla nyüülü ‑trääräa' 'lɩ nyɔsʋaawii 'lɩ, 'üü nëmä tuulu ‑nyɛɛa' 'kläa 'bü ji, 'kä 'ünya bätäläa tatia mlɩ ‑srörö 'kä 'ünya pa.

1 Korɛɛntënyüü 15:43

'Ä ‑kanyɩ ‑gbaa ‑a kä, ‑bɛ 'ü ‑tʋʋä 'ään, ‑maa 'wliklɩbʋabʋakʋ 'lɩ 'ä sɔrɔwʋ; 'ä 'fʋma ‑bɛ 'ü ‑tʋʋä 'ään, ‑maa 'klüa 'mlɩ 'ä sɔrɔwʋ.

'Nyügälɩjawii 22:1

'Pɩrɩgälɩ nɩ, 'aanjëlɔ nya srara 'mɩ 'nielɩ ‑nyɛɛa' 'kläa 'nɩ, 'i 'järälɩkä ‑beere ‑glasɩ; Nyɔsʋaa 'kɩɩkpata nyra ‑Bablëëjʋ 'lɩ 'i sɔrɔ.

Judë 1:24

Abɩa Nyɔsʋa 'bʋala, 'ɔ 'mrɛɛ 'ɔ 'ba 'amɩ böblökʋ mlɩ, 'ɔɔ 'mrɛɛ ɔ ja 'amɩ 'ɔa 'wliklɩbʋabʋakʋ 'lɩ dɔrʋa 'mlɩ ‑beere nyüülü 'nyɩa' bʋbɔdɛɛ ‑gba kä.

1 Jaan 5:12

Nyɔɔlɔ bäa' 'Jʋ 'lɩ, 'ɔ 'klaa 'klä. Nyɔɔlɔ 'nyɩa' Nyɔsʋaa 'jʋ 'lɩbä nɩ, 'ɔnyɩ 'klä ‑a 'klaa.

Titë 2:13

'Asɩ a ‑glaaa dɔrʋ ‑srɩlɩ a toroa' plɛ. 'Ia ‑srɩ 'lɩ nɩ, ana 'Lɩmlɩbanyɔɔ Jesu 'Kriisë, ɔ bäa' ana Nyɔsʋa Kpakö, nya 'wliklɩbʋalakʋ 'lɩ jröröa.

Matiö 13:43

'A ‑plɩɩ 'klɩgänyüü 'mä 'üa Tʋa 'kamapläa 'mlɩ plörö ‑beere 'jrʋ. Nyɔɔlɔ käa' 'nununyakli, ɔ 'nu!

2 Timotee 4:8

'Bala 'saarɩ ‑gälɩ nɩ, 'klɩgä 'wlugbölä 'ümäa' 'mɩ ‑nyɩ nɩ, 'mɔɔ 'ä ‑glaaa. 'Pläkänyɔɔlɔ ‑gäa' 'klɩ ɔ ‑tʋʋäa' ‑gä, nya 'mɩ 'ään ‑nyɩa 'ia ‑srɩlɩa 'mlɩ. ‑Bɛ ‑mää 'na 'doo ‑a, nyüülü kä 'fɩɔ ‑waa' 'ɔɔn ü ‑glaaa' bɩa 'ɔa jijisrɩ bä bɩa 'lɩ.

2 Korɛɛntënyüü 4:17

'Be ‑sʋɩlɩ a 'jääa' 'fʋma ‑bɛ 'inyɩ ‑wlɛlɩ ‑a, ‑maa 'i tɛrɛ amɩ 'wliklɩbʋabʋakʋlʋ ‑sia' ana ‑sʋɩ 'wʋ. 'Ia 'wliklɩbʋabʋakʋlʋ ‑wlɛɛɛlɩ 'plɔʋplɔʋa ‑gʋ 'unya 'bʋa ‑gböösa 'unya ‑si ana ‑sʋɩ 'wʋ.

Jaan 14:6

Jesu nya ‑gbala 'ɔɔn: «'Mɔɔ bä 'nyʋfɔ, 'nyaa bä 'cɩcasa nyra 'klä. Nyɔɔ ‑o nyɔɔ jöa' Tʋa ‑nyɛɛ 'mɔɔ 'ɔ ‑srörö kälɩ.

Jaan 14:3

Ama mi, ‑bɛ ama ‑nyɩgla 'ana kʋfa 'kä nɩ, 'nyaa 'ana 'klɛɛ jia, ‑bɛ ‑plɩɩlɩ 'n kʋa' nɩ, 'amä bɩa 'lɩ kʋ.

2 Timotee 1:1

'Mɔɔ 'Pɔɔlë, ɔ bäa' Jesu 'Kriisëa apotrë, 'sɩrɩ Nyɔsʋa ‑waa'. 'Klälä 'ɔ 'daaa' 'ɔmäa' amɩ ‑nyɩ Jesu 'Kriisë 'lɩ nɩ, 'mä 'äa ‑gogo 'sa.

1 Tɛsalonikënyüü 4:17

Amɔlɔ bäa' 'lɩbänyüülü tɩɔa' 'lɩ nɩ, 'kä Nyɔsʋa nya amɩ 'wʋdɔrɔ 'kä 'ɔnya amɩ 'üün 'cakla 'kä 'ɔnya amɩ ‑gbrua 'bö ‑gälɩ ‑tʋ 'ɔmä amɩ fa a nyra 'Pläkänyɔɔ 'mä trara. 'Ia 'taɩn 'lɩ a nyra 'Pläkänyɔɔ nya ‑pɩɔ 'doo 'wʋ kʋa 'taɩn a 'fɩɔ 'lɩ.

1 Korɛɛntënyüü 1:7

'ia ‑gʋ Nyɔsʋaa 'srɛa dɩjɔ 'doo 'nyɩ 'makɩ 'amɩ ‑a, 'amɔlɔ ‑glaaa' 'taɩnlɩ kä 'mlɩ ana 'Pläkänyɔɔ Jesu 'Kriisë 'mäa' 'ɔa nyufa srara.

Jaan 20:31

‑Mɩlɩ kʋa' ‑pɩ nɩ, 'i ‑jɩjra 'kä 'amä 'saa jre Jesu bä 'Kriisë. 'Ɔ bä Nyɔsʋaa 'Jʋ, 'ama toro 'ɔɔn plɛ, 'amä 'klä 'jä 'ɔa 'nyrɩklɩ.

'Nyügälɩjawii 2:7

«Nyɔɔlɔ käa' 'nyakli ɔ po wiili Nyɔsʋaa ‑Susu ‑gbalaa' 'Cɛcʋ 'nyakli! Nyɔɔlɔ nëmäa' 'wʋsi nɩ, 'nyaa 'ɔɔn 'kläa tuulu bäa' Nyɔsʋaa Paradii 'lɩa 'bü ‑nyɩa 'ɔmä 'üün ji.»

1 Timotee 6:14

‑Träärälɩ wiili Nyɔsʋa ‑gbalaa' ‑mɩ. ‑Nyɩ blö ‑fre 'lɩ, nyɔɔ 'nyɩ 'kplara ‑mɩ wii 'kä ana 'Pläkänyɔɔ Jesu 'Kriisë jö.

Akëtë 3:15

'A 'bla 'Kläa Käkänyɔɔ. ‑Maa Nyɔsʋa 'ba 'ɔɔn jäjäa ‑tɔrʋpɩɔ, ana 'mʋgbɛ nya nʋ 'nyü anya 'jä 'imɩ.

Lukë 17:30

'Asɩ 'imä bɩa bä ‑srɩlɩ kä 'mlɩ Nyɔɔa 'Jʋ 'mäa' 'ɔa nyufa srara.

Rɔmënyüü 8:18

‑A ‑gbala 'amɩ, ama 'jä 'köklesaplɩɩa ‑sʋɩ nyra 'wliklɩbʋabʋakʋlʋ Nyɔsʋa 'mäa' 'amɩ srara nɩ, 'inyɩ pɛprɛ ‑a pɛprɛ;

Rɔmënyüü 8:19

'be 'pläa 'fɩɔ 'sosowʋ 'ümä 'taɩnlɩ kä 'mlɩ Nyɔsʋa 'mäa' 'plä 'ɔa 'jü 'klɩsrara.