Kolɔɔsënyüü 3:24 - Kuö Dëdrä Jenɛɛsë Rutë

²⁴ 'Be 'a jre 'iin 'sɩrɩ 'Pläkänyɔɔ 'mäa' 'amɩ ‑jaalä 'ɔ ‑tʋa' ‑wälɩ ‑nyɩ; 'ää bä 'ɔa nyüüa 'pɛɛ. 'Be 'Pläkänyɔɔ 'Kriisëa 'jrʋpa 'a ‑fɛɛɛ.

Kolɔɔsënyüü 3:24 Referans Kwoze

Ɛfɛsënyüü 6:8

'Be 'a jre 'iin, ‑moloo ma bälɩ, 'ɔ bä ‑geei, 'aiɛ 'ɔnyɩ ‑geei ‑a bä, 'a 'cɩcagbili ‑moloo nʋa' 'ia 'sa 'Pläkänyɔɔ 'mä 'ɔɔn 'pɛɛ.

Lukë 14:14

‑Ama nʋ 'saa, abɩa dɔrʋ 'blaa ‑mɩ, 'be 'ünyɩ dɛɛ ‑a kä 'ümä ‑na 'kpa 'sa. Nyɔsʋa nya ‑mɩ 'iin 'pɛɛa 'taɩn 'lɩ 'klɩgänyüüa 'fɩɔ 'mäa' 'kuaabre sɔ.»

Galaatënyüü 1:10

'N nöa' 'saa 'n 'paaa' wii nɩ, nyüü 'mä 'mɩ 'bʋalaa, ‑maa Nyɔsʋa? 'Mä nyüü 'tʋ kä, ‑ale ‑maa Nyɔsʋaa? Ama 'bata ɩ 'kä nyüü 'mä 'mɩ ‑wa nɩ, 'nëmä ɩ 'Kriisëa ‑geei ‑a bä.

1 Korɛɛntënyüü 7:22

'Be ‑geeilɛ 'Pläkänyɔɔ wea' nɩ, 'ɔ ‑kanyɩ ‑geei ‑a bä. 'Pläkänyɔɔ kä 'ɛmɩ. 'Asɩ nyɔɔlɔ 'nyɩa' ‑geei bä ‑bɛ Nyɔsʋa wea' bä 'Kriisëa ‑geei.

Akëtë 20:32

«'Na ‑wlajü 'amɩ, 'köklesaplɩɩ ɔ nɩ, 'n tɩɛ 'amɩ Nyɔsʋa nyra wiili 'paa' 'ɔa ‑gbinanakʋa ‑gä kälɩ. 'A wiili nëmä 'amɩ 'klü ‑nyɩ, 'ii 'mä bɩa 'amɩ ‑jaaa ‑nyɩ nyüülü kä 'fɩɔ 'ɔ ‑gäa' 'klɩa 'mlɩ.

Ebröönyüü 11:6

‑Bɛ nyɔɔ ma 'nyɩ nyɔsʋaplɛtorokʋ ‑a kä nɩ, 'ɔ ‑nëmä Nyɔsʋa 'tʋ ‑a kä 'plɔʋ. 'Be nyɔɔlɔ jijröa' Nyɔsʋa ‑gba kä 'ɔmä 'saa jre 'ɔ bä 'plä 'wʋ, 'sɩrɩ 'ɔ ‑nyɛɛa' 'mʋfadii nyüülü 'bataa' 'ɔɔn.

Ebröönyüü 10:35

'Ii känyrɩ, 'anyɩ sɩa plɛgälɩpiepiekʋa ‑gʋ. 'Be 'ɛa 'nyrɩklɩ 'ɔ tɛrɛ 'amɩ 'bɩɔ kpaku.

Ɛfɛsënyüü 6:6

'Anyɩ ‑fɛ 'jrʋpa 'taɩn 'lɩ 'ü tɛa' 'amɩ 'klɩa 'doo ‑beere 'amä nyüü 'tʋkä. ‑Maa 'ba 'palɩ 'klü 'ba nʋ 'ana plɛa 'fɩɔ 'ba nʋ wiili Nyɔsʋa 'bataa' ‑beere 'Kriisëa ‑goou.

Matiö 5:46

'Ama ‑wa nyüülü kä 'doo ‑waa' 'amɩ nɩ, dɛɛ 'plɛɛ 'a 'bata abɩa Nyɔsʋa ‑nyɩ 'amɩ le? Dapookälɩpɛrɛnyüüa 'mʋgbɛ nö 'imɩ!

Matiö 5:12

'Ba 'bri ‑bɛ abɩa dɔrʋ 'bla 'amɩ, 'be 'ana 'pɛɛ nya 'bʋaa cɛlɩ! 'Asɩ 'ü nʋ, 'ünya nʋ kä nyɔsʋaamlɩpalanyüü ‑gbi ‑gba, 'a ‑kaaŋlʋa' ji.

Judë 1:1

'Mɔɔ Judë, Jesu 'Kriisëa ‑geei, Jaakëa ‑wlajʋ, 'mɔɔ ‑jɩjraa' 'amɩ 'wʋ: 'amɔ Nyɔsʋalɔ bäa' Tʋ ‑wa ‑bɛ 'ɔ wea', 'amä 'ɔa nü bä Jesu 'Kriisëa ‑gʋ.

2 Piɛɛrë 1:1

'Mɔɔ Simɔɔ Piɛɛrë, Jesu 'Kriisëa ‑geei nyra 'ɔa apotrë, 'mɔɔ ‑jɩjra ü kä nyɔsʋaplɛ 'bʋaa' ‑beere ana nɛ 'wʋ. Ana Nyɔsʋa nyra 'Lɩmlɩbanyɔɔ Jesu 'Kriisë 'klɩgägäkʋa 'nyrɩklɩa ‑gʋ a 'klaa 'ia nyɔsʋaplɛlɛ.

Kolɔɔsënyüü 2:18

'Anyɩ 'cɛrɛ nyüülü ‑waa' 'üa nyüfëa 'klɩböbökʋ ‑wälɩ, ü ‑waa' «'aanjëa 'wlitrarakʋ» 'ünyɩ 'ba 'amɩ 'nyʋfɔ 'wʋ. Diili 'ü ‑kaapɩɔa' 'jä, 'ii 'ü toroplɛ; 'ü ‑gbaalɩ, 'ü bɔtɔ ‑tɔklʋ 'üa bobowlili ‑balʋ 'tierea', 'ii 'tuto 'ümɩ ‑bɛ ü nö 'sa.

1 Korɛɛntënyüü 3:8

Nyɔɔlɔ plaa' tuulu ‑bɛ ‑mɔlɔ 'papaa' 'uun 'nɩ ‑gba nɩ, 'ü bä dɛɛ 'dee; ‑bɛ ‑moloo ma bälɩ nɩ, 'sɩrɩ 'ɔa 'jrʋpa bäa' nɩ, 'asɩ Nyɔsʋa 'mä 'ɔɔn 'pɛɛ.

Lukë 6:35

‑Maa 'amɔlɔ nɩ, 'ba ‑wa nyüülü bäa' 'ana 'kpɛɛ 'lɩ, 'kä 'a nö 'üün 'cɩcagbi ‑gba. 'Ba ‑nyɩ 'üün, 'kä 'anyɩ bobo 'ümä 'amɩ dɛɛ ‑nyɩ. 'Ama nʋ 'saa nɩ, 'anya 'pɛɛ kpaki 'jäa, 'kä 'anya 'Wʋsi Nyɔsʋaa 'jü bä. 'Be 'ɔɔlɔ nɩ, nyüülü 'nyɩ jrea' nyüüa 'cɩcagbi, nyra plɛbʋbɔnyüü, 'ɔ nö 'cɩcagbi ‑gba.

Matiö 6:16

«‑Bɛ 'ama pa su nɩ, 'anyɩ 'kpɔɔ ‑beere ‑glagälɩsrörönyüü. Üma pa su nɩ, 'ü kpasa 'klɩ nyüü 'mä 'saa jre 'sɩrɩ 'ü paa' su. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Rutë 2:12

Abɩa Yawe 'pɛɛ ‑mɩ wiili nʋa'. Abɩa Yawe, Israɛɛlëa Nyɔsʋalɔ kä ‑pëkateri ‑jia' ‑sisrekalɩ, 'pɛɛ ‑mɩ ‑gböösa wiili kä 'fɩɔ ‑nʋa'!»

Matiö 6:5

«‑Ama bibie Nyɔsʋa nɩ, ‑nyɩ nʋ ‑glagälɩsrörönyüüa 'sa. 'Üü ‑wa 'nyüglökʋ üma bibie Nyɔsʋa juifëa 'sraaplanyëka ‑wälɩ nyra 'nyifi ‑gba; 'üü ‑wa nyüü 'mä 'üün 'jäjrä. 'Cɩcasa 'n ‑gbala 'amɩ, 'ü 'a 'üa 'pɛɛ 'jä!

Jenɛɛsë 15:1

'I ‑sia' nɩ, Yawea 'papawii nya 'tɔrɔ Abramë 'nyü ‑gälɩ, 'ɔ ‑nëma: «Abramë, ŋalɛ 'nyɩ 'bla ‑mɩ! 'Mɔɔ bä ‑na tafudɛɛlɛ kakaa' dii 'klɩ. 'Mɔɔ bä ‑na 'pɛpɛɛdɛɛlɛ sia' 'wʋ!»

Rɔmënyüü 14:18

Nyɔɔlɔ ‑trääräa' 'lɩ 'Kriisë ‑taa wiilia 'mlɩ nɩ, 'ɔnya Nyɔsʋa 'tʋkäa, 'kä nyüüa 'mʋgbɛ nya 'ɔa 'cɩcanyrɩ 'pa.

Rɔmënyüü 1:1

'Mɔɔ 'Pɔɔlë ‑jɩjra 'amɩ 'wʋ, 'mɔɔ Jesu 'Kriisëa ‑geei. Nyɔsʋa 'balɩ 'mɩ 'mä apotrë bä, 'ɔnya bere 'mɩ 'klɩ 'mä Nyɔsʋaa 'Mʋfagogo 'sa.

Jaan 12:26

Nyɔɔ ma ‑fɛ 'na 'jrʋpa, ɔ ‑mɛ 'mɩ ‑gälɩ; ‑bɛ ‑plɩɩlɩ 'n kʋa' 'na 'jrʋpafɛnyɔɔ 'mä bɩa 'lɩ kʋ. Nyɔɔ ma ‑fɛ 'na 'jrʋpa, 'na Tʋ nya 'ɔɔn 'bʋalaa.»

Matiö 10:41

Nyɔɔlɔ 'kʋɛɛa' 'lɩ nyɔsʋaamlɩpalanyɔɔ 'ɔa nyɔsʋaamlɩpala 'jrʋpaa ‑gʋ nɩ, nyɔsʋaamlɩpalanyɔɔa 'sa 'ia nyɔɔlɔ 'mä 'pɛrɛ. ‑Bɛ nyɔɔlɔ 'kʋɛɛa' 'lɩ 'klɩgänyɔɔ, 'ɔa 'klɩgäjrʋpaa ‑gʋ nɩ, 'klɩgänyɔɔa 'sa 'ia nyɔɔlɔ 'mä 'pɛrɛ.

Ebröönyüü 9:15

‑Bɛ 'a 'ia ‑gʋ 'Kriisë bä kuö dëdräa 'diprö, 'kä nyüülü Nyɔsʋa wea' 'mä ‑wɩarajalä Nyɔsʋa 'daaa' 'ɔmäa' 'üün ‑nyɩ ji. 'Be 'ɔa jäjäkʋa ‑gʋ nyüülü kʋa' 'klɩsa kuöa 'mlɩ nɩ, 'üa ‑balʋ 'mrɛɛ 'ümä kpëträ.

1 Korɛɛntënyüü 11:23

Wiili 'n 'kpɩaa' 'amɩ nɩ, 'Pläkänyɔɔ kälɩ 'n 'ba 'imɩ: ‑Gbialä kä 'mlɩ 'Pläkänyɔɔ Jesu 'saraa' nɩ, 'a ‑gbia 'dööläa 'mlɩ 'ɔ dɔrɔ 'flɔɔ 'wʋ.

1 Piɛɛrë 1:4

'Ia 'taɩn 'lɩ a 'mrɛɛ a ‑glaaa dɔrʋsa ‑jaalä Nyɔsʋa tɛrɛa' amɩ. ‑Jaalä nɩ, cɛa 'mlɩ 'ɔ tɛrɛ amɩ 'ään, ‑nyɛɛ nɩ, 'änyɩ 'lɩ ‑a bɩa ä bʋblɔ, 'änyɩ 'lɩ ‑a bɩa ä pa ‑fre ‑bɛ ä saka.