Kolɔɔsënyüü 3:14 - Kuö Dëdrä Jenɛɛsë Rutë

¹⁴ 'Ia 'fɩɔlʋa 'wliklɩ nɩ, 'ba ‑tʋ 'lɩ ‑wawlakʋ ‑gälɩ; 'uu ‑maa 'amɩ 'tasɩrɩ.

Kolɔɔsënyüü 3:14 Referans Kwoze

1 Piɛɛrë 4:8

‑Maa wiili bäa' 'ia 'fɩɔa 'wli nɩ, 'ba nʋ 'ana plɛa 'fɩɔ 'ba ‑wawla, 'be ‑wawlakʋ cere ‑balʋ 'kɔkɔmlɛ.

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

Kolɔɔsënyüü 2:2

'N 'bata abɩa 'üa 'klü 'jrara, ü bä 'tasɩrɩ nyüü 'doo ‑wawlakʋ 'lɩ, 'kä 'ümä 'lɩgaglakʋ kpaku 'jä, 'ümä wiili Nyɔsʋa ‑sisiea' 'wli 'nu, 'iibä 'Kriisë.

Jaan 13:34

‑Dɔ dëdrä 'n ‑nyɛɛ 'amɩ: 'Ba ‑wawla; 'sɩrɩ 'n ‑waa' 'amɩ, 'ba nʋ 'saa 'ba ‑wawla.

Rɔmënyüü 13:8

'Anyɩ 'klaa nyɔɔa 'kpa ima 'nyɩ ‑wawlakʋ ‑a bä; 'be nyɔɔlɔ ‑waa 'ɔa ‑moloo nɩ, 'ɔ 'a 'lɩ Nyɔsʋaa ‑dɔ ‑träärä.

Ɛfɛsënyüü 4:3

'Ba 'pa 'kpɔɔ ‑mamakʋlʋ Nyɔsʋaa ‑Susu ‑maa' 'amɩ nɩ, 'amä 'saa bäa 'doo, 'ɔɔ ‑maaa' 'amɩ, 'kä 'ɔ ja 'ana ‑tɔrʋpɩɔ 'wlinönrökʋ.

1 Jaan 4:21

‑Jää 'ɔa ‑dɔlʋ 'ɔ ‑nyɩa' amɩ: nyɔɔlɔ ‑waa' Nyɔsʋa nɩ, 'ɔ kä 'ɔmä bɩa 'ɔa ‑wlajʋ ‑wa.

2 Piɛɛrë 1:7

Nyɔsʋaa ‑gbaa kpasrakʋa ‑gälɩ nɩ, 'ba 'palɩ ‑wawlakʋ, ‑bɛ ‑wawlakʋa ‑gälɩ nɩ 'ba 'palɩ 'tasɩrɩa ‑wawakʋ.

1 Timotee 1:5

Dɛɛlɛ 'n 'batraa' wiili 'n ‑gbalaa' ‑mɩa 'mlɩ nɩ, 'ɛɛ bä ‑wawakʋlʋ sɔa' plɛlɛ 'nyɩa' ‑fre paa 'mlɩ, i sɔa' 'mʋfa bobowli 'lɩ nyra 'tasɩrɩa nyɔsʋaplɛtorokʋlʋ 'nyɩa' ‑gla 'klɩ bäa' 'lɩ.

1 Tɛsalonikënyüü 4:9

Dɛɛlɛ bäa' 'sɩrɩ 'cɛcɩnyüü 'mäa' ‑wawla nɩ, 'anyɩ 'wʋ ‑jɩjrakʋ ‑a kä, 'be Nyɔsʋaa 'mʋgbɛ 'kpɩa 'amɩ 'sɩrɩ 'amäa' ‑wawla.

Jaan 17:23

'N bä 'üün 'lɩ, ‑nya bä 'mɩ 'lɩ, 'ümä 'tasɩrɩ 'doo bä, ‑bɛ 'plä 'mä 'saa jre ‑mɔ ‑blɔ 'mɩ, 'ümä bɩa 'saa jre 'sɩrɩ ‑waa' 'mɩ, 'asɩ ‑wa 'üün.

Jaan 15:12

‑Jää 'na ‑dɔwiili 'nëmäa' 'amɩ ‑gbala: 'Ba ‑wawla, 'sɩrɩ 'n ‑waa' 'amɩ.

1 Jaan 3:23

‑Jää 'ɔa ‑dɔlʋ 'ɔ ‑nyɩa' amɩ: a toro 'ɔa 'Jʋ Jesu 'Kriisëa 'nyrɩ plɛ, 'kä a ‑wawla 'sɩrɩ 'ɔa ‑dɔlʋ 'ɔ ‑nyɩa' 'amɩ ‑gbaa'.

Ebröönyüü 6:1

'A 'ia ‑gʋ a 'kpɩa nyüükpaküa dii; a ‑si cɛtɛ 'kpɩkpɩakʋlʋ 'paaa' 'Kriisëa ‑gä ‑gba. A ‑kanyɩ 'blöö wiili ‑tuaraa' 'lɩa 'mlɩ dɛrɩ, ibäa': 'fëflɛnʋnʋgbia 'lɩgälɩtorokʋa 'kpɩkpɩadii, 'inyɩ ‑gbaa ‑a kä i fala nyüü jäjä mlɩ, nyra Nyɔsʋaa nyɔsʋaplɛtorokʋa 'kpɩkpɩadii.

Ɛfɛsënyüü 1:4

'Plä ‑kaaŋlʋ nrörö Nyɔsʋa nya 'balɩ amɩ 'Kriisë 'lɩ amä 'nyünanyüü nyra nyüülü 'nyɩa' bʋbɔdɛɛ ‑gba kä 'ɔa 'klʋɩ ‑gälɩ, 'ɔa ‑wawakʋ 'lɩ.

1 Jaan 3:10

‑Jää 'sɩ 'ü jrea' Nyɔsʋaa 'jü nyra Sataan a 'jü: nyɔɔ o nyɔɔ 'nyɩa' 'klɩgä, 'aiɛ ɔnyɩa' 'ɔa ‑wlajʋ ‑wa nɩ, 'ɔnyɩ Nyɔsʋaa 'jʋ ‑a bä.