Kolɔɔsënyüü 3:13 - Kuö Dëdrä Jenɛɛsë Rutë

¹³ 'Ba jöjrögba, ‑moloo ma nʋ ‑moloo wii ‑gba 'ima 'nyɩ 'ɔɔn 'tʋ ‑a kä nɩ, 'ba cecre wii. 'Sɩrɩ 'Kriisë cerea' bɩa 'amɩ 'ana ni: 'ana 'mʋgbɛ 'ba nʋ bɩa dɛɛ 'dee.

Kolɔɔsënyüü 3:13 Referans Kwoze

Ɛfɛsënyüü 4:32

'Ba 'nanragbi 'wʋ, abɩa 'ana plɛ 'si ‑wawlakʋ 'klɩ. 'Ba cere wii 'sɩrɩ Nyɔsʋa cerea' 'amɩ 'ana nɩ 'Kriisë 'lɩ.

Marëkë 11:25

'Asɩ 'a nëmäa' 'nyüglö 'amä Nyɔsʋa bibie nɩ, nyɔɔa wii ma bä 'ana 'mlɩ nɩ, 'ba cere 'ɔmɩ 'iin, ‑bɛ 'ana Tʋlɔ bäa' cɛa 'mlɩ 'mä bɩa 'ana ‑balʋ cere.

Jaakë 2:13

Nyɔɔlɔ 'nyɩa' nyatɛplɛ kä, Nyɔsʋaa ‑gä ‑nëmä bɩa 'ɔa nyatɛrɩ ‑a 'jä. Nyatɛplɛ ‑si ‑gäa ‑tʋtʋkʋ 'wʋ.

Ɛfɛsënyüü 4:2

'Ba 'cie 'ana nyüfë 'wʋ 'taɩn a 'fɩɔ 'lɩ, 'anyɩ kä 'crɛ, 'kä 'a kpʋkplɔmlɩ, abɩa ‑moloo bɩa ‑molooa ‑gbi mlɩ ‑wawlakʋ 'lɩ.

Matiö 6:12

Cere amɩ ana ‑balʋ 'sɩrɩ ana 'mʋgbɛ cerea' nyüülü nöa' amɩ ‑balʋ ‑gba, 'üa ‑balʋ.

2 Korɛɛntënyüü 6:6

'Sɩrɩ a bäa' Nyɔsʋaa 'jrʋpafɛnyüülü 'nyɩa' ‑fre pa, 'ii a srara 'üün, ana wiijejrekʋ 'lɩ, plɛblöblökʋ 'lɩ, ‑gbinanakʋ 'lɩ, 'Nyüna ‑Susua 'mlɩ, ‑wawlakʋlʋ 'nyɩa' ‑gla 'klɩ bäa 'mlɩ,

Galaatënyüü 6:2

'Ba jöjrögba: 'ama nʋ 'saa nɩ, 'Kriisëa ‑dɔ 'a ‑träärälɩ.

2 Korɛɛntënyüü 2:10

Nyɔɔlɔ 'a cerea' wii nɩ, 'n cere bɩa 'ɔmɩ 'iin. ‑Bɛ 'mɔɔlɔ nɩ, ama cere wii o wii nɩ, 'ana ‑gʋ 'n nö 'iin, 'Kriisëa 'klʋɩ.

Lukë 23:34

Jesu ‑nëma: «'Na tʋ, cere 'ümɩ 'iin; wiili 'ü nöa', 'ünyɩ 'iin jre ‑a jre.» 'Ünya 'pa ‑tɔɔo 'ümä 'ɔa 'koti ‑pä.

Lukë 11:4

Cere amɩ ana ‑balʋ, 'be ana 'mʋgbɛ, a cere nyüülü nöa' amɩ ‑balʋ ‑gba, 'üa ‑balʋ. 'Nyɩ tɛ bɩa amɩ 'klɩ anyɩ mi ‑balʋ 'lɩ, ‑maa 'ba amɩ Plɛbʋbɔsusu kälɩ.»

Matiö 5:44

‑Maa ‑jäsɩ 'n ‑gbalaa' 'amɩ nɩ, 'ba ‑wa 'ana 'nyüamlɩjraranyüü, nyüülü busua' 'amɩ, 'ba 'pa 'üün 'nɩ, ‑bɛ 'ba nʋ 'ana 'nyüamlɩjraranyüü 'cɩcagbi ‑gba, 'kä 'a bibie nyüülü nöa' 'amɩ ‑gbi ‑gba 'üa 'wli 'lɩ.

1 Piɛɛrë 2:21

'A 'ii 'lɩ Nyɔsʋa were 'amɩ, 'be 'Kriisëa 'mʋgbɛ 'jä ‑sʋɩ ana ‑gʋ, 'klɩpaplawii 'ɔ srara 'amɩ, 'amä 'ɔa 'sa nʋ.

Rɔmënyüü 15:7

'Ii känyrɩ, ‑moloo ma bälɩ ɔ 'kʋɛɛlɩ ‑moloo 'sɩrɩ 'Kriisëa 'mʋgbɛ 'kʋɛɛa' 'lɩ 'amɩ, Nyɔsʋaa 'nyrɩa 'bʋalakʋa ‑gʋ.

Kolɔɔsënyüü 3:12

‑Bɛ Nyɔsʋa 'baa' 'lɩ 'amɩ 'amäa' 'ɔa 'nyünanyüü nyra 'ɔa ‑wawanyüü bä nɩ, ‑bɛ 'ɔ ‑waa' bɩa 'amɩ nɩ, 'ba kä nyatɛplɛ, ‑gbinanakʋ, 'wʋcieciekʋ, plɛböblökʋ nyra 'mlɩkpʋkplɔkʋ.

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.