Kolɔɔsënyüü 3:10 - Kuö Dëdrä Jenɛɛsë Rutë

¹⁰ 'anya dɔrɔ nyɔɔ dëdräa ‑gbi 'wʋ. Nyɔɔdëdrälɔ nɩ, 'ɔ 'cici 'ɔa bobowlia 'doo 'ɔmä 'ɔa Nʋnʋnyɔɔ jajra.

Kolɔɔsënyüü 3:10 Referans Kwoze

Rɔmënyüü 12:2

'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

Kolɔɔsënyüü 3:12

‑Bɛ Nyɔsʋa 'baa' 'lɩ 'amɩ 'amäa' 'ɔa 'nyünanyüü nyra 'ɔa ‑wawanyüü bä nɩ, ‑bɛ 'ɔ ‑waa' bɩa 'amɩ nɩ, 'ba kä nyatɛplɛ, ‑gbinanakʋ, 'wʋcieciekʋ, plɛböblökʋ nyra 'mlɩkpʋkplɔkʋ.

2 Korɛɛntënyüü 5:17

Nyɔɔ nyra 'Kriisë ma bä 'doo nɩ, nyɔɔdëdrä nyɔɔlɔ bä; 'klɩbɩaa ni 'a ‑si, 'köklesa ‑plɩɩ diia 'fɩɔ bä dëdrä.

Kolɔɔsënyüü 3:14

'Ia 'fɩɔlʋa 'wliklɩ nɩ, 'ba ‑tʋ 'lɩ ‑wawlakʋ ‑gälɩ; 'uu ‑maa 'amɩ 'tasɩrɩ.

1 Jaan 2:5

‑Maa ‑mɔlɔ ‑trääräa' 'lɩ 'ɔa mlɩa wii nɩ, Nyɔsʋaa ‑wawakʋlʋ bäa' 'ɔɔn 'lɩ 'u jräwli. 'A ‑plɩɩ a jresaa 'sɩrɩ a bäa' 'ɔɔn 'lɩ.

Rɔmënyüü 13:14

‑Maa 'ba pa 'Pläkänyɔɔ Jesu 'Kriisë 'lɩ ‑beere 'kotu, 'anyɩ bobo 'nɩmɩ bʋbɔgbili käa' plɛ 'tʋ 'kä 'amä 'ana plɛ 'wʋ 'cie.

1 Jaan 2:3

Ama ‑träärälɩ 'ɔa ‑dɔ nɩ, 'a ‑plɩɩ a jresaa 'sɩrɩ a jrea' 'ɔmɩ.

Rɔmënyüü 8:29

Nyüülü 'ɔ jrea' sököö nɩ, 'ɔ 'a kä 'lɩ 'üün 'ba 'ümä bɩa 'ɔa 'Jʋa 'sa bä, 'ɔmä ‑wlajü 'kɔkɔmlɛa ‑tɔrʋpɩɔa ‑kätɩjʋ bä.

Jaan 17:3

‑Bɛ dɛɛlɛ bäa' 'klälä 'nyɩa' blöröfa kä nɩ, 'iibä: ‑mɔ kä 'doo bäa' 'cɩca Nyɔsʋa, ü jre ‑mɩ, 'kä 'ü jre Jesu 'Kriisëlɔ ‑blɔa'.

'Nyügälɩjawii 21:5

Nyɔɔlɔ kʋa' 'kɩɩkpata ‑gälɩ nya ‑nëma: «‑Jää, 'n nrörö diia 'fɩɔ dëdrä 'lɩ.» 'Ɔnya ‑gbala 'mɩ: «‑Jɩjra 'imɩ, 'be 'na 'papawii bä 'cɩcasa, 'i bä plɛgälɩpiesa.»

Ɛfɛsënyüü 2:15

'ɔa fugbaa 'mlɩ. 'Ɔ 'balɩ Moisëa ‑Dɔ nyra 'ua 'kamakʋ nyra 'ua ‑dɔ, 'kä 'ɔmä 'iia 'sɔɔlʋ ‑bɛ 'ɔɔn nyɔɔ dëdrë 'lɩnrörö, 'asɩ 'ɔ nʋ fugbalɩa flɛrɛkʋ;

Galaatënyüü 6:15

'Be ama bä Jesu 'Kriisë 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa ibäa' wii nɩ, 'ii bä: abɩa Nyɔsʋa 'patä ɔ nʋ amɩ.

2 Korɛɛntënyüü 4:6

'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.

2 Korɛɛntënyüü 3:18

Ana 'fɩɔa 'kʋɩa 'nyɩ ‑sisie ‑a ‑sisie, ‑bɛ a 'jäjrä 'Pläkänyɔɔa 'wliklɩbʋabʋakʋ ‑beere ‑titre 'lɩ. 'Cicri a 'cicri 'plɔʋplɔʋ, amä 'Pläkänyɔɔa 'sa bä; a sɔ 'wliklɩbʋalakʋ 'lɩ ‑bɛ a 'jrara 'wliklɩbʋabʋakʋ 'lɩ. 'Pläkänyɔɔlɔ bäa' ‑Susu, 'ɔa 'jrʋpa bäsaa.

Rɔmënyüü 13:12

‑Gbia 'a 'lɩtʋŋlɔ, ‑bɛ ‑srɩ jö. 'Ia ‑gʋ, a 'pie 'jöjrüükpülɩa ‑gbi, a dɔrɔ 'napɛ 'klɩa tafudii 'wʋ.

Galaatënyüü 3:27

'Amɔlɔ kä 'fɩɔ 'ü 'paa' 'nɩ 'wli 'Kriisë 'lɩ nɩ, 'anya 'a 'saa 'Kriisë 'lɩpa ‑beere 'kotu.

Ebröönyüü 6:6

‑bɛ ü 'cɛrɛa' nyɔsʋaplɛtorokʋ ‑wälɩ. 'Üülü nɩ, a ‑kanyɩ 'lɩ ‑a bɩa amä 'üün ‑balʋa ‑gälɩ 'klɩberekʋ 'lɩ ja. 'Ü nöa' 'saa nɩ, 'i ‑beere 'sɩrɩ 'ü koloa' 'sɔɔwʋ Nyɔsʋaa 'Jʋ krʋa ‑gälɩ, 'ümä 'ɔɔn 'nyüsü 'blara ‑jria 'klɩ.

Jenɛɛsë 5:1

‑Jäsɩ Adaan a 'jüa 'jüa wii nʋa' ‑sisidɛɛa ‑pɔɔkʋ. ‑Srɩlɩ kä 'mlɩ Nyɔsʋa nʋa' nyɔɔ, 'ɔa 'sa 'ɔ nʋ 'ɔɔn.

Rɔmënyüü 6:4

‑Bɛ 'a 'nɩwlipapakʋ 'lɩ a nyra 'Kriisë järä 'wʋ, 'ünya ‑träärä amɩ ‑pɩɔ 'doo 'wʋ. 'Ü 'pa amɩ 'nɩwli amä 'klä dëdrä ‑gälɩ 'nyɛrɛ 'sɩrɩ Tʋa 'wliklɩbʋabʋakʋ 'lɩ 'ɔ 'baa' 'Kriisë jäjänyüüa ‑tɔrʋpɩɔ.

2 Korɛɛntënyüü 4:16

‑Jää dɛɛlɛ kä ‑gʋ ana kpati jäa' 'lɩ. ‑Bakää ana fugba ma bʋblɔ ‑takasa nɩ, ana ‑susulu bäa' amɩ 'lɩ nö dëdrä ‑srɩ o ‑srɩ.

Filemɔɔ 1:6

'N bibie Nyɔsʋa 'kä 'ia nyɔsʋaplɛlɛ ‑maa' amɩ, ‑mä 'wʋsɔɔrɔ 'ɛmä 'cɩcasaa 'fɩɔ jre 'cɩcasalä a 'klaaa' 'Kriisë Jesua ‑gʋ.