Kolɔɔsënyüü 2:8 - Kuö Dëdrä Jenɛɛsë Rutë

⁸ 'Ba ‑tre 'ana nyüfë nyɔɔ 'nyɩ nʋ nyɔɔa wiijejrekʋlʋ 'nyɩa' ‑tɔɔɔ kä 'ɔnyɩ fa 'ana plɛ. 'Ia 'samaa wiijejrekʋlʋ nɩ, nyüüa ‑dɔ nyra 'plälä kʋa' ‑pɩa ‑dɔ ‑gälɩ 'i ‑pɩara 'wʋ, ‑mää 'Kriisë ‑gälɩ ‑a.

Kolɔɔsënyüü 2:8 Referans Kwoze

1 Timotee 6:20

‑Wlajʋ Timotee, 'kpla 'mʋfasa wiili a ‑nyɩa' ‑mɩ kälɩ. ‑Gaalalɩ dɛtʋlʋ 'nyɩa' 'wli nyra ‑toko kä ‑gälɩ, 'kä ‑gaalalɩ ‑gbagblɛ ‑srɛsrɛkʋlʋ 'nyɩa' ‑gbaakä ‑gälɩ.

Ɛfɛsënyüü 5:6

Nyɔɔ 'nyɩ nʋ wiili 'nyɩa' ‑tɔɔ kä 'ɔnyɩ 'pa 'amɩ mlüü 'lɩ. 'A 'samaa nʋnʋgbili 'ii 'kʋɛɛrɛ Nyɔsʋaa 'crɛ nyüülü 'nyɩ ‑trääräa' 'lɩ 'ɔmɩ ‑gälɩ.

Matiö 7:15

«'Ba ‑tre 'ana nyüfë ‑gbagblɛ nyɔsʋaamlɩpalanyüüa ‑gʋ! ‑Bablëëjüa 'fu 'ü 'paa ‑gälɩ ‑bɛ 'ü jö 'ana ‑tɔrʋpɩɔ, ‑maa klaklamlaa 'ü bä.

Galaatënyüü 4:9

‑Maa ‑plɩɩlɩ 'anya 'a Nyɔsʋa jre, 'aiɛ Nyɔsʋa jrea' 'amɩ nɩ, ‑asɩ 'a nö ‑bɛ 'a ‑ka ‑träärälɩ 'pläa ‑dɔlʋ 'nyɩa' 'klü nyra ‑gbaa ‑a kä le? 'A ‑ka 'bata 'amä ‑goou bä?

Kolɔɔsënyüü 2:20

'A nyra 'Kriisë 'sɔ järä 'wʋ, ‑dɔlʋ kä 'fɩɔ ‑pɩ ‑tʋtʋ ‑gälɩa nyüü ‑tʋa' 'lɩ nɩ, 'anya 'a 'uun mlɩ 'wʋ. Dɛplɛɛ kä ‑gʋ 'a ‑ka 'cɛrɛ 'ana nyüfë ‑wälɩ ‑bɛ 'ü nö 'saa 'ü ‑ka ‑tʋʋä 'amɩ 'ia ‑dɔlʋ ‑gälɩ, ‑beere 'sɩrɩ ana 'klä ‑ka bäa' ‑taa 'plälä kälɩ le; ibäa':

2 Timotee 3:13

‑Maa plɛbʋbɔnyüü nyra yrʋkänyüü kɔsɔ nɩ, ‑balʋlʋ 'ü nöa', 'ua ‑flia 'doo 'ü 'cere. 'Ünya ‑mölöö ‑trɔɔrɔa, 'kä ‑mölöö nya bɩa 'üün ‑trɔɔrɔ.

2 Piɛɛrë 3:17

'Na ‑wawanyüü 'amɩ, 'be 'a jre 'iin sököö, 'ii känyrɩ 'ba ‑tre 'ana nyüfë, nyüüa ‑balʋgbi ‑pɩ 'iin nʋ 'a ‑pɩ 'ana nyüfë 'mɔlɔ. 'Asɩ 'ana nyɔsʋaplɛ 'mä nyɔnyrɔ 'mʋfasa.

Ebröönyüü 13:9

'Anyɩ 'cɛrɛ 'ana nyüfë ‑wälɩ nyɔɔ 'nyɩ ji 'ɔnyɩ 'kpɩa 'amɩ ‑pasa 'kpɩkpɩakʋ, u nyra ‑mulu 'a 'kpɩaa' 'nyɩa' dɛɛ 'dee bä. 'I 'na Nyɔsʋaa ‑gbinanakʋ 'mä ana polu 'klülɩpa, ‑maa ‑mää jijria ‑dɔ ‑a. 'Ia ‑dɔlʋ nɩ, 'u ‑kaapɩɔ nyüülü prɛa' 'uun dɛrɩ 'känyɩgla.

2 Jaan 1:8

'Ii känyrɩ, 'ba ‑tre 'ana nyüfë, ana 'jrʋpaa jijrɛ ‑pɩ amɩ kälɩ 'wʋ, ‑maa 'ɛmä amɩ 'wʋ ‑ji.

Galaatënyüü 4:3

'Asɩ ana 'mʋgbɛ bä kä: a bä käa' nyükuea 'saa nɩ, 'plälä kʋa' ‑pɩ, 'äa ‑dɔa ‑goou a ma bä.

2 Korɛɛntënyüü 10:5

A totrolɩ bobowli ‑gälɩ, nyra 'lɩgba wiili kä 'fɩɔ ‑trääräa' 'lɩ, i kaa' nyüü 'klɩ 'ü ‑pɩ Nyɔsʋa jre. A kala nyɔɔa bʋbɔ bobowlia 'fɩɔ dɛrɩ, amä 'iin fa 'imä 'lɩ 'Kriisë ‑träärä.

Kolɔɔsënyüü 2:18

'Anyɩ 'cɛrɛ nyüülü ‑waa' 'üa nyüfëa 'klɩböbökʋ ‑wälɩ, ü ‑waa' «'aanjëa 'wlitrarakʋ» 'ünyɩ 'ba 'amɩ 'nyʋfɔ 'wʋ. Diili 'ü ‑kaapɩɔa' 'jä, 'ii 'ü toroplɛ; 'ü ‑gbaalɩ, 'ü bɔtɔ ‑tɔklʋ 'üa bobowlili ‑balʋ 'tierea', 'ii 'tuto 'ümɩ ‑bɛ ü nö 'sa.

1 Piɛɛrë 1:18

A jre ‑srülü Nyɔsʋa 'saa' 'ana 'lɩmlɩwʋwʋkʋa ‑gʋ, 'kä 'a nö ‑gbili 'nyɩa' ‑tɔɔ kä i 'a 'kpɩaraa' 'ana tʋɩɩ ‑gbaa. ‑Mää diili 'nyɩ ‑wlɛa' 'lɩ ‑beere mölii 'aiɛ ‑sika 'ɔnyɩ nʋ ‑bɛ 'ɔnyɩ 'amɩ ‑su.

Rɔmënyüü 16:17

'Na ‑wlajü 'amɩ 'n bibie 'amɩ: 'ba ‑tre 'ana nyüfë nyüülü ‑gbaaa' nyüü 'kä 'üa ‑gʋ, 'ü to nyüü ‑gbasu 'ümä 'üün 'käkpa. I 'ü nöa' nyra wiili 'a 'kpɩaa' 'nyɩ po ‑a po! 'Ba tʋŋlɔlɩ 'üün dɛrɩ!

Ɛfɛsënyüü 4:20

‑Maa 'amɔlɔ nɩ, ‑mää 'sɩ anyɩ 'amɩ 'Kriisë srara!

Galaatënyüü 1:14

‑Bɛ 'na ‑mölöö juifëa ‑tɔrʋpɩɔ 'mɔɔ ma fumö, 'mɔɔ ma ‑träärälɩ juifëcɛcɩ ‑gböösa, 'mɔɔ ma ‑träärälɩ ana tʋɩɩa ‑dɔ.

Filipënyüü 3:2

'Ba ‑tre 'ana nyüfë bʋbɔ 'jrʋpafɛnyüülü ‑beerea' ‑fä, 'üa ‑gʋ; 'ba ‑tre 'ana nyüfë nyüülü 'daaa' 'ü 'bölö, 'üa ‑gʋ!

Matiö 16:6

Jesu nya ‑gbala 'üün: «'Amɔ 'n ‑gbala! 'Ba ‑tre 'ana nyüfë Farisinyüü nyra Sadusinyüüa levurëa ‑gʋ!»

Matiö 10:17

«‑Maa 'ba ‑gäälä 'ana nyüfë 'nyiöli nyüüa ‑gʋ. 'Ünya 'amɩ juifëa tropina 'lɩa nyüü kälɩ 'saraa, 'kä 'ünya 'amɩ ‑gbalɛfi ‑gälɩgbagba 'üa 'sraaplanyukua ‑wälɩ.

Kolɔɔsënyüü 2:22

'Ia 'fɩɔ kʋa' ‑pɩ nɩ, 'i ‑beere 'sɩrɩ nyɔɔ ‑fɛɛɛa' dɛɛ ‑gba ‑bɛ 'ɛ bɩaraa'. Nyüüa ‑dɔ nyra 'üa 'kpɩkpɩakʋlʋ 'ü 'kpɩaa' nyüü, 'ii kʋ ‑pɩ!

Ɛfɛsënyüü 2:2

'Ana nʋnʋgbi nyra ‑taa 'plälä kʋa' ‑pɩa nyüü ma bäa' dɛɛ 'dee, ‑bɛ 'a ma prɛ cɛ nyra ‑tʋtʋa ‑tɔrʋpɩɔa 'klüa 'cifi dɛrɩ; 'a 'ia ‑susulu 'uu ‑fɛɛɛrɛ nyüülü 'nyɩ ‑trääräa' 'lɩ Nyɔsʋaa 'kläa 'mlɩ 'jrʋpa.

Akëtë 17:18

'Kpɩkpɩanyüülü 'ü 'daraa' Epikuriinyüü nyra Sëtoisënyüü nyra 'ɔɔn ‑topo. ‑Mölöö nö: «‑Taa ‑yrɛkänyɔɔlɔ nɩnɩa dɛɛ 'plɛɛ le?» ‑Mölöö 'jä 'ɔɔn 'ɔnya 'pa Jesua ‑gä nyra 'sɩrɩ 'ɔ sɔa' 'kuaabre, 'ia ‑gʋ 'ü nö ‑maa: «'I ‑beere ‑pasa nyɔsʋaɩɩa wiipanyɔɔ 'ɔ bä.»

Akëtë 17:32

Nyüü 'nua' 'kä «jäjänyɔɔ 'mä 'kuaabre sɔ» nɩ, ‑mölöö srörö 'Pɔɔlë, ‑bɛ ‑mölöö nö ‑maa: «‑Taa wiili kʋa' ‑pɩ ‑saalɩ nɩ, anya 'sɔɔwʋ ‑mɩ 'nyaklipoa.»

1 Korɛɛntënyüü 8:9

‑Maa o, ‑bakää 'a 'mrɛɛ 'amä diia 'fɩɔ ji nɩ, 'ba ‑tre 'ana nyüfë 'a ‑pɩ 'cɛcɩnyüülü 'fʋmaa' 'käkpa!

1 Korɛɛntënyüü 10:12

'Ii känyrɩ, ‑moloo ma bobo ‑maa 'ɔ nyɔnyrɔ nɩ, ɔ ‑tre 'ɔa nyufa 'ɔ ‑pɩ blö.

Galaatënyüü 5:15

‑Maa 'ama mömlö 'lɩ 'ana ‑tɔrʋpɩɔ ‑beere mlaa, ‑bɛ 'ama 'babla 'lɩ nɩ, 'ba ‑tre 'ana nyüfë 'a ‑pɩ 'lɩbɩa.

Kolɔɔsënyüü 2:23

‑Yɛɛ, 'i jajra 'lɩgaglakʋa 'jrʋpa, 'be 'i kpɛrɛ nyüü Nyɔsʋaa ‑pʋpʋakʋ; ‑kä ‑mä ‑na nyufa 'wʋ 'cie; ‑kä ‑mä ‑na fugba ‑gbigba nʋ. ‑Maa 'inyɩ 'lɩ ‑a bɩa i ka 'jajɛ 'klɩ 'kä wiili 'ɛ 'bataa' 'ɛmä 'iin nʋ.

Ebröönyüü 3:12

'Na ‑wlajü 'amɩ, 'ba ‑tre 'ana nyüfë! 'Ana ‑tɔrʋpɩɔa nyɔɔ 'nyɩ kä bʋbɔplɛ, plɛlɛ blaraa' nyɔsʋaplɛtorokʋ 'klɩ ‑bɛ ɛ sɔa' 'Lɩbä Nyɔsʋa dɛrɩ.