Kolɔɔsënyüü 2:5 - Kuö Dëdrä Jenɛɛsë Rutë

⁵ ‑Bakää ama tʋŋlɔ 'amɩ 'lɩdɛrɩ nɩ, 'nyraa 'amɩ bä ‑pɩɔ 'doo 'wʋ 'na bobowlia 'mlɩ; ‑bɛ ama 'jä 'sɩrɩ wiia 'fɩɔ ‑sööa' 'mʋfasa ‑bɛ 'ana nyɔsʋaplɛtorokʋ nyɔnyrɔa' 'Kriisë 'lɩ nɩ, 'i kä 'mɩ dɔrʋ 'wʋ ‑gböösa.

Kolɔɔsënyüü 2:5 Referans Kwoze

1 Tɛsalonikënyüü 2:17

‑Maa 'na ‑wlajü 'amɩ, a sɔsrɔa' ‑gba jrüü jiea 'mlɩ nɩ, anyɩ 'jäjrä 'wʋ ‑a, ‑maa ana polu 'jäjrä 'wʋ. 'Bala 'ia 'taɩn 'lɩ nɩ, a 'paa 'kpɔɔ amä 'amɩ 'jä, 'be 'ana 'tʋ 'si amɩ 'klɩ ‑gböösa.

1 Piɛɛrë 5:9

'Anyɩ ‑nyɩ 'ɔɔn 'casɩ, 'ba ‑sɔɔrɔ 'ana nyɔsʋaplɛtorokʋ 'wʋ, 'be 'ana ‑wlajü ‑mülü bäa' 'pläa 'fɩɔa 'mlɩ 'jää bɩa ‑sʋɩ ‑beere 'amɔ.

1 Korɛɛntënyüü 16:13

'Anyɩ 'mʋmɔ, abɩa 'ana nyɔsʋaplɛ nyɔnyrɔ, 'ama nëmä wii nʋ 'ba nʋ 'imɩ nyɩbɛsa, 'ba 'paplaklü 'lɩ.

Ebröönyüü 3:14

'Be diili kä 'fɩɔ bäa' 'Kriisëa dii, amɔ kä 'imɩ, ‑maa a kä amä ana plɛgälɩpiepiekʋ 'lɩ kʋ kʋ ‑a ji 'plä 'mä bɩa,

1 Korɛɛntënyüü 14:40

Abɩa wiia 'fɩɔ nrörö 'klɩtotrosa, 'inyɩ 'caklalɩ.

Ebröönyüü 6:19

'Ia plɛgälɩpiepiekʋlʋ ‑beere dɛɛlɛ 'nyɩ ‑täfläa' 'lɩ, 'u 'suru 'unya ‑sɔɔrɔwʋ. 'Ia plɛgälɩpiepiekʋlʋ ‑gööö pösödɔʋlʋ bäa' cɛlɩa Nyɔsʋaanyuku kpaku ‑wälɩ 'lɩ, 'kä 'ɛ 'tɔɔ Nyɔsʋaanyuku kpaku ‑wälɩa ‑plɩɩlɩ 'nyɩa' ‑fre pa.

1 Tɛsalonikënyüü 3:8

'Köklesaplɩɩ nɩ, ana plɛ ‑kanyɩ ‑taara 'lɩ ‑a, 'be 'a ‑sɔɔrɔwʋ 'Pläkänyɔɔ 'lɩ.

1 Korɛɛntënyüü 15:58

'Ii känyrɩ 'na ‑wawawlajü 'amɩ, 'ba ‑sɔɔrɔwʋ, 'ba 'nyüglö nyɩbɛsa. 'Ba kpɛrɛ 'ana nyüfë 'taɩn a 'fɩɔ 'lɩ, 'amä 'Pläkänyɔɔa 'jrʋpa ‑fɛ. 'A jre 'iin 'sɩrɩ 'jrʋpalä 'a ‑fɛɛɛa' 'nyɩa' 'fëflɛsa bä.

Kolɔɔsënyüü 2:1

‑Jää wiili 'a käa' 'amäa' jre, 'tasɩrɩa ‑golu 'n ‑fuuö 'ana ‑gʋ. Nyüülü kʋa' bɩaa' Laodisiibätä, nyra nyɔsʋaanyüü ‑mülü ‑kaapɩɔa' 'na 'klʋɩ 'jä, 'üa ‑gʋ 'n ‑fuuö.

1 Korɛɛntënyüü 11:34

‑Bɛ ‑gbëka ma 'bla nyɔɔ nɩ, ɔ tara 'ɔa ‑nyɛɛ, Nyɔsʋa ‑pɩ 'amɩ 'pɔnɩ 'taɩn 'lɩ 'amäa' trara. Wii ‑mɩlɩ 'a 'betrea' 'mɩ 'lɩ nɩ, ama ji 'nyaa 'iin 'känyɩglaa.

Akëtë 2:42

'Ü ‑tʋʋä apotrëa 'kpɩkpɩakʋ 'nyügba, 'ü bä nyüü 'doo, 'ü ‑päplä jijri 'lɩ ‑bɛ 'ü bibrie Nyɔsʋa ‑pɩɔ 'doo 'wʋ.

Rutë 1:18

Naomii jrea' 'saa Rutë fioro 'üa 'wʋnyɛrɛkʋ 'lɩ nɩ, 'ɔnya 'ba 'ɔɔn 'mä dɛrɩ.

Akëtë 20:21

'N ‑gbala juifë nyra grɛɛkë ü 'pie 'üa ‑balʋ 'ümä Nyɔsʋa 'lɩträärä, 'ümä ana 'Pläkänyɔɔ Jesu 'Kriisë plɛtoro.