Kolɔɔsënyüü 2:4 - Kuö Dëdrä Jenɛɛsë Rutë

⁴ Nyɔɔ ‑moloo ‑pɩ yrʋdɛtʋ nʋ 'ɔ ‑pɩ 'amɩ mlüülɩpa, 'ia ‑gʋ 'n ‑gbala 'amɩ.

Kolɔɔsënyüü 2:4 Referans Kwoze

1 Jaan 4:1

'Na ‑wawanyüü 'amɩ, 'a 'nɩ 'pie ‑sisia 'fɩɔ plɛ ‑gälɩ; ‑maa 'ba tɛlɩ 'iin 'amä 'iin 'jä ima bä Nyɔsʋaa ‑susu. ‑Gbagblɛnyüülü 'daraa' 'üa nyüfë nyɔsʋaamlɩpalanyüü, ü jia' 'plälä kʋa' ‑pɩa 'mlɩ, 'ü ‑sümlö.

Ɛfɛsënyüü 4:14

'Ia 'taɩn 'lɩ, a ‑ka ‑nëmä 'jü ‑a bä. A ‑ka ‑nëmä ‑beere 'sɩrɩ 'taniea 'nɩdakë faa' ‑gɔlʋ ‑a. ‑Gbagblɛnyüülüa 'kpɩkpɩakʋ ‑ka ‑nëmä amɩ 'lɩklɩ ‑a ‑piie. 'Ü ‑ka ‑nëmä amɩ ‑gbagblɛ ‑a 'sara 'ümä amɩ ‑trɔɔrɔ.

Matiö 24:4

Jesu nya ‑gbala 'üün: «'Ba ‑tre 'ana nyüfë! Nyɔɔ 'nyɩ 'pa 'amɩ mlüülɩ.

2 Jaan 1:7

'Be nyüütrɔɔrɔnyüü 'kɔkɔmlɛ 'a 'pläa 'mlɩ ‑gbaala. 'Sɩrɩ Jesu 'Kriisë ‑sröröa' nyɔɔ 'lɩ ‑bɛ 'ɔ jia' 'pläa 'mlɩ nɩ, 'inyɩ ja 'üa mlɩ ‑a. Nyɔɔlɔ nöa' 'saa nɩ, 'ɔɔ bä nyüütrɔɔrɔnyɔɔlɔ, ‑bɛ 'ɔ bä ‑gbagblɛ 'kriisëlɔ.

Marëkë 13:22

'N 'paa' 'iin nɩ, ‑gbagblɛ 'kriisë nyra ‑gbagblɛ nyɔsʋaamlɩpalanyüü nya ‑srɩɩ 'lɩbäa; 'ünya ‑saragbi nyra plɛklɩkalawii nʋa, 'ünya 'nɩmɩ nyüülü Nyɔsʋa 'baa' 'lɩ mlüü 'lɩpaa ima bä 'ia 'sa.

'Nyügälɩjawii 20:8

'kä 'ɔnya 'cie 'ɔmä ‑tʋtʋ ‑gälɩa ‑glügbülü 'ü 'daraa' Gɔgë nyra Magɔgë ‑trɔɔrɔ. 'Ia 'blɩlɩ tʋŋlɔlɩ ‑tʋtʋ dɛrɩ. Sataan nya 'üün ‑gbaplaa 'ümä tou ‑fu, 'ünya ‑sümlöa ‑beere 'taniea 'pisiatu.

2 Timotee 3:13

‑Maa plɛbʋbɔnyüü nyra yrʋkänyüü kɔsɔ nɩ, ‑balʋlʋ 'ü nöa', 'ua ‑flia 'doo 'ü 'cere. 'Ünya ‑mölöö ‑trɔɔrɔa, 'kä ‑mölöö nya bɩa 'üün ‑trɔɔrɔ.

2 Timotee 2:16

‑Gaalalɩ 'fëflɛ ‑topokʋ ‑gälɩ, 'ii ‑bɛ nyɔsʋaplɛ 'nyɩ dɛɛ 'dee ‑a bä; 'be nyüülü nöa' 'iin nɩ, Nyɔsʋa 'ü tʋŋlɔlɩdɛrɩ ‑srɩ o ‑srɩ,

Ɛfɛsënyüü 5:6

Nyɔɔ 'nyɩ nʋ wiili 'nyɩa' ‑tɔɔ kä 'ɔnyɩ 'pa 'amɩ mlüü 'lɩ. 'A 'samaa nʋnʋgbili 'ii 'kʋɛɛrɛ Nyɔsʋaa 'crɛ nyüülü 'nyɩ ‑trääräa' 'lɩ 'ɔmɩ ‑gälɩ.

Akëtë 20:30

'Ana 'mʋgbɛa ‑tɔrʋpɩɔ nyüü nya 'wʋsɔa 'kä 'ünya 'lɩ ‑gbagblɛ ‑gä 'sa, 'ümä 'cɛcɩnyüü 'nyʋfɔ 'wʋ 'ba.

'Nyügälɩjawii 20:3

'Ɔnya be 'uun 'lɩtʋŋlɔbütügba 'lɩ, 'ɔnya kpa 'bütügbalä 'klɩ 'ɔnya blörö 'ämɩ 'u ‑pɩ 'cie ‑bɛ 'u ‑pɩ ‑tʋtʋ ‑gälɩa ‑glügbü ‑trɔɔrɔ. 'Ii 'umä kʋ kʋ 'kä ‑sɩa ‑diisɔɔ ‑glʋɩpʋ (1 000) nya ‑si. 'Ima ‑si 'kä 'ɔnya 'uun ‑wälɩ 'cɛrɛ 'umä jrüü jiea ‑si.

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

'Nyügälɩjawii 12:9

‑Gblɔtrɔ kpakulu, ‑kätɩ trɔɔlʋ 'ü 'daraa' ‑Balʋsusu 'aiɛ Sataan, ɔ ‑trɔɔrɔa' nyüülü kä 'fɩɔ bäa' ‑tʋtʋ ‑gälɩ. 'Ünya be 'uun ‑tʋtʋ ‑gälɩ, 'ɔɔ ‑bɛ 'ɔa 'aanjëɩɩa 'fɩɔ.

1 Jaan 2:26

Nyüülü 'paaa' 'amɩ mlüülɩ nɩ, 'üa ‑gʋ 'n ‑jɩjra 'imɩ.

1 Jaan 2:18

'Na 'jü 'amɩ, ‑gälɩblörögliii 'lɩ a bä. 'A 'nu 'sɩrɩ ‑gbagblɛ 'kriisë jöa', ‑bɛ ‑plɩɩlɩ a 'palaa' wii nɩ, ‑gbagblɛ 'kriisë 'kɔkɔmlɛ 'a ji. 'Ii ‑gbala amɩ 'sɩrɩ a bäa' ‑gälɩblörögliii 'lɩ.

Kolɔɔsënyüü 2:18

'Anyɩ 'cɛrɛ nyüülü ‑waa' 'üa nyüfëa 'klɩböbökʋ ‑wälɩ, ü ‑waa' «'aanjëa 'wlitrarakʋ» 'ünyɩ 'ba 'amɩ 'nyʋfɔ 'wʋ. Diili 'ü ‑kaapɩɔa' 'jä, 'ii 'ü toroplɛ; 'ü ‑gbaalɩ, 'ü bɔtɔ ‑tɔklʋ 'üa bobowlili ‑balʋ 'tierea', 'ii 'tuto 'ümɩ ‑bɛ ü nö 'sa.

Kolɔɔsënyüü 2:8

'Ba ‑tre 'ana nyüfë nyɔɔ 'nyɩ nʋ nyɔɔa wiijejrekʋlʋ 'nyɩa' ‑tɔɔɔ kä 'ɔnyɩ fa 'ana plɛ. 'Ia 'samaa wiijejrekʋlʋ nɩ, nyüüa ‑dɔ nyra 'plälä kʋa' ‑pɩa ‑dɔ ‑gälɩ 'i ‑pɩara 'wʋ, ‑mää 'Kriisë ‑gälɩ ‑a.

Galaatënyüü 2:4

‑Bɛ 'ia 'fɩɔlʋ kʋa' ‑pɩ nɩ, 'a ‑gbagblɛwlajülü palaa' ana ‑tɔrʋpɩɔ, 'üü nʋ 'imɩ. Yrʋsa 'ü prɛ amɩ dɛrɩ, 'ümä 'iin 'jä 'sɩrɩ a ‑kanyɩa' ‑goou bä Jesu 'Kriisë 'lɩ. 'Be 'ü 'bata 'ümä amɩ ‑dɔa ‑goou 'lɩnrörö.

2 Korɛɛntënyüü 11:3

'Sɩrɩ trɔɔ nʋa' ‑bɛ 'u nʋa' 'ua yrʋ 'u ‑trɔɔrɔa' Ɛvë nɩ, 'asɩ ŋalɛ 'blaa 'mɩ 'sɩrɩ 'ana bobowli ma 'kplaa 'kasa 'Kriisë nɩ, 'i ‑pɩ kälɩ ‑sie.

1 Korɛɛntënyüü 2:4

'Na 'papawii nyra 'na nyɔsʋaawiili 'n 'paa' ‑bɛ nyüü 'daraa' 'iin wii nɩ, ‑mää nyɔɔa 'lɩgaglakʋ 'nyɩ nʋ; ‑maa 'Nyüna ‑Susu 'u 'pa 'na 'papawii 'klü ‑gälɩ,

Matiö 24:24

'N 'paa' 'iin nɩ, ‑gbagblɛ 'kriisë nyra ‑gbagblɛ nyɔsʋaamlɩpalanyüü nya ‑srɩɩ 'lɩbäa. 'Ünya ‑saragbi kpakü nyra plɛklɩkalawii nʋa, 'ünya 'nɩmɩ nyüülü Nyɔsʋa 'baa' 'lɩ mlüü 'lɩpaa ima bä 'ia 'sa.

Ɛfɛsënyüü 4:17

'Ii känyrɩ, 'amɔ 'n ‑gbala ‑bɛ 'n bɔtrɔ 'iin ‑gälɩ 'kä 'Pläkänyɔɔa 'nyrɩklɩ: 'a ‑kanyɩ 'nyɛ ‑mülü 'nyɩ toroa' Nyɔsʋa plɛa 'sa. 'Üa bobowli 'nyɩ mi 'klɔɔtrʋ ‑a.