Kolɔɔsënyüü 2:3 - Kuö Dëdrä Jenɛɛsë Rutë

³ Dɛɛlɛ bäa' 'bɩɔ, 'lɩgaglakʋa 'fɩɔ nyra wiijejrekʋa 'fɩɔ, 'ɔɔ 'lɩ 'i ‑sisre.

Kolɔɔsënyüü 2:3 Referans Kwoze

1 Korɛɛntënyüü 1:24

‑Maa ‑mülü Nyɔsʋa wea' ü bäa' juifënyüü nyra grɛɛkënyüü nɩ, 'ü jre 'iin 'sɩrɩ 'Kriisë bäa' Nyɔsʋaa 'klü nyra 'ɔa 'lɩgaglakʋ;

1 Korɛɛntënyüü 1:30

'Amɔlɔ nɩ, Nyɔsʋa nrörö 'amɩ 'doo 'lɩ 'amɔ ‑bɛ 'Kriisë Jesu 'sɔ; Nyɔsʋa nya nrörö 'ɔɔn 'lɩgaglakʋ 'lɩ ana ‑gʋ, 'ɔɔ Nyɔsʋa ‑srörö kälɩ 'kä 'ɔ ‑gäää amɩ 'klɩ, 'ɔnya bere amɩ 'klɩ amä 'ɔa nyüü bä, 'kä 'ɔ 'baa amɩ ‑balʋ 'lɩ.

Rɔmënyüü 11:33

Nyɔsʋaa ‑gbinanakʋ 'bʋa! 'Ɔa 'lɩgaglakʋ nyra 'ɔa wiijejrekʋ 'bʋa! Nyɔɔ 'plɛɛ jre wiili Nyɔsʋa 'daaa' 'ɔmäa' nʋ le? Nyɔɔ 'plɛɛ 'mrɛɛ 'ɔ 'nu 'ɔa ‑gätʋtʋkʋ 'wli le? Nyɔɔ 'plɛɛ 'mrɛɛ 'ɔ 'nu wiili 'ɔ 'bataa' 'wli le!

Kolɔɔsënyüü 1:9

A 'nua' 'iin 'wli nɩ, 'ia ‑gʋ anyɩ 'nyüglö 'ana 'wli 'lɩa nyɔsʋabibiekʋa ‑gʋ ‑a. Bibie a bibie 'ɔɔn 'ɔmä 'amɩ wiili kä 'fɩɔ 'ɔ 'bataa' srara, ɔ ‑nyɩ 'amɩ wiijejrekʋ nyra 'lɩgaglakʋ 'ɔa ‑Susu 'lɩ.

Ɛfɛsënyüü 1:8

‑Bɛ wiijejrekʋ nyra 'lɩgaglakʋ 'sia' 'ɔɔn 'lɩ nɩ, 'ia ‑gʋ 'ɔ ‑gblɔɔ amɩ 'ia ‑gbinanakʋlʋ 'wʋ 'kä ‑gböösa.

Matiö 10:26

«'Ii känyrɩ 'anyɩ pɩ 'üün, 'be diili kä 'fɩɔ ‑sisiea' nya 'wʋcrɛrɛa, ‑bɛ wiili 'nyɩa' 'lɩsara nya jrerea.

Kolɔɔsënyüü 3:16

Abɩa 'Kriisëa 'papawiia 'fɩɔ kʋ 'amɩ 'lɩ. ‑Moloo ma bälɩ ɔ 'kpɩa 'ɔa ‑moloo, ‑bɛ 'ba 'papla toto 'lɩglasa: 'ba brɩ nyɔsʋaa 'lɩbrɛrɛdʋ, Jesubibriedʋ, nyra 'dʋlʋ Nyɔsʋaa ‑Susu ‑nyɛɛa' 'amɩ ‑bɛ 'ba brɛrɛ 'Pläkänyɔɔ 'lɩ. 'Ba nʋ 'ana polua 'fɩɔ 'amä 'ɔɔn 'trɛɛ.

'Nyügälɩjawii 2:17

«Nyɔɔlɔ käa' 'nyakli ɔ po wiili Nyɔsʋaa ‑Susu ‑gbalaa' 'Cɛcʋ 'nyakli! «Nyɔɔlɔ nëmäa' 'wʋsi 'nyaa 'ɔɔn 'maanëlë ‑sisiea' ‑nyɩa 'ɔmä 'ään ji; 'kä 'nyaa 'ɔɔn 'pɔlɔ 'täkä ‑nyɩ. 'Ü ‑jɩjra 'täkäläa ‑gälɩ 'nyrɩ dëdrä nyɔɔ 'nyɩa' jre ima 'nyɩ nyɔɔlɔ 'ü ‑nyɩa' 'ään ‑a bä.»

Kolɔɔsënyüü 3:3

'Be 'anya 'a jä, ‑bɛ 'ana 'klä nyra 'Kriisëa 'klä ‑sisre Nyɔsʋa 'lɩ.

Kolɔɔsënyüü 1:19

'Be 'i kä Nyɔsʋa 'tʋ 'ɔmä 'ɔɔn 'lɩ kʋ 'sɩrɩ 'ɔ bäa' ‑tɛɛ.

Lukë 11:49

'A 'ia ‑gʋ Nyɔsʋaa 'lɩgaglakʋ 'lɩ nɩ, ‑bɛ 'ɔ 'daa: ‹'Nyaa 'üün 'na nyɔsʋaamlɩpalanyüü nyra apotrëɩɩ jaa. 'Ünya 'üa ‑tɔrʋpɩɔ ‑mölöö 'blaraa, 'kä 'ünya ‑mölöö prɛ›

Kolɔɔsënyüü 1:28

'A 'ɔa ‑gä a 'paa. 'Lɩglasa a 'paa nyüüa 'fɩɔ toto, 'kä a 'kpɩa nyüüa 'fɩɔ, 'üa 'fɩɔ 'mä ‑jrɛ ‑bɛ 'ümä Nyɔsʋa 'klɩtɔrɔ 'Kriisë Jesua 'nyrɩklɩ.

2 Piɛɛrë 1:5

'Ii känyrɩ nɩ, 'ba 'palɩ 'klü, 'ba 'pa 'ana nyɔsʋaplɛa ‑gälɩ 'cɩca nʋnʋgbi, ‑bɛ 'cɩca nʋnʋgbia ‑gälɩ nɩ, 'ba 'palɩ wiijejrekʋ,