Kolɔɔsënyüü 2:2 - Kuö Dëdrä Jenɛɛsë Rutë

² 'N 'bata abɩa 'üa 'klü 'jrara, ü bä 'tasɩrɩ nyüü 'doo ‑wawlakʋ 'lɩ, 'kä 'ümä 'lɩgaglakʋ kpaku 'jä, 'ümä wiili Nyɔsʋa ‑sisiea' 'wli 'nu, 'iibä 'Kriisë.

Kolɔɔsënyüü 2:2 Referans Kwoze

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

Kolɔɔsënyüü 4:8

'Ɔɔ 'n blɔ 'ana ‑nyɛɛ 'ɔmä 'ana ‑gogo 'jä ‑bɛ 'ɔmä 'amɩ 'klülɩpa.

Ɛfɛsënyüü 6:22

'Ia 'doo 'dooa ‑gʋ 'n blɔ 'ɔɔn 'ɔmä 'amɩ ana ‑gogo ja ‑bɛ 'ɔmä bɩa 'amɩ 'klülɩpa.

Kolɔɔsënyüü 3:14

'Ia 'fɩɔlʋa 'wliklɩ nɩ, 'ba ‑tʋ 'lɩ ‑wawlakʋ ‑gälɩ; 'uu ‑maa 'amɩ 'tasɩrɩ.

Rɔmënyüü 16:25

A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ.

Filipënyüü 3:8

'Pɩrɩgälɩ nɩ, 'Kriisë Jesua jejrekʋa ‑gʋ 'n 'jää diia 'fɩɔwʋ ‑beere diili 'nyɩa' ‑tɔɔ kä. 'Na 'Pläkänyɔɔ 'Kriisëlɔ 'n toroa' plɛ, 'ɔɔ bä 'cɩca wiili. 'Ɔa ‑gʋ 'n 'nyiere diia 'fɩɔa ‑wälɩcɛrɛkʋ 'klɩ, ‑yɛɛ, 'n 'jää 'iin 'wʋ ‑beere dɛɛ 'ü bea' 'kʋtʋfʋ ‑gälɩ, 'kä 'mä 'Kriisë 'kpla;

Filipënyüü 2:1

'Kriisë ma ‑nyɩ 'amɩ 'klü, 'ɔa ‑wawakʋ ma 'cie 'ana plɛ 'wʋ, Nyɔsʋaa ‑Susu ma ‑ma 'ana 'fɩɔ, 'ama kä ‑gbinanakʋ ‑bɛ 'ama kä ‑mölööa nyatɛrɩ nɩ,

2 Piɛɛrë 1:3

'Be 'ɔa 'nyrɩ 'klüa ‑gʋ, Nyɔsʋa ‑nyɩ amɩ diia 'fɩɔ amäa' 'plä 'wʋ kʋ ‑bɛ amäa' 'ɔɔn dɛrɩprɛ. 'Ɔɔlɔ sara amɩ nyɔɔlɔ werea' amɩ 'ɔa 'mʋgbɛa 'wliklɩbʋabʋakʋ 'lɩ nyra 'ɔa ‑gbinanakʋ 'lɩ.

Rɔmënyüü 15:13

Abɩa 'suru Nyɔsʋa 'sie 'amɩ dɔrʋ 'kɔkɔmlɛ nyra plɛgälɩflɛrɛkʋ 'klɩ 'sɩrɩ 'a toroa' 'ɔɔn plɛ. 'Ama nʋ 'saa nɩ, 'Nyüna ‑Susua 'klü nya 'amɩ 'surukʋ 'wli ‑siea!

Jaan 10:30

'Mɔɔ ‑bɛ 'na Tʋ bä 'doo.»

Jaan 6:69

A toro ‑na mlɩa wii plɛ, anya jre 'sa ‑mɔ bä 'Kriisë, 'Lɩbä Nyɔsʋaa 'Jʋ.»

Ebröönyüü 10:22

ŋalɛ 'nyɩ 'blaa amɩ a jijrö Nyɔsʋa ‑gba, 'be ana plɛ ‑gäklɩ, 'ɛ 'si 'ɔa plɛtorokʋ 'klɩ. Bʋbɔ bobowiili kä 'fɩɔ bäa' ana plɛ ‑gälɩ, i kpëträ, 'kä ana fugba ‑futo 'nɩlɩ 'nyɩa' ‑fre pa.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

Ebröönyüü 6:11

‑Maa a 'bata ‑mɔ ma bälɩ ɔ nʋ 'saa 'doo 'ɔ fumöa 'doo kä ‑gälɩ 'blörö jrüü jrälɩ, 'kä wiili kä 'fɩɔ 'a 'bataa' nrörö.

Kolɔɔsënyüü 1:9

A 'nua' 'iin 'wli nɩ, 'ia ‑gʋ anyɩ 'nyüglö 'ana 'wli 'lɩa nyɔsʋabibiekʋa ‑gʋ ‑a. Bibie a bibie 'ɔɔn 'ɔmä 'amɩ wiili kä 'fɩɔ 'ɔ 'bataa' srara, ɔ ‑nyɩ 'amɩ wiijejrekʋ nyra 'lɩgaglakʋ 'ɔa ‑Susu 'lɩ.

Galaatënyüü 3:28

'Ii känyrɩ, ‑bakää ‑bä juifë, 'aiɛ ‑nyɩ juifë ‑bä, ‑geei bä o, ‑nyɩ ‑geei bä o, nyɩbɛrʋ 'aiɛ 'ŋlʋʋ o, 'ana 'fɩɔ bä nyüü 'doo 'Kriisë Jesu 'lɩ.

1 Korɛɛntënyüü 2:12

Amɔlɔ nɩ, ‑mää 'pläa 'mlɩa ‑susu 'nyɩ amɩ ‑gälɩ bä, ‑Susulu sɔa' Nyɔsʋaa ‑nyɛɛ 'uu bä amɩ ‑gälɩ, amä diili Nyɔsʋa ‑nyɩa' amɩ 'flɛɛlɩ jre.

Jaan 17:3

‑Bɛ dɛɛlɛ bäa' 'klälä 'nyɩa' blöröfa kä nɩ, 'iibä: ‑mɔ kä 'doo bäa' 'cɩca Nyɔsʋa, ü jre ‑mɩ, 'kä 'ü jre Jesu 'Kriisëlɔ ‑blɔa'.

Jaan 16:15

Diili kä 'fɩɔ Tʋ käa', 'mɔɔ kä 'iin. 'A 'ia ‑gʋ 'n 'daa ‑maa 'i kä 'fɩɔ 'umäa' 'amɩ srara nɩ, 'mɔɔ kälɩ 'i sɔ.»

Jaan 10:38

‑Maa ama ‑fɛ 'ään nɩ, ‑bakää 'ama ‑nëmä 'mɩ plɛtoro nɩ, 'jrʋpalä 'n ‑fɛɛɛa' nɩ, 'ba toro 'ään plɛ 'amä 'saa jre Tʋ bä 'mɩ 'lɩ ‑bɛ 'n bä 'ɔɔn 'lɩ.»

Jaan 5:23

nyüüa 'fɩɔ 'mä 'Jʋ 'bʋala, 'sɩrɩ 'ü 'bʋalaa' Tʋ. Nyɔɔlɔ 'nyɩ 'bʋalaa' 'Jʋlɔ 'nyɩ Tʋlɔ blɔa' 'ɔɔn ‑a 'bʋala.

Jaan 5:17

Jesu nya ‑gbala 'üün: «'Na Tʋ ‑ka ‑fɛɛɛ ‑pɩɔ 'jrʋpa, 'na 'mʋgbɛ 'ää 'n ‑fɛɛɛ.»

Matiö 11:27

«'Na Tʋ ‑nyɩ 'mɩ diia 'fɩɔ kälɩ. Nyɔɔ 'nyɩ 'Jʋ ‑a jre, ima 'nyɩ Tʋ ‑a bä. Nyɔɔ 'nyɩ Tʋ ‑a jre, ima 'nyɩ bɩa 'Jʋ nyra nyɔɔlɔ 'Jʋ 'bataa' 'ia srarakʋ ‑a bä.

Matiö 11:25

'Ia 'taɩn 'lɩ Jesu ‑nëmä: «Tʋ, cɛ nyra ‑tʋtʋa 'Pläkänyɔɔ, 'n 'trɛɛ ‑mɩ 'sɩrɩ nʋa' ‑bɛ ‑sisrea' wiili 'lɩglanyüü nyra ‑pɔɔkɩjrenyüü ‑gba, ‑bɛ ‑sraraa' 'iin 'jütɛtɛɛ.

1 Jaan 5:7

'Be 'ü bä tää 'üü 'paa 'ia ‑gä cɛlɩ: Tʋ, Nyɔsʋaa 'Papawii nyra 'Nyüna ‑Susu. 'Üa tää bä 'doo.

1 Jaan 3:19

'A ‑plɩɩ anya 'saa jre 'sɩrɩ a bäa' 'cɩcasaa 'jü; ana plɛ ‑nëmä bɩa 'lɩ ‑a ‑taara Nyɔsʋaa 'klɩ.

2 Piɛɛrë 3:18

‑Maa 'ba 'bʋala Jesu 'Kriisëa ‑gbinanakʋ 'lɩ 'kä 'a jre 'ɔɔn ‑gböösa, 'ɔɔlɔ bäa' ana 'Pläkänyɔɔ nyra ana 'Lɩmlɩbanyɔɔ. 'Ɔɔ kä 'wliklɩbʋbʋakʋ 'köklesaplɩɩ, 'plɔʋplɔʋ! 'Asɩ i bä.

2 Piɛɛrë 1:10

'Na ‑wlajü amɩ, 'a 'ia ‑gʋ 'ba 'palɩ 'klü 'amä 'iin srara 'sɩrɩ 'kasa Nyɔsʋa 'baa' 'lɩ 'amɩ; 'be 'ama nʋ 'imɩ nɩ, 'a ‑nëmä blö ‑a blö 'plɔʋ.

1 Tɛsalonikënyüü 5:14

‑Wlajü 'amɩ, a bibie 'amɩ: 'ba 'pa ‑fɛfɛnyüü 'klü 'lɩ 'ümä 'jrʋpa ‑fɛ, 'ba 'pa nyüülü kä 'koi 'jɔklɔa' 'klü 'lɩ, 'ba ji ‑mülü 'fʋmaa' ‑gba, 'ba kä plɛpɩpɛ nyüüa 'fɩɔa 'pɛlɩ.

1 Tɛsalonikënyüü 3:2

anya blɔ ana ‑wlajʋ Timotee, ɔ a nyra 'ɔɔn ‑fɛɛɛrɛa' Nyɔsʋa 'jrʋpa 'wʋ a 'saa 'Mʋfagogolä 'paaa' 'Kriisëa ‑gä. A ‑gbala 'ɔɔn ɔ 'pa 'amɩ 'klü 'lɩ, ‑bɛ ɔ ji 'amɩ ‑gba 'ana nyɔsʋaplɛ 'mä 'wʋsɔɔrɔ,

1 Tɛsalonikënyüü 1:5

'be 'Mʋfagogolä a 'saraa' 'lɩ 'amɩ nɩ, 'änyɩ 'fʋflɛ ‑gogo ‑a bä, ‑maa 'Nyüna ‑Susua 'klü bä 'lɩ, anya 'suru 'sɩrɩ 'i bäa 'cɩcasa; 'be 'a 'jä 'sɩrɩ a 'nyɛrɛa' 'ana ‑tɔrʋpɩɔ, 'ia 'fɩɔlʋ nɩ 'ana 'cɩcasaa ‑gʋ.

Akëtë 4:32

Nyüülü toroa' 'Kriisë plɛ nɩ, 'üa polu nyra 'üa bobowli bä dɛɛ 'dee. Nyɔɔ 'nyɩ 'üa ‑tɔrʋpɩɔ ‑a bä 'ɔmä 'daa 'ɔa 'doo kä 'ɔa dii. Nyüüa 'fɩɔ kä kä dɛɛlɛ ‑moloo käa'.

Matiö 13:11

'Ɔ ‑nëma: «Nyɔsʋa ‑nyɩ 'amɩ 'klü 'amä 'ɔa cɛɩɩa 'kamapläa 'mlɩa ‑sisiewii jre; ‑maa 'ɔnyɩ 'iin nyüü ‑mülü ‑a ‑nyɩ.

Lukë 1:1

Nyüü 'kɔkɔmlɛ ‑floro 'ünya ‑jɩjra wiili ‑sröröa' ana ‑nyɛɛ.

Rɔmënyüü 2:4

‑Ale 'ɔa 'pɔnɩkʋ nyra 'ɔa plɛböblökʋ ‑wlɛɛɛa' 'lɩ, 'ia ‑gʋ ‑paaa 'ɔa ‑gbinanakʋ sawʋ; ‑nyɩ 'saa ‑a jre Nyɔsʋaa ‑gbinanakʋ 'uu 'tiere ‑mɩ ‑balʋa 'piepiekʋ 'lɩ?

1 Korɛɛntënyüü 14:31

'Be 'ana 'fɩɔ 'mrɛɛ 'amä nyɔsʋaamlɩpala ‑maa 'ba nʋ 'imɩ 'doorodoo wiili 'a 'paaa' nɩ, 'üa 'fɩɔ 'ümä 'iin 'wlinu, ‑bɛ 'ümä 'klü kä.

Ɛfɛsënyüü 1:7

'Kriisëa ‑toru Nyɔsʋa ‑srörö kälɩ 'ɔnya 'balɩ amɩ mlɩ, 'ɔɔ 'lɩ Nyɔsʋa cere amɩ ana ‑balʋ, 'ɔa ‑gbinanakʋlʋ ‑siea' 'wli, 'ia ‑gʋ.

Ɛfɛsënyüü 3:3

Nyɔsʋa srara 'ɔa nyufa 'ɔnya srara 'mɩ diili ‑sisiea'. 'A 'ia diijie 'n ‑gbala ‑plɩɩ 'amɩ.

Ɛfɛsënyüü 3:16

'Ɔ 'bʋaa' 'wliklɩ ‑gböösa nɩ, 'ia ‑gʋ 'n bibie 'ɔɔn, ɔ ‑srörö 'ɔa ‑Susu kälɩ ɔ 'pa 'amɩ 'klü 'lɩ

Kolɔɔsënyüü 1:26

'Papawiili 'iibä wiili ‑sisre 'käa' nyüüa 'fɩɔ ‑gba kolo ‑kätɩsa 'lɩ kä, ‑maa 'ɔnya 'iin ‑mlatɩ nyüülü bäa' 'ɔa 'nyünanyüü srara.

Kolɔɔsënyüü 2:19

'Ünyɩ kpasra 'Kriisëlɔ bäa' 'wli ‑gba ‑a. ‑Bɛ 'wli 'ii ‑nyɛɛ fugba diili 'naa'. 'Ii känyrɩ kä fugbaa 'katrafë nyra tri kpakü nyɔnyrɔ 'wʋ, 'kä fugbaa 'fɩɔ 'bʋala 'wʋ 'sɩrɩ Nyɔsʋa 'bataa'.

Kolɔɔsënyüü 4:3

'Ama bibie Nyɔsʋa nɩ, 'ba bibie dotro ana 'wli 'lɩ, Nyɔsʋa 'mä amɩ 'nyʋfɔ ‑nyɩ wiili ‑sisiea' 'Kriisëa ‑gälɩ, amä 'iin 'lɩsa. 'A ‑gogoläa ‑gʋ 'n bä ‑jie 'lɩ.