19 'Ünyɩ kpasra 'Kriisëlɔ bäa' 'wli ‑gba ‑a. ‑Bɛ 'wli 'ii ‑nyɛɛ fugba diili 'naa'. 'Ii känyrɩ kä fugbaa 'katrafë nyra tri kpakü nyɔnyrɔ 'wʋ, 'kä fugbaa 'fɩɔ 'bʋala 'wʋ 'sɩrɩ Nyɔsʋa 'bataa'.
‑Maa 'ba 'bʋala Jesu 'Kriisëa ‑gbinanakʋ 'lɩ 'kä 'a jre 'ɔɔn ‑gböösa, 'ɔɔlɔ bäa' ana 'Pläkänyɔɔ nyra ana 'Lɩmlɩbanyɔɔ. 'Ɔɔ kä 'wliklɩbʋbʋakʋ 'köklesaplɩɩ, 'plɔʋplɔʋ! 'Asɩ i bä.
'Ii känyrɩ, abɩa 'ana bobowli bä dɛɛ 'dee, 'ba ‑wawla ‑beere ‑wlajü, 'ba kä nyatɛplɛ, ‑bɛ 'ba kä ‑gbinanakʋ.
'N 'bata abɩa 'üa 'klü 'jrara, ü bä 'tasɩrɩ nyüü 'doo ‑wawlakʋ 'lɩ, 'kä 'ümä 'lɩgaglakʋ kpaku 'jä, 'ümä wiili Nyɔsʋa ‑sisiea' 'wli 'nu, 'iibä 'Kriisë.
'A 'ii 'a nö ‑wlajülü kä 'fɩɔ bäa' Masedoanëa ‑tʋtʋa 'fɩɔ ‑gälɩ. ‑Maa ana ‑wlajü 'amɩ, a 'jrara 'ana 'klü, 'ba 'palɩ 'klü 'ba nʋ 'saa a 'doo.
Abɩa 'Pläkänyɔɔ 'papla 'ana ‑wawlakʋ ‑gälɩ, nyra nyüü ‑mölööa 'pɛlɩ, 'sɩrɩ a ‑waa' 'amɩ.
‑Wlajü 'amɩ, 'ana ‑gʋ a kä amä Nyɔsʋa 'trɛɛ 'taɩn a 'fɩɔ 'lɩ. 'Inya 'nara 'lɩ, 'be 'ana nyɔsʋaplɛ 'papla ‑gälɩa 'doo, ‑bɛ 'ana ‑wawlakʋa 'mʋgbɛ 'papla ‑gälɩa 'doo.
'Ɔa 'mʋgbɛ bä 'ɔa fugbalä bäa' 'Cɛcɩa 'wli. 'Ɔɔ bä Cɛtrɛfa, 'ɔɔ ‑kätɩ 'sɔɔ 'kuaabre, 'ɔmä wiia 'fɩɔa 'wliklɩ bä.
'Ia 'taɩn 'lɩ nɩ, 'a 'mrɛɛ 'amä 'Pläkänyɔɔ 'tʋkä wiia 'fɩɔa 'mlɩ; 'a 'mrɛɛ 'amä 'ɔa 'klʋɩ 'nyɛrɛ. 'Anya 'mʋfagbia 'kaɩn 'kaɩn nʋa ‑beere tuu ‑tʋa', 'kä 'ana nyɔsʋajejrekʋ nya ‑gälɩpapla.
'Ba 'nyɛ nyɔɔwʋbabasa, 'sɩrɩ imäa' 'lɩ 'Kriisëa 'Mʋfagogo ‑träärä. 'Ia 'taɩn 'lɩ, ‑bakää 'n jö 'amɩ 'jää, ‑bakää 'nyɩ ‑plɩɩ bä, ‑a 'nu 'sɩrɩ 'a kʋa' bobowli 'doo 'lɩ, 'amä 'ana nyɔsʋaplɛlɛ 'Mʋfagogo ‑nyɩa' 'amɩ ‑wälɩtʋ.
'Be nyɔɔ ‑kaapɩɔ 'ɔa fugba 'nyüamlɩjrara. 'Ɔ 'fini 'ään 'klɩ, 'ɔ ‑tʋʋä 'ään 'nyügba ‑beere 'sɩrɩ 'Pläkänyɔɔ nöa' bɩa 'cɛcɩa ‑gʋ.
'Ba 'pa 'kpɔɔ ‑mamakʋlʋ Nyɔsʋaa ‑Susu ‑maa' 'amɩ nɩ, 'amä 'saa bäa 'doo, 'ɔɔ ‑maaa' 'amɩ, 'kä 'ɔ ja 'ana ‑tɔrʋpɩɔ 'wlinönrökʋ.
Nyɔsʋa ‑tʋ diia 'fɩɔ 'ɔa böklöli, ‑bɛ 'ɔɔlɔ bäa' diia 'fɩɔa 'wliklɩ nɩ, Nyɔsʋa nya ‑tʋ 'ɔɔn 'cɛcɩa 'wliklɩ.
'Mɔɔlɔ nɩ, tuu 'n pla, Apolɔsë nya 'papa 'uun 'nɩ ‑gba, ‑maa Nyɔsʋa 'ɔɔ 'bʋala 'uun.
'Na ‑wlajü 'amɩ 'n bibie 'amɩ, 'Pläkänyɔɔ Jesu 'Kriisëa 'nyrɩklɩa ‑gʋ 'ba 'pa watu 'doo! 'Anyɩ 'bölötɩa, ‑maa 'ba ‑ma 'mʋfasa 'ana bobowlia 'mlɩ, abɩa 'ana polu bä dɛɛ 'dee.
'Ii känyrɩ katë ‑mülü ma 'bölö nɩ, ‑bɛ ‑mɔ oliivëtuu ‑gaa' 'klʋɛɛ 'lee, 'üa ‑pi 'lɩ 'ü 'ma ‑mɩ 'kä, ‑bɛ ‑jää oliivëtuua tigbliia 'nɩ.
Nyüülü toroa' 'Kriisë plɛ nɩ, 'üa polu nyra 'üa bobowli bä dɛɛ 'dee. Nyɔɔ 'nyɩ 'üa ‑tɔrʋpɩɔ ‑a bä 'ɔmä 'daa 'ɔa 'doo kä 'ɔa dii. Nyüüa 'fɩɔ kä kä dɛɛlɛ ‑moloo käa'.
'üa 'fɩɔ 'mä 'doo bä. 'Na Tʋ, 'sɩrɩ ‑bäa' 'mɩ 'lɩ ‑bɛ 'n bäa' ‑mɩ 'lɩ, 'üa 'mʋgbɛ 'mä amɩ 'lɩ 'doo bä, ‑bɛ 'pläa 'mlɩa nyüü 'mä 'saa jre ‑mɔ blɔ 'mɩ.
‑Maa 'ba jresaa, 'Kriisë 'ɔɔ bä nyɔɔ o nyɔɔa 'wliklɩ. Nyɔɔ bä 'ŋlʋʋa 'wliklɩ. Nyɔsʋa nya bä 'Kriisëa 'wliklɩ.
'Ɛɛ bä 'ɔa fugba. 'Ɔnya bä 'ɛɛn 'lɩ, 'ɔnya 'sie 'ɛɛn, 'ɔɔlɔ 'siea' diia 'fɩɔ.
'Ɔɔ ‑gälɩ nyukua 'fɩɔ 'pala 'ümä 'nyünanyuku kpaku bä 'Pläkänyɔɔ 'lɩ.
Mlafikpalë dëdrëa 'mlɩ 'ü 'paa ‑duvɛɛn 'jɩjarɛ, 'ia 'taɩn 'lɩ 'ia 'sɔɔ 'nyɩ bʋblɔ bʋblɔ ‑a.