Kolɔɔsënyüü 2:18 - Kuö Dëdrä Jenɛɛsë Rutë

¹⁸ 'Anyɩ 'cɛrɛ nyüülü ‑waa' 'üa nyüfëa 'klɩböbökʋ ‑wälɩ, ü ‑waa' «'aanjëa 'wlitrarakʋ» 'ünyɩ 'ba 'amɩ 'nyʋfɔ 'wʋ. Diili 'ü ‑kaapɩɔa' 'jä, 'ii 'ü toroplɛ; 'ü ‑gbaalɩ, 'ü bɔtɔ ‑tɔklʋ 'üa bobowlili ‑balʋ 'tierea', 'ii 'tuto 'ümɩ ‑bɛ ü nö 'sa.

Kolɔɔsënyüü 2:18 Referans Kwoze

Kolɔɔsënyüü 2:8

'Ba ‑tre 'ana nyüfë nyɔɔ 'nyɩ nʋ nyɔɔa wiijejrekʋlʋ 'nyɩa' ‑tɔɔɔ kä 'ɔnyɩ fa 'ana plɛ. 'Ia 'samaa wiijejrekʋlʋ nɩ, nyüüa ‑dɔ nyra 'plälä kʋa' ‑pɩa ‑dɔ ‑gälɩ 'i ‑pɩara 'wʋ, ‑mää 'Kriisë ‑gälɩ ‑a.

1 Timotee 1:7

'Ü 'bata 'ümä ‑dɔa 'kpɩkpɩanyüü bä. Wiili 'ü 'paaa' 'ünyɩ 'nu 'imɩ 'wli ‑a, wiili 'ü 'kpɩaa' nyüü, 'ünyɩ 'iin jre ‑a jre.

Kolɔɔsënyüü 2:23

‑Yɛɛ, 'i jajra 'lɩgaglakʋa 'jrʋpa, 'be 'i kpɛrɛ nyüü Nyɔsʋaa ‑pʋpʋakʋ; ‑kä ‑mä ‑na nyufa 'wʋ 'cie; ‑kä ‑mä ‑na fugba ‑gbigba nʋ. ‑Maa 'inyɩ 'lɩ ‑a bɩa i ka 'jajɛ 'klɩ 'kä wiili 'ɛ 'bataa' 'ɛmä 'iin nʋ.

1 Timotee 4:1

'Tasɩrɩa 'sa Nyɔsʋaa ‑Susu nɩnɩa: 'taɩn a bɩarafa 'wʋ 'lee nɩ, nyüü ‑mölöö nya 'üa nyɔsʋaplɛ ‑wälɩ 'cɛrɛa. ‑Sisili ‑trɔɔrɔa' nyüü, nyra domüüa 'kpɩkpɩakʋ 'ü nëmä dɛrɩprɛ.

2 Korɛɛntënyüü 11:3

'Sɩrɩ trɔɔ nʋa' ‑bɛ 'u nʋa' 'ua yrʋ 'u ‑trɔɔrɔa' Ɛvë nɩ, 'asɩ ŋalɛ 'blaa 'mɩ 'sɩrɩ 'ana bobowli ma 'kplaa 'kasa 'Kriisë nɩ, 'i ‑pɩ kälɩ ‑sie.

Rɔmënyüü 1:25

'Ü ‑tʋ Nyɔsʋaa 'cɩcasaa ‑pi 'lɩ ‑gbagblɛ: diili 'ɔ nʋa' 'ii 'ü ‑pʋpʋa, 'ii 'ü ‑tʋʋä 'nyügba ‑bɛ 'ü tɩɛ ‑plɩɩ Diiafɩɔanʋnʋnyɔɔ. 'Ɔɔ a kä amä 'bʋala 'plɔʋplɔʋ. 'Asɩ i bä!

Matiö 24:24

'N 'paa' 'iin nɩ, ‑gbagblɛ 'kriisë nyra ‑gbagblɛ nyɔsʋaamlɩpalanyüü nya ‑srɩɩ 'lɩbäa. 'Ünya ‑saragbi kpakü nyra plɛklɩkalawii nʋa, 'ünya 'nɩmɩ nyüülü Nyɔsʋa 'baa' 'lɩ mlüü 'lɩpaa ima bä 'ia 'sa.

'Nyügälɩjawii 3:11

'N jö 'köklesaplɩɩ. Nyɔnyrɔ i ‑klaaa' kälɩ 'cɩcasa, nyɔɔ ‑pɩ ‑mɩ ‑na 'wʋsisikʋa 'wlugbö kälɩ 'ba.

1 Jaan 2:26

Nyüülü 'paaa' 'amɩ mlüülɩ nɩ, 'üa ‑gʋ 'n ‑jɩjra 'imɩ.

Filipënyüü 3:14

Fʋfɔlʋa blöröfa 'n tɛ 'klɩ ‑bɛ 'n fɔ 'mä 'pɛpɛɛdɛɛlɛ kä ‑gʋ Nyɔsʋa wea' amɩ 'ɔmäa' amɩ ‑nyɩ cɛlɩ Jesu 'Kriisë 'lɩ, 'mä 'ɛɛn fa.

Ɛfɛsënyüü 5:6

Nyɔɔ 'nyɩ nʋ wiili 'nyɩa' ‑tɔɔ kä 'ɔnyɩ 'pa 'amɩ mlüü 'lɩ. 'A 'samaa nʋnʋgbili 'ii 'kʋɛɛrɛ Nyɔsʋaa 'crɛ nyüülü 'nyɩ ‑trääräa' 'lɩ 'ɔmɩ ‑gälɩ.

1 Korɛɛntënyüü 8:1

Dɛɛlɛ bäa' mlaalü 'ü 'blaraa' ‑wäsɩa nɩ, ‑yɛɛ ana 'fɩɔ jre 'cɩcasa. 'Ia wiijejrekʋlʋ nö 'iin kä a ‑gbaalɩ, ‑maa ‑wawlakʋ 'paa nyɔɔ 'klü 'lɩ.

Jenɛɛsë 3:13

'Ii känyrɩ Yawe Nyɔsʋa nya ‑gbala 'ŋlʋʋ: «Dɛplɛɛ nʋ le?» 'Ŋlʋʋ ‑nëma: «Trɔɔ 'sara 'mɩ ‑gbagblɛ, 'nya ji 'ään.»

'Nyügälɩjawii 19:10

'Nyaa ‑gbri 'na 'klʋɩ ‑tʋtʋ 'wʋ 'kä 'nyaa trara 'ɔɔn 'wli, ‑maa 'ɔnya ‑gbala 'mɩ: «‑Nyɩ nʋ 'imɩ! 'Sɩrɩ ‑bäa' Nyɔsʋaa 'jrʋpafɛnyɔɔ, 'na 'mʋgbɛ 'n bä ‑na 'jrʋpafɛnyɔɔ nyra ‑na ‑wlajülü sraraa' nyüü 'cɩcasalä Jesu crɛrɛa' 'wʋ, 'üa 'jrʋpafɛnyɔɔ. Nyɔsʋa ‑kä ‑mä 'wlitrara! 'Cɩcasalä Jesu sraraa', 'ää bä nyɔsʋaamlɩpalanyüüa 'papawiia 'tasɩrɩa kpöö.»

'Nyügälɩjawii 13:14

‑Saragbia tie 'ɛ ma nö ‑bɛ 'ɛ ‑trɔɔrɔ nyüü, ‑bɛ 'ɛmä 'iin ‑kätɩa nɛ mrɛɛlɛa 'klɩ nrörö, 'a 'ia ‑gʋ 'klülü ‑nyrɛɛlɛ 'ɛmɩ. 'Ɛnya ‑gbala nyüü ü ‑pa dɛɛ ɛ ‑beerea' mrɛɛlɛ 'ü nʋa' ‑jɛrɛ 'ü 'kapaa' ‑bɛ ɛ ‑ka bäa' 'lɩ.

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

'Nyügälɩjawii 12:9

‑Gblɔtrɔ kpakulu, ‑kätɩ trɔɔlʋ 'ü 'daraa' ‑Balʋsusu 'aiɛ Sataan, ɔ ‑trɔɔrɔa' nyüülü kä 'fɩɔ bäa' ‑tʋtʋ ‑gälɩ. 'Ünya be 'uun ‑tʋtʋ ‑gälɩ, 'ɔɔ ‑bɛ 'ɔa 'aanjëɩɩa 'fɩɔ.

2 Piɛɛrë 2:14

Bätësaa 'dooa wii 'ü bobo, ‑balʋa nʋnʋkʋa 'doo bä 'üa plɛ 'klɩ. 'Ü 'kʋɛɛrɛ ü 'fʋmaa' 'üa nyüfë ‑gba, 'üa polu 'si dɛɛnyükäkäkʋ 'klɩ. Nyɔsʋaa busukʋ bä 'üün ‑gälɩ.

Kolɔɔsënyüü 2:4

Nyɔɔ ‑moloo ‑pɩ yrʋdɛtʋ nʋ 'ɔ ‑pɩ 'amɩ mlüülɩpa, 'ia ‑gʋ 'n ‑gbala 'amɩ.

2 Korɛɛntënyüü 12:20

Ŋalɛ 'bla 'mɩ 'nyɩ ‑pɩ 'ana ‑nyɛɛ jikalɩ mi ‑bɛ 'nyɩ ‑pɩ 'amɩ 'klälä 'nyɩ 'bataa' a 'mlɩ jrä; 'ana 'mʋgbɛ ‑pɩ 'mɩ 'jä ‑pasasa 'sɩrɩ 'anyɩa' bobo. Ŋalɛ 'blaa 'mɩ 'nyɩ ‑pɩ 'ana ‑nyɛɛ ‑taa wiili kʋa' ‑pɩ jrä: ‑topokʋ, wasä, 'crɛ, ‑gbakɛklɛkʋ, ‑jejrekʋ, ‑gbagblɛ, bʋbɔwiia 'papakʋ nyra 'lɩcaklakʋ.

1 Korɛɛntënyüü 13:4

‑Wawakʋ kä plɛböblökʋ, ‑wawakʋ kä ‑gbinanakʋ; ‑wawakʋ 'nyɩ kä dɛɛnyü ‑a, ‑wawakʋ 'nyɩ 'pa 'ua ‑gä ‑a, 'unyɩ ‑gbalɩ ‑a,

1 Korɛɛntënyüü 9:24

'Anyɩ 'saa ‑a jre nyüülü fɔlɔa' fɔlɔ ‑pɩɔ nɩ, 'üa 'fɩɔ mlörölɩ, ‑maa 'doo 'wʋ fa 'pɛpɛɛdɛɛ? 'Ii känyrɩ, 'ba fɔ 'amä 'pɛpɛɛdɛɛ fa!

1 Korɛɛntënyüü 4:18

Nyüü bä 'ana ‑tɔrʋpɩɔ, 'ü ‑gbaalɩ ‑beere 'n ‑ka ‑nëmä 'amɩ 'jäkalɩ ‑a ji.

1 Korɛɛntënyüü 3:3

'be 'a ‑ka nö wiili käa' 'jajɛ 'tʋ. ‑Plɩɩ 'i ‑sia' ‑bɛ 'a ‑ka käkläa' wasä 'wʋ, ‑bɛ ‑gbakäklɛkʋ nyra ‑gbasɔsrɔkʋ bäa' 'ana ‑tɔrʋpɩɔ nɩ, 'ii 'nyɩ 'klaa nyüü srara 'sɩrɩ 'a bäa' nyüülü nöa' wiili käa' 'jajɛ 'tʋ, 'sɩrɩ 'a ‑ka 'nyɛɛa' ‑tʋtʋ ‑gälɩa nyüüa 'saa?

Rɔmënyüü 16:18

'Ia 'samaa nyüülü nɩ, 'ünyɩ ‑träärälɩ ana 'Pläkänyɔɔ 'Kriisë ‑a, 'üa ‑guia ‑goou 'ü bä! 'Üa mlɩ 'mɛrɛkʋ nyra 'üa ‑gbagblɛ dɛtʋ 'ü nö ‑bɛ 'ü ‑trɔɔrɔ nyüülü 'nyɩa' 'lɩkla.

1 Korɛɛntënyüü 4:6

'Na ‑wlajü 'amɩ, wiili 'n ‑gbalaa' ‑plɩɩ 'amɩ nɩ, 'mɔɔ nyra Apolɔsë ‑gälɩ 'n tɛ ‑bɛ 'n 'paa wii 'ana ‑gʋ. 'A ‑pɩ wiili ‑jɩjraa' ‑gälɩ 'pɩ: 'a ‑pɩ 'lɩgba nyɔɔ 'dooa dɛrɩbäbäkʋa ‑gʋ, 'a ‑pɩ 'üün 'klɩkakla.

Ɛfɛsënyüü 4:17

'Ii känyrɩ, 'amɔ 'n ‑gbala ‑bɛ 'n bɔtrɔ 'iin ‑gälɩ 'kä 'Pläkänyɔɔa 'nyrɩklɩ: 'a ‑kanyɩ 'nyɛ ‑mülü 'nyɩ toroa' Nyɔsʋa plɛa 'sa. 'Üa bobowli 'nyɩ mi 'klɔɔtrʋ ‑a.