Kolɔɔsënyüü 2:13 - Kuö Dëdrä Jenɛɛsë Rutë

¹³ Jäjänyüü 'a ma bä 'ana ‑balʋa ‑gʋ, nyra 'anyɩ käa' 'bölö, 'ia ‑gʋ; ‑maa Nyɔsʋa nya ‑nyɩ 'amɩ ‑fʋflʋ 'a nyra 'ɔɔn 'mä 'lɩbä. 'Ɔ cere amɩ ana ‑balʋa 'fɩɔ.

Kolɔɔsënyüü 2:13 Referans Kwoze

Ɛfɛsënyüü 2:1

‑Kätɩsa nɩ, jäjänyüü 'a ma bä, 'ana bʋbɔgbi nyra 'ana ‑balʋa ‑gʋ.

Rɔmënyüü 8:11

Nyɔsʋa 'ba Jesu jäjäa 'mlɩ. Nyɔsʋaa ‑Susulu ma kʋ 'amɩ 'lɩ nɩ, Nyɔsʋalɔ 'baa' 'Kriisë jäjäa 'mlɩ nya 'ana fugbalä 'mäa' jä 'klä ‑nyɩa. 'Ɔa ‑Susulu kʋa' 'amɩ 'lɩ, 'uu 'ɔmä kälɩ ‑srörö 'ɔmä 'iin nʋ.

2 Korɛɛntënyüü 3:6

'Ɔɔ nʋ 'iin 'a 'ia ‑gʋ a 'mrɛɛ amä kuö dëdräa 'jrʋpafɛnyüü bä. ‑Mää ‑dɔlʋ ‑jɩjraa' ‑gälɩ 'ia kuölä 'nyɩ pɩara, Nyɔsʋaa ‑Susu ‑gälɩ 'ä pɩara. 'Be ‑dɔlʋ ‑jɩjraa' 'blaa, ‑maa Nyɔsʋa ‑Susu ‑nyɛɛɛ 'klä.

Ebröönyüü 9:14

'iibä 'Kriisëa ‑toru ‑sɔɔrɔ 'wʋ ‑gböösa 'unya ‑si 'iin 'wʋ. ‑Susulu 'nyɩa' blöröfa käa 'klüa 'nyrɩklɩ, 'Kriisëlɔ 'nyɩa' bʋbɔdɛɛ ‑gba kä, 'ɔɔ 'sara 'ɔa nyufa Nyɔsʋa kälɩ. 'Asɩ 'ɔa ‑toru 'mä 'ana bobowii kpëtä. Bʋbɔgbili plaa' nyɔɔ ‑fre 'lɩ kä i fala jäjä mlɩ, 'a 'ii 'u kpëtä. 'I bäa' 'sa nɩ, a 'mrɛɛ a ‑fɛ 'Lɩbä Nyɔsʋaa 'jrʋpa.

2 Korɛɛntënyüü 5:19

‑A 'jää 'iin le? Nyɔsʋa ‑sröröa' 'Kriisë kälɩ nɩ, 'pläa 'fɩɔ nyra 'ɔɔlɔ bäa' Nyɔsʋa 'nönröwli, 'ɔnyɩ 'ma bɩa 'üün 'üa bʋbɔgbi ‑gälɩ 'kä ‑a. 'Ɔnya blɔ amɩ a mi a 'sara 'lɩ nyüü 'wlinönröwii.

Ɛfɛsënyüü 2:11

'Ba 'pa ‑taa wiili kʋa' ‑pɩ plɛ: 'amɔ 'nyɩ käa' juifënyüü bä 'ana fugba 'lɩ, ‑bɛ nyüülü nyüüa 'böbötie bäa' ‑gälɩ 'daraa' «nyüülü 'nyɩa' 'bölö» 'be tielɛ 'nyɩ 'amɩ ‑gälɩ ‑a bä.

Lukë 15:32

‑Maa a kä amä ‑glɩsɩglɩsɩ nʋ, amä 'bri; ‑na ‑wlajʋ 'a ɩ jä, ‑maa 'ɔ 'a 'wʋsɔ. 'Ɔ 'mɔlɔ ɩ, ‑maa 'ɔ 'a 'järä.› »

Lukë 15:24

'Na 'jʋlɔ kʋa' ‑pɩ jä ɩ, ‑maa 'ɔ 'a 'wʋsɔ; 'nyaa 'na 'jʋlɔ 'mɔlɔ ɩa' 'jä!› 'Ünya cɛtɛ ‑glɩsɩglɩsɩ.

Jaakë 2:26

'Sɩrɩ ‑susu ma 'nyɩa' nyɔɔ ‑gälɩ bä ‑bɛ 'ɔ jäa' nɩ, 'asɩ nyɔɔa nyɔsʋaplɛtorokʋ bä bɩa ɛma 'nyɩ 'ɛa ‑gbi ‑a kä nɩ, 'ia nyɔsʋaplɛtorokʋlʋ jä.

Ɛfɛsënyüü 5:14

'A 'ia ‑gʋ 'ü nö: Tɛkä, ‑mɔ 'mʋmɔa', sɔ jäjänyüüa ‑tɔrʋpɩɔ: 'Kriisë 'mä ‑mɩ 'ɔa 'napɛ ‑gälɩ ŋʋala.

1 Korɛɛntënyüü 15:45

Nyɔsʋapɔɔkʋ nɩnɩa: «Nyɔɔlɔ ‑kätɩ Nyɔsʋa nʋa' 'ɔɔ bä Adaan.» Dɛrɩtäpa Adaan nya bä ‑susulu ‑nyɛɛa' 'klä.

Rɔmënyüü 6:13

'Anyɩ 'sara 'ana fugba ‑balʋ kälɩ ‑beere 'jrʋpafɛdiili 'nyɩ nʋa' 'klɩgägbi. ‑Maa 'ba 'sara 'ana fugba Nyɔsʋa kälɩ ‑beere 'lɩbänyüü sɔa' 'kuaabre, 'amä 'jrʋpafɛdiili nöa' wiili ‑gäa' 'klɩ bä,

1 Jaan 2:12

'Na 'jü 'amɩ, 'amɔ 'n ‑jɩjra 'wʋ: 'ana ‑balʋ 'a cere 'ɔa 'nyrɩa ‑gʋ.

1 Korɛɛntënyüü 15:36

Mlüünyɔɔ! ‑Ama pla dɛɛ nɩ, 'ɛ kä 'ɛmä jä 'fɩɔwʋ, ‑a ji 'ɛmä ‑ga.

Jaan 5:21

'Sɩrɩ Tʋ tɛrɛa' jäjänyüü 'kä ‑bɛ 'ɔ ‑nyɛɛa' 'üün 'klä, 'asɩ 'Jʋ ‑nyɛɛ bɩa 'klä ‑mɔlɔ 'ɔ ‑waa'.

Lukë 9:60

Jesu nya ‑gbala 'ɔɔn: «'Cɛrɛ jäjänyüü ‑wälɩ 'ümä 'üa jäjänyüü ‑tʋ. ‑Mɔlɔ nɩ, mi ‑a ‑paa' Nyɔsʋaa 'kamaplä ‑gä.»

Ebröönyüü 6:1

'A 'ia ‑gʋ a 'kpɩa nyüükpaküa dii; a ‑si cɛtɛ 'kpɩkpɩakʋlʋ 'paaa' 'Kriisëa ‑gä ‑gba. A ‑kanyɩ 'blöö wiili ‑tuaraa' 'lɩa 'mlɩ dɛrɩ, ibäa': 'fëflɛnʋnʋgbia 'lɩgälɩtorokʋa 'kpɩkpɩadii, 'inyɩ ‑gbaa ‑a kä i fala nyüü jäjä mlɩ, nyra Nyɔsʋaa nyɔsʋaplɛtorokʋa 'kpɩkpɩadii.

1 Timotee 5:6

‑Maa ‑mɔlɔ fɔlɔa' 'ɔa dɔrʋ dɛrɩ nɩ, 'ɔ 'a jä, ‑bakää 'ɔa 'jajɛ ma ‑ka bälɩ.

Rɔmënyüü 4:17

'sɩrɩ 'i ‑jɩjraa' nyɔsʋapɔɔkʋ 'lɩ ‑maa: «'N nrörö ‑mɩ 'plä 'kɔkɔmlɛa tʋ 'lɩ.» Abraamë bä ana tʋ Nyɔsʋalɔ 'ɔ toroa' plɛa 'klɔɔtrʋ. 'A Nyɔsʋalɔ tɛrɛa' jäjänyüü 'kä ‑bɛ ɔ wea' diili ‑kaapɩɔa' 'plä 'wʋ bä ‑bɛ ibäa' 'plä 'wʋ.

Jaan 6:63

‑Susu 'uu ‑nyɛɛɛ nyɔɔ 'klä, 'jajɛ 'nyɩ dɛɛ ‑a bä. Wiili 'n ‑gbalaa' 'amɩ 'i bä ‑susu nyra 'klä.

Jaakë 2:20

Nyatɛnyɔɔ! ‑A ‑gbala ‑mɩ nyɔɔ ma 'daa ‑maa 'ɔ toro Nyɔsʋa plɛ, ‑bɛ ɔma 'nyɩ nʋ 'ɛa ‑gbi ‑a nɩ, 'ia nyɔsʋaplɛtorokʋlʋ 'a jä?

Jaakë 2:17

'Asɩ nyɔsʋaplɛtorokʋ bä: ɛma 'nyɩ nʋ nyüüa 'klʋɩ 'cɩcagbi ‑a nɩ, ‑na nyɔsʋaplɛtorokʋ 'nyɩ 'lɩ ‑a bä, 'ɛ jä.

1 Timotee 6:13

‑Mɔ 'n ‑gbala Nyɔsʋaa 'klɩ, Nyɔsʋalɔ bäa' diia 'fɩɔa ‑fʋflʋa 'käkolofa, nyra Jesu 'Kriisëa 'klɩ, Jesulɔ 'palaa' Pɔɔsë Pilatëa 'klɩ 'cɩcasa.

Kolɔɔsënyüü 2:12

'A 'palaa' 'nɩwli nɩ, 'amɔ ‑bɛ 'Kriisë 'sɔ 'ü ‑träärä ‑pɩɔ 'doo 'wʋ, 'anya toro Nyɔsʋaa 'klülü 'baa' 'ɔɔn jäjäa 'bre plɛ, 'a 'ia ‑gʋ 'a nyra 'ɔɔn sɔ 'kuaabre.