Kolɔɔsënyüü 2:12 - Kuö Dëdrä Jenɛɛsë Rutë

¹² 'A 'palaa' 'nɩwli nɩ, 'amɔ ‑bɛ 'Kriisë 'sɔ 'ü ‑träärä ‑pɩɔ 'doo 'wʋ, 'anya toro Nyɔsʋaa 'klülü 'baa' 'ɔɔn jäjäa 'bre plɛ, 'a 'ia ‑gʋ 'a nyra 'ɔɔn sɔ 'kuaabre.

Kolɔɔsënyüü 2:12 Referans Kwoze

1 Piɛɛrë 3:21

'Nie 'klɩ ‑srörökʋlʋ bä 'nɩwlipapakʋa 'pike, 'ii 'pʋɔ amɩ 'saarɩ. ‑Mää ana fugbaa ‑gba ‑a ‑fre 'babakʋ ‑a, ‑maa 'nyünaplɛa Nyɔsʋaa ‑nyɩnyɩkʋ bäsaa. Jesua 'Kriisëa 'kuaabrea sɔsɔkʋ 'lɩ a 'wʋlɩmlɩ.

Galaatënyüü 3:27

'Amɔlɔ kä 'fɩɔ 'ü 'paa' 'nɩ 'wli 'Kriisë 'lɩ nɩ, 'anya 'a 'saa 'Kriisë 'lɩpa ‑beere 'kotu.

Akëtë 2:24

Nyɔsʋa nya 'ba 'ɔɔn jäjä nyra jäjäa mɩmɩakʋ 'lɩ; jäjä nya 'nyɩ 'mrɛɛ 'ämä 'ɔɔn dɛrɩkala.

Ɛfɛsënyüü 3:17

‑bɛ 'Kriisë 'mä 'ana polua 'mlɩ kʋ. 'Be 'a toro 'ɔɔn plɛ, 'ana ‑wawlakʋa tigblii 'mä nyɔnyrɔ, 'imä 'käsri ‑wawlakʋ 'lɩ

Rɔmënyüü 4:24

ana ‑gʋ 'ä 'pala bɩa, amɔlɔ Nyɔsʋa 'mäa' ‑gbala a bä bɩa 'klɩgänyüü, amɔ toroa' nyɔɔlɔ 'baa' ana 'Pläkänyɔɔ Jesu jäjäa 'mlɩ plɛ.

Ɛfɛsënyüü 4:5

'Pläkänyɔɔ bä 'doo, nyɔsʋaplɛtorokʋ bä 'doo, 'nɩwlipapakʋ bä 'doo,

Ɛfɛsënyüü 2:8

'Be Nyɔsʋaa ‑gbinanakʋa ‑gʋ 'a 'wʋlɩmlɩ, nyɔsʋaplɛtorokʋ kälɩ 'a ‑srörö 'kä 'a 'jä 'umɩ. ‑Mää 'ana 'mʋgbɛa plɛklɩa wii ‑a, Nyɔsʋa 'ɔɔ ‑nyɛɛ 'iin 'flɛɛlɩ;

1 Korɛɛntënyüü 15:20

'Tasɩrɩ 'Kriisë sɔ 'kuaabre. 'Ɔɔ ‑kätɩ sɔwʋ jäjänyüüa 'fɩɔa ‑tɔrʋpɩɔ.

Ebröönyüü 12:2

A tɛ Jesua 'doo 'klɩ. 'Ɔɔ ‑nyɛɛ nyɔsʋaplɛtorokʋ 'kä 'ɔ jrä 'ɛɛn 'wli. 'Ɔ 'pa plɛ 'mlɩ 'pa 'pa 'ünya 'mä 'ɔɔn krʋa ‑gälɩ 'blara, 'ɔa ‑gbʋʋ nya 'nyɩ 'nyüsülü bäa' 'ia 'samaa jäjäkʋa 'mlɩ ‑gba bä, 'be dɔrʋlʋ 'ɔ tɛrɛa' 'ɔɔn, 'uu 'ɔ ‑treee. 'Köklesa ‑plɩɩ ɔ nɩ, Nyɔsʋaa 'kɩɩkpataa 'dupa 'pɛlɩ 'ɔ kʋ.

Ebröönyüü 6:2

'Aiɛ ‑frea ‑futokʋa 'kpɩkpɩadii, klʋgbë ‑gälɩ 'piepiekʋa wiili 'a 'kpɩaa' nyra jäjänyüüa 'kuaabresɔsɔkʋ nyra nyüüa ‑gätʋtʋkʋlʋ 'nyɩa' blöröfa kä.

Filipënyüü 1:29

'Be Nyɔsʋa we 'amɩ 'flɛɛlɩ 'amä 'Kriisëa 'jrʋpafɛnyüü bä, ‑mää 'amä 'ɔɔn plɛtoroa 'doo ‑a, ‑maa 'amä bɩa ‑sʋɩ 'jä 'ɔa ‑gʋ.

Ɛfɛsënyüü 5:14

'A 'ia ‑gʋ 'ü nö: Tɛkä, ‑mɔ 'mʋmɔa', sɔ jäjänyüüa ‑tɔrʋpɩɔ: 'Kriisë 'mä ‑mɩ 'ɔa 'napɛ ‑gälɩ ŋʋala.

Ɛfɛsënyüü 3:7

A 'ia 'Mʋfagogoläa 'mlɩ 'n nʋ Nyɔsʋaa 'jrʋpafɛnyɔɔ: 'a Nyɔsʋaa 'srɛlɛ 'ɔ ‑nyɩa' 'mɩ 'ɔa ‑gbinanakʋ 'lɩ, 'ɔa 'klü 'ɔ nʋ.

1 Korɛɛntënyüü 12:13

'Asɩ ana 'fɩɔ bä. Juifënyüü, nyüülü 'nyɩa' juifë bä, ‑goou, nyüülü 'nyɩa' ‑goou bä, ‑Susu 'doo 'lɩ ana 'fɩɔ 'pala 'nɩwli amä fugba 'dööa nyüü bä. Ana 'fɩɔ nya 'mlala ‑Susu 'doolʋa ‑gba.

Rɔmënyüü 7:4

'Na ‑wlajü 'amɩ, 'asɩ 'a bä bɩa. ‑Dɔa 'mlɩ nɩ, jäjänyüü 'a bä 'be 'Kriisë jäa' nɩ, 'a nyra 'ɔɔn järä ‑pɩɔ 'doo 'wʋ. 'Ii känyrɩ 'ɔɔ kä 'amɩ, 'ɔɔ Nyɔsʋa 'ba 'kuaabre. 'Ii känyrɩ 'ɔɔ kä amɩ amä 'cɩca 'bü tʋ Nyɔsʋaa ‑gʋ.

Akëtë 14:27

'Ü 'tɔa' nɩ, 'ünya 'papla 'cɛcɩnyüü ‑gba, 'ünya ‑gbala 'üün wiili kä 'fɩɔ Nyɔsʋa sröröa' 'üün kälɩ 'ɔ nʋa', nyra 'sɩrɩ 'ɔ ‑fɛa' nyüülü 'nyɩa' juifë bäa plɛ ‑gba ‑bɛ 'ü toroa' 'ɔɔn plɛ.

Lukë 17:5

Apotrë nya ‑gbala 'Pläkänyɔɔ: «'Papla ana nyɔsʋaplɛtorokʋ ‑gälɩ!»

Akëtë 2:32

'A Jesulɔ nɩ, 'ɔɔ Nyɔsʋa 'ba jäjäa ‑tɔrʋpɩɔ, ana 'fɩɔ nya 'jä 'ɔɔn.

Kolɔɔsënyüü 1:29

'A 'ia ‑gʋ 'n ‑fɛɛɛ 'jrʋpa 'ɔa 'klüa 'nyrɩklɩ, 'ü 'tuto 'mɩ ‑gböösa.

Kolɔɔsënyüü 2:13

Jäjänyüü 'a ma bä 'ana ‑balʋa ‑gʋ, nyra 'anyɩ käa' 'bölö, 'ia ‑gʋ; ‑maa Nyɔsʋa nya ‑nyɩ 'amɩ ‑fʋflʋ 'a nyra 'ɔɔn 'mä 'lɩbä. 'Ɔ cere amɩ ana ‑balʋa 'fɩɔ.