Kolɔɔsënyüü 1:9 - Kuö Dëdrä Jenɛɛsë Rutë

⁹ A 'nua' 'iin 'wli nɩ, 'ia ‑gʋ anyɩ 'nyüglö 'ana 'wli 'lɩa nyɔsʋabibiekʋa ‑gʋ ‑a. Bibie a bibie 'ɔɔn 'ɔmä 'amɩ wiili kä 'fɩɔ 'ɔ 'bataa' srara, ɔ ‑nyɩ 'amɩ wiijejrekʋ nyra 'lɩgaglakʋ 'ɔa ‑Susu 'lɩ.

Kolɔɔsënyüü 1:9 Referans Kwoze

Jaakë 3:17

Cɛlɩa 'lɩgaglakʋ 'nyɩ ‑fre ‑a pa, 'unyɩ 'blarʋ ‑a kä, 'u ‑plɔ. Cɛlɩa 'lɩgaglakʋ ‑träärälɩ nyüü, 'u cere nyüüa ‑balʋ, 'u 'si 'cɩcagbi 'klɩ, 'unyɩ ‑glɛglɛ ‑a, 'unyɩ 'pa nyüü mlüü 'lɩ ‑a. 'Unyɩ bä ‑glaaklɩ.

Jaakë 1:5

‑Maa 'lɩgaglakʋ ma 'nyɩ 'ana ‑tɔrʋpɩɔa nyɔɔ 'lɩ ‑a bä nɩ, ɔ ‑sɛ 'iin Nyɔsʋa, 'ɔnya 'ɔmɩ 'iin ‑nyɩa; 'be Nyɔsʋa ‑nyɛɛɛ nyüüa 'fɩɔ 'mʋfasa nyra dɔrʋsa.

Kolɔɔsënyüü 4:5

'Ba kä 'cɩcagbi nyüülü 'nyɩa' Nyɔsʋa jrea 'klɩ. Wii o wii 'tɔrɔa' 'amɩ 'klɩ, 'ba nʋ dotro dɛɛlɛ 'a nëmäa' nʋ.

Ebröönyüü 13:21

abɩa 'ia Nyɔsʋalɔ nʋ 'imɩ 'amä 'jrʋpalä kä 'fɩɔ 'naa' a nʋnʋkʋ mlɩbɩa, 'amä wiili 'ɔ 'bataa' nʋ, ɔ ‑srörö Jesu 'Kriisë kälɩ 'ɔmä 'amɩ 'lɩ wiili käa' 'ɔɔn 'tʋ ‑tʋ. 'Ɔɔ kä 'bʋalakʋ 'plɔʋplɔʋa ‑gʋ! 'Asɩ i bä!

1 Piɛɛrë 2:15

'Be wiili Nyɔsʋa 'bataa' nɩ, 'iibä 'ba nʋ 'cɩcagbi 'amä mlüünyüülü 'nyɩa' dɛɛ jrea 'më kala.

2 Tɛsalonikënyüü 1:11

'A 'ia ‑gʋ a bibie 'ana 'wlili 'taɩn a 'fɩɔ 'lɩ, ana Nyɔsʋalɔ wea' 'amɩ 'mä 'lɩ 'amɩ 'kʋɛɛ, ‑bɛ 'ɔmä 'amɩ 'klülɩpa, 'amä wiili kä 'fɩɔ 'naa' nʋ 'ɔa 'klü 'lɩ 'ana nyɔsʋaplɛtorokʋa ‑gʋ.

1 Tɛsalonikënyüü 5:17

'Ba bibie Nyɔsʋa 'taɩn a 'fɩɔ 'lɩ.

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

Kolɔɔsënyüü 3:16

Abɩa 'Kriisëa 'papawiia 'fɩɔ kʋ 'amɩ 'lɩ. ‑Moloo ma bälɩ ɔ 'kpɩa 'ɔa ‑moloo, ‑bɛ 'ba 'papla toto 'lɩglasa: 'ba brɩ nyɔsʋaa 'lɩbrɛrɛdʋ, Jesubibriedʋ, nyra 'dʋlʋ Nyɔsʋaa ‑Susu ‑nyɛɛa' 'amɩ ‑bɛ 'ba brɛrɛ 'Pläkänyɔɔ 'lɩ. 'Ba nʋ 'ana polua 'fɩɔ 'amä 'ɔɔn 'trɛɛ.

Ebröönyüü 10:36

'Be 'a kä 'amä plɛmlɩpa 'amä bɩa wiili Nyɔsʋa 'bataa' nʋ, ‑bɛ 'amä dɛɛlɛ Nyɔsʋa 'daaa' 'ɔmäa' 'amɩ ‑nyɩ 'jä.

Filipënyüü 1:4

'Asɩ 'n bibiea' 'ana 'fɩɔa 'wli 'lɩ nɩ, 'asɩ 'n nö 'iin dɔrʋsa.

Filemɔɔ 1:4

'Asɩ 'n bibiea' Nyɔsʋa nɩ, 'n bibie ‑na 'wlili 'kä 'n 'trɛɛ 'na Nyɔsʋaa 'doo ‑na ‑gʋ,

Ɛfɛsënyüü 6:6

'Anyɩ ‑fɛ 'jrʋpa 'taɩn 'lɩ 'ü tɛa' 'amɩ 'klɩa 'doo ‑beere 'amä nyüü 'tʋkä. ‑Maa 'ba 'palɩ 'klü 'ba nʋ 'ana plɛa 'fɩɔ 'ba nʋ wiili Nyɔsʋa 'bataa' ‑beere 'Kriisëa ‑goou.

Rɔmënyüü 12:2

'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

1 Tɛsalonikënyüü 1:3

'Asɩ a bibiea' ana Tʋ Nyɔsʋa nɩ, a 'paa 'jrʋpalä 'ana nyɔsʋaplɛ ‑fɛɛɛa', 'äa ‑gä plɛ, 'ana ‑wawlakʋlʋ ‑fɛɛɛa' 'jrʋpa nyra 'ana plɛlɛ 'a 'piea' ana 'Pläkänyɔɔ Jesu 'Kriisë ‑gälɩ ɛnyɩ sɩaa'.

1 Jaan 2:17

‑Bɛ 'plä ‑sööö, 'äa dɛɛnyü ‑sööö, ‑maa ‑mɔlɔ nöa' wiili Nyɔsʋa 'bataa' nɩ, 'ɔ bälɩ 'plɔʋplɔʋa ‑gʋ.

1 Piɛɛrë 4:2

'Ii känyrɩ, 'taɩnlɩ tɩɔa' 'lɩ 'amɩ ‑pɩ ‑tʋtʋ ‑gälɩ nɩ, 'anyɩ prɛ nyüüa bʋbɔ ‑wawadii dɛrɩ; 'ba prɛ wiili Nyɔsʋa 'bataa' dɛrɩ.

Kolɔɔsënyüü 4:12

'Ana nyɔɔ Epafarasë 'trɛɛ 'amɩ. 'Ɔɔlɔ nɩ Jesu 'Kriisëa ‑geei 'ɔ bä, 'ɔnyɩ 'nyüglö 'ana 'wli 'lɩa ‑golufufukʋa ‑gʋ ‑a nyɔsʋabibiekʋ 'lɩ, 'amä 'wʋsɔɔrɔ ‑bɛ 'amä 'tasɩrɩ wiili Nyɔsʋa 'bataa' jre.

Kolɔɔsënyüü 1:6

'A 'Mʋfagogolä 'tɔa' 'amɩ ‑gba, ‑bɛ 'ää ‑gbaala 'pläa 'fɩɔa 'mlɩ 'kä. 'Ä 'paplagälɩ ‑bɛ 'ä ‑gbagbla 'lɩ 'klɩ kä. 'Asɩ 'i bä bɩa 'ana ‑tɔrʋpɩɔ, 'bala ‑srɩlɩ kä 'mlɩ 'a 'nua' ‑bɛ 'a jrea' Nyɔsʋaa ‑gbinanakʋa 'cɩcasa 'lɩ.

Ɛfɛsënyüü 5:17

'Ii känyrɩ 'anyɩ 'jrara mlüü, ‑maa 'ba 'nu wiili 'Pläkänyɔɔ 'bataa' 'wli.

Ɛfɛsënyüü 5:10

'Ba 'bata wiili käa' 'Pläkänyɔɔ 'tʋa nʋnʋkʋ.

Ɛfɛsënyüü 1:8

‑Bɛ wiijejrekʋ nyra 'lɩgaglakʋ 'sia' 'ɔɔn 'lɩ nɩ, 'ia ‑gʋ 'ɔ ‑gblɔɔ amɩ 'ia ‑gbinanakʋlʋ 'wʋ 'kä ‑gböösa.

Jaan 7:17

Nyɔɔlɔ 'bataa' Nyɔsʋaa mlɩa wiia 'lɩträäräkʋ nya 'iin jrea 'na 'kpɩkpɩakʋ ma sɔ Nyɔsʋaa ‑nyɛɛ, 'aiɛ ima 'daa 'na 'mʋgbɛa bobowli.

1 Korɛɛntënyüü 1:5

'Be, 'a nyra 'ɔɔn 'a 'doo bä. 'Asɩ Nyɔsʋa ‑nyɩa' 'amɩ 'bɩɔ diia 'fɩɔa 'mlɩ, wiipapakʋ nyra wiijejrekʋ nya 'si 'amɩ 'klɩ.

Akëtë 12:5

Piɛɛrë bä ‑jie 'lɩ 'ü ‑glaara 'ɔɔn ‑gälɩ ‑bɛ 'cɛcɩnyüü bibie 'ɔa 'wli 'lɩa Nyɔsʋa ‑gböösa.

Filemɔɔ 1:6

'N bibie Nyɔsʋa 'kä 'ia nyɔsʋaplɛlɛ ‑maa' amɩ, ‑mä 'wʋsɔɔrɔ 'ɛmä 'cɩcasaa 'fɩɔ jre 'cɩcasalä a 'klaaa' 'Kriisë Jesua ‑gʋ.