Kolɔɔsënyüü 1:5 - Kuö Dëdrä Jenɛɛsë Rutë

⁵ Dɛɛlɛ Nyɔsʋa tɛrɛa' 'amɩ cɛɩɩa 'mlɩ ɛ 'a ‑glaaa' nɩ, 'ɛɛ bä 'ana nyɔsʋaplɛtorokʋ. ‑Bɛ 'ia plɛgälɩpiepiekʋlʋ nɩ, 'cɩcasalä 'saraa' 'lɩ, 'ää känyrɩ 'anya jre 'Mʋfagogo.

Kolɔɔsënyüü 1:5 Referans Kwoze

Ɛfɛsënyüü 1:13

'Ana 'mʋgbɛ 'a toro 'Kriisë plɛ. 'A 'nua' 'cɩcasalä bäa' 'Mʋfagogolä 'baaa' 'lɩ 'amɩ mlɩ nɩ, 'a toro 'Kriisë plɛ, Nyɔsʋa nya ‑tʋ 'amɩ tie nyüü 'mä 'saa jre 'sɩrɩ 'a bäa' 'ɔa nü. Tielɛ nɩ, 'ɛɛ bä 'Nyüna ‑Susulu 'ɔ 'daa käa' 'ɔmäa' amɩ ‑nyɩ.

2 Timotee 4:8

'Bala 'saarɩ ‑gälɩ nɩ, 'klɩgä 'wlugbölä 'ümäa' 'mɩ ‑nyɩ nɩ, 'mɔɔ 'ä ‑glaaa. 'Pläkänyɔɔlɔ ‑gäa' 'klɩ ɔ ‑tʋʋäa' ‑gä, nya 'mɩ 'ään ‑nyɩa 'ia ‑srɩlɩa 'mlɩ. ‑Bɛ ‑mää 'na 'doo ‑a, nyüülü kä 'fɩɔ ‑waa' 'ɔɔn ü ‑glaaa' bɩa 'ɔa jijisrɩ bä bɩa 'lɩ.

Titë 1:2

'Ia 'taɩn 'lɩ 'ünya 'üa plɛ 'klälä 'nyɩa' blöröfa kä ‑gälɩ 'piea. 'Klälä nɩ, ‑tʋtʋ ‑kaaŋlʋ kä 'lɩbä Nyɔsʋalɔ 'nyɩ käa' ‑gbagblɛ ‑nëma 'ɔnya kä amɩ 'ään ‑nyɩa.

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

1 Piɛɛrë 2:2

Nyɔsʋaawii 'iibä 'cɩca nyɩtɩnɩ, 'ba 'bata 'iin ‑beere 'sɩrɩ 'jüplü 'bataa' nyɩtɩnɩ 'amä 'bʋa ‑bɛ 'amä 'lɩmlɩwʋ,

Kolɔɔsënyüü 1:23

‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

1 Korɛɛntënyüü 15:19

Ama 'pie 'Kriisë plɛ ‑gälɩ ‑taa 'klälä kʋa' ‑pɩa 'dooa ‑gʋ nɩ, amɔ busu ‑gböösa anya ‑si nyüüa 'fɩɔwʋ!

Ebröönyüü 7:19

'Be Moisëa ‑dɔ ‑kaapɩɔ nyɔɔ 'wlijäjräkʋa 'nyʋfɔ 'wʋ fala. ‑Maa Nyɔsʋa ja 'cɩca plɛgälɩpiepiekʋlʋ amäa' kälɩ ‑srörö ‑bɛ amäa' Nyɔsʋa ‑gbajijrö.

1 Tɛsalonikënyüü 2:13

'A 'ia ‑gʋ a 'trɛɛ Nyɔsʋa 'plɔʋplɔʋ, 'be a ‑gbalaa' 'amɩ nyɔsʋaawii. 'Anyɩ 'iin 'kpla ‑a 'kpla ‑beere nyɔɔa dɛtɛdɛtʋ, ‑maa 'sɩrɩ 'i bäa' 'tasɩrɩa Nyɔsʋaa wii nɩ, 'asɩ 'a 'kpla 'iin. ‑Bɛ 'ia 'mʋgbɛ ‑fɛɛɛrɛ 'ana 'kläa 'mlɩ 'jrʋpa; 'amɔ toroa' Nyɔsʋa plɛ.

1 Jaan 3:3

Nyɔɔ o nyɔɔ 'piea' 'iin plɛ ‑gälɩ nɩ, 'ɔa nyufa 'ɔ kpëtä 'sɩrɩ 'Kriisëa 'mʋgbɛa 'nyü 'naa'.

Galaatënyüü 5:5

‑Maa amɔlɔ nɩ, a jre 'iin ana nyɔsʋaplɛtorokʋ kälɩ Nyɔsʋa 'mä ‑srörö ‑bɛ 'ɔmä 'daa a ‑gäklɩ. 'Ii a ‑glaara ‑Susu 'lɩ.

2 Korɛɛntënyüü 5:19

‑A 'jää 'iin le? Nyɔsʋa ‑sröröa' 'Kriisë kälɩ nɩ, 'pläa 'fɩɔ nyra 'ɔɔlɔ bäa' Nyɔsʋa 'nönröwli, 'ɔnyɩ 'ma bɩa 'üün 'üa bʋbɔgbi ‑gälɩ 'kä ‑a. 'Ɔnya blɔ amɩ a mi a 'sara 'lɩ nyüü 'wlinönröwii.

Akëtë 23:6

'Pɔɔlë jrea' 'saa juifëa tropina 'lɩ bä bɩa Sadusinyüü nyra Farisinyüü nɩ, 'ia ‑gʋ 'ɔnya ‑gbolomlɩ 'ɔ ‑nëma: «'Na ‑wlajü 'amɩ, Farisinyɔɔ 'n bä, Farisinyɔɔ ‑gu 'mɩ. Dɛɛlɛ kä ‑gʋ 'n jrea' 'saa jäjänyüü nya ‑srɩɩ 'kuaabre sɔa nɩ, 'ia ‑gʋ 'ü ‑träärä 'mɩ ‑gä ‑gälɩ!»

1 Piɛɛrë 3:15

'Ba 'bʋala 'Pläkänyɔɔ Nyɔsʋa 'ana plɛklɩ. Nyüüa 'fɩɔ ma 'bete 'amɩ: dɛplɛɛ bä plɛgälɩpiepiekʋ u bä 'amɩ 'lɩ le? 'Ba ‑ëlere 'taɩn a 'fɩɔ 'amä 'üün ‑gälɩsa plɛböblösa nyra 'lɩträäräsa.

1 Korɛɛntënyüü 13:13

‑Bɛ dii tää bälɩ 'inya 'lɩ tɩɔrɔa: nyɔsʋaplɛtorokʋ, plɛgälɩpiepiekʋ, nyra ‑wawakʋ. ‑Maa ‑mɛlɛ ‑sia' 'wʋ, 'ɛɛ bä ‑wawakʋ.

Akëtë 24:15

Nyɔsʋalɔ 'ü bibiea' nɩ, 'ɔɔ 'na 'mʋgbɛ toroplɛ 'sɩrɩ jäjänyüü 'mäa' 'kuaabre sɔ: 'palɩ 'klɩgänyüü nyra ‑balʋnyüü.

1 Timotee 1:15

‑Jää wiili 'surua', i nyüüa 'fɩɔ käa' 'ümäa' 'kpla: 'Kriisë Jesu ji 'pläa 'mlɩ 'ɔmä 'lɩ ‑balʋnyüü 'mlɩ 'ba. 'Mɔɔ bä 'üa 'wliklɩ.

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

Kolɔɔsënyüü 3:16

Abɩa 'Kriisëa 'papawiia 'fɩɔ kʋ 'amɩ 'lɩ. ‑Moloo ma bälɩ ɔ 'kpɩa 'ɔa ‑moloo, ‑bɛ 'ba 'papla toto 'lɩglasa: 'ba brɩ nyɔsʋaa 'lɩbrɛrɛdʋ, Jesubibriedʋ, nyra 'dʋlʋ Nyɔsʋaa ‑Susu ‑nyɛɛa' 'amɩ ‑bɛ 'ba brɛrɛ 'Pläkänyɔɔ 'lɩ. 'Ba nʋ 'ana polua 'fɩɔ 'amä 'ɔɔn 'trɛɛ.

Rɔmënyüü 10:8

‑Asɩ nyɔsʋaapɔɔkʋ ‑gbaaa le? 'U nɩnɩa: «'Papawii bä ‑na ‑gba, 'i bä ‑na mlɩ nyra ‑na plɛklɩ.» 'A 'papawiili 'ii 'paa nyɔsʋaplɛtorokʋlʋ kä ‑gä a 'paaa'.

Akëtë 10:36

'Ɔ ja Israɛɛlëa 'jü 'ɔa 'papawii; 'ɔnya 'saralɩ 'üün 'Mʋfagogolä bäa' plɛgälɩflɛrɛkʋlʋ sɔa' Jesu 'Kriisë kälɩ; 'ɔɔlɔ bäa' 'Pläkänyɔɔlɔ 'kamaa' nyüüa 'fɩɔ.

Lukë 12:33

'Ba 'pa 'ana käkädii 'peru, 'kä 'a ‑nyɛɛ 'pʋablanyüü. 'Ba nʋ pɔtëmɔnɛɛlɛ 'nyɩ bʋblɔa', ɛ kä mlɩa 'bɩɔ 'nɩ 'bölöa' 'klɩ. 'Ba ‑tʋ 'uun cɛlɩ 'jejienyüü ‑nëmä 'ɛɛn ‑gälɩ ‑a jrä, ‑bɛ 'nya 'nyɩ 'lɩ ‑a bä 'imä 'uun bʋblɔ.

Akëtë 13:26

«'Na ‑wlajü 'amɩ, 'amɔ bäa' Abraamëa 'jü nyra 'amɔ ‑trääräa' 'lɩ Nyɔsʋa: 'amɔ Nyɔsʋa ja 'papawiili 'baaa' 'lɩ nyüü mlɩ.

2 Korɛɛntënyüü 6:7

'cɩcasaa 'papawiia 'mlɩ, Nyɔsʋaa 'klüa 'mlɩ. A srara bɩa 'iin 'klɩgägäkʋa 'mlɩ i ‑beere tafudɛɛ amä tou ‑fu ‑bɛ ana 'mʋgbɛ 'mä ana 'wli 'lɩa ‑gbi 'ba;

Galaatënyüü 2:5

‑Maa anyɩ 'üün 'casɩ ‑a ‑nyɩ 'plɔʋ, 'kä 'Mʋfagogolä bäa' 'cɩcasa, 'ämä 'ana ‑tɔrʋpɩɔ tɩɔrɔ.

Galaatënyüü 2:14

‑Maa 'n jrea' 'saa 'Mʋfagogolä bäa' 'cɩcasa ‑mää 'ünyɩ 'nyɛ ‑gälɩ nɩ, nyüüa 'fɩɔa 'klɩ 'nyaa ‑gbala Piɛɛrë: «‑Mɔ bäa' juifënyɔɔ, ‑ama nʋ nyüülü 'nyɩa' juifënyüü bä 'üa ‑gbi nɩ, dɛplɛɛ kä ‑gʋ ‑baata 'kpɔɔ 'ü nʋ juifëa 'saa le?»

Ɛfɛsënyüü 4:21

'N jresaa 'a 'ɔa 'nyrɩ 'a 'nuwli, 'ii a 'kpɩa 'amɩ 'cɩcasalä bäa' Jesu 'lɩ.

2 Piɛɛrë 1:12

'A 'ia ‑gʋ, ‑bakää 'a jre 'imɩ ‑bɛ 'a kpasra 'cɩcasalä 'a 'klaaa' ‑gba nɩ, 'nëmä 'ana plɛpapakʋa ‑gʋa sɩa 'taɩn a 'fɩɔ 'lɩ.