Biblia Todo Logo
Bib sou entènèt

- Piblisite -




Kolɔɔsënyüü 1:27 - Kuö Dëdrä Jenɛɛsë Rutë

27 Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

Gade chapit la Kopi




Kolɔɔsënyüü 1:27
39 Referans Kwoze  

'A 'ia 'taɩn 'lɩ 'amä 'saa jre 'sɩrɩ 'n bäa' 'na Tʋ 'lɩ, ‑bɛ 'a bäa' 'mɩ 'lɩ, ‑bɛ 'na 'mʋgbɛ bäa' 'amɩ 'lɩ.


‑Bɛ 'Kriisë ma bä 'amɩ 'lɩ, ‑bakää 'ana fugba jä ‑balʋa ‑gʋ nɩ, Nyɔsʋaa ‑Susu bä 'ana 'klä 'klɩgägäkʋlʋ Nyɔsʋa ‑nyɩa' 'amɩ 'ia ‑gʋ.


'Amɔlɔ nɩ, 'na 'jüjie 'amɩ, Nyɔsʋaa nü 'a bä; 'anya 'a ‑gbagblɛnyüülü du, 'be ‑susulu bäa' 'amɩ 'lɩ 'u 'bʋa 'unya ‑si ‑mulu bäa' 'pläa 'mlɩ 'wʋ.


'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.


'Anyɩ 'saa ‑a jre 'sɩrɩ 'a bäa' Nyɔsʋaa Nyuku, ‑bɛ Nyɔsʋaa ‑Susu kʋa' 'amɩ 'lɩ?


Tɛlɩ, 'n 'nyüglö tatu 'mäklɩ 'kä 'n bɔtɔ 'uun. Nyɔɔ ma 'nu 'na wii 'wli ‑bɛ ɔma 'sa 'uun nɩ, 'nyaa 'ɔa ‑nyɛɛ paa 'kä 'nyraa 'ɔɔn nya 'wʋtara, 'kä 'ɔa 'mʋgbɛ nyra 'mɔɔ nya 'wʋtara.


'Ɔɔ bä ‑Susulu sraraa' 'cɩcasa. 'Plä 'nyɩ 'lɩ ‑a bɩa 'ü 'nyiere 'uun 'klɩ, 'be 'ünyɩ 'uun jre ‑a jre ‑bɛ 'änyɩ 'jä 'uun 'wʋ ‑a. ‑Maa 'amɔlɔ nɩ, 'a jre 'uun: 'u nyra 'amɩ kʋwälɩ, 'unya 'amɩ 'lɩbäa.


'Na 'jü 'amɩ, 'ana ‑gʋ 'n ‑ka 'jää mɩmɩakʋ, ‑beere 'ŋlʋʋ nëmä ‑gu. 'Ia mɩmɩakʋlʋ nya 'lɩbä bä 'kä 'anya 'Kriisëa 'sa bä.


'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.


'Mɔɔ 'Pɔɔlë, Jesu 'Kriisëa apotrë; Nyɔsʋalɔ bäa' ana 'Lɩmlɩbanyɔɔ Nyɔsʋa nyra 'Pläkänyɔɔ Jesu 'Kriisëlɔ bäa' ana plɛgälɩpienyɔɔ, 'üü ‑tʋ 'lɩ 'mɩ. 'Mɔɔ ‑jɩjra ‑mɩ 'wʋ,


Dɛɛlɛ bäa' 'bɩɔ, 'lɩgaglakʋa 'fɩɔ nyra wiijejrekʋa 'fɩɔ, 'ɔɔ 'lɩ 'i ‑sisre.


Jesu nya ‑gbala 'ɔɔn: «Nyɔɔ ma ‑wa 'mɩ nɩ, 'ɔnya 'lɩ 'na mlɩa wii ‑trääräa, 'kä 'na Tʋ nya 'ɔɔn ‑wa; anya 'ɔa ‑nyɛɛ jia, 'kä anya 'lɩ ana kʋfa nrörö.


Dɛplɛɛ Nyɔsʋaa nyuku nyra ‑wäsɩa kälä ‑pɩɔ 'doo 'wʋ le? 'Be 'amɔ bä 'Lɩbä Nyɔsʋaa nyuku ‑o. Nyɔsʋa nɩnɩa: 'Üa ‑tɔrʋpɩɔ 'nëmä kʋ, 'kä 'nyraa 'üün nya 'nyɛ; 'mɔɔ nëmä 'üa Nyɔsʋa bä, kä 'ünya 'na ‑glügbö bä .


'Ii ‑känyrɩ, 'i ‑kanyɩ juifënyɔɔ 'aiɛ grɛɛkënyɔɔa wii ‑a bä, nyüülü 'bölöa' o, nyüülü 'nyɩa' 'bölö o, nyüülü kä 'wlia 'mlɩ 'nyɩa' 'klɩ ‑jiero, ‑kä mlaagbikänyüü, ‑goou, 'ünyɩa' ‑goou bä; 'Kriisë bä 'doo, 'ɔɔ ‑si diia 'fɩɔwʋ, 'ɔnya bä nyüüa 'fɩɔ 'lɩ.


'Nyaa srara 'üün ‑na 'nyrɩ, 'nyaa 'sɔɔwʋ 'ümɩ 'iin sraraa, ‑bɛ 'sɩrɩ ‑waa' 'mɩ, 'ia ‑wawakʋ 'mä 'üün 'lɩbä, ‑bɛ 'mä bɩa 'üün 'lɩbä.»


‑Bɛ 'a nyra 'Kriisë bäa' 'doo nɩ, 'ana 'mʋgbɛ nya bä kʋfa, i Nyɔsʋaa ‑Susu kʋa'.


Nyɔɔlɔ jöa' 'na 'jajɛ ‑bɛ ɔ 'mlaaa' 'na ‑toru, 'ɔ bä 'mɩ 'lɩ ‑bɛ 'n bä 'ɔɔn 'lɩ.


'Kriisëa ‑toru Nyɔsʋa ‑srörö kälɩ 'ɔnya 'balɩ amɩ mlɩ, 'ɔɔ 'lɩ Nyɔsʋa cere amɩ ana ‑balʋ, 'ɔa ‑gbinanakʋlʋ ‑siea' 'wli, 'ia ‑gʋ.


'Na Nyɔsʋa nya 'amɩ diili kä 'fɩɔ 'a 'bataa' ‑nyɩa 'sɩrɩ 'ɔa 'wliklɩbʋa 'bɩɔlʋ bäa' Jesu 'Kriisë 'lɩ bäa', 'asɩ 'ɔmä 'amɩ 'iin ‑nyɩ.


'ɔmä 'ɔa 'wliklɩbʋabʋakʋ nyatɛ ‑takɔɩɩa 'pɛlɩ srara, 'ɔmä ü 'ɔ tɩa' ‑srɩ dɛrɩ 'ɔ ‑gbalaa' 'bʋala.


'A 'ɔa plɛtorokʋa ‑gʋ 'ɔ 'sa amɩ 'ɔa ‑gbinanakʋa 'nyʋfɔa tatu 'klɩ, ‑bɛ a kʋ 'lɩ 'mʋfasa ‑mlatɩ. Dɔrʋ 'blaa amɩ 'be anya ‑pɩ Nyɔsʋaa 'bʋalakʋ 'jäa.


Dɛɛlɛ Nyɔsʋa tɛrɛa' 'amɩ cɛɩɩa 'mlɩ ɛ 'a ‑glaaa' nɩ, 'ɛɛ bä 'ana nyɔsʋaplɛtorokʋ. ‑Bɛ 'ia plɛgälɩpiepiekʋlʋ nɩ, 'cɩcasalä 'saraa' 'lɩ, 'ää känyrɩ 'anya jre 'Mʋfagogo.


'Be ‑sʋɩlɩ a 'jääa' 'fʋma ‑bɛ 'inyɩ ‑wlɛlɩ ‑a, ‑maa 'i tɛrɛ amɩ 'wliklɩbʋabʋakʋlʋ ‑sia' ana ‑sʋɩ 'wʋ. 'Ia 'wliklɩbʋabʋakʋlʋ ‑wlɛɛɛlɩ 'plɔʋplɔʋa ‑gʋ 'unya 'bʋa ‑gböösa 'unya ‑si ana ‑sʋɩ 'wʋ.


'Ü ‑nëmä 'daa: ‹‑Jää ‑tɛ 'ä bä› 'aiɛ: ‹‑Jää ‑nyɛɛ 'ä bä!› 'Ba jresaa Nyɔsʋaa 'kamaplä bä 'ana ‑tɔrʋpɩɔ.»


'Ɔ ‑nëma: «Nyɔsʋa ‑nyɩ 'amɩ 'klü 'amä 'ɔa cɛɩɩa 'kamapläa 'mlɩa ‑sisiewii jre; ‑maa 'ɔnyɩ 'iin nyüü ‑mülü ‑a ‑nyɩ.


A 'trɛɛ Nyɔsʋa! Ɔ ‑sröröa' 'Kriisë kälɩ ɔ falaa' amɩ 'wʋsisikʋa ‑glɩsɩglɩsɩ 'lɩ 'plɔʋplɔʋ, ‑bɛ 'ɔ ‑sröröa' amɩ kälɩ ‑bɛ 'ɔ srara 'Kriisë ‑pɩɔa 'fɩɔ, 'sɩrɩ ‑daŋlʋɩnɩa 'nɔnʋ ‑gbaalaa' ‑pɩɔa' 'fɩɔ 'kä.


Nyɔsʋaa ‑gbinanakʋ 'bʋa! 'Ɔa 'lɩgaglakʋ nyra 'ɔa wiijejrekʋ 'bʋa! Nyɔɔ 'plɛɛ jre wiili Nyɔsʋa 'daaa' 'ɔmäa' nʋ le? Nyɔɔ 'plɛɛ 'mrɛɛ 'ɔ 'nu 'ɔa ‑gätʋtʋkʋ 'wli le? Nyɔɔ 'plɛɛ 'mrɛɛ 'ɔ 'nu wiili 'ɔ 'bataa' 'wli le!


‑Ale 'ɔa 'pɔnɩkʋ nyra 'ɔa plɛböblökʋ ‑wlɛɛɛa' 'lɩ, 'ia ‑gʋ ‑paaa 'ɔa ‑gbinanakʋ sawʋ; ‑nyɩ 'saa ‑a jre Nyɔsʋaa ‑gbinanakʋ 'uu 'tiere ‑mɩ ‑balʋa 'piepiekʋ 'lɩ?


'Ia plɛgälɩpiepiekʋlʋ ‑beere dɛɛlɛ 'nyɩ ‑täfläa' 'lɩ, 'u 'suru 'unya ‑sɔɔrɔwʋ. 'Ia plɛgälɩpiepiekʋlʋ ‑gööö pösödɔʋlʋ bäa' cɛlɩa Nyɔsʋaanyuku kpaku ‑wälɩ 'lɩ, 'kä 'ɛ 'tɔɔ Nyɔsʋaanyuku kpaku ‑wälɩa ‑plɩɩlɩ 'nyɩa' ‑fre pa.


Swiv nou:

Piblisite


Piblisite