Kolɔɔsënyüü 1:23 - Kuö Dëdrä Jenɛɛsë Rutë

²³ ‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

Kolɔɔsënyüü 1:23 Referans Kwoze

Ebröönyüü 3:14

'Be diili kä 'fɩɔ bäa' 'Kriisëa dii, amɔ kä 'imɩ, ‑maa a kä amä ana plɛgälɩpiepiekʋ 'lɩ kʋ kʋ ‑a ji 'plä 'mä bɩa,

Ebröönyüü 3:6

‑Maa 'Kriisëlɔ nɩ, 'ɔ bä plɛgälɩpie 'Jʋ ‑bɛ 'ɔ bä nyukulua 'wliklɩ. Ama ‑sɔɔrɔ ana nyɔsʋaplɛtorokʋ 'wʋ ‑sɔrɔ 'pläa bɩarafa 'wʋ nɩ, ‑bɛ ama 'kpla ana nyɔsʋaplɛgälɩpipiekʋlʋ käa' amɩ dɔrʋ 'wʋ nɩ, ama nʋ 'imɩ nɩ, a bä 'ɔa nyuku.

Ebröönyüü 10:38

‑Bɛ 'na 'klɩgänyɔɔlɔ nɩ, 'ɔa 'klä bä nyɔsʋaplɛtorokʋ 'lɩ; ‑maa ɔma 'nyɛnyrɛgälɩ nɩ, 'i ‑nëmä 'na ‑gälɩa ‑susu 'tʋ ‑a kä .

Galaatënyüü 6:9

'Ii känyrɩ, anyɩ fio 'cɩcagbia nʋnʋkʋ ‑a ‑gʋ. Ama 'nyɩ 'ia ‑gʋ ‑a fio nɩ, 'ia 'taɩn ma jrä ‑srɩɩ 'lɩ anya 'iin jia.

Akëtë 14:22

Nyüülü toroa' Jesu plɛ nɩ, 'ü 'paa 'üa nyɔsʋaplɛ 'klü 'lɩ abɩa 'üa nyɔsʋaplɛ ‑sɔɔrɔwʋ. ‑Bɛ 'ü ‑gbala 'üün: «A kä amä ‑sʋɩ 'kɔkɔmlɛ 'lɩ ‑srörö ‑bɛ amä Nyɔsʋaa 'kamapläa 'mlɩ pa.»

Ɛfɛsënyüü 3:17

‑bɛ 'Kriisë 'mä 'ana polua 'mlɩ kʋ. 'Be 'a toro 'ɔɔn plɛ, 'ana ‑wawlakʋa tigblii 'mä nyɔnyrɔ, 'imä 'käsri ‑wawlakʋ 'lɩ

Rɔmënyüü 10:18

‑Maa 'bete 'n 'bete: 'Ünyɩ 'nu ‑a 'nu? 'Ü 'nu! 'Üa mlɩa wii mi ‑tʋtʋa 'fɩɔ ‑gälɩ, 'üa 'papawii nya mi 'pläa blöröfa 'wʋ.

Ebröönyüü 6:19

'Ia plɛgälɩpiepiekʋlʋ ‑beere dɛɛlɛ 'nyɩ ‑täfläa' 'lɩ, 'u 'suru 'unya ‑sɔɔrɔwʋ. 'Ia plɛgälɩpiepiekʋlʋ ‑gööö pösödɔʋlʋ bäa' cɛlɩa Nyɔsʋaanyuku kpaku ‑wälɩ 'lɩ, 'kä 'ɛ 'tɔɔ Nyɔsʋaanyuku kpaku ‑wälɩa ‑plɩɩlɩ 'nyɩa' ‑fre pa.

1 Tɛsalonikënyüü 3:5

'A 'ia ‑gʋ, 'n ‑kanyɩa' 'lɩbɩa 'mäa' ‑glaaa nɩ, 'nyaa blɔ Timotee ɔ ji ɔ 'jä 'sɩrɩ 'ana nyɔsʋaplɛ bäa'. Ŋalɛ 'blaa 'mɩ 'Lɩbenyɔɔ ‑pɩ 'amɩ 'lɩ be, ‑bɛ 'jrʋpalä a ‑fɛ 'ana ‑gʋ ‑pɩ 'flɛɛ 'wʋ tɩɔ.

Ɛfɛsënyüü 1:18

ɔ ‑jie 'ana bobowli 'klɩ, 'amä diili 'a 'piea' plɛ ‑gälɩ jre ‑bɛ 'amä wiili 'lɩ 'ɔ werea' 'amɩ jre. 'Amä 'nanabɩɔlʋ 'ɔ ‑tʋʋäa' ‑wälɩ 'nyünanyüüa ‑gʋ nɩ, 'amä 'uun jre.

2 Korɛɛntënyüü 3:6

'Ɔɔ nʋ 'iin 'a 'ia ‑gʋ a 'mrɛɛ amä kuö dëdräa 'jrʋpafɛnyüü bä. ‑Mää ‑dɔlʋ ‑jɩjraa' ‑gälɩ 'ia kuölä 'nyɩ pɩara, Nyɔsʋaa ‑Susu ‑gälɩ 'ä pɩara. 'Be ‑dɔlʋ ‑jɩjraa' 'blaa, ‑maa Nyɔsʋa ‑Susu ‑nyɛɛɛ 'klä.

Akëtë 2:5

‑Bɛ 'ia ‑srɩlɩa 'mlɩ nɩ, juifënyüülü pɩɛa' 'tasɩrɩ Nyɔsʋa, ü sɔsɔa' 'blɩa 'fɩɔ ‑gälɩ nɩ, 'ü bä kä Jerusalɛɛmë.

'Nyügälɩjawii 2:10

‑Sʋɩlɩ ‑nëmäa' 'jä 'nyɩ kä ‑mɩ ŋalɛ 'wʋ. Ponyakli. Sataan nya 'amɩ 'traɩn a: 'ɔnya 'ana ‑tɔrʋpɩɔa ‑mölöö 'kplaa kä 'ɔnya 'üün ‑jie 'lɩ 'pa, 'kä 'anya ‑sʋɩ 'jä ‑kpraalɩa jrüü ‑pʋ. ‑Maa ‑sɔɔrɔwʋ ‑bakää 'ünyɩ 'bla ‑mɩ, ‑bɛ 'mä ‑mɩ 'kläa 'wlugbö ‑nyɩ.

Kolɔɔsënyüü 1:25

'A 'Cɛcɩlɛa 'jrʋpafɛnyɔɔ 'n bä. Nyɔsʋa 'ɔɔ ‑nyɩ 'mɩ 'jrʋpalä ‑a ‑fɛ 'ämɩ 'ana ‑gʋ. 'Ɔ blɔ 'mɩ ‑a 'pa 'ɔa 'papawiia 'fɩɔ.

Jaan 15:6

Nyɔɔ ma 'nyɩ 'mɩ ‑gbakä ‑a 'ma, ‑fälɩ 'ü be 'ɔɔn ‑beere katëlë 'ü 'böa' 'lɩ ‑bɛ ä maa'. Üma 'bütö 'üün, kapu 'lɩ 'ü be 'üün 'kä 'ü fie.

Lukë 22:32

‑Maa 'n bibie ‑na 'wli 'lɩ, 'kä ‑na nyɔsʋaplɛtorokʋ ‑pɩ 'nyüglö. ‑Bɛ ‑ama blö nɩ, 'pa ‑na ‑wlajü 'klü 'lɩ.»

1 Piɛɛrë 1:3

A 'bʋala Nyɔsʋa, ana 'Pläkänyɔɔ Jesu 'Kriisëa Tʋ! 'Ɔa nyatɛplɛ kpakia ‑gʋ 'ɔ ‑glooro 'sɔɔwʋ amɩ 'ɔnya 'ba Jesu 'Kriisë 'kuaabre. 'Asɩ a 'jä plɛgälɩpiepiekʋlʋ ‑nyɛɛa' 'kläa 'jäjäkʋ.

Ebröönyüü 4:14

‑Bɛ a käa' ‑gbɔsapɛrɩnyɔɔ kpakö, Nyɔsʋaa 'Jʋ, Jesu ɔ paa' cɛɩɩa 'mlɩ, 'ii känyrɩ a 'kpla ana nyɔsʋaplɛlɛ a 'nyierea' 'klɩ 'mʋfasa.

Kolɔɔsënyüü 2:7

Abɩa 'ana tigblii bä 'ɔɔn 'lɩ, 'kä 'ana 'kläa 'fɩɔ bä 'ɔɔn 'lɩ. 'Ba nyɔnyrɔ nyɔsʋaplɛlɛ a 'kpɩaa' 'amɩ 'lɩ, 'kä Nyɔsʋaa 'trɔrʋ 'sie 'amɩ 'klɩ.

Galaatënyüü 5:7

'A ma fɔ 'cɩcasa 'la! Nyɔɔ 'plɛɛ 'kpla 'amɩ ‑bɛ 'a ‑kanyɩ ‑träärälɩ 'cɩcasa le?

2 Korɛɛntënyüü 6:1

‑Bɛ a nyra Nyɔsʋa 'sɔ ‑fɛɛɛa' 'jrʋpa nɩ, a bibie 'amɩ: ‑gbinanakʋlʋ Nyɔsʋa ‑nyɩa' 'amɩ nɩ, 'anyɩ 'pa 'uun sawʋ.

Marëkë 16:15

'Ɔnya ‑gbala 'üün: «'Ba mi 'pläa 'fɩɔ ‑gälɩ, 'ba 'saralɩ nyüüa 'fɩɔ 'mʋfagogo.

1 Jaan 2:27

‑Maa 'amɔlɔ 'ɔ 'baa' 'lɩ, ‑bɛ 'ɔ ‑nyɩa' 'Nyüna ‑Susu nɩ, 'u bä 'amɩ 'lɩ. 'A ‑kanyɩ 'kpɩkpɩakʋ ‑a kä, 'be ‑Susulu 'ɔ ‑nyɩa' 'amɩ nɩ, 'u 'kpɩa 'amɩ diia 'fɩɔ. 'U 'salɩ 'cɩcasa, 'u 'nɩ kä ‑gbagblɛ ‑a. 'Sɩrɩ 'u 'kpɩaa' 'amɩ nɩ, 'asɩ 'ba kʋ 'ɔɔn 'lɩ.

1 Piɛɛrë 1:5

‑Bɛ 'a toroa' 'ɔmɩ plɛ nɩ, Nyɔsʋaa 'klü ‑tʋʋäa 'amɩ 'nyügba 'amä 'lɩmlɩwʋ. 'Lɩmlɩwʋwʋkʋlʋ nɩ, 'unya sraraa ‑gälɩblöröjrüü 'lɩ.

Titë 3:7

amä 'saa jre 'sɩrɩ anya ‑jaaa bäa' 'klälä 'nyɩa' blöröfa kä 'jä. A 'pie 'iin plɛ ‑gälɩ 'be Nyɔsʋa ‑gä amɩ 'klɩ 'ɔa ‑gbinanakʋ 'lɩ.

1 Timotee 2:7

'Abɩa 'mä 'lɩ 'iin 'sa, 'ia ‑gʋ 'ɔ nönrö 'mɩ apotrë nyra nyɔsʋaawiipanyɔɔ. 'Cɩcasa 'n 'saalɩ 'Kriisëa 'klɩ, ‑mää ‑gbagblɛ 'nyɩ kä. 'Ɔ nönrö 'mɩ apotrë 'lɩ 'mä dɛɛlɛ bäa' nyɔsʋaplɛtorokʋ nyra 'cɩcasa nyüülü 'nyɩa' juifë bä 'kpɩa.

1 Timotee 1:12

'N 'trɛɛ 'Kriisë Jesu ana 'Pläkänyɔɔ, ɔ ‑nyɛɛa' 'mɩ 'klü; 'be 'ɔɔ jresaa 'n bä plɛtoronyɔɔ 'ɔnya pla 'mɩ 'ɔa 'jrʋpa 'lɩ.

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

1 Tɛsalonikënyüü 5:8

‑Maa amɔ bäa' ‑srɩa 'jü nɩ, a ‑tre ana nyüfë; a 'sroo nyɔsʋaplɛtorokʋ nyra ‑wawlakʋ ‑beere tafukotu, a 'pie 'lɩmlɩwʋwʋkʋ plɛ ‑gälɩ ‑beere tafuwlugbö.

1 Tɛsalonikënyüü 3:3

nyɔɔa plɛ ‑pɩ 'lɩcakla ‑taa ‑sʋɩlɩa 'mlɩ. 'Be 'ana 'mʋgbɛ jre 'iin 'sɩrɩ 'ia 'samaa ‑sʋɩlɩ käa' imäa' amɩ ‑gälɩjrä.

Ɛfɛsënyüü 4:16

'Ɔɔ känyrɩ 'kä fugbaa 'fɩɔ 'bʋa 'klɩtotrosa, ‑bɛ 'ä bä 'döö diili kä 'fɩɔ kɔklɔa' 'klɩ a 'nyrɩklɩa ‑gʋ. 'Pɛ ‑mɩdee ma 'nyɛ 'sɩrɩ 'ɛ käa' 'ɛmäa' 'nyɛ nɩ, fugbaa 'fɩɔ 'bʋala ‑wawlakʋ 'lɩ.

Ɛfɛsënyüü 2:21

'Ɔɔ ‑gälɩ nyukua 'fɩɔ 'pala 'ümä 'nyünanyuku kpaku bä 'Pläkänyɔɔ 'lɩ.

Galaatënyüü 5:5

‑Maa amɔlɔ nɩ, a jre 'iin ana nyɔsʋaplɛtorokʋ kälɩ Nyɔsʋa 'mä ‑srörö ‑bɛ 'ɔmä 'daa a ‑gäklɩ. 'Ii a ‑glaara ‑Susu 'lɩ.

Galaatënyüü 4:11

Ŋalɛ 'blaa 'mɩ 'ana në ‑gʋ, 'jrʋpalä 'n ‑fɛa', 'ä ‑pɩ 'fëflɛjrʋpa bä.

2 Korɛɛntënyüü 11:23

'Kriisëa 'jrʋpafɛnyüü 'ü bä? 'Nyaa 'üün wii ‑gba 'palaa ‑beere sakla 'kasa nyɔɔ: 'n bä 'Kriisëa 'jrʋpafɛnyɔɔ 'nyaa ‑si 'ümɩ 'wʋ. Üma ‑fɛjrʋpa nɩ, 'n ‑si 'ümɩ 'wʋ. 'N jre ‑jie 'nyaa ‑si 'ümɩ 'wʋ; diili 'ü 'kaklaa' 'mɩ 'nyɩ 'ia ‑täsäsa ‑a bä. 'N 'ma jäjä ‑gba 'kä 'nya ‑si 'ümɩ 'wʋ.

1 Korɛɛntënyüü 15:58

'Ii känyrɩ 'na ‑wawawlajü 'amɩ, 'ba ‑sɔɔrɔwʋ, 'ba 'nyüglö nyɩbɛsa. 'Ba kpɛrɛ 'ana nyüfë 'taɩn a 'fɩɔ 'lɩ, 'amä 'Pläkänyɔɔa 'jrʋpa ‑fɛ. 'A jre 'iin 'sɩrɩ 'jrʋpalä 'a ‑fɛɛɛa' 'nyɩa' 'fëflɛsa bä.

1 Korɛɛntënyüü 3:5

Nyɔɔ 'plɛɛ bä Apolɔsë, ‑bɛ ɔ bä 'Pɔɔlë le? Nyɔsʋaa 'jrʋpafɛnyüü 'ü bä. 'Anya ‑srörö 'üün kälɩ 'anya toro Nyɔsʋa plɛ. ‑Mɔ ma bälɩ 'jrʋpalä 'Pläkänyɔɔ ‑nyɩa' 'ɔɔn 'ää 'ɔ ‑fɛɛɛ.

Rɔmënyüü 15:16

'N nʋ Jesu 'Kriisëa 'jrʋpafɛnyɔɔ nyüülü 'nyɩa' juifë bä 'üa ‑gʋ. Nyɔsʋaa 'Mʋfagogoa 'pɛrɩnyɔɔa 'jrʋpa 'n ‑fɛɛɛ, 'kä nyüülü 'nyɩa' juifë bä 'mä ‑gbɔlʋ käa' Nyɔsʋa 'tʋ bä, ‑gbɔlʋ 'Nyüna ‑Susu berea' 'klɩ.

Rɔmënyüü 5:5

‑Bɛ plɛgälɩpiepiekʋ 'nyɩ ‑trɔɔrɔ nyɔɔ ‑a, 'be Nyɔsʋa ‑srörö 'Nyüna ‑Susulu 'ɔ ‑nyɩa' amɩ kälɩ 'ɔnya 'fɛrɛ ana polu ‑gälɩ 'ɔa ‑wawakʋ 'kä.

Rɔmënyüü 2:7

Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Akëtë 26:16

‑Maa sɔwʋ, 'nyüglö ‑na bei ‑gälɩ! 'N 'tɔrɔa' ‑mɩ 'klɩ nɩ, 'lɩ 'n 'ba ‑mɩ ‑mä 'na 'jrʋpafɛnyɔɔ bä, ‑mä wiili ‑jääa' nyra wiili 'nëmäa' ‑srɩɩ ‑mɩ srarakalɩ ji, ‑mä 'ia ‑gä 'pa.

Akëtë 20:24

'Na 'klä 'nyɩ 'na 'nyü ‑gälɩ ‑gbaa ‑a kälä. I käa' ‑gbaa nɩ, 'iibä ‑a 'wlara dɔrʋ 'lɩ 'jrʋpalä bäa' 'na 'klʋɩ ä 'Pläkänyɔɔ Jesu ‑nyɩa' 'mɩ kälɩ: ‑a 'salɩ 'Mʋfagogolä 'paa' Nyɔsʋaa ‑gbinanakʋa ‑gä.

Akëtë 11:23

'Ɔ 'tɔa' ‑bɛ 'ɔ 'järäa' Nyɔsʋaa ‑gbinanakʋ 'üa ‑tɔrʋpɩɔ nɩ, dɔrʋ 'bla 'ɔɔn, 'ɔnya 'jrara 'üa 'fɩɔa 'klü 'ɔnya ‑gbala 'üün ü nʋ 'üa plɛa 'fɩɔ ü toro 'Pläkänyɔɔ plɛ.

Akëtë 4:12

'Lɩmlɩwʋwʋkʋ ‑kanyɩ nyɔɔ ‑moloo kälɩ ‑a bä. ‑A ‑gbala 'amɩ, Nyɔsʋa 'nyɩ 'nyrɩ ‑mɩdoo ‑pɩ ‑tʋtʋ ‑gälɩ ‑a ‑nyɩ i nyɔɔ 'mäa' kälɩ ‑srörö ‑bɛ 'ɔmäa' 'lɩmlɩwʋ.»

Akëtë 1:25

ɔmäa' apotrë 'jrʋpa 'wʋdɔrɔ, 'jrʋpalä Judaa tɩa' ‑plɩɩ ‑bɛ 'ɔ mia' ‑plɩɩlɩ käa' 'ɔɔn tʋ.»

Akëtë 1:17

Judaalɔ ma bä ana ‑tɔrʋpɩɔa nyɔɔ, anya ‑fɛɛɛrɛ bɩa 'jrʋpa 'wʋ.

Lukë 6:48

'Ɔ ‑beere 'sɩrɩ nyɔɔ 'paaa' nyuku ‑bɛ 'ɔ ‑goooa' ‑gböösa, ‑bɛ 'ɔ 'sreea' 'ua ‑toko 'täkä ‑gälɩ 'kä. 'Nʋŋlʋ kpaku da da, 'nʋŋlʋpati kpakü jrä 'uun, ‑maa 'inyɩ 'uun 'kä ‑a 'kpa, 'be 'täkä ‑gälɩ 'u 'pala.

2 Korɛɛntënyüü 4:1

'Bala 'lɩ ‑gälɩ, 'be Nyɔsʋa 'jä ana nyatɛrɩ 'ɔnya ‑nyɩ amɩ 'jrʋpalä, 'ii känyrɩ ana kpati 'nyɩ jä 'lɩ ‑a.

Akëtë 1:8

‑Maa 'Nyüna ‑Susu nya 'amɩ ‑gälɩ 'cerea, 'kä 'unya 'amɩ 'klü ‑nyɩ, ‑bɛ wiili käläa' 'mɩ ‑gba, i 'a 'jäa' nɩ, 'amä 'iin 'lɩsa Jerusalɛɛmë; sɔ bɩa Judee nyra Samariia ‑tʋtʋa 'fɩɔ ‑gälɩ, ‑a ‑tɔɔ ‑tʋtʋa blöröfa 'wʋ.»

2 Korɛɛntënyüü 10:1

'Mɔɔ 'Pɔɔlë, ‑mölöö nɩnɩa ama bä 'ana ‑tɔrʋpɩɔ 'n pa sɩɔ 'na nʋnʋgbia 'mlɩ, ‑maa ama tʋŋlɔlɩ 'amɩ dɛrɩ nɩ, 'a ‑plɩɩ 'n ‑sɔɔrɔwʋ. ‑Maa 'Kriisëa plɛböblökʋ nyra 'ɔa ‑gbinanakʋ 'lɩ 'n cere 'amɩ 'iin:

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.