Kolɔɔsënyüü 1:22 - Kuö Dëdrä Jenɛɛsë Rutë

²² ‑Maa 'köklesaplɩɩ ɔ nɩ, 'ɔa 'Jʋlɔ 'ɔ nröröa' nyɔɔ 'lɩ nɩ, 'ɔa jäjäkʋ 'lɩ 'ɔ ‑srörö 'ɔ nyra 'amɔ nya 'nönröwli, 'amä 'ɔa 'klʋɩ 'nyüglö 'sɩrɩ 'a bäa' nyüülü kä 'nyü 'naa' ünyɩa' bʋbɔdɛɛ ‑gba kä, ü wii ‑nëmäa' 'kpla.

Kolɔɔsënyüü 1:22 Referans Kwoze

Ɛfɛsënyüü 5:27

'Ɔ nʋ 'imɩ 'kä 'cɛcɩlɛ 'naa' ‑gböösa 'mä 'ɔɔn 'klɩtɔrɔ, ɛnyɩa' 'kpafa ‑gba kä, ɛnyɩa' pɩpra, ɛnyɩa' bʋbɔdɛɛ ‑gba kä, ‑maa ɛ kä 'nyü 'naa', ɛ nyɔɔ 'nyɩa' 'lɩbɩa 'ɔmäa' wii 'kplara.

Judë 1:24

Abɩa Nyɔsʋa 'bʋala, 'ɔ 'mrɛɛ 'ɔ 'ba 'amɩ böblökʋ mlɩ, 'ɔɔ 'mrɛɛ ɔ ja 'amɩ 'ɔa 'wliklɩbʋabʋakʋ 'lɩ dɔrʋa 'mlɩ ‑beere nyüülü 'nyɩa' bʋbɔdɛɛ ‑gba kä.

Ebröönyüü 10:10

Wiili Nyɔsʋa 'bataa' 'ii Jesu 'Kriisë nʋ, 'ɔ 'sa 'ɔa fugbaa ‑gbɔ 'wʋ 'doo 'wʋ 'plɔʋplɔʋa ‑gʋ; 'ɔnya kpëtä ana ‑balʋ.

Ɛfɛsënyüü 1:4

'Plä ‑kaaŋlʋ nrörö Nyɔsʋa nya 'balɩ amɩ 'Kriisë 'lɩ amä 'nyünanyüü nyra nyüülü 'nyɩa' bʋbɔdɛɛ ‑gba kä 'ɔa 'klʋɩ ‑gälɩ, 'ɔa ‑wawakʋ 'lɩ.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Rɔmënyüü 7:4

'Na ‑wlajü 'amɩ, 'asɩ 'a bä bɩa. ‑Dɔa 'mlɩ nɩ, jäjänyüü 'a bä 'be 'Kriisë jäa' nɩ, 'a nyra 'ɔɔn järä ‑pɩɔ 'doo 'wʋ. 'Ii känyrɩ 'ɔɔ kä 'amɩ, 'ɔɔ Nyɔsʋa 'ba 'kuaabre. 'Ii känyrɩ 'ɔɔ kä amɩ amä 'cɩca 'bü tʋ Nyɔsʋaa ‑gʋ.

Ebröönyüü 10:20

'Ɔ 'sa 'nyʋfɔ dëdrä, 'kläa 'nyʋfɔ; dɔʋlʋ pösöa' Nyɔsʋaanyukua papapɩɔ 'ɔ ‑srörö kälɩ, 'uu bä 'ɔa fugba.

Ebröönyüü 13:21

abɩa 'ia Nyɔsʋalɔ nʋ 'imɩ 'amä 'jrʋpalä kä 'fɩɔ 'naa' a nʋnʋkʋ mlɩbɩa, 'amä wiili 'ɔ 'bataa' nʋ, ɔ ‑srörö Jesu 'Kriisë kälɩ 'ɔmä 'amɩ 'lɩ wiili käa' 'ɔɔn 'tʋ ‑tʋ. 'Ɔɔ kä 'bʋalakʋ 'plɔʋplɔʋa ‑gʋ! 'Asɩ i bä!

2 Korɛɛntënyüü 11:2

'N kä 'ana wasä, ‑bɛ 'ia ‑wawakʋlʋ nɩ, Nyɔsʋaa ‑wawakʋ bäsaa; 'be dʋɔ 'doo 'n tɛrɛ 'amɩ 'ɔɔ bä 'Kriisë; 'mä 'amɩ 'ɔɔn srara ‑beere 'ŋlëkaplö ‑kaaŋlʋa' nyɩbɛrʋ jre.

2 Piɛɛrë 3:14

'A 'ia ‑gʋ 'na ‑wawanyüü 'amɩ, 'a ‑glaaa' wiili nɩ, 'ba 'pa 'kpɔɔ 'amä nyüülü ‑fre 'nyɩa' 'lɩbä bä, nyüülü wii 'nyɩa' ‑gälɩ bä bä, nyüülü nyra Nyɔsʋa 'Nönröa' 'wli bä.

1 Tɛsalonikënyüü 4:7

Nyɔsʋa 'nyɩ amɩ ‑a we amä ‑frepanyüü bä, ‑maa 'ɔ we amɩ amä nyüülü kä 'nyü 'naa' bä.

Lukë 1:75

‑bɛ amä 'ɔa nyüülü ‑balʋ 'nyɩa' 'lɩbä bä, amä 'klɩgänyüü bä bä ana ‑srɩa 'fɩɔa 'mlɩ.

2 Korɛɛntënyüü 4:14

'Be a jresaa Nyɔsʋalɔ 'baa' 'Pläkänyɔɔ Jesu 'kuaabre nɩ, 'ɔnya bɩa amɔ ‑bɛ Jesu 'kuaabre 'baa, 'kä 'ɔnya amɩ ‑bɛ 'amɔ 'ɔa 'klɩsrara.

2 Korɛɛntënyüü 5:18

'Ia 'fɩɔlʋ nɩ, Nyɔsʋa kälɩ 'i sɔ, Nyɔsʋalɔ ‑sröröa' Jesu 'Kriisë kälɩ ‑bɛ 'ɔ 'nönröa' amɩ 'wli a nyra 'ɔɔn kɔsɔ. Amɔ Nyɔsʋa ‑nyɩ 'köklesa ‑plɩɩ 'wlinönrökʋa 'jrʋpa.

Kolɔɔsënyüü 1:28

'A 'ɔa ‑gä a 'paa. 'Lɩglasa a 'paa nyüüa 'fɩɔ toto, 'kä a 'kpɩa nyüüa 'fɩɔ, 'üa 'fɩɔ 'mä ‑jrɛ ‑bɛ 'ümä Nyɔsʋa 'klɩtɔrɔ 'Kriisë Jesua 'nyrɩklɩ.

1 Piɛɛrë 3:18

'Kriisëa 'mʋgbɛ 'jä ‑sʋɩ ‑balʋnyüüa ‑balʋa ‑gʋ, 'ɔ nʋ 'imɩ 'wʋ 'doo 'wʋ 'plɔʋplɔʋa ‑gʋ: 'ɔɔ bäa' 'klɩgänyɔɔ, 'ɔ jä nyüülü 'nyɩa' 'klɩgäa ‑gʋ, 'ɔmä 'amɩ Nyɔsʋaa 'pɛlɩ fala. 'Tasɩrɩ 'ɔ jä, ‑maa Nyɔsʋaa ‑Susu nya 'ba 'ɔɔn jäjäa ‑tɔrʋpɩɔ, 'ɔnya bälɩ.