Kolɔɔsënyüü 1:17 - Kuö Dëdrä Jenɛɛsë Rutë

¹⁷ 'Ɔɔlɔ nɩ, 'ɔ bä ‑plɩɩ 'fɩɔwʋ diia 'fɩɔ nya 'mä nrörö, 'ɔɔ 'klaa 'ia 'fɩɔlʋ kälɩ.

Kolɔɔsënyüü 1:17 Referans Kwoze

Ebröönyüü 1:3

'A 'Jʋlɔ bä Nyɔsʋa 'wliklɩbʋabʋakʋa srarakʋ, 'ɔɔ bä 'tasɩrɩ 'ɔa 'pije. 'Ɔɔ 'klaa diia 'fɩɔ kälɩ 'ɔa 'wʋsɔɔrɔ 'papawiia 'mlɩ. 'Ɔa 'mʋgbɛ kälɩ 'ɔ ‑srörö 'ɔ bɩaa' amɩ ‑gbafutokʋ ana ‑balʋa ‑gʋ nɩ, 'ɔnya kʋwälɩ cɛ 'lɩ Nyɔsʋalɔ 'bʋaa' 'wliklɩa 'dupa 'lɩ.

1 Korɛɛntënyüü 8:6

amɔlɔ nɩ, Nyɔsʋa 'doo a jre. 'Ɔɔ bä Tʋlɔ nʋa' diia 'fɩɔ, 'a 'ɔa ‑gʋ a bä 'plä 'wʋ; 'Pläkänyɔɔ bä 'doo, 'ɔɔ bä Jesu 'Kriisë. 'Ɔɔ 'lɩ diia 'fɩɔ jara, ‑bɛ amɔlɔ nɩ, 'ɔa ‑gʋ a bälɩ.

Akëtë 17:28

'be 'ɔɔ känyrɩ ‑bɛ a fio, ‑bɛ a sɔsɔkou ‑bɛ a bä 'plä 'wʋ. 'Asɩ 'ana 'bɩbrɩnyüü ‑mölöö ‑gba: A bä bɩa 'ɔa 'jü .

Jaan 17:5

'Na Tʋ, 'bʋala 'mɩ ‑na ‑gba 'sɩrɩ 'n 'bʋa käa' 'wliklɩ 'fɩɔwʋ ‑bɛ 'plä 'mäa' nrörö.

Jaan 8:58

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, 'mɔɔ bä ‑plɩɩ 'fɩɔwʋ Abraamë nya 'mä ji.»

'Nyügälɩjawii 1:8

'Pläkänyɔɔ Nyɔsʋa nɩnɩa: «'Mɔɔ bä Alëfaa nyra Omega, nyɔɔlɔ bäa' 'lɩ, ɔ bä käa' 'lɩ ‑bɛ ɔ jöa', 'Nɩmrɛɛ Nyɔsʋa.»

Kolɔɔsënyüü 1:15

'Ɔɔ bä Nyɔsʋalɔ anyɩ 'jäa' 'wʋa 'pije; 'ɔɔ bä ‑Kätɩjʋ, 'ɔɔ ‑si diili kä 'fɩɔ nröröa' 'wʋ.

'Nyügälɩjawii 1:17

'N 'jäa' 'ɔɔn nɩ, 'n blö ‑beere 'sɩrɩ 'n jäa'. 'Ɔnya 'pie 'ɔa 'dupa 'darʋ 'na ‑gälɩ 'ɔ ‑nëma: «Ŋalɛ 'nyɩ 'bla ‑mɩ! 'Mɔɔ bä diia 'käkolofa nyra 'ia bɩarafa,

Ebröönyüü 13:8

'A braasrɩɩa Jesu 'Kriisë 'doolɔ 'ɔɔ bäsaa, 'ɔɔ bä 'saarɩa Jesu 'ɔnya bä 'plɔʋplɔʋa Jesu.

'Nyügälɩjawii 2:8

«‑Jɩjra 'aanjëlɔ bäa' Simiirënëa 'cɛcɩ 'lɩ 'wʋ, ‑gbala 'ɔɔn ‑maa: «Nyɔɔlɔ bäa' diia 'käkolofa nyra 'ia bɩarafa, ɔ jäa' ‑bɛ ɔ sɔa' 'wʋ, ‑jäsɩ 'ɔ ‑gbaa:

'Nyügälɩjawii 1:11

‑Jäsɩ 'i 'saa' 'lɩ: «‑Jɩjra wiili ‑jääa' 'wʋ ‑pɔɔkʋa 'mlɩ, 'kä ‑fa 'uun 'cɛcʋ ‑uunsɔɔlʋ bäa' ‑taa bätëlëa 'mlɩ: Ɛfɛsë, Simiirënë, Pɛgamamë, Tiratiirë, Sarëdɛɛsë, Filadɛlëfii, nyra Laodisii.»