Kolɔɔsënyüü 1:16 - Kuö Dëdrä Jenɛɛsë Rutë

¹⁶ 'Be 'ɔɔ Nyɔsʋa ‑srörö kälɩ 'ɔnya nʋ diili kä 'fɩɔ bäa' cɛa 'mlɩ nyra ‑tʋtʋ ‑gälɩ: diili a 'jäa' 'wʋ nyra ‑mɩlɩ anyɩ 'jäa' 'wʋ; 'Kɩɩɩ nyra 'üa 'kamakʋ, 'cifu nyra 'klüɩɩ. 'Ɔɔ kälɩ 'ia 'fɩɔ ‑srörö 'inya nrörö 'ɔa ‑gʋ.

Kolɔɔsënyüü 1:16 Referans Kwoze

Rɔmënyüü 11:36

'Be 'ɔɔ diia 'fɩɔ sɔ kälɩ, 'ɔɔ 'ii ‑srörö kälɩ, 'ɔɔ kä 'imɩ. 'Ɔ kä 'bʋalakʋ 'plɔʋplɔʋ! 'Asɩ i bä!

Jaan 1:3

'Ii diia 'fɩɔ ‑srörö kälɩ 'inya nrörö, ima 'nyɩ 'lɩ ‑a bä, dɩjɔ 'doo ‑nëmä nrörö ‑a nrörö.

1 Korɛɛntënyüü 8:6

amɔlɔ nɩ, Nyɔsʋa 'doo a jre. 'Ɔɔ bä Tʋlɔ nʋa' diia 'fɩɔ, 'a 'ɔa ‑gʋ a bä 'plä 'wʋ; 'Pläkänyɔɔ bä 'doo, 'ɔɔ bä Jesu 'Kriisë. 'Ɔɔ 'lɩ diia 'fɩɔ jara, ‑bɛ amɔlɔ nɩ, 'ɔa ‑gʋ a bälɩ.

Ebröönyüü 2:10

Nyɔsʋa, 'ɔɔ nʋ diia 'fɩɔ, 'ɔɔ kä diia 'fɩɔ, ‑maa 'ɔ 'bata abɩa 'jü 'kɔkɔmlɛ kʋ 'ɔa 'bʋalakʋ 'lɩ. 'Ii känyrɩ, nyɔɔlɔ 'saa' 'lɩmlɩwʋwʋkʋa 'nyʋfɔ nɩ, 'ɔ kä 'ɔmä ‑sʋɛ 'lɩ ‑srörö 'ɔmä 'wlijrä.

Ebröönyüü 1:2

‑Maa ‑taa ‑gälɩblöröjrüülü 'lɩ nɩ, 'ɔa 'Jʋ 'ɔ ‑srörö kälɩ 'kä 'ɔ 'pala amɩ wii ‑gba. 'Ɔɔ Nyɔsʋa ‑srörö kälɩ 'ɔnya nʋ diia 'fɩɔ. 'Ɔɔ 'ɔ 'ba bɩa 'lɩ 'ɔmä diia 'fɩɔa ‑jaajinyɔɔ bä.

Ɛfɛsënyüü 1:10

'Taɩnlɩ 'ɔ ‑tʋa' 'lɩ jräa' 'lɩ nɩ, 'ɔnya 'papla diia 'fɩɔ ‑gba cɛɩɩa 'mlɩ nyra ‑tʋtʋa 'fɩɔa ‑gälɩ, 'ɔnya ‑tʋ 'ia 'wliklɩ 'kamanyɔɔ 'doo, 'ɔɔ bä 'Kriisë.

Kolɔɔsënyüü 1:15

'Ɔɔ bä Nyɔsʋalɔ anyɩ 'jäa' 'wʋa 'pije; 'ɔɔ bä ‑Kätɩjʋ, 'ɔɔ ‑si diili kä 'fɩɔ nröröa' 'wʋ.

Kolɔɔsënyüü 2:10

'A nyra 'ɔɔn bäa' 'doo nɩ, 'ɔa 'fɩɔ kʋ 'amɩ 'lɩ, 'ɔɔlɔ bäa' 'klüa 'fɩɔa nyra 'klügälɩkäläkʋa 'kamanyɔɔ.

Filipënyüü 2:10

'kä nʋnʋdiia 'fɩɔ ma 'nu Jesua 'nyrɩ 'wli, kotia 'fɩɔ 'mä ‑fli 'pala: cɛa 'mlɩ, ‑tʋtʋ ‑gälɩ, nyra ‑tʋtʋa 'mlɩ,

Kolɔɔsënyüü 1:20

'Ɔnya ‑srörö 'ɔɔn kälɩ 'ɔmä 'ɔɔ ‑bɛ wiia 'fɩɔ 'wlinönrö. 'Ɔa 'Jʋa ‑torulu ‑gblɔɔa' 'kä krʋa ‑gälɩ 'ɔ ‑srörö kälɩ 'ɔnya ja 'üa ‑tɔrʋpɩɔ 'wlinönrökʋ, 'ɔɔ ‑bɛ diili kä 'fɩɔ bäa' cɛa 'mlɩ nyra ibäa' ‑tʋtʋ ‑gälɩ.

1 Piɛɛrë 3:22

'Ɔ 'jra cɛa 'mlɩ, 'ɔ bä Nyɔsʋaa 'dupa 'pɛlɩ. 'A ‑plɩɩ 'ɔ 'kamlaa 'aanjë, ‑sisili kä 'fɩɔ 'kamaa', nyra ‑sisili kä 'fɩɔ käa' 'klü.

Kolɔɔsënyüü 2:15

Nyɔsʋa 'ba 'kamanyüü nyra ‑sisili käa' 'klü 'üa 'klü kälɩ; 'ɔnya ‑srörö krʋa kälɩ nyüüa 'fɩɔa 'klɩ, 'ɔnya du 'üün.

Ɛfɛsënyüü 6:12

'Be ‑golulu a ‑fuuöa' 'nyɩ 'jajɛ nyra ‑torua ‑golu ‑a bä; ‑maa 'klü, 'kamanyüü, nyüülü 'kama 'jöjrüükpüa 'blɩlɩ kʋa' ‑pɩ, nyra bʋbɔsisili kʋa' cɛ nyra ‑tʋtʋa ‑tɔrʋpɩɔ, 'üü a nyra 'üün ‑fuuö.

Rɔmënyüü 8:38

'Na plɛ 'srikä 'nyaa jresaa: ‑mää jäjä, 'aiɛ 'klä, 'aiɛ 'aanjë, 'aiɛ ‑sisia 'klü, 'aiɛ 'saarɩ, 'aiɛ ‑srɩɩ,

Jaan 1:10

'I bä kä 'pläa 'mlɩ, 'ii 'plä ‑srörö kälɩ 'änya nrörö, ‑maa 'plä 'nyɩ 'imɩ ‑a jre.

Rɔmënyüü 9:5

'A 'üü bä tʋɩɩ kpaküa 'jü. ‑Bɛ 'Kriisëlɔ nɩ, dɛɛlɛ bäa' 'ɔa nyɔɔa 'pɛ nɩ, 'a tʋɩɩlüa napio 'klɩa nyɔɔ 'ɔ bä, 'ɔɔ bä diia 'fɩɔa 'wliklɩ, 'ɔɔ bä Nyɔsʋalɔ 'palaa' 'nɩ 'plɔʋplɔʋa ‑gʋ. 'Asɩ i bä.