Kolɔɔsënyüü 1:14 - Kuö Dëdrä Jenɛɛsë Rutë

¹⁴ 'Ɔɔ känyrɩ anya 'wʋlɩmlɩ: 'iibä 'a 'ɔa ‑gʋ ana ‑balʋ cere.

Kolɔɔsënyüü 1:14 Referans Kwoze

Ɛfɛsënyüü 1:7

'Kriisëa ‑toru Nyɔsʋa ‑srörö kälɩ 'ɔnya 'balɩ amɩ mlɩ, 'ɔɔ 'lɩ Nyɔsʋa cere amɩ ana ‑balʋ, 'ɔa ‑gbinanakʋlʋ ‑siea' 'wli, 'ia ‑gʋ.

Ebröönyüü 9:22

‑Dɔ nɩnɩa, ‑toru kpëtä bɩa dii 'kɔkɔmlɛ, ‑bɛ ‑toru 'nyɩa' 'kä ‑gblɔɔ nɩ, ‑balʋ ‑nëmä nyɔɔ ‑a cere.

Ebröönyüü 9:12

'Kriisë nya pa 'wʋ 'doo 'wʋ ‑tetelɛa papapɩɔ kpakö 'kä 'plɔʋplɔʋa ‑gʋ. ‑Mää wluaɩɩ nyra bruujüa ‑toru 'ɔnyɩ nʋ, 'ɔnyɩ ‑gbɔ 'sa; ‑maa 'ɔa 'mlɔɔa ‑toru 'ɔ nʋ 'ɔnya 'sa ‑gbɔ, 'ɔ 'ba amɩ ‑balʋ kälɩ 'plɔʋplɔʋa ‑gʋ.

'Nyügälɩjawii 5:9

‑Bɛ 'ü brɛ 'dʋ dëdrä: «‑Wʋʋ ‑pɔɔkʋlʋa 'wʋdɔrɔkʋ 'klɩ, ‑nya 'wʋ kpasradiilia ‑jejiekʋ 'klɩ, 'be 'ü 'bla ‑mɩ, ‑nya nʋ ‑na ‑toru ‑nya ‑su amɩ Nyɔsʋaa ‑gʋ, amɔ bäa' ‑glügbüa 'fɩɔa nyüü, ü 'paaa' nyüüa mlɩa 'papawiia 'fɩɔ, ‑tʋtʋ ‑gälɩa nyüüa 'fɩɔ, nyra ‑tʋtʋ ‑gälɩa ‑glügbüa 'fɩɔa.

Galaatënyüü 3:13

'Kriisë 'ba amɩ ‑dɔa busukʋ ‑gälɩ; busukʋlʋ nëmä ɩa' amɩ ‑gälɩjrä nɩ, 'ɔɔ 'u jrä ‑gälɩ. 'Be nyɔsʋapɔɔkʋ nɩnɩa: «Nyɔɔ o nyɔɔ nëmäa' tuu ‑gälɩ järä, abɩa busukʋ jrä 'ɔɔn ‑gälɩ».

Matiö 20:28

'Asɩ Nyɔɔa 'Jʋ 'nyɩ bɩa ji ‑a ji 'ɔmä 'jrʋpafɛnyüü kä, ‑maa 'ɔ ji 'ɔmä 'jrʋpafɛnyɔɔ bä, ‑bɛ 'ɔmä 'ɔa 'klä 'sa 'kɔkɔmlɛ 'mä 'lɩmlɩwʋ.»

'Nyügälɩjawii 1:5

nyra bɩa Jesu 'Kriisëa ‑nyɛɛ. 'Ɔɔ bä nyɔɔlɔ 'nyɩ sɔa' nyɔɔ dɛrɩ ɔ 'jäa' 'ia wiili, 'ɔɔ bä ‑kätɩjʋlɔ sɔa' jäjänyüüa ‑tɔrʋpɩɔ, 'ɔɔ bä 'pläa 'kɩɩa 'Kamanyɔɔ. 'Kriisë ‑wa amɩ, 'ɔnya ‑srörö 'ɔa ‑toru kälɩ 'ɔnya ‑futo amɩ ana ‑balʋa ‑gʋ.

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

1 Jaan 2:2

'Ɔɔ 'sa 'ɔa nyufa ana ‑balʋa ‑gʋ Nyɔsʋaa 'crɛ nya 'ciewʋ. ‑Mää ana 'dooa ‑gʋ ‑a, ‑maa 'pläa 'fɩɔa ‑gʋ bɩa.

1 Piɛɛrë 3:18

'Kriisëa 'mʋgbɛ 'jä ‑sʋɩ ‑balʋnyüüa ‑balʋa ‑gʋ, 'ɔ nʋ 'imɩ 'wʋ 'doo 'wʋ 'plɔʋplɔʋa ‑gʋ: 'ɔɔ bäa' 'klɩgänyɔɔ, 'ɔ jä nyüülü 'nyɩa' 'klɩgäa ‑gʋ, 'ɔmä 'amɩ Nyɔsʋaa 'pɛlɩ fala. 'Tasɩrɩ 'ɔ jä, ‑maa Nyɔsʋaa ‑Susu nya 'ba 'ɔɔn jäjäa ‑tɔrʋpɩɔ, 'ɔnya bälɩ.

1 Jaan 2:12

'Na 'jü 'amɩ, 'amɔ 'n ‑jɩjra 'wʋ: 'ana ‑balʋ 'a cere 'ɔa 'nyrɩa ‑gʋ.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

1 Timotee 2:6

'ɔ 'sa 'ɔa 'klä ana ‑pi 'lɩ, 'kä nyüüa 'fɩɔ 'mä 'lɩmlɩwʋ. 'Ii srara wiili Nyɔsʋa ‑tʋa' 'lɩ, ‑bɛ i jräa' 'lɩ 'ia 'taɩnlɩ 'ɔ ‑tʋa' 'lɩa 'mlɩ.

Kolɔɔsënyüü 2:13

Jäjänyüü 'a ma bä 'ana ‑balʋa ‑gʋ, nyra 'anyɩ käa' 'bölö, 'ia ‑gʋ; ‑maa Nyɔsʋa nya ‑nyɩ 'amɩ ‑fʋflʋ 'a nyra 'ɔɔn 'mä 'lɩbä. 'Ɔ cere amɩ ana ‑balʋa 'fɩɔ.

Ɛfɛsënyüü 4:32

'Ba 'nanragbi 'wʋ, abɩa 'ana plɛ 'si ‑wawlakʋ 'klɩ. 'Ba cere wii 'sɩrɩ Nyɔsʋa cerea' 'amɩ 'ana nɩ 'Kriisë 'lɩ.

Akëtë 20:28

'Ii känyrɩ 'ba ‑tre 'ana nyüfë, 'ba ‑gäälä nyüülü kä 'fɩɔ 'Nyüna ‑Susu ‑nyɩa' 'amɩ kälɩ 'nyü ‑gba, 'sɩrɩ nyɔɔ ‑glaara ‑bablëëjü ‑gälɩ. 'Ba bä Nyɔsʋaa 'cɛcɩa 'nyiöligälänyüü; 'ɔa 'Jʋa 'mʋgbɛa ‑toru 'ɔ nʋ 'ɔnya ‑su 'üün.

Akëtë 10:43

'A 'ɔa ‑gä nyɔsʋaamlɩpalanyüüa 'fɩɔ 'pa; 'ü nɩnɩa nyɔɔ o nyɔɔ toroa' 'ɔɔn plɛ nɩ, 'ɔa 'nyrɩklɩa ‑gʋ, nyɔɔlɔa ‑balʋ nya 'ɔɔn cerea.»

Kolɔɔsënyüü 3:13

'Ba jöjrögba, ‑moloo ma nʋ ‑moloo wii ‑gba 'ima 'nyɩ 'ɔɔn 'tʋ ‑a kä nɩ, 'ba cecre wii. 'Sɩrɩ 'Kriisë cerea' bɩa 'amɩ 'ana ni: 'ana 'mʋgbɛ 'ba nʋ bɩa dɛɛ 'dee.

Akëtë 2:38

'Iibäa' Piɛɛrë nɩ: «'Ba toro 'lɩ ‑balʋ ‑gälɩ, ‑moloo ma bälɩ 'kä 'ü 'paa 'ɔɔn 'nɩwli Jesu 'Kriisëa 'nyrɩklɩ, 'ɔa ‑balʋ 'mä 'ɔmɩ cere, ‑bɛ Nyɔsʋa 'mä 'amɩ 'Nyüna ‑Susu ‑nyɩ.

1 Jaan 1:9

Nyɔsʋa 'nyɩ 'sa 'ɔa mlɩa wii ‑gälɩ ‑a, 'ɔ ‑gäklɩ. Ama 'sara 'lɩ 'ɔɔn ana ‑balʋ nɩ, 'ɔnya amɩ 'uun cerea, 'kä 'ɔnya ana bʋbɔgbia 'fɩɔ kpëtä.

Akëtë 26:18

'N blɔ ‑mɩ ‑mä 'üa 'nyü ‑jie, ‑bɛ ‑mä 'üün 'jöjrüükpü 'lɩ 'ba ‑mä 'üün ‑srɩ 'klɩ ja; ‑mä 'üün Sataan a 'klü mlɩ 'ba ‑mä 'üün Nyɔsʋa ja. Üma toro 'mɩ plɛ nɩ, 'üa ‑balʋ 'mä 'üün cere ‑bɛ 'ümä ‑jaaa nyüülü Nyɔsʋa berea' 'klɩa ‑tɔrʋpɩɔ kälä.›

'Nyügälɩjawii 14:4

'Üülü nɩ, 'ünyɩ ‑fre ‑a pa, 'be 'ü ‑kaaŋlʋ 'ŋlʋʋ jre. 'Üü nyra ‑Bablëëjʋ 'sɔ mö ‑plɩɩlɩ kä 'fɩɔ 'ɔ möa'. 'Üü ‑srooro nyüüa ‑tɔrʋpɩɔ, 'ümä nyüülü ‑kätɩ ‑nyrɛɛlɛa' Nyɔsʋa nyra ‑Bablëëjʋ kälɩ bä.

Lukë 5:20

Jesu 'jäa' 'üa nyɔsʋaplɛ nɩ, 'ɔnya ‑gbala nyɔɔlɔ: «'Na ‑bei, ‑na ‑balʋ 'a ‑mɩ cere.»

1 Korɛɛntënyüü 1:30

'Amɔlɔ nɩ, Nyɔsʋa nrörö 'amɩ 'doo 'lɩ 'amɔ ‑bɛ 'Kriisë Jesu 'sɔ; Nyɔsʋa nya nrörö 'ɔɔn 'lɩgaglakʋ 'lɩ ana ‑gʋ, 'ɔɔ Nyɔsʋa ‑srörö kälɩ 'kä 'ɔ ‑gäää amɩ 'klɩ, 'ɔnya bere amɩ 'klɩ amä 'ɔa nyüü bä, 'kä 'ɔ 'baa amɩ ‑balʋ 'lɩ.