Kolɔɔsënyüü 1:13 - Kuö Dëdrä Jenɛɛsë Rutë

¹³ 'Ɔ 'ba amɩ 'jöjrüükpüa 'klü mlɩ, 'ɔnya fa amɩ 'ɔa ‑Wawa 'Jʋa 'Kamapläa 'mlɩ.

Kolɔɔsënyüü 1:13 Referans Kwoze

Akëtë 26:18

'N blɔ ‑mɩ ‑mä 'üa 'nyü ‑jie, ‑bɛ ‑mä 'üün 'jöjrüükpü 'lɩ 'ba ‑mä 'üün ‑srɩ 'klɩ ja; ‑mä 'üün Sataan a 'klü mlɩ 'ba ‑mä 'üün Nyɔsʋa ja. Üma toro 'mɩ plɛ nɩ, 'üa ‑balʋ 'mä 'üün cere ‑bɛ 'ümä ‑jaaa nyüülü Nyɔsʋa berea' 'klɩa ‑tɔrʋpɩɔ kälä.›

Ɛfɛsënyüü 5:8

'Jöjrüükpü 'a ma bä, ‑maa 'anya 'a ‑mlatɩ 'napɛ bä 'Pläkänyɔɔ 'lɩ. 'Ii känyrɩ, 'ba nʋ 'napɛa 'jüa 'sa;

1 Piɛɛrë 2:9

‑Maa 'amɔlɔ nɩ, Nyɔsʋaa 'lɩba ‑glügbö 'a bä. 'Kɩɩa 'pɛrɩnyüü 'a bä, ‑tʋtʋ ‑gälɩa ‑glügbölä kä 'nyü 'naa', nyüülü bäa' Nyɔsʋaa nyüü. 'Ɔ 'balɩ 'amɩ 'mʋfa diili 'ɔ nʋa' nɩ, 'amä 'ia ‑gogo 'sa. 'Ɔɔ 'ba 'amɩ 'jöjrüükpü 'lɩ 'ɔnya were 'amɩ 'ɔa 'cɩca 'napɛ 'lɩ.

Ɛfɛsënyüü 6:12

'Be ‑golulu a ‑fuuöa' 'nyɩ 'jajɛ nyra ‑torua ‑golu ‑a bä; ‑maa 'klü, 'kamanyüü, nyüülü 'kama 'jöjrüükpüa 'blɩlɩ kʋa' ‑pɩ, nyra bʋbɔsisili kʋa' cɛ nyra ‑tʋtʋa ‑tɔrʋpɩɔ, 'üü a nyra 'üün ‑fuuö.

1 Tɛsalonikënyüü 2:12

a 'jraraa' 'ana 'klü, a ‑sɔɔrɔa' 'ana plɛ 'wʋ ‑bɛ a 'paa 'amɩ ‑tɔɔ 'lɩ 'amä 'nyɛ 'sɩrɩ Nyɔsʋa 'bataa'. 'Ɔɔ we 'amɩ 'amä 'ɔa 'kamaplä nyra 'ɔa 'wliklɩbʋabʋakʋa 'mlɩ pa.

Ɛfɛsënyüü 4:18

'Jöjrüükpü ka 'üa 'lɩgaglakʋ 'klɩ. 'Ünyɩ 'klälä Nyɔsʋa ‑nyɛɛa' ‑a 'klaa, 'be 'ünyɩ dɛɛ jɔ 'doo ‑a jre, 'üa polu nya 'bʋa ‑gböösa.

Rɔmënyüü 14:17

'be Nyɔsʋaa 'kamaplälä nɩ, ‑mää jijri 'aiɛ 'mamladiia wii 'nyɩ 'saabä, ‑maa 'klɩgägäkʋ, 'wlinönrökʋ nyra dɔrʋlʋ sɔa' 'Nyüna ‑Susua ‑nyɛɛ, 'ia wii bäsaa.

1 Jaan 3:14

Amɔlɔ nɩ, a jresaa anya 'a jäjä 'lɩ sɔ, anya 'a 'klä 'lɩ ji, 'be a ‑wa ana ‑wlajü. Nyɔɔlɔ 'nyɩa' 'ɔa ‑wlajʋ ‑wa nɩ, jäjä 'lɩ 'ɔ ‑ka bä.

2 Korɛɛntënyüü 4:4

'Üü 'nyɩ toro 'iin plɛ. 'Be 'plälä kʋa' ‑pɩa nyɔsʋa 'cakla 'üa bobowli 'lɩ 'ümä 'jöjrüükpü 'lɩ kʋ, 'ü ‑pɩ 'napɛlɛ bäa' 'Mʋfagogoa 'mlɩ 'wʋjä, ‑bɛ 'ɛɛ srara 'Kriisëlɔ bäa' Nyɔsʋaa 'pikea 'wliklɩbʋbʋakʋ.

1 Jaan 3:8

Nyɔɔ nöa' ‑balʋ nɩ, Sataan a 'jʋ 'ɔ bä, 'be 'bala 'käkolofa 'wʋ Sataan nö ‑balʋ. ‑Bɛ Nyɔsʋaa 'Jʋ ji 'ɔmä Sataan a 'jrʋpa ‑gblooo.

Jaan 5:24

«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji.

1 Jaan 2:8

'Nyaa bɩa 'daa ‑dɔ dëdrä 'n ‑jɩjra 'amɩ. 'Ua 'wʋcrɛrɛdɛɛ bä 'ɔɔn 'lɩ. 'Unya bä bɩa 'amɩ 'lɩ, 'be 'tasɩrɩa ‑srɩ 'a pa, 'jöjrüükpü ‑gbaakä.

2 Piɛɛrë 1:11

'Inya 'amɩ ana 'Pläkänyɔɔ, ana 'Lɩmlɩbanyɔɔ Jesu 'Kriisëa 'kamaplälä 'nyɩa' blöröfa kä, 'äa tatu 'klɩsaa.

Lukë 13:24

«'Ba 'palɩ 'klü 'amä 'mëmla jɔa mlɩ ‑srörö. 'Cɩcasa 'n ‑gbala 'amɩ: nyüü 'kɔkɔmlɛ nya 'daa 'ümä 'lɩ ‑srörö, ‑maa 'ü ‑nëmä 'lɩ ‑a bɩa.

Ebröönyüü 2:14

‑Bɛ 'jülü bäa' nyɔɔa 'jajɛ nyra nyɔɔa ‑toru nɩ, 'asɩ Jesua 'mʋgbɛ 'cicri 'ɔa nyufa nyɔɔ 'lɩ; ‑bɛ ɔma jä nɩ, 'ɔmä nyɔɔlɔ 'klaaa' jäjäa 'klü kälɩ ‑gblooo, ɔ bäa' Sataan.

Jaan 17:24

'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ.

Lukë 22:53

‑Srɩ o ‑srɩ amɔ ma bäa' Nyɔsʋaanyuku kpaku ‑wälɩ, 'anyɩ 'mɩ ‑a 'kpla; ‑maa 'ana 'taɩn kʋ ‑pɩ, ‑bɛ 'jöjrüükpü 'mä 'üa 'jrʋpa ‑fɛ.»

Matiö 3:17

Mlɩa wii nya ja cɛa mlɩ: «'Na plɛ ‑gälɩa 'Jʋ kʋ ‑pɩ, 'ɔɔ bä 'na dɔrʋ ‑gböösa.»

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

Ɛfɛsënyüü 1:6

'Ɔ nʋ 'imɩ amä 'ɔɔn 'lɩbrɛrɛ 'ɔa ‑gbinanakʋa 'wlibʋabʋakʋa ‑gʋ, u 'ɔ ‑sröröa' 'ɔa ‑wawajʋ kälɩ ‑bɛ 'ɔ ‑nyɩa' amɩ.

Matiö 17:5

'Ɔ ‑ka 'paa wii ‑bɛ pöplö ‑gbru ‑gblɔɔ 'üün ‑gälɩ 'kä, mlɩa wii nya ja ‑gbrulua 'mlɩ 'i ‑nëma: «'Na plɛ ‑gälɩa 'Jʋ kʋ ‑pɩ, 'ɔɔ 'lɩ 'n ‑tʋ 'na dɔrʋa 'fɩɔ. 'Ba po 'ɔɔn 'nyakli!»

Jaan 3:35

Tʋ ‑wa 'Jʋ, 'ɔnya ‑nyɩ 'ɔɔn diia 'fɩɔ kälɩ.

2 Korɛɛntënyüü 11:14

‑Maa 'inyɩ plɛklɩkalawii ‑a bä, 'be Sataan a 'mʋgbɛ nrörö 'ɔa nyufa pöplö 'aanjë 'lɩ ‑o.

Ɛfɛsënyüü 5:5

‑Bɛ 'ba jre bɩa 'saa nyɔɔlɔ nöa' ‑sagbili Nyɔsʋa 'nyɩ 'bataa', 'aiɛ ɔ nöa' diili plaa' ‑fre 'lɩ, 'aiɛ ɔ käa' tɛ, 'iibä ‑a ‑tɩ ‑plɩɩ Nyɔsʋa ‑bɛ ‑a bibie dii ‑mɩdoo. 'Ia nyɔɔlɔ ‑nëmä ‑jaaa ‑a ji 'Kriisë nyra Nyɔsʋaa 'kamapläa 'mlɩ.