Kolɔɔsënyüü 1:12 - Kuö Dëdrä Jenɛɛsë Rutë

¹² ‑Bɛ 'amä Tʋ 'trɛɛ, 'ɔɔlɔ nʋa' 'iin ‑bɛ amäa' ana në 'pɛ ‑jaaa 'mlɩ 'järä, ‑jaalä 'ɔ tɛrɛa' 'nyünanyüülü bäa' 'ɔa në 'napɛ 'lɩ.

Kolɔɔsënyüü 1:12 Referans Kwoze

Akëtë 20:32

«'Na ‑wlajü 'amɩ, 'köklesaplɩɩ ɔ nɩ, 'n tɩɛ 'amɩ Nyɔsʋa nyra wiili 'paa' 'ɔa ‑gbinanakʋa ‑gä kälɩ. 'A wiili nëmä 'amɩ 'klü ‑nyɩ, 'ii 'mä bɩa 'amɩ ‑jaaa ‑nyɩ nyüülü kä 'fɩɔ 'ɔ ‑gäa' 'klɩa 'mlɩ.

Ɛfɛsënyüü 1:11

A nyra 'ɔɔn bäa' nyüü 'doo nɩ, 'ia ‑gʋ a bä ‑jaajinyüü, 'be Nyɔsʋa 'a kä 'lɩ amɩ 'ba, 'sɩrɩ 'ɔ boboa'; 'sɩrɩ 'ɔ 'daaa' ‑bɛ 'ɔ 'bataa' 'asɩ 'ɔ nʋ diia 'fɩɔ,

Ɛfɛsënyüü 1:18

ɔ ‑jie 'ana bobowli 'klɩ, 'amä diili 'a 'piea' plɛ ‑gälɩ jre ‑bɛ 'amä wiili 'lɩ 'ɔ werea' 'amɩ jre. 'Amä 'nanabɩɔlʋ 'ɔ ‑tʋʋäa' ‑wälɩ 'nyünanyüüa ‑gʋ nɩ, 'amä 'uun jre.

Akëtë 26:18

'N blɔ ‑mɩ ‑mä 'üa 'nyü ‑jie, ‑bɛ ‑mä 'üün 'jöjrüükpü 'lɩ 'ba ‑mä 'üün ‑srɩ 'klɩ ja; ‑mä 'üün Sataan a 'klü mlɩ 'ba ‑mä 'üün Nyɔsʋa ja. Üma toro 'mɩ plɛ nɩ, 'üa ‑balʋ 'mä 'üün cere ‑bɛ 'ümä ‑jaaa nyüülü Nyɔsʋa berea' 'klɩa ‑tɔrʋpɩɔ kälä.›

Ɛfɛsënyüü 3:6

‑A ‑jää 'iin 'lee: 'ü nyra Jesu 'Kriisë 'sɔ bäa' 'doo nɩ, 'ia ‑gʋ nyüülü 'nyɩa' juifë bä 'jää ‑jaaa 'döölä amɔ bäa' juifë 'nëmä ɩa' 'jä. A nyra 'üün bä nyüü 'doo. Wiili Nyɔsʋa 'daaa' 'ɔmäa' 'Mʋfagogo 'lɩ ‑srörö 'ɔmäa' nʋ nɩ, 'ünya kälä bɩa 'lɩ 'mlɩ.

2 Korɛɛntënyüü 5:5

Nyɔsʋaa 'mʋgbɛ ‑ëlere amɩ 'klälä kʋa' ‑pɩ ‑a ‑gʋ. 'Ɔ ‑nyɩ bɩa amɩ 'ɔa ‑Susu 'ɔmä amɩ 'suru diili 'ɔmäa' amɩ ‑nyɩ, 'ia ‑gʋ.

Rɔmënyüü 8:17

‑Bɛ a bäa' 'ɔa 'jü nɩ, a bä bɩa ‑jaajinyüü: Nyɔsʋaa ‑jaajinyüü a bä, a nyra 'Kriisë kɔsɔ, ima 'daa 'kasa a nyra 'ɔɔn 'järä ‑sʋɩ 'wʋ nɩ, a nyra 'ɔɔn nya bɩa 'bʋalaa.

Ebröönyüü 3:14

'Be diili kä 'fɩɔ bäa' 'Kriisëa dii, amɔ kä 'imɩ, ‑maa a kä amä ana plɛgälɩpiepiekʋ 'lɩ kʋ kʋ ‑a ji 'plä 'mä bɩa,

Jaan 14:6

Jesu nya ‑gbala 'ɔɔn: «'Mɔɔ bä 'nyʋfɔ, 'nyaa bä 'cɩcasa nyra 'klä. Nyɔɔ ‑o nyɔɔ jöa' Tʋa ‑nyɛɛ 'mɔɔ 'ɔ ‑srörö kälɩ.

'Nyügälɩjawii 21:23

Nyɔsʋaa 'wliklɩbʋabʋakʋ ŋʋala bätäläa 'mlɩ, 'üa ‑gbʋʋ 'nyɩ 'jrʋ 'aiɛ ‑seplea pöplökʋ ‑gba ‑a bä; 'be ‑Bablëëjʋ bä 'ɔa 'napɛ.

Ebröönyüü 12:23

'Anya jijrö ‑kätɩjülü känyrɩ ‑jɩjraa' cɛɩɩa 'mlɩ ‑gba 'üa ‑glɩsɩglɩsɩ 'lɩ. 'Anya jijrö Nyɔsʋalɔ bäa' nyüüa 'fɩɔa ‑gätʋnyɔɔ ‑gba. 'A jijrö nyüülü kä ‑sisi ‑gäläa' 'klɩ ‑bɛ i jräa' 'wli ‑gba.

Kolɔɔsënyüü 2:2

'N 'bata abɩa 'üa 'klü 'jrara, ü bä 'tasɩrɩ nyüü 'doo ‑wawlakʋ 'lɩ, 'kä 'ümä 'lɩgaglakʋ kpaku 'jä, 'ümä wiili Nyɔsʋa ‑sisiea' 'wli 'nu, 'iibä 'Kriisë.

Ɛfɛsënyüü 5:20

'Ba 'trɛɛ ana Tʋ Nyɔsʋa 'taɩn a 'fɩɔ 'lɩ nyra diia 'fɩɔa ‑gʋ, 'Pläkänyɔɔ Jesu 'Kriisëa 'nyrɩklɩ.

1 Korɛɛntënyüü 8:6

amɔlɔ nɩ, Nyɔsʋa 'doo a jre. 'Ɔɔ bä Tʋlɔ nʋa' diia 'fɩɔ, 'a 'ɔa ‑gʋ a bä 'plä 'wʋ; 'Pläkänyɔɔ bä 'doo, 'ɔɔ bä Jesu 'Kriisë. 'Ɔɔ 'lɩ diia 'fɩɔ jara, ‑bɛ amɔlɔ nɩ, 'ɔa ‑gʋ a bälɩ.

Rɔmënyüü 15:27

'Cɛcʋa 'mʋgbɛ nʋ 'imɩ, 'ü kä 'ümä 'iin nʋ, 'be juifënyüü ji nyüülü 'nyɩa' juifë bä ‑gba 'ünya toro Nyɔsʋa plɛ, 'ii känyrɩ 'ü kä 'ümä bɩa 'üün ‑gbaji käkädiia 'mlɩ.

Jaakë 3:9

'Ɛɛ a nö ‑bɛ a 'trɛɛ ana Tʋ Nyɔsʋa. 'Ɛɛ a nö bɩa ‑bɛ a ‑tapla nyüülü Nyɔsʋa nʋa' 'ɔa 'sa.

Ebröönyüü 3:1

'A 'ia ‑gʋ 'na 'nyüna ‑wlajü 'amɩ, 'amɔlɔ Nyɔsʋa werea' cɛlɩ, 'ba tɛ Jesu 'Kriisë 'klɩ 'cɩcasa. 'Ɔɔ Nyɔsʋa blɔ 'ɔnya bä ‑gbɔsapɛrɩnyɔɔ kpakö, 'ii a toroplɛ, 'ii a 'pala ‑pɩɔa 'fɩɔ.

Kolɔɔsënyüü 3:17

‑Bɛ diili kä 'fɩɔ 'amäa' nʋ, 'papawii 'lɩ 'aiɛ 'ana nʋnʋgbia 'mlɩ nɩ, 'ba nʋ 'imɩ 'Pläkänyɔɔ Jesua 'nyrɩklɩ; 'ba ‑srörö 'ɔɔn kälɩ 'amä Nyɔsʋalɔ bäa' Tʋ 'trɛɛ.

Kolɔɔsënyüü 3:15

'Kä 'wlinönrökʋlʋ 'Kriisë ‑nyɛɛa' 'tiere 'ana polu, 'be 'a 'wlinönrökʋlʋa ‑gʋ Nyɔsʋa we 'amɩ, 'amä nyɔɔ 'doo bä; 'ba 'trɛɛ Nyɔsʋa 'taɩn a 'fɩɔ 'lɩ.

Ɛfɛsënyüü 5:4

'Papawiili bebea' nyüü cɛlɩ, mlüüpawii nyra bʋbɔ ‑gbanyrüü 'nyɩ bä 'ana ‑tɔrʋpɩɔ! 'Ba kä Nyɔsʋaa 'tɛtrɛɛkʋa 'doo.

Ɛfɛsënyüü 4:6

Nyɔsʋa bä 'doo, 'ɔɔ bä nyüüa 'fɩɔa Tʋ. 'Ɔ ‑si diia 'fɩɔwʋ, 'ɔ ‑srörö ana 'fɩɔa kälɩ 'kä 'ɔ ‑fɛ 'jrʋpa, 'ɔ bä ana 'fɩɔa 'lɩ.

1 Korɛɛntënyüü 9:23

'Ia 'fɩɔlʋ nɩ, 'Mʋfagogoa ‑gʋ 'n nö 'imɩ, 'kä ana 'fɩɔ 'mä 'lɩmlɩ 'järä ‑pɩɔ 'doo 'wʋ.

Rɔmënyüü 11:17

'Ii känyrɩ katë ‑mülü ma 'bölö nɩ, ‑bɛ ‑mɔ oliivëtuu ‑gaa' 'klʋɛɛ 'lee, 'üa ‑pi 'lɩ 'ü 'ma ‑mɩ 'kä, ‑bɛ ‑jää oliivëtuua tigbliia 'nɩ.

Rɔmënyüü 9:23

'ɔmä 'ɔa 'wliklɩbʋabʋakʋ nyatɛ ‑takɔɩɩa 'pɛlɩ srara, 'ɔmä ü 'ɔ tɩa' ‑srɩ dɛrɩ 'ɔ ‑gbalaa' 'bʋala.

Jaan 20:17

'Iibäa' Jesu nɩ: «‑Nyɩ ‑fɛ 'mɩ ‑gba, 'n ‑kaaŋlʋ 'na Tʋa ‑nyɛɛ 'jra. ‑Maa mi ‑a ‑gbala 'na ‑wlajü, 'na Tʋa ‑nyɛɛ 'n 'jraa, ɔ bäa' 'ana Tʋ; 'na Nyɔsʋaa ‑nyɛɛ 'n 'jraa, ɔ bäa' 'ana Nyɔsʋa.»

Jaan 4:23

‑Maa 'taɩn jö, ‑bɛ 'i 'a 'lɩjrä, ü bibiea' Tʋ 'cɩcasa, ma ‑ka nëmä Tʋ bibie nɩ, ‑susu 'lɩ nyra 'cɩcasa 'lɩ 'ümä 'ɔɔn bibrie. 'A 'samaa bibienyüü Tʋ 'bata.

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

'Nyügälɩjawii 22:14

Abɩa dɔrʋ 'bla nyüülü ‑trääräa' 'lɩ nyɔsʋaawii 'lɩ, 'üü nëmä tuulu ‑nyɛɛa' 'kläa 'bü ji, 'kä 'ünya bätäläa tatia mlɩ ‑srörö 'kä 'ünya pa.

'Nyügälɩjawii 22:5

‑Gbia ‑ka ‑nëmä 'lɩ ‑a bä, 'üa ‑gbʋʋ ‑ka ‑nëmä 'napɛ nyra 'jrʋa 'batakʋ ‑gba ‑a bä, 'be 'Pläkänyɔɔ Nyɔsʋa nëmä 'üün ‑gälɩ ŋʋala, 'kä 'ünya 'kama 'plɔʋplɔʋa ‑gʋ.

1 Jaan 1:3

I a 'jäa' ‑bɛ a 'nua' 'wli nɩ, 'ii a ‑gbala bɩa 'amɩ, 'ana 'mʋgbɛ nyra amɔ 'mä 'doo bä. ‑Mää ana 'kpɔ ‑a, ‑maa a nyra Tʋ ‑bɛ 'ɔa 'Jʋ Jesu 'Kriisë nëmä 'doo bä.

1 Piɛɛrë 5:1

'Mɔɔ bäa' tagbö ‑beere 'cɛcɩtagbülü bäa' 'ana ‑tɔrʋpɩɔ nɩ, 'mɔɔ 'paa 'üün 'klü 'lɩ; 'mɔɔ kä 'nyü 'jäa' bɩa 'Kriisë 'ɔa ‑sʋɩa 'mlɩ, ‑bɛ 'mɔɔ käläa' bɩa 'na nɛ 'pɛ 'wliklɩbʋabʋakʋa 'mlɩ, ɛ nëmäa' 'wʋcrɛrɛ nɩ, ‑jää wiili 'n ‑gbala 'a 'amɩ:

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

2 Korɛɛntënyüü 11:14

‑Maa 'inyɩ plɛklɩkalawii ‑a bä, 'be Sataan a 'mʋgbɛ nrörö 'ɔa nyufa pöplö 'aanjë 'lɩ ‑o.

Ɛfɛsënyüü 2:18

'Be 'abɩa 'Kriisë ana 'fɩɔ ma ‑srörö kälɩ nɩ, ‑bakää ‑bä juifë 'aiɛ ‑nyɩ juifë bä, 'a ‑plɩɩ a 'mrɛɛ amä ana Tʋ Nyɔsʋa ‑gbajijrö ‑Susu 'doolʋa 'nyrɩklɩ.

Ɛfɛsënyüü 5:8

'Jöjrüükpü 'a ma bä, ‑maa 'anya 'a ‑mlatɩ 'napɛ bä 'Pläkänyɔɔ 'lɩ. 'Ii känyrɩ, 'ba nʋ 'napɛa 'jüa 'sa;

Ɛfɛsënyüü 5:11

'Anyɩ 'cakla 'ana nyüfë ‑gbiaraa nʋnʋgbili 'nyɩa' 'wli nyra ‑toko kä, ‑maa 'ba be 'iin ‑fälɩ.