Kolɔɔsënyüü 1:10 - Kuö Dëdrä Jenɛɛsë Rutë

¹⁰ 'Ia 'taɩn 'lɩ nɩ, 'a 'mrɛɛ 'amä 'Pläkänyɔɔ 'tʋkä wiia 'fɩɔa 'mlɩ; 'a 'mrɛɛ 'amä 'ɔa 'klʋɩ 'nyɛrɛ. 'Anya 'mʋfagbia 'kaɩn 'kaɩn nʋa ‑beere tuu ‑tʋa', 'kä 'ana nyɔsʋajejrekʋ nya ‑gälɩpapla.

Kolɔɔsënyüü 1:10 Referans Kwoze

Ɛfɛsënyüü 4:1

'Ia ‑gʋ, 'mɔɔ 'Pläkänyɔɔa ‑jienyɔɔlɔ nɩ, 'n 'paa 'amɩ 'klü 'lɩ, 'sɩrɩ Nyɔsʋa 'bataa' i kä ‑gʋ 'ɔ wea' 'amɩ nɩ, 'amä 'ia 'sa 'nyɛ.

Ebröönyüü 13:21

abɩa 'ia Nyɔsʋalɔ nʋ 'imɩ 'amä 'jrʋpalä kä 'fɩɔ 'naa' a nʋnʋkʋ mlɩbɩa, 'amä wiili 'ɔ 'bataa' nʋ, ɔ ‑srörö Jesu 'Kriisë kälɩ 'ɔmä 'amɩ 'lɩ wiili käa' 'ɔɔn 'tʋ ‑tʋ. 'Ɔɔ kä 'bʋalakʋ 'plɔʋplɔʋa ‑gʋ! 'Asɩ i bä!

1 Jaan 3:22

‑Bɛ dɛɛ o dɛɛ a nëmäa' 'bete nɩ, 'ɔnya amɩ 'ɛɛn ‑nyɩa, 'be a ‑träärälɩ 'ɔa ‑dɔ ‑bɛ wiili käa' 'ɔɔn 'tʋ nɩ, 'ii a nö.

Jaan 15:16

‑Mää 'amɔ 'nyɩ 'mɩ 'lɩba, ‑maa 'mɔɔlɔ nɩ, 'mɔɔ 'balɩ 'amɩ 'nya ‑tʋ 'lɩ 'amɩ 'amä tʋ, 'ana tʋtʋdii 'mä ‑wɩara. 'Ia 'taɩn 'lɩ nɩ, dɛɛ 'amäa' Tʋ ‑sɛ 'na 'nyrɩklɩ nɩ, 'ɔmä 'amɩ 'ɛɛn ‑nyɩ.

1 Tɛsalonikënyüü 4:1

'Na ‑wlajü 'amɩ, 'a 'kpɩara amɩ ‑gba 'sɩrɩ 'amäa' 'nyɛ ‑bɛ 'amäa' Nyɔsʋa 'tʋkä; 'ii 'a nö ɩ ‑piii. ‑Maa amɔ 'betre 'amɩ 'iin 'lɩ: a bibie 'amɩ, 'sɩrɩ 'a nyra 'Pläkänyɔɔ Jesu bäa' 'doo nɩ, 'ia 'nyrɩklɩ, 'ba 'palɩ 'klü 'ba nʋ 'iin a 'doo.

Ebröönyüü 13:16

'Anyɩ ‑trɔ 'cɩcasaa nʋnʋkʋ, 'kä 'a jöjrögba 'be 'a 'samaa ‑gbɔ kä Nyɔsʋa 'tʋ.

Jaan 15:8

'Ama tʋ ‑gböösa nɩ, 'anya 'na 'wʋnyɛrɛnyüü bäa. 'Iibä 'na Tʋa 'wliklɩ 'bʋalakʋ.

Titë 3:14

'I 'na 'kä ana nyüü 'kpɩa bɩa 'cɩcagbia nʋnʋkʋ, 'ümä nyüüa ‑gbajijikʋ mlɩbɩa 'ü ‑pɩ ‑beere tuulu 'nyɩ tʋa'.

2 Piɛɛrë 3:18

‑Maa 'ba 'bʋala Jesu 'Kriisëa ‑gbinanakʋ 'lɩ 'kä 'a jre 'ɔɔn ‑gböösa, 'ɔɔlɔ bäa' ana 'Pläkänyɔɔ nyra ana 'Lɩmlɩbanyɔɔ. 'Ɔɔ kä 'wliklɩbʋbʋakʋ 'köklesaplɩɩ, 'plɔʋplɔʋ! 'Asɩ i bä.

2 Piɛɛrë 1:8

'Be 'ama 'klaa 'samaa nʋnʋgbi nɩ, ‑bɛ 'ima bä 'amɩ 'lɩa 'doo nɩ, 'inya 'iin nʋa 'kä ana 'Pläkänyɔɔ Jesu 'Kriisëlɔ a jrea', 'ɔa 'jrʋpa ‑nëmä tɩɔ ‑a tɩɔ.

Kolɔɔsënyüü 2:6

'Be 'anya 'a 'kpɩkpɩakʋlʋ 'paaa' 'Pläkänyɔɔ Jesu 'Kriisëa ‑gä 'klɩnyiere nɩ, 'ba 'nyɛ 'sɩrɩ 'a nyra 'ɔɔn bäa' 'doo.

1 Tɛsalonikënyüü 2:12

a 'jraraa' 'ana 'klü, a ‑sɔɔrɔa' 'ana plɛ 'wʋ ‑bɛ a 'paa 'amɩ ‑tɔɔ 'lɩ 'amä 'nyɛ 'sɩrɩ Nyɔsʋa 'bataa'. 'Ɔɔ we 'amɩ 'amä 'ɔa 'kamaplä nyra 'ɔa 'wliklɩbʋabʋakʋa 'mlɩ pa.

Kolɔɔsënyüü 4:5

'Ba kä 'cɩcagbi nyüülü 'nyɩa' Nyɔsʋa jrea 'klɩ. Wii o wii 'tɔrɔa' 'amɩ 'klɩ, 'ba nʋ dotro dɛɛlɛ 'a nëmäa' nʋ.

Ɛfɛsënyüü 5:15

'Ii känyrɩ, 'ba ‑tre ‑gböösa 'ana ‑wälɩkʋkʋkʋ. 'Anyɩ 'nyɛ saklanyüüa 'sa, ‑maa 'ba nʋ 'lɩglanyüüa ‑gbi.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

2 Korɛɛntënyüü 2:14

A 'trɛɛ Nyɔsʋa! Ɔ ‑sröröa' 'Kriisë kälɩ ɔ falaa' amɩ 'wʋsisikʋa ‑glɩsɩglɩsɩ 'lɩ 'plɔʋplɔʋ, ‑bɛ 'ɔ ‑sröröa' amɩ kälɩ ‑bɛ 'ɔ srara 'Kriisë ‑pɩɔa 'fɩɔ, 'sɩrɩ ‑daŋlʋɩnɩa 'nɔnʋ ‑gbaalaa' ‑pɩɔa' 'fɩɔ 'kä.

Rɔmënyüü 6:4

‑Bɛ 'a 'nɩwlipapakʋ 'lɩ a nyra 'Kriisë järä 'wʋ, 'ünya ‑träärä amɩ ‑pɩɔ 'doo 'wʋ. 'Ü 'pa amɩ 'nɩwli amä 'klä dëdrä ‑gälɩ 'nyɛrɛ 'sɩrɩ Tʋa 'wliklɩbʋabʋakʋ 'lɩ 'ɔ 'baa' 'Kriisë jäjänyüüa ‑tɔrʋpɩɔ.

Ɛfɛsënyüü 5:10

'Ba 'bata wiili käa' 'Pläkänyɔɔ 'tʋa nʋnʋkʋ.

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

Filipënyüü 1:27

'Ba 'nyɛ nyɔɔwʋbabasa, 'sɩrɩ imäa' 'lɩ 'Kriisëa 'Mʋfagogo ‑träärä. 'Ia 'taɩn 'lɩ, ‑bakää 'n jö 'amɩ 'jää, ‑bakää 'nyɩ ‑plɩɩ bä, ‑a 'nu 'sɩrɩ 'a kʋa' bobowli 'doo 'lɩ, 'amä 'ana nyɔsʋaplɛlɛ 'Mʋfagogo ‑nyɩa' 'amɩ ‑wälɩtʋ.

Filipënyüü 1:11

Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

Titë 3:1

'Pa 'üün plɛ 'sɩrɩ 'ü käa' 'ümäa' 'lɩ 'üa ‑gʋmlanyüü nyra 'üa 'brea 'wliklɩnyüü ‑träärä, ü 'nyɛɛ wiili 'ü 'daaa' ‑gälɩ, ü nʋ wiilia 'fɩɔ 'naa'.

Kolɔɔsënyüü 3:20

'Amɔ 'jü 'amɩ, 'ba ‑träärälɩ 'ana tʋɩɩ wiia 'fɩɔa 'mlɩ, 'a 'ii 'Pläkänyɔɔ 'bata.

Ɛfɛsënyüü 4:13

'Ima bäsaa nɩ, ana 'fɩɔa nyɔsʋaplɛ nyra Nyɔsʋaa 'Jʋa jejrekʋ nya dɛɛ 'dee bäa. Anya ‑jrɛa, 'kä anya 'tasɩrɩ 'Kriisëa 'bʋabʋakʋa ‑pɩɔ 'tɔ.

Ebröönyüü 11:5

Enɔkëa nyɔsʋaplɛtorokʋa ‑gʋ 'ɔnyɩ jä ‑a jä 'ɔnya 'jra cɛa 'mlɩ, 'ɔnyɩ 'saarɩ 'järä ‑a 'järä 'plɔʋ, 'be Nyɔsʋa 'ɔɔ fa 'ɔɔn. ‑Jäsɩ 'i bäa' nɩ, 'ɔ ‑kaaŋlʋ 'ɔɔn fa nyɔsʋapɔɔkʋ nya 'daa 'ɔ kä kä Nyɔsʋa 'tʋ.

2 Timotee 2:4

Nyɔɔlɔ bäa' 'sʋgɩanyɔɔ, 'ɔa ‑gbʋʋ 'nyɩ nyüülü 'nyɩa' 'sʋgɩa bäa' wiili ‑gba ‑a bä, 'be 'ɔ kä 'ɔmä 'ɔa 'kamanyɔɔ 'tʋkä.

Kolɔɔsënyüü 2:19

'Ünyɩ kpasra 'Kriisëlɔ bäa' 'wli ‑gba ‑a. ‑Bɛ 'wli 'ii ‑nyɛɛ fugba diili 'naa'. 'Ii känyrɩ kä fugbaa 'katrafë nyra tri kpakü nyɔnyrɔ 'wʋ, 'kä fugbaa 'fɩɔ 'bʋala 'wʋ 'sɩrɩ Nyɔsʋa 'bataa'.

Filipënyüü 4:18

'N 'jä 'ia 'fɩɔ, 'inya ‑siewli. ‑Bɛ Epaflodiitë jaa' 'mɩ diili kä 'fɩɔ 'a jaa' 'mɩ nɩ, 'n 'klaa diili kä 'fɩɔ 'nyɩa' kla. Diili 'a ‑nyɩa' 'mɩ, 'i ‑beere 'nɔnʋpa ‑gbɔ, ‑gbɔlʋ Nyɔsʋa 'kʋɛɛa' 'lɩ ‑bɛ u käa' 'ɔɔn 'tʋ ‑gböösa.

Ɛfɛsënyüü 1:17

'N ‑gbala ana 'Pläkänyɔɔ Jesu 'Kriisëa Nyɔsʋa, Tʋlɔ 'sia' 'wliklɩbʋabʋakʋ 'klɩ nɩ, ɔ ‑nyɩ 'amɩ ‑susulu 'sia' wiijejrekʋ 'klɩ, 'kä 'ɔ ‑jie 'ana 'nyü 'amä 'ɔɔn jre 'cɩcasa,

2 Korɛɛntënyüü 9:8

Nyɔsʋa kä 'klü 'ɔ 'mrɛɛ ɔ 'sie amɩ ‑gbinanakʋ 'klɩ 'kä 'amä 'taɩn a 'fɩɔ 'lɩ diili 'a 'bataa' 'jä, amä wiili kä 'fɩɔ 'naa' nʋ,

Jaan 17:3

‑Bɛ dɛɛlɛ bäa' 'klälä 'nyɩa' blöröfa kä nɩ, 'iibä: ‑mɔ kä 'doo bäa' 'cɩca Nyɔsʋa, ü jre ‑mɩ, 'kä 'ü jre Jesu 'Kriisëlɔ ‑blɔa'.

2 Korɛɛntënyüü 4:6

'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.

Rɔmënyüü 4:12

'Ɔ nʋ bɩa 'bölönyüüa tʋ, nyüülü 'nyɩ toroa' 'bölökʋa 'doo plɛ, ‑maa ü 'nyɛrɛa' ana tʋ Abraamëa nyɔsʋaplɛtorokʋa 'sa 'taɩn 'lɩ 'ɔ ‑kaaŋlʋ käa' 'bölö.

Rɔmënyüü 1:13

'Na ‑wlajü 'amɩ, 'ba jresaa ‑srɩ ‑mɩdoo 'lɩ 'n ‑tʋʋä 'lɩ jrüü 'mä 'ana ‑nyɛɛ ji, ‑maa 'n ‑kaaŋlʋ 'saalɩ 'casɩ ‑a 'jä 'mä ɩ 'ana ‑tɔrʋpɩɔ nyra 'blɩ ‑mɩdooa 'mlɩ 'nyüüdëdrë 'järä.

2 Korɛɛntënyüü 5:9

'A 'ia ‑gʋ ‑bakää anyɩ tɩɔ ‑taa fugbaa 'mlɩ, 'aiɛ ‑bakää anyɩ sɔ 'lɩ, wiili kä 'doo a 'bataa' nɩ, amä 'ɔɔn 'tʋkä.

3 Jaan 1:6

'A 'ü ‑gbala 'cɛcɩ ‑na ‑wawaplɛa ‑gä. 'Asɩ ‑a 'doo ‑a nʋ ‑a ji 'üün ‑gba Nyɔsʋa 'nyrɩklɩa ‑gʋ nɩ, 'ii ‑si 'nanakʋ.