Akëtë 4:2 - Kuö Dëdrä Jenɛɛsë Rutë

² Wiili 'ü 'kpɩaa' nyüülü ibäa' ‑maa jäjänyüü 'mrɛɛ 'ü sɔ 'kuaabre 'sɩrɩ Jesu nʋa' nɩ, 'i kä 'üün 'crɛwʋ ‑gböösa.

Akëtë 4:2 Referans Kwoze

Akëtë 17:18

'Kpɩkpɩanyüülü 'ü 'daraa' Epikuriinyüü nyra Sëtoisënyüü nyra 'ɔɔn ‑topo. ‑Mölöö nö: «‑Taa ‑yrɛkänyɔɔlɔ nɩnɩa dɛɛ 'plɛɛ le?» ‑Mölöö 'jä 'ɔɔn 'ɔnya 'pa Jesua ‑gä nyra 'sɩrɩ 'ɔ sɔa' 'kuaabre, 'ia ‑gʋ 'ü nö ‑maa: «'I ‑beere ‑pasa nyɔsʋaɩɩa wiipanyɔɔ 'ɔ bä.»

Rɔmënyüü 8:11

Nyɔsʋa 'ba Jesu jäjäa 'mlɩ. Nyɔsʋaa ‑Susulu ma kʋ 'amɩ 'lɩ nɩ, Nyɔsʋalɔ 'baa' 'Kriisë jäjäa 'mlɩ nya 'ana fugbalä 'mäa' jä 'klä ‑nyɩa. 'Ɔa ‑Susulu kʋa' 'amɩ 'lɩ, 'uu 'ɔmä kälɩ ‑srörö 'ɔmä 'iin nʋ.

Akëtë 13:45

Juifënyüü 'jäa' nyüü 'kɔkɔmlɛ jia' nɩ, wasä nya 'si 'üün 'klɩ! 'Pɔɔlë ma pa wii nɩ, 'ü 'baa ‑plɩɩ 'iin, ‑bɛ 'ü ‑jejre 'ɔɔn.

1 Korɛɛntënyüü 15:23

‑Maa ‑moloo ‑bɛ 'ɔa 'taɩn, 'Kriisë ‑kätɩ sɔwʋ, ‑bɛ 'taɩn 'lɩ 'ɔmäa' dɛrɩ 'blöö nɩ, 'kä nyüülü bäa' 'ɔa nü nya 'wʋsɔ.

Akëtë 26:23

'ü nɩnɩa 'Kriisë nya ‑sʋɩ 'jäa, 'ɔɔ ‑kätɩ nëmä 'kuaabre sɔ, 'kä 'ɔnya ana nyüü nyra nyüülü 'nyɩa' juifë bä ‑gbala 'sɩrɩ 'napɛ nya 'a ji.»

Akëtë 26:8

Dɛplɛɛ kä ‑gʋ 'i klalɩ 'ana ‑tɔrʋpɩɔ 'kä 'amä 'saa jre 'sɩrɩ Nyɔsʋa tɛrɛa' jäjänyüü 'kä le?

Akëtë 24:21

‑Pasawii 'nyɩ 'lɩ ‑a bä, 'ima 'nyɩ ‑taa waklöölä kʋa' ‑pɩ, ä 'n ‑gboloa' mlɩ 'n 'palaa' 'üa 'klʋɩ ‑a bä: ‹Jäjänyüü nya 'kuaabre sɔa.› 'A wiili kä ‑gʋ 'ü jaa' 'saarɩ 'mɩ ‑jria 'lɩ!»

Akëtë 19:23

'A 'ia 'taɩn 'doolʋa 'mlɩ ‑yrɛ kpaki blö 'Pläkänyɔɔa 'Nyʋfɔa wii ‑gälɩ.

Akëtë 5:17

‑Gbɔsapɛrɩnyɔɔ kpakö nyra nyüülü kä 'fɩɔ bäa' 'ɔɔn dɛrɩ, ü 'ü 'daraa' Sadusinyüüa ‑glügbünyüü nɩ, wasä 'si 'üün 'klɩ, 'ünya sɔwʋ.

Akëtë 3:15

'A 'bla 'Kläa Käkänyɔɔ. ‑Maa Nyɔsʋa 'ba 'ɔɔn jäjäa ‑tɔrʋpɩɔ, ana 'mʋgbɛ nya nʋ 'nyü anya 'jä 'imɩ.