2 Timotee 4:8 - Kuö Dëdrä Jenɛɛsë Rutë

⁸ 'Bala 'saarɩ ‑gälɩ nɩ, 'klɩgä 'wlugbölä 'ümäa' 'mɩ ‑nyɩ nɩ, 'mɔɔ 'ä ‑glaaa. 'Pläkänyɔɔlɔ ‑gäa' 'klɩ ɔ ‑tʋʋäa' ‑gä, nya 'mɩ 'ään ‑nyɩa 'ia ‑srɩlɩa 'mlɩ. ‑Bɛ ‑mää 'na 'doo ‑a, nyüülü kä 'fɩɔ ‑waa' 'ɔɔn ü ‑glaaa' bɩa 'ɔa jijisrɩ bä bɩa 'lɩ.

2 Timotee 4:8 Referans Kwoze

Jaakë 1:12

Abɩa dɔrʋ 'bla nyɔɔlɔ ‑sɔɔrɔa' 'wʋ ‑sʋɩa 'mlɩ. Ɔma 'nyɩ fɔlɔ ‑sʋɩ 'klɩ ‑a nɩ, 'ɔnya 'pɛɛrɛa: 'ɛɛ bä 'klälä 'Pläkänyɔɔ 'daaa' 'ɔmäa' nyüülü ‑waa' 'ɔɔn ‑nyɩ.

'Nyügälɩjawii 2:10

‑Sʋɩlɩ ‑nëmäa' 'jä 'nyɩ kä ‑mɩ ŋalɛ 'wʋ. Ponyakli. Sataan nya 'amɩ 'traɩn a: 'ɔnya 'ana ‑tɔrʋpɩɔa ‑mölöö 'kplaa kä 'ɔnya 'üün ‑jie 'lɩ 'pa, 'kä 'anya ‑sʋɩ 'jä ‑kpraalɩa jrüü ‑pʋ. ‑Maa ‑sɔɔrɔwʋ ‑bakää 'ünyɩ 'bla ‑mɩ, ‑bɛ 'mä ‑mɩ 'kläa 'wlugbö ‑nyɩ.

1 Piɛɛrë 5:4

'Ia 'taɩn 'lɩ ‑bablëëgbanyɛrɛnyüüa 'cifi kpakö ma 'tɔ nɩ, 'ɔnya 'amɩ 'kɩɩa 'wlugbölä plöa' ‑bɛ änyɩ bɩaa' 'klɩ ‑nyɩa.

1 Piɛɛrë 1:4

'Ia 'taɩn 'lɩ a 'mrɛɛ a ‑glaaa dɔrʋsa ‑jaalä Nyɔsʋa tɛrɛa' amɩ. ‑Jaalä nɩ, cɛa 'mlɩ 'ɔ tɛrɛ amɩ 'ään, ‑nyɛɛ nɩ, 'änyɩ 'lɩ ‑a bɩa ä bʋblɔ, 'änyɩ 'lɩ ‑a bɩa ä pa ‑fre ‑bɛ ä saka.

2 Timotee 1:12

'A 'ia ‑gʋ 'n 'jää 'ia ‑sʋɩ. ‑Maa 'inyɩ 'mɩ 'nyüsü 'wʋ ‑a kä, 'be 'n jre nyɔɔlɔ 'n toroa' plɛ, 'nyaa jre 'iin 'sɩrɩ 'ɔ 'mrɛɛa' 'ɔmäa' diili 'n tɩa' 'ɔɔn ‑gba ‑wälɩ ‑tʋ ‑tʋ ‑a ‑tɔɔ ‑gätʋtaɩn ‑gälɩ.

1 Korɛɛntënyüü 9:25

Fɔfɔnyüüa 'fɩɔ 'paa plɛ mlɩ wiia 'fɩɔ 'lɩ. 'Ü nöa' 'imɩ nɩ, 'ümä 'pɛpɛɛdɛɛlɛ 'nyɩ ‑wlɛa' 'lɩ fa, ‑maa amɔlɔ nɩ, a nö 'imɩ amä 'pɛpɛɛdɛɛlɛ ‑wɩaraa' fa.

Kolɔɔsënyüü 1:5

Dɛɛlɛ Nyɔsʋa tɛrɛa' 'amɩ cɛɩɩa 'mlɩ ɛ 'a ‑glaaa' nɩ, 'ɛɛ bä 'ana nyɔsʋaplɛtorokʋ. ‑Bɛ 'ia plɛgälɩpiepiekʋlʋ nɩ, 'cɩcasalä 'saraa' 'lɩ, 'ää känyrɩ 'anya jre 'Mʋfagogo.

'Nyügälɩjawii 1:7

‑Jää! 'Ɔ bä cɛlɩa ‑gbrua 'mlɩ 'ɔɔ jö! Nyüüa 'fɩɔ nya 'ɔɔn 'jäa, 'palɩ nyüülü 'flooa' 'ɔɔn, 'kä ‑tʋtʋ ‑gälɩa ‑glügbüa 'fɩɔ nya 'ɔa ‑gʋ 'wu. 'Cɩcasa! 'Asɩ i bä!

Titë 2:13

'Asɩ a ‑glaaa dɔrʋ ‑srɩlɩ a toroa' plɛ. 'Ia ‑srɩ 'lɩ nɩ, ana 'Lɩmlɩbanyɔɔ Jesu 'Kriisë, ɔ bäa' ana Nyɔsʋa Kpakö, nya 'wliklɩbʋalakʋ 'lɩ jröröa.

'Nyügälɩjawii 19:11

'Pɩrɩgälɩ nɩ, 'n 'jä cɛ 'ɛnya ‑jieroklɩ, 'nyaa 'jä 'pɔlɔ ‑sʋ. Nyɔɔlɔ kʋa' 'ua ‑gälɩ, 'ɔa 'nyrɩ bä Plɛtoronyɔɔ nyra 'Cɩcanyɔɔ. 'Klɩgägäkʋ 'lɩ 'ɔ 'bölö nyüü ‑gä ‑gälɩ ‑bɛ 'ɔ fa 'üün tou.

2 Timotee 2:5

‑Bɛ nyüü ma 'poplogba fɔfɔkʋ 'lɩ nɩ, ‑moloo ma fa 'pɛpɛɛdɛɛ nɩ, jresaa ‑fʋfɔlʋa ‑dɔ 'ɔ ‑träärälɩ; ima 'nyɩ 'iin ‑a bä nɩ, 'ɔ ‑nëmä 'ɛɛn fa ‑a fa.

2 Timotee 4:1

'A 'ia ‑gʋ, 'tasɩrɩ 'n ‑gbala ‑mɩ Nyɔsʋa nyra 'Pläkänyɔɔ Jesu 'Kriisëlɔ 'mäa' 'lɩbänyüü nyra jäjänyüüa ‑gä ‑tʋ, 'taɩn 'lɩ 'ɔɔ ‑bɛ 'ɔa 'Kamaplä 'mäa' ‑srɩɩ ji nɩ, 'üa 'klɩ:

1 Timotee 6:19

Üma nʋ 'imɩ nɩ, 'ünya 'cɩca 'bɩɔ ‑gbapaplaa, u 'surua' ‑sraakäpɩa ‑gʋ ‑bɛ 'ümä 'klälä 'nyɩa' blöröfa kä 'jä.

1 Korɛɛntënyüü 2:9

‑Maa 'i ‑jɩjra nyɔsʋapɔɔkʋ 'lɩ 'kä: Dɛɛlɛ 'nyiö 'nyɩa' 'jä, ɛ 'nyaklu 'nyɩa' 'wli 'nu, ‑bɛ wiili 'nyɩa' nyɔɔa plɛklɩ ji, Nyɔsʋa ‑ëlere 'ia 'fɩɔ nyüülü ‑waa' 'ɔɔn, 'üa ‑gʋ .

'Nyügälɩjawii 22:20

Nyɔɔlɔ 'daaa' ‑maa 'ia 'fɩɔlʋ bä 'cɩcasa ‑nëma: «‑Yɛɛ, 'n jö 'köklesaplɩɩ!» 'Asɩ i bä! ‑Yɛɛ! Ji 'Pläkänyɔɔ Jesu!

'Nyügälɩjawii 4:10

'Asɩ 'ü nöa' 'saa nɩ, 'asɩ Tagbü ‑glʋ ‑bɛ mlɔɔlü 'pala 'üa 'kʋɩa ‑tʋtʋ 'wʋ ‑fli, nyɔɔlɔ kʋa' 'kɩɩkpata 'wʋa 'klʋɩ; 'kä 'ü brɛrɛ ɔ bäa' 'lɩ 'plɔʋplɔʋ 'lɩ. 'Ü be be 'üa 'wlugbë nyɔɔlɔ kʋa' 'kɩɩkpata 'lɩa 'klʋɩ ‑bɛ 'ü nö:

'Nyügälɩjawii 4:4

'Kɩɩkpatë ‑glʋ ‑bɛ mlɔɔ trara 'kɩɩkpatalä 'klɩ, ‑bɛ tagbü ‑glʋ ‑bɛ mlɔɔ kʋ 'üün 'wʋ. 'Ü 'sroo 'pɔlɔ 'koti, ü ‑tʋ ‑sikaa 'wlugbö 'wli.

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.

2 Timotee 1:18

Abɩa 'Pläkänyɔɔ 'jä 'ɔa nyatɛrɩ ‑Gätʋsrɩ 'lɩ. ‑Na 'mʋgbɛ ‑jre 'wʋ ‑srülü 'ɔ jia' 'mɩ ‑gba Ɛfɛsëbätä.

1 Tɛsalonikënyüü 1:10

‑Bɛ 'a jia' 'ɔa 'Jʋlɔ 'mäa' cɛlɩ sɔ ‑glaa, 'ɔa 'Jʋ Jesu 'ɔ 'baa' jäjänyüüa ‑tɔrʋpɩɔ, 'ɔɔ 'baa amɩ 'crɛlɛ jöa' mlɩ.

Rɔmënyüü 8:23

‑Maa 'änyɩ 'döö ‑a bä: ana 'mʋgbɛlɔ 'klaaa' Nyɔsʋaa ‑Susu u bäa' Nyɔsʋaa 'klɩsa ‑nyɩnyɩdɛɛ nɩ, 'asɩ a pütö ana plɛklɩ bɩa. A 'sosowʋ Nyɔsʋa 'mä amɩ 'ɔa 'jü 'lɩnrörö ‑bɛ 'ɔmä amɩ ana fugba mlɩ 'ba;

Rɔmënyüü 2:5

‑Na 'nyakliwlisusukʋ nyra ‑na plɛlɛ 'nyɩ 'cicia' nɩ, 'ia ‑gʋ 'ɔa 'crɛ bä ‑mɩ ‑gälɩ ‑bɛ ‑glaaa Nyɔsʋaa 'crɛa srara ‑srɩa 'taɩn 'lɩ 'ɔmäa' nyüüa ‑gä ‑tʋ 'klɩgäsa.

Matiö 24:36

«Dɛɛlɛ bäa' 'ia jrüü 'aiɛ 'ia 'taɩn nɩ, nyɔɔ 'nyɩ 'iin jre ‑a jre; 'aanjëlü bäa' cɛlɩ 'nyɩ 'iin jre ‑a jre. Tʋa 'doo 'ɔɔ jre 'iin.

Matiö 7:22

'Ia ‑srɩlɩa 'mlɩ nyüü 'kɔkɔmlɛ nya 'mɩ ‑gbalaa ‑maa: ‹'Pläkänyɔɔ, 'Pläkänyɔɔ›, ‑na 'nyrɩklɩ 'n 'pala nyɔsʋaawii, ‑na 'nyrɩklɩ a prɛ domüü! 'A ‑na 'nyrɩklɩ a nrörö ‑saragbi 'kɔkɔmlɛ!

1 Tɛsalonikënyüü 5:4

‑Maa 'amɔlɔ nɩ, ‑wlajü 'amɩ, 'anyɩ 'jöjrüükpü 'lɩ ‑a bä. 'Ia ‑srɩlɩ ‑nëmä 'amɩ ‑wälɩ ‑a ‑fu ‑beere 'jejienyɔɔ.

2 Korɛɛntënyüü 5:2

'A ‑tetelɛa 'mlɩ a bä ‑bɛ a pütö, 'be a 'sosowʋ ‑gböösa amä nyukulu bäa' cɛlɩ 'sroo.

Lukë 10:12

‑Bɛ 'n ‑gbala 'amɩ, ‑srɩlɩ kä 'mlɩ Nyɔsʋa 'mäa' ‑gä ‑tʋ nɩ, Sodɔɔmëa ni ‑nëmä dɛɛ ‑a bä 'kä 'ia në bätäläa ‑gʋ.

Jenɛɛsë 18:25

‑Nyɩ 'lɩ ‑a bɩa ‑a ‑nʋ 'sama wii 'plɔʋ: ‑nëmä 'klɩgänyüü ‑balʋnyüü ‑a 'cakla ‑bɛ ‑mä 'üün bʋblɔ! Abɩa 'ia bobowiili tʋŋlɔ ‑mɩ 'lɩ dɛrɩ! Nyɔɔlɔ ‑tʋʋäa' 'pläa 'fɩɔa ‑gä nɩ, 'ɔɔ 'nyɩ nʋ wiili ‑gäa' 'klɩ?»

1 Korɛɛntënyüü 3:13

nyüü nya 'jrʋpalä ‑moloo ‑fɛɛɛrɛa' 'lɩ ‑gälɩ 'jäa. 'Inya ‑fälɩ 'cerea ‑gätʋtaɩn 'lɩ. 'Ia ‑srɩlɩ nya kapu käa, 'kä kapulu nya nyɔɔ o nyɔɔa 'jrʋpa srara 'sɩrɩ 'ä bäbläa' 'lɩ.

Filipënyüü 3:11

‑bɛ 'mä 'kuaabre sɔ 'sɩmɩ 'inyɩ bä.

2 Tɛsalonikënyüü 2:8

'A ‑plɩɩ ‑Gbakäklɛnyɔɔ 'mä 'wʋcrɛrɛ, 'kä 'Pläkänyɔɔ Jesu nya mlɩa ‑fʋflʋ nʋ 'kä 'ɔnya 'ɔɔn bʋblɔ 'ɔa jijisrɩ 'lɩ.

2 Timotee 1:10

'U crɛrɛwʋ 'saarɩ 'taɩn 'lɩ ana 'Pläkänyɔɔ Jesu 'Kriisë sraraa' 'ɔa nyufa. 'Ɔɔ bʋblɔ jäjäa 'klü, 'ɔnya ‑srörö 'Mʋfagogo kälɩ 'ɔnya ja 'klä ‑srɩ 'klɩ, 'klälä 'nyɩa' blöröfa kä 'plɔʋ.

Ebröönyüü 12:11

'Kasa nyɔɔ ma ‑gägä amɩ 'klɩ nɩ, 'inyɩ amɩ 'tʋ ‑a kä 'köklesa; 'i pala amɩ sɩɔ. ‑Maa 'taɩn a 'mlɩ 'nɩ, nyüülü ‑gägäa' 'klɩ nya 'bülü 'i tʋa' 'jäa: plɛgälɩflɛrɛkʋ nyra 'klɩgägäkʋ.