5 ‑Maa ‑mɔlɔ nɩ, ‑tre ‑na nyufa wiia 'fɩɔa 'mlɩ, 'nyiere ‑sʋɩ 'klɩ, ‑fɛ ‑na 'Mʋfagogoa 'sasakʋa 'jrʋpa, 'wlara 'mʋfasa 'jrʋpalä Nyɔsʋa ‑nyɩa' ‑mɩ.
'Ia ‑gʋ, ana 'Pläkänyɔɔa ‑gäa 'papakʋ 'nyɩ kä ‑mɩ 'nyüsü 'wʋ, ‑nyɩ kä bɩa 'na 'nyüsü, 'mɔɔlɔ bäa' ‑jienyɔɔ 'ɔa ‑gʋ. ‑Maa 'jä ‑sʋɩ 'nyraa ‑mɔ kɔsɔ 'Mʋfagogoa ‑gʋ, 'klülü Nyɔsʋa ‑nyɛɛa' ‑mɩ 'üü ‑a nʋ ‑bɛ a ‑fɛ 'jrʋpa.
'Ii känyrɩ, abɩa 'ana bobowli 'nyüglö, 'anyɩ 'mʋmɔ! 'Ba 'pie 'ana plɛa 'fɩɔ plɛgälɩflɛrɛkʋlʋ 'amäa' 'jä ‑gälɩ, 'taɩn 'lɩ Jesu 'Kriisë 'mäa' 'klɩtɔrɔ.
'Ii känyrɩ, ‑mɔlɔ nɩ, ‑gbötö ‑sʋɩ ‑beere Jesu 'Kriisëa 'cɩca 'sʋgɩanyɔɔ.
'Ba ‑gbala Akiipë ɔ ‑tʋ 'jrʋpalä 'Pläkänyɔɔ ‑nyɩa' 'ɔɔn 'nyügba, 'ɔmä 'ään 'wlara 'mʋfasa.
Nyɔɔ 'nyɩ fɛrɛ ‑na sëgbadɛɛ! Bä nyɔsʋaplɛtoronyüüa 'klɩtɛnyɔɔ, ‑na 'papawiia 'mlɩ, ‑na nʋnʋgbia 'mlɩ, ‑na ‑wawakʋ 'lɩ, ‑na ‑susu 'lɩ ‑na nyɔsʋaplɛtorokʋ 'lɩ nyra ‑na ‑fre 'klɩfɔlɔkʋ 'lɩ.
'Ia ‑srɩgbaa' 'kä nɩ, anya mi anya 'tɔ Sesareebätä. A 'tɔa' nɩ, anya pa Filipëa nyüköli 'ii a kʋ. 'Ɔɔ bä Nyɔsʋaa 'mʋfagogosanyɔɔ, 'ɔ bä Jerusalɛɛmëa nyüü ‑uunsɔɔlü 'ü 'baa' 'lɩ 'üa ‑tɔrʋpɩɔ.
‑Tʋ 'imɩ 'nyügba 'mʋfasa, ‑nyɩ ‑na 'fɩɔ 'ia ‑gʋ, nyüüa 'fɩɔ 'mä 'iin 'jä 'sɩrɩ ‑jraaa' 'lɩ mlɩ.
'Ii känyrɩ nɩ, anyɩ 'mʋmɔ ‑beere 'üün, ‑maa a tɛkä, a ‑tre ana nyufa.
Tɛkä 'cɩcasa, 'kä ‑paa i tɩɔa' 'lɩ ‑mɩ ‑bɛ i jäa' i möa' 'klü 'lɩ, 'be 'n 'jä 'sɩrɩ ‑na nʋnʋgbi 'nyɩa' 'klü 'lɩ bä Nyɔsʋa 'klʋɩ ‑gälɩ.
'A 'ɔɔ ‑nyɩ ‑mölöö apotrëdɛɛ, ‑mölöö bä nyɔsʋaamlɩpalanyüü, ‑mölöö bä 'Mʋfagogoa 'sasanyüü, ‑bɛ ‑mölöö bä 'pɛrɩnyüü ‑mölöö nya bä 'kpɩkpɩanyüü.
'Ba ‑träärälɩ 'ana 'wliklɩa nyüü 'kä 'a 'ciewʋ 'üa 'klɩ, 'be 'üü ‑gäälä 'amɩ 'nyiöli, 'ü ‑ka nya Nyɔsʋa 'üa 'jrʋpaa ‑gogo 'sa. 'Ia 'taɩn 'lɩ 'ümä 'üa 'jrʋpa ‑fɛ dɔrʋsa, 'üa kpati ‑pɩ 'lɩ jä; 'inya ‑nëmä 'amɩ 'känyɩgla.
'A 'ia ‑gʋ, 'n 'nyiere wiia 'fɩɔ 'klɩ nyüülü Nyɔsʋa 'baa' 'lɩa ‑gʋ; 'kä 'üa 'mʋgbɛ 'mä bɩa 'lɩmlɩwʋwʋkʋlʋ bäa' Jesu 'Kriisë 'lɩ 'jä, nyra 'wliklɩbʋabʋakʋlʋ 'nyɩa' blöröfa kä.
'Kamanyɔɔlɔ ma ji ‑bɛ üma 'nyɩ 'mʋmɔ ‑a 'mʋmɔ, ‑bɛ ɔma jrä ‑plɩɩ 'üün dɔrʋlʋ nëmäa' 'üün 'bla ‑mää 'ua ‑srɩ ‑nëmä ‑pɛ. 'Tasɩrɩa 'cɩcasa 'n ‑gbala 'amɩ: 'jrʋpafɛkoti 'ɔ nëmä 'lɩpa, 'kä 'ɔnya 'üün ‑wälɩkʋfa ‑nyɩ, 'kä 'ɔnya 'lɩ 'üün jijri ‑päälä.
Wiili 'n ‑gbalaa' 'amɩ, 'ana 'fɩɔ kä 'iin. 'A 'nɩ 'mʋmɔ.»
'A 'Cɛcɩlɛa 'jrʋpafɛnyɔɔ 'n bä. Nyɔsʋa 'ɔɔ ‑nyɩ 'mɩ 'jrʋpalä ‑a ‑fɛ 'ämɩ 'ana ‑gʋ. 'Ɔ blɔ 'mɩ ‑a 'pa 'ɔa 'papawiia 'fɩɔ.
'ɔ nʋ 'iin ‑saragbia tie 'lɩ nyra plɛklɩkalawii 'lɩ Nyɔsʋaa ‑Susua 'nyrɩklɩ. 'Bala Jerusalɛɛmë ‑a mi Ilireea ‑tʋtʋ ‑gälɩ nɩ, Jesu 'Kriisëa 'Mʋfagogoa 'doo 'n 'sa.
'Inya ‑beere 'sɩrɩ nyɔɔ möa' nyɔtugbabre, ‑bɛ 'ɔ tɩɛa' 'ɔa nyuku nyüülü ‑fɛɛɛrɛa' 'ua ‑wälɩ 'jrʋpa ‑gba; ‑bɛ 'ɔ sraraa' ‑mɔ 'ɔa 'jrʋpa, ‑bɛ 'ɔ ‑gbalaa' nyɔɔlɔ ‑glaaraa' ‑gböööa tatu ‑gba; 'ɔ 'nɩ 'mʋmɔ.
'Asɩ 'ɔ 'pa 'nyünanyüü 'klü 'lɩ, 'ümä nyɔsʋaanyüülü bäa' 'Kriisëa fugba 'klülɩpa 'ümä 'wʋsɔɔrɔ.
‑Maa 'Pläkänyɔɔ bä ɩ 'na ‑gba 'ɔnya ‑nyɩ 'mɩ 'klü; 'mɔɔ 'ɔ ‑srörökalɩ 'ɔnya 'saralɩ 'ɔa wii nyüülü kä 'fɩɔ 'nyɩa' Nyɔsʋa jre. 'Ɔnya 'ba 'mɩ sruku 'mä.
‑Mɔlɔ 'jäa' talaan ‑gböö nya nʋ 'ɔa ni 'ɔnya ‑fɛ 'jrʋpa, 'ɔnya 'järä 'ia ‑gälɩ talaan ‑gböö ‑mölöö.