2 Timotee 4:16 - Kuö Dëdrä Jenɛɛsë Rutë

¹⁶ ‑Srɩlɩ 'ü 'saaklɩ ‑bɛ 'ü werea' 'mɩ ‑gäjria 'lɩ 'mä ‑gälɩsasra nɩ, nyɔɔ 'nyɩ 'mɩ ‑gba ‑a tɩɔ, 'üa 'fɩɔ ‑gba 'mɩ ‑gbakä. Abɩa Nyɔsʋa cere 'ümɩ 'iin.

2 Timotee 4:16 Referans Kwoze

Akëtë 7:60

'Ɔnya blö 'koti ‑gälɩ, 'ɔnya 'pawii ‑gböösa 'ɔ ‑nëma: «'Pläkänyɔɔ, cere 'üün ‑taa ‑balʋlʋ!» 'Ɔ bɩaa' ‑plɩɩ 'saa wiipapakʋ 'ɔnya jä.

Jaan 16:32

‑A ‑gbala 'amɩ, 'taɩn jö, ‑bɛ 'i 'a 'lɩjrä, 'anya ‑plɩɩ 'na 'doo 'kägbaa, ‑mɔ ma bälɩ 'ɔa ‑pɩɔ 'ɔmä fa. ‑Maa 'nëmä 'doo ‑a bä, 'be Tʋ bä 'na ‑gba.

Marëkë 14:50

'Ɔa 'wʋnyɛrɛnyüüa 'fɩɔ nya ‑gba 'ɔɔn ‑gbakä, 'ünya fɔfɔ.

1 Piɛɛrë 3:15

'Ba 'bʋala 'Pläkänyɔɔ Nyɔsʋa 'ana plɛklɩ. Nyüüa 'fɩɔ ma 'bete 'amɩ: dɛplɛɛ bä plɛgälɩpiepiekʋ u bä 'amɩ 'lɩ le? 'Ba ‑ëlere 'taɩn a 'fɩɔ 'amä 'üün ‑gälɩsa plɛböblösa nyra 'lɩträäräsa.

2 Timotee 4:10

'be Demasë 'a 'mɩ ‑wälɩ 'pala 'pläa ‑wawakʋa ‑gʋ, 'ɔa Tɛsalonikëbätä mi. Klesɛɛsë mi Galasiia 'bre, Titë mi Damasëa 'bre.

2 Timotee 1:15

'Be ‑jre 'iin 'sɩrɩ ü kä 'fɩɔ bäa' Asiia ‑tʋtʋ ‑gälɩ nya 'a 'mɩ dɛrɩ sɔ; Figɛlë nyra Emojɛnë bä 'üa ‑tɔrʋpɩɔ.

Filipënyüü 1:17

‑Mülü nɩ, wasäsa 'ü 'paa 'Kriisëa ‑gä, ‑mää 'cɩcasa 'ünyɩ bobo; 'üa plɛɛ üma nʋ 'saa 'na ‑sʋɩ 'ü 'papla ‑gälɩ ‑tɛ ‑jie 'lɩ.

Filipënyüü 1:7

'I 'nara 'lɩ 'na ‑nyɛɛ 'kä 'mä 'samaa wii bobo 'ana ‑gʋ, 'n ‑gbötö 'amɩ 'na plɛklɩ. 'Jrʋpalä Nyɔsʋa ‑nyɩa' 'mɩ 'ɔa ‑gbinanakʋ 'lɩ nɩ, 'a ji 'mɩ ‑gba. 'A ‑ka nö 'imɩ ‑tɛ ‑jie 'lɩ 'n bäa', 'taɩn 'lɩ 'maa 'saaa' 'Mʋfagogo, 'maa 'paaa' 'äa 'wli 'lɩa wii, 'n ‑gbalaa' nyüü 'sɩrɩ 'ä bäa' 'cɩcasa.

2 Korɛɛntënyüü 7:11

'Ba 'jä diili 'u nröröa' 'ana fugba 'lɩ Nyɔsʋa 'klɩ: 'a 'bata 'mʋfagbia nʋnʋkʋ, 'anyɩ ‑plɩɩ ‑a 'nyüglö. 'A 'bata 'ana 'nyrɩa 'lɩmlɩbabakʋ, 'crɛ, ŋalɛ, 'ana plɛ 'sosowʋ 'amä 'mɩ 'jä, 'ana fumökʋ, ‑balʋa 'pɔnɩkʋa 'tʋ! 'A srara 'ana nʋnʋgbia 'fɩɔa 'mlɩ 'sɩrɩ 'anyɩa' 'ia wiilia 'mlɩ bä.

1 Korɛɛntënyüü 9:3

‑Jäsɩ 'n ‑gbalaa' nyüülü bʋblɔa' 'na 'nyrɩ:

Akëtë 25:16

'Nyaa ‑gbala 'üün ‑maa Rɔmënyüüa ‑nyɛɛ nɩ, nyɔɔlɔ 'ü ‑tʋa' wii ‑gälɩ nyra nyüülü ‑tʋa' 'ɔmɩ 'iin ‑gälɩ ‑kaaŋlʋa' 'nyüglö 'ümäa' ‑gälɩsasra nɩ, 'ünyɩ 'sa 'ɔmɩ ‑a.

Akëtë 22:1

«'Na ‑wlajü 'amɩ, 'na tʋɩɩ 'amɩ, 'ba po 'mɩ 'nyakli 'mä 'amɩ ‑gbala.»

Lukë 12:11

'Üma fa 'amɩ juifëa 'sraaplanyuku ‑wälɩ, 'aiɛ 'üma 'sara 'amɩ 'cifu nyra ‑gʋmlanyüü kälɩ nɩ, 'ana plɛ 'nyɩ ‑taaralɩ wiili 'a nëmäa' 'pa, 'ia ‑gʋ.

1 Korɛɛntënyüü 13:5

'unyɩ nʋ 'nyüsügbi ‑a, 'unyɩ tɛ ‑a kä, 'unyɩ ‑tʋ 'crɛ ‑a, 'unyɩ 'pa nyɔɔa 'crɛ 'mlɩ ‑a.

2 Timotee 4:15

‑Na 'mʋgbɛ ‑nyɩ ‑nyɩ 'ɔɔn ‑na nyufa, 'ɔnyɩ 'bata 'nɩmɩ ana 'kpɩkpɩawii ‑a.