2 Timotee 3:5 - Kuö Dëdrä Jenɛɛsë Rutë

⁵ Yrʋsa 'ü toro Nyɔsʋa plɛ, ‑maa 'tasɩrɩ 'ünyɩ 'dara Nyɔsʋaa 'klü wii ‑a. Tʋŋlɔlɩ 'ia nyüülü dɛrɩ!

2 Timotee 3:5 Referans Kwoze

Titë 1:16

'Ü nɩnɩa 'ü jre Nyɔsʋa, ‑maa wiili 'ü nöa', 'i ‑gbala nyüü 'sɩrɩ 'i bäa' ‑gbagblɛ, 'ü bä cacɩ 'wʋ, 'ünyɩ ‑träärälɩ Nyɔsʋa ‑a ‑bɛ 'ünyɩ 'nɩmɩ 'lɩ ‑a bɩa ü nʋ 'cɩcadɛɛ 'dee.

1 Timotee 5:8

Nyɔɔ ma 'nyɩ 'pa 'ɔa nyüüa ‑gä ‑a nɩ, 'ɔa nyükölia nyüü 'n 'daa, 'ia nyɔɔlɔ 'a nyɔsʋaplɛ ‑wälɩ 'cɛrɛ, 'ɔ ‑si 'nɩmɩ nyɔɔlɔ 'nyɩ toroa' Nyɔsʋa plɛ 'wʋ.

Matiö 7:15

«'Ba ‑tre 'ana nyüfë ‑gbagblɛ nyɔsʋaamlɩpalanyüüa ‑gʋ! ‑Bablëëjüa 'fu 'ü 'paa ‑gälɩ ‑bɛ 'ü jö 'ana ‑tɔrʋpɩɔ, ‑maa klaklamlaa 'ü bä.

Titë 3:10

Nyɔɔ ma ji 'cɛcɩ 'kägba nɩ, ‑gbala 'ɔɔn ɔ fio, ka 'doo, 'sɔɔ. Ɔma 'nyɩ 'nunu ‑a nɩ, nyra 'ɔɔn sɔsrɔgba.

2 Timotee 2:16

‑Gaalalɩ 'fëflɛ ‑topokʋ ‑gälɩ, 'ii ‑bɛ nyɔsʋaplɛ 'nyɩ dɛɛ 'dee ‑a bä; 'be nyüülü nöa' 'iin nɩ, Nyɔsʋa 'ü tʋŋlɔlɩdɛrɩ ‑srɩ o ‑srɩ,

2 Timotee 2:23

Fɔlɔ 'fëflɛtopokʋ nyra mlüüsaa ‑topokʋ 'klɩ; 'be ‑jre 'iin 'sɩrɩ 'i käa' ‑golu.

1 Timotee 6:5

nyra nyüülü kä bobowli toroa' 'lɩgälɩ, ü ‑topoa' 'fëflɛsa. 'Ü ‑kanyɩ 'cɩcasa ‑a jre, 'ü 'jää nyɔsʋaplɛtorokʋ ‑beere dɛɛ 'ümäa' kälɩ ‑srörö 'ümäa' 'bɩɔ ji, ‑nyra 'ia nyüülü 'nɩ 'nyɛ.

Ɛfɛsënyüü 4:14

'Ia 'taɩn 'lɩ, a ‑ka ‑nëmä 'jü ‑a bä. A ‑ka ‑nëmä ‑beere 'sɩrɩ 'taniea 'nɩdakë faa' ‑gɔlʋ ‑a. ‑Gbagblɛnyüülüa 'kpɩkpɩakʋ ‑ka ‑nëmä amɩ 'lɩklɩ ‑a ‑piie. 'Ü ‑ka ‑nëmä amɩ ‑gbagblɛ ‑a 'sara 'ümä amɩ ‑trɔɔrɔ.

2 Tɛsalonikënyüü 3:6

A ‑gbala 'amɩ ‑wlajü 'amɩ, ana 'Pläkänyɔɔ Jesu 'Kriisëa 'nyrɩklɩ, 'ba tʋŋlɔlɩ ‑wlajülü kä 'fɩɔ ‑fɛɛɛa' dɛrɩ, ünyɩ ‑trääräa' 'lɩ wiili a 'kpɩaa' 'amɩ.

2 Tɛsalonikënyüü 3:14

Nyɔɔ ma 'nyɩ ‑träärälɩ wiili a ‑jɩjraa' ‑taa ‑pɔɔkʋlʋa 'mlɩ nɩ, 'ba ‑tʋ 'ɔɔn 'nyügba 'mʋfasa, 'a nyra 'ɔɔn ‑kanyɩ 'nönröwli, 'nyüsü 'mä 'ɔɔn 'bla.

1 Timotee 4:7

‑Maa dɛɛlɛ bäa' 'nänëlë plaa' nyɔɔ ‑fre 'lɩ, 'inyɩ falaa' nyɔɔ 'klɔɔtrʋ nɩ, ‑nyɩ 'dara 'iin wii. 'Kpɩa 'sɩrɩ ‑nëmäa' nʋ ‑bɛ ‑mäa' Nyɔsʋaa 'lɩträärä 'kʋ ‑nyɩ.

1 Timotee 4:8

Fʋfɔlʋ jö nyɔɔa fugba ‑gba ‑jie. ‑Maa Nyɔsʋaa 'lɩträäkʋ 'na diia 'fɩɔa ‑gʋ, 'be 'i ‑nyɛɛɛ amɩ 'klä: 'saarɩa 'klä nyra ‑srɩɩa nä.