2 Timotee 3:2 - Kuö Dëdrä Jenɛɛsë Rutë

² 'Be nyɔɔ ‑moloo ma bälɩ 'ɔa 'dooa ‑gä 'ɔ nëmä 'pa, mölii 'ü nëmä ‑wa, 'lɩgbagbakʋ nyra ‑tɔklʋɩɩ 'ümä bɔtɔ; 'ünya Nyɔsʋa ‑jrea, 'ü ‑nëmä 'lɩ 'üa nyüü ‑a ‑träärä. 'Ü ‑nëmä 'tɛtrɛɛkʋ ‑a jre; 'ü ‑nëmä 'lɩ Nyɔsʋaa dii ‑a ‑träärä.

2 Timotee 3:2 Referans Kwoze

Filipënyüü 2:21

‑Mülü nɩ, 'üa 'mʋgbɛa ‑gä 'ü bobo; 'ünyɩ bobo Jesu 'Kriisëa ‑gä ‑a.

Judë 1:16

'A nyüülü 'palaa' plɛ 'lɩ wii ‑bɛ ü ‑tʋʋäa' 'crɛa 'doo; wiili 'ü 'bataa' 'ia 'sa 'ü 'nyɛɛ. ‑Tɔklʋbɔtɔwiia 'doo 'cie 'üa mlɩ, 'ü 'sara nyüü ‑gbagblɛ 'ümä 'üün dɛɛ kälɩ 'järä.

2 Timotee 3:4

'Ünya ‑mölöö ‑trɔɔrɔa, diili käa' 'üa plɛ 'tʋ, 'ii 'ü malawʋ ‑bɛ 'ü ‑gbaalɩ ‑gböösa. Diili käa' 'üa polu 'tʋ, 'ii 'ü nëmä ‑wa 'kä 'ünya Nyɔsʋaa ‑wawakʋ 'wʋsi.

1 Timotee 6:10

'Be möliia ‑wawakʋ, 'iibä mɩmɩakʋa 'kaɩn 'kaɩn a 'käkolofa. 'Ia ‑gʋ ‑mölöö 'cɛrɛ 'üa nyɔsʋaplɛtorokʋ ‑wälɩ, ‑sʋɩ 'kɔkɔmlɛ nya jrä 'üün ‑gälɩ.

2 Piɛɛrë 2:18

'Be 'fëflɛwiia 'kpɔ 'ü 'saalɩ. Bʋbɔgbili käa' plɛ 'tʋ nyra ‑sagbili käa' 'nyüsü 'üü ‑srörö kälɩ ‑bɛ 'ü 'kʋɛɛ ‑mülü ‑ka 'wʋ ɩa' ɩ 'lɩmlɩ ü sɔa' ‑mülü 'nyɛrɛa' ‑gbagblɛ 'lɩa ‑tɔrʋpɩɔ.

Jaakë 4:6

‑Maa Nyɔsʋaa ‑gbinanakʋlʋ 'ɔ sraraa' amɩ ‑siwʋ. 'A 'ia ‑gʋ nyɔsʋapɔɔkʋ nö: «Nyɔsʋa 'nyɩ 'nyiere nyüülü ‑gbaaa' 'lɩ ‑gälɩ ‑a, ‑maa 'ɔ 'paa ‑mülü 'ciea' 'üa nyüfë 'wʋ 'nɩ .»

Kolɔɔsënyüü 3:5

'Ii känyrɩ, 'ba fio diili kä 'fɩɔ bäa' ‑pɩ ‑tʋtʋ ‑gälɩa dii, ibäa' 'amɩ 'lɩa, 'ia ‑gʋ: ‑sagbili Nyɔsʋa 'nyɩ 'bataa', ‑gbili plaa' nyɔɔ ‑fre 'lɩ, dɛɛnyükäkäkʋlʋ bäa' 'nyüsü 'wʋ ‑bɛ u bʋbɔa', nyra diili 'anyɩa' kä 'ia dɛɛnyükäkäkʋ; 'iibä ‑wäsɩa ‑pʋpʋakʋ.

1 Piɛɛrë 5:5

‑Sëgbë 'amɩ, 'ana 'mʋgbɛ 'ba ‑träärälɩ 'cɛcɩtagbü, 'kä 'a ‑täträlɩ. 'Ba 'cie 'ana nyüfë 'wʋ, 'be 'i ‑jɩjra: «Nyɔsʋa 'nyɩ 'bata nyüülü 'jraraa' 'üa nyüfëa, ‑maa 'ɔ srara 'ɔa ‑gbinanakʋ nyüülü 'ciea' 'üa nyüfë 'wʋ.»

1 Timotee 6:4

'ɔnyɩ dɛɛ ‑a jre, 'lɩ 'ɔ ‑gbaaa. Waklüüa ‑gälɩ ‑toplokʋa ‑wusu 'blaa 'ɔmɩ. 'A 'i ja diia 'tʋ, 'blarʋ, ‑jejrekʋ nyra nyɔɔ ‑molooa bʋbɔwiia bobokʋ,

Lukë 12:15

'Ɔnya ‑gbala 'üün: «'Ba ‑tre 'ana nyüfë! 'A 'nɩ kä dɛɛnyü! ‑Bakää nyɔɔ 'nyɩ ji 'bɩɔ, ‑mää 'ɔa käkädii 'nyɩ 'ɔa 'klä ‑gba kälä.»

'Nyügälɩjawii 16:11

‑Bɛ 'ü ‑jejre cɛlɩa Nyɔsʋa 'üa mɩmɩakʋ nyra 'üa ‑gbaa ‑fëa ‑gʋ, ‑maa 'ünyɩ 'üa nʋnʋgbi ‑wälɩ ‑a 'cɛrɛ.

2 Piɛɛrë 2:12

‑Maa nyüülü nö dii ‑beere 'klʋɛɛa mlaa, 'ünyɩ bobo bobo ‑a. 'Ü kʋ ‑plɩɩ 'kplakplakʋ nyra 'blablakʋa ‑gʋ. 'Be dɛɛlɛ 'ünyɩa' jre 'ɛɛ 'ü ‑jejre; ü kʋa' ‑plɩɩ sakakʋa ‑gʋ, nya sakaa.

2 Piɛɛrë 2:3

Dɛɛnyü nyra ‑gbagblɛwii 'ümä nʋ 'ümä 'amɩ ‑trɔɔrɔ. ‑Mää ‑mlatɩkä 'üa ‑gä 'nyɩ ‑träärä, 'üa ‑gbogblookʋ 'nyɩ 'nyüglö ‑a 'nyüglö.

Jaakë 4:16

‑Maa 'amɔlɔ nɩ, wiili 'a boboa' 'ii 'lɩ 'a 'bʋala 'ana nyüfë. 'I bʋbɔ kä ‑mä 'saa nʋ.

2 Tɛsalonikënyüü 2:4

'Ɔɔ bä ‑Gbakäklɛnyɔɔlɔ ‑tʋa' 'ɔa nyufa diili kä 'fɩɔ a 'daraa' Nyɔsʋa 'ia 'wliklɩ, diili kä 'fɩɔ a ‑pʋpʋaa' a 'wliklɩ, ɔ möa' ɔ paa' 'nɩmɩ Nyɔsʋaanyuku kpaku ‑wälɩ 'ɔmä ‑wälɩkʋ, ‑bɛ ɔ sraraa' 'ɔa nyufa ‑beere Nyɔsʋa.

Rɔmënyüü 11:18

'Ii känyrɩ ‑nyɩ nʋ katëlë ‑nyɩ 'ba ‑na nyufa nyɔɔwʋ. ‑Ama nëmä ‑na nyufa nyɔɔwʋba nɩ, ‑nyɩ ‑trɔ 'sɩrɩ ‑toŋloa' tigblii ‑wälɩ, ‑maa tigblii 'ii nö ‑mɩ.

'Nyügälɩjawii 16:21

‑Särëeju 'wʋɛa kilooa ‑glʋɩsɔɔ nya sɔ cɛlɩ 'unya blö nyüü ‑gälɩ. Nyüü nya ‑jejre Nyɔsʋa 'ia busudiilia ‑gʋ 'be 'i prɛ nyüüa ‑gälɩa ‑sisi.

Jaakë 2:8

'Ama ‑träärälɩ Nyɔsʋalɔ bäa' 'kɩɩ 'ɔa ‑dɔlʋ 'daaa' ‑maa: «'Sɩrɩ ‑waa' ‑na nyufa, ‑wa 'saa ‑na ‑moloo» nɩ, 'ii 'na.

1 Timotee 3:3

'Ɔnyɩ bä 'nʋblanyɔɔ 'aiɛ 'blarʋkänyɔɔ, 'aiɛ ɔnyɩ bä möliiwanyɔɔ ‑maa ɔ bä ‑pɔplɔnyɔɔ, ɔ ‑wa 'wlinönrökʋ, möliia ‑wawakʋ 'nyɩ fa 'ɔa plɛ.

1 Timotee 1:20

'Üü bä Imenee nyra Alesandrë. 'N 'sara 'üün Sataan kälɩ, 'ümä Nyɔsʋaa ‑jejrekʋa ‑gʋ fio.

Akëtë 5:36

'I ‑kaaŋlʋ jrüü ‑a ‑si, nyɔɔlɔ 'ü 'daraa' Todasë nya ji, 'ɔ ‑nëma 'mʋfanyɔɔ 'ɔ bä. Nyüülü prɛa' 'ɔɔn dɛrɩ bä kä nyüüa ‑duua 'samadɛɛ (400). 'Ünya 'bla 'ɔɔn, nyüülü kä 'fɩɔ ma prɛa' 'ɔɔn dɛrɩ nya ‑gbagbakä, 'inyɩ 'lɩ ‑a tʋŋlɔ.

Lukë 16:14

‑Bɛ Farisinyüü po wiili kä 'fɩɔ Jesu 'paaa' 'nyakli, ‑bɛ 'ü srörö 'ɔɔn, 'be 'ü ‑wa mölii.

'Nyügälɩjawii 16:9

'Ua kapua 'wʋsɔɔrɔkʋ nya 'pütö nyüü. 'Ünya ‑jreee Nyɔsʋalɔ käläa' busudiili kʋa' ‑pɩ 'klü ‑gälɩ. 'Ünyɩ ‑balʋa ‑gʋ ‑a fio ‑bɛ 'ümä 'ɔɔn 'bʋala.

'Nyügälɩjawii 13:1

'Nyaa 'jä mrɛɛ 'dee ‑bɛ 'ɛ 'cie 'taniea 'mlɩ. 'Ɛa 'wia ‑uunsɔɔ, ‑gua ‑pʋ. ‑Gua a 'fɩɔa 'wli bä 'kɩɩwlugbü; 'nyrɩlɩ ‑jreea' Nyɔsʋa nya bä 'ɛa 'wia ‑gälɩ.

2 Korɛɛntënyüü 5:15

'Ɔ jä nyüüa 'fɩɔa ‑gʋ, 'kä nyüülü bäa' 'lɩ 'mä 'lɩbä 'ɔa ‑gʋ, 'ümä 'lɩbä 'ɔɔlɔ jäa' ‑bɛ ɔ sɔa' 'kuaabre 'üa ‑gʋ.

Matiö 15:6

'A nöa' 'saa nɩ, Nyɔsʋaa ‑dɔ 'a 'pɩɛ ‑gälɩ ‑bɛ 'a ‑träärälɩ 'ana 'brea ‑dɔ.

Lukë 6:35

‑Maa 'amɔlɔ nɩ, 'ba ‑wa nyüülü bäa' 'ana 'kpɛɛ 'lɩ, 'kä 'a nö 'üün 'cɩcagbi ‑gba. 'Ba ‑nyɩ 'üün, 'kä 'anyɩ bobo 'ümä 'amɩ dɛɛ ‑nyɩ. 'Ama nʋ 'saa nɩ, 'anya 'pɛɛ kpaki 'jäa, 'kä 'anya 'Wʋsi Nyɔsʋaa 'jü bä. 'Be 'ɔɔlɔ nɩ, nyüülü 'nyɩ jrea' nyüüa 'cɩcagbi, nyra plɛbʋbɔnyüü, 'ɔ nö 'cɩcagbi ‑gba.

1 Timotee 1:9

A kä amä wii 'doo jre: ‑mää nyɔɔlɔ ‑gäa' 'klɩa ‑gʋ ‑dɔ 'nyɩ 'lɩbä, ‑maa 'ünyɩa' ‑dɔ jre: ü blaa' jraa 'doo, plɛbʋbɔnyüü, nyra ‑balʋnyüü, nyüülü 'nyɩ ‑trääräa' 'lɩ Nyɔsʋa, ‑bɛ ü 'saalɩ Nyɔsʋaa diili paa', ü 'blaaa' nyüülü 'blaaa' 'üa tʋɩɩ nyra 'üa 'yioɩɩ, nyra nyüüblanyüü ‑mölöö.

2 Piɛɛrë 2:10

Nyɔsʋa nya nyüülü 'nyɛrɛa' bʋbɔdiili 'üa fugba 'bataa' 'pɔnɩa. 'Ia nyüülüa plɛ 'sosowʋ ‑frepadiia ‑gʋ, 'üa ‑gbʋʋ 'nyɩ 'kamakʋ ‑gba ‑a bä. 'Ü toro 'üa nyüfë plɛ ‑gböösa; 'ü bɔtɔ ‑tɔklʋ ‑bɛ 'ü ‑jejre 'wliklɩbʋa ‑sisili bäa' cɛa 'mlɩ.