2 Timotee 3:15 - Kuö Dëdrä Jenɛɛsë Rutë

¹⁵ Kolo ‑na nyɔkɔwlaa 'wʋ jre nyɔsʋaapɔɔkʋ; 'ii 'mrɛɛ i ‑nyɩ ‑mɩ 'lɩgaglakʋlʋ 'mäa' ‑mɩ 'lɩmlɩbabakʋ ‑nyɩ, 'lɩmlɩbabakʋlʋ bäa' Jesu 'Kriisë plɛtorokʋ 'lɩ.

2 Timotee 3:15 Referans Kwoze

Lukë 24:45

'Ɔnya jie 'üa 'lɩgaglakʋ 'klɩ 'ümä nyɔsʋaapɔɔkʋ 'wli 'nu,

Lukë 24:27

'Bala Moisëa ‑pɔɔkɩ ‑gälɩ ‑a mi nyɔsʋaamlɩpalanyüüa ‑pɔɔkɩa 'fɩɔ ‑gälɩ nɩ, wiili 'paaa' 'ɔa ‑gä nyɔsʋapɔɔkʋa 'fɩɔa 'mlɩ nɩ, 'ii 'ɔ srara 'üün.

Matiö 22:29

'Iibäa' Jesu nɩ: «'Be 'anyɩ 'nu nyɔsʋapɔɔkʋ 'wli ‑a, ‑bɛ 'anyɩ Nyɔsʋaa 'klü ‑a jre, 'a 'ia ‑gʋ 'a ‑trɔɔrɔ 'ana nyüfë.

2 Timotee 1:5

'N jre ‑na nyɔsʋaplɛtorokʋlʋ 'nyɩa' ‑gla 'klɩ bä, u bäa' ‑mɩ 'lɩ. 'A 'ɛɛ ‑na 'yioa 'yio Loiisë nyra ‑na 'yio Öniisë 'klaa kä; 'n 'suru, 'ɛɛ ‑klaa bɩa.

Lukë 2:40

'Jʋlɔ nɩ, 'asɩ ‑srɩ ‑sööö ‑bɛ 'ɔ 'bʋa, ‑bɛ 'ɔa bobowli ‑jrɛ; wiijejrekʋ 'sie 'ɔɔn 'lɩ, ‑bɛ Nyɔsʋaa ‑gbinanakʋ bä 'ɔɔn 'lɩ.

Rɔmënyüü 16:26

‑Maa 'köklesaplɩɩ ɔ nɩ, ‑pɔɔkɩ 'lɩ nyɔsʋaamlɩpalanyüü ‑jɩjraa', 'ia ‑gʋ nɩ, 'i 'a ‑fälɩ blö, nyüüa 'fɩɔ nya 'jä 'iin. Nyɔsʋalɔ 'nyɩa' blöröfa kä, 'ɔɔ 'daa i nrörö. 'Ɔ nʋ 'imɩ ‑tʋtʋ ‑gälɩa ‑glügbüa 'fɩɔ 'mä Nyɔsʋa plɛtoro 'ümä 'ɔɔn 'lɩträärä.

Rɔmënyüü 1:2

'Mʋfagogolä nɩ, Nyɔsʋa 'a kä 'äa ‑gä 'pa; 'ɔa 'mlɩpalanyüü 'ɔ ‑srörö kä kälɩ 'ɔnya 'pala 'äa ‑gä 'Nyüna ‑Pɔɔkɩa 'mlɩ.

Akëtë 10:43

'A 'ɔa ‑gä nyɔsʋaamlɩpalanyüüa 'fɩɔ 'pa; 'ü nɩnɩa nyɔɔ o nyɔɔ toroa' 'ɔɔn plɛ nɩ, 'ɔa 'nyrɩklɩa ‑gʋ, nyɔɔlɔa ‑balʋ nya 'ɔɔn cerea.»

Lukë 24:32

'Ü ‑nëma 'üa 'kpɔa ‑tɔrʋpɩɔ: «'Ɔ ‑fɛɛɛ ana polu ‑gba 'taɩn 'lɩ 'ɔ dɛtrɛ ɩa' amɩ ‑gba 'nyʋfɔ 'wʋ, ‑bɛ 'ɔ ‑jiea' ana bobowli 'klɩ nyɔsʋaawiia 'pɛlɩ!»

Akëtë 17:2

'Pɔɔlë nya pa 'üa ‑tɔrʋpɩɔ, 'sɩrɩ 'ɔ nöa' a 'doo. 'Ümä ‑fʋflʋpasrɩ 'wʋ tää 'wʋ nrörökalɩ mi nɩ, 'ɔ nyra 'üün ‑toplo nyɔsʋapɔɔkʋa 'mlɩa wii ‑gälɩ.

'Nyügälɩjawii 19:10

'Nyaa ‑gbri 'na 'klʋɩ ‑tʋtʋ 'wʋ 'kä 'nyaa trara 'ɔɔn 'wli, ‑maa 'ɔnya ‑gbala 'mɩ: «‑Nyɩ nʋ 'imɩ! 'Sɩrɩ ‑bäa' Nyɔsʋaa 'jrʋpafɛnyɔɔ, 'na 'mʋgbɛ 'n bä ‑na 'jrʋpafɛnyɔɔ nyra ‑na ‑wlajülü sraraa' nyüü 'cɩcasalä Jesu crɛrɛa' 'wʋ, 'üa 'jrʋpafɛnyɔɔ. Nyɔsʋa ‑kä ‑mä 'wlitrara! 'Cɩcasalä Jesu sraraa', 'ää bä nyɔsʋaamlɩpalanyüüa 'papawiia 'tasɩrɩa kpöö.»

Akëtë 13:29

'Ü bɩaa' wiili kä 'fɩɔ käläa' 'ɔɔn ‑gba i ‑jɩjraa' nyɔsʋapɔɔkɩ 'lɩ nʋnʋkʋ nɩ, 'ünya 'cie 'ɔɔn tuu 'wli, 'ünya ‑tʋ 'ɔɔn 'kuyu 'lɩ.

2 Piɛɛrë 3:16

'Asɩ 'ɔ nö ‑pɔɔkɩ 'lɩ kä 'mlɩ 'ɔ 'palaa' ‑taa wiilia ‑gä. 'Papawii ‑mɩdoo bälɩ 'mlɩ 'ia 'wlinunukʋ klalɩ, nyüülü 'nyɩa' wii jre, nyra nyüülü kä polu ‑ka ‑piiea' 'lɩklɩ, 'ü totrolɩ 'ia ‑gbaa ‑gälɩ. 'Asɩ 'ü nö bɩa nyɔsʋapɔɔkɩ ‑mɩdooa 'mlɩ; 'üa 'mʋgbɛ 'bata 'üa bʋblɔkʋ.

Lukë 1:15

'be 'ɔnya nyɔɔ kpakö bäa 'Pläkänyɔɔa 'klɩ ‑gälɩ. 'Ɔ ‑nëmä ‑duvɛɛn ‑a 'mla, 'ɔ ‑nëmä kaklanʋ ‑a 'mla. Kolo 'ɔa 'yioa 'mlɩ 'kä, ‑a ji 'ɔa ‑glooro 'taɩn 'lɩ nɩ, 'Nyüna ‑Susu nya 'ɔɔn 'lɩ 'sia.

Jaan 5:47

‑Bɛ 'ama 'nyɩ 'dara wiili 'ɔ ‑jɩjraa' wii ‑a nɩ, ‑asɩ 'anya 'na 'papawii wii 'dara le?»

Akëtë 16:1

'Ünya 'tɔ bätälä 'ü 'daraa' Dɛbee, 'ünya mi bɩa Lisëtrë. Nyɔsʋaplɛtoronyɔɔ 'doo bä ɩ 'lɩ, 'ɔɔ 'ü 'dara Timotee. 'Ɔa 'yio bä juifëyria 'ɔnya nʋ nyɔsʋaplɛtoroŋlʋʋ, ‑maa 'ɔa tʋ bä grɛɛkënyɔɔ.

Akëtë 26:24

'Ɔ ‑ka 'sasra ɩ ‑gälɩ ‑bɛ Fesëtusë 'kpölɩkä, 'ɔ ‑nëma: «'Pɔɔlë, sa kla ‑mɩ! ‑Na ‑pɔɔkʋjejrekʋ 'pa ‑mɩ sa!»

Rɔmënyüü 2:27

Nyɔɔlɔ kä 'jajɛ 'nyɩa' 'bölö ‑bɛ 'ɔ nöa' wiili ‑dɔ 'daaa nɩ, ‑mää 'ɔɔ ‑nëmä ‑na ‑gä ‑tʋ? ‑Bɛ ‑mɔlɔ nɩ, ‑klaaa ‑dɔ 'u ‑jɩjra, ‑böölö ‑maa ‑nyɩ ‑träärälɩ ‑dɔ ‑a.

1 Korɛɛntënyüü 1:21

'Be Nyɔsʋaa 'lɩgaglakʋ 'lɩ nɩ, 'ɔ nʋ 'iin 'plä ‑pɩ 'lɩgaglakʋ nʋ 'ä ‑pɩ 'ɔɔn jre. 'A 'ia ‑gʋ Nyɔsʋa 'daa 'papawiili a 'paaa' nɩ, 'ii 'ü 'daraa' mlüü, 'inya kä Nyɔsʋa 'tʋ 'ɔmä 'iin kälɩ ‑srörö ‑bɛ 'ɔmä 'lɩmlɩ nyüülü toroa' 'ɔɔn plɛ 'ba.

Ɛfɛsënyüü 6:4

‑Bɛ 'amɔ tʋɩɩ 'amɩ, 'anyɩ 'tutro 'ana 'jü 'crɛ 'lɩ, ‑maa 'ba 'bʋala 'üün srarakʋ nyra 'kpɩkpɩakʋ 'lɩ, 'sɩrɩ 'Pläkänyɔɔ 'bataa' 'ia 'sa.

1 Timotee 4:13

'N ‑kaaŋlʋa' ji nɩ, 'pa ‑na nyufa 'klü 'lɩ ‑a ‑täsä Nyɔsʋaa ‑pɔɔkʋ ‑jriaa 'lɩ, 'pa 'üün ‑tɔɔ 'lɩ 'kä 'kpɩa 'üün.

2 Timotee 1:1

'Mɔɔ 'Pɔɔlë, ɔ bäa' Jesu 'Kriisëa apotrë, 'sɩrɩ Nyɔsʋa ‑waa'. 'Klälä 'ɔ 'daaa' 'ɔmäa' amɩ ‑nyɩ Jesu 'Kriisë 'lɩ nɩ, 'mä 'äa ‑gogo 'sa.