2 Timotee 3:10 - Kuö Dëdrä Jenɛɛsë Rutë

¹⁰ ‑Maa ‑mɔlɔ nɩ, ‑jää 'na 'kpɩkpɩakʋ 'mʋfasa, 'na nʋnʋgbia 'mlɩ, 'na bobowiia 'mlɩ, 'na nyɔsʋaplɛa mlɩ, 'na plɛböblökʋa 'mlɩ, 'sɩrɩ 'n ‑waa' nyüü ‑bɛ 'sɩrɩ 'n kpʋkplɔa' 'mlɩ.

2 Timotee 3:10 Referans Kwoze

1 Timotee 6:11

‑Maa ‑mɔ bäa' Nyɔsʋaa nyɔɔ nɩ, fɔlɔ 'ia 'fɩɔlʋ 'klɩ. 'Bata ‑gböösa 'klɩgägäkʋ, Nyɔsʋaa 'lɩträäräkʋ, nyɔsʋaplɛtorokʋ, ‑wawakʋ, plɛböblökʋ nyra plɛpɩpɛ.

Titë 2:7

‑Na 'mʋgbɛlɔ nɩ, nʋ 'cɩcagbi wiia 'fɩɔa 'mlɩ nyüü 'mä ‑na 'sa nʋ. ‑Bɛ ‑na 'kpɩkpɩakʋa 'mlɩ nɩ, nʋ 'imɩ 'cɩcasa 'lɩ, 'lɩträäräkʋ 'lɩ nyra 'klɩgägäkʋ 'lɩ.

1 Timotee 4:6

‑Ama 'kpɩa 'imɩ ‑wlajü nɩ, ‑nya Jesu 'Kriisëa 'cɩca 'jrʋpafɛnyɔɔ bäa; 'ii nëmä nyüü srara 'sɩrɩ nöa' nyɔsʋaplɛa 'papawii ‑bɛ 'finia' ‑na nyufa 'klɩ, ‑bɛ ‑trääräa' 'lɩ 'cɩca 'kpɩkpɩakʋ.

Filipënyüü 2:22

'Sɩrɩ Timotee käa' 'cɩcagbi 'a 'jä 'imɩ. 'Sɩrɩ 'jʋ bäa' 'ɔa tʋ ‑gba nɩ, 'ɔ ‑nyɩ 'ɔa nyufa 'nyraa 'ɔɔn nya 'sa 'Mʋfagogo.

Ebröönyüü 13:9

'Anyɩ 'cɛrɛ 'ana nyüfë ‑wälɩ nyɔɔ 'nyɩ ji 'ɔnyɩ 'kpɩa 'amɩ ‑pasa 'kpɩkpɩakʋ, u nyra ‑mulu 'a 'kpɩaa' 'nyɩa' dɛɛ 'dee bä. 'I 'na Nyɔsʋaa ‑gbinanakʋ 'mä ana polu 'klülɩpa, ‑maa ‑mää jijria ‑dɔ ‑a. 'Ia ‑dɔlʋ nɩ, 'u ‑kaapɩɔ nyüülü prɛa' 'uun dɛrɩ 'känyɩgla.

Akëtë 11:23

'Ɔ 'tɔa' ‑bɛ 'ɔ 'järäa' Nyɔsʋaa ‑gbinanakʋ 'üa ‑tɔrʋpɩɔ nɩ, dɔrʋ 'bla 'ɔɔn, 'ɔnya 'jrara 'üa 'fɩɔa 'klü 'ɔnya ‑gbala 'üün ü nʋ 'üa plɛa 'fɩɔ ü toro 'Pläkänyɔɔ plɛ.

2 Piɛɛrë 3:11

‑Bɛ diia 'fɩɔ 'mäa' 'saa saka nɩ, ‑asɩ 'ana nʋnʋgbi nya bä le? Abɩa ana 'nyɛnyɛbeia 'nyü 'na ‑bɛ abɩa 'ia tie bä Nyɔsʋaa 'lɩträäräkʋ.

2 Timotee 4:3

'Be 'taɩn jö ‑plɩɩ nyüü ‑ka ‑nëmäa' 'nyie 'ümäa' Nyɔsʋaa 'cɩca 'kpɩkpɩakʋ 'nyaklipo, ‑maa 'üa 'mlɔɔa diili käa' 'üün 'tʋ 'ii 'ümä dɛrɩprɛ; 'kä 'ünya 'kpɩkpɩanyüü 'kɔkɔmlɛ ‑gbapapla 'ümä 'üün wiili kä 'nyaklipo 'tʋ 'blaaa' 'üün 'kpɩa.

2 Timotee 2:22

Fɔlɔ ‑sëgbadɛɛa bʋbɔgbi 'klɩ. Nyüülü nöa' 'üa plɛa 'fɩɔ ü wea' 'Pläkänyɔɔ nɩ, 'üa ‑gba ‑a ‑baatra 'klɩgägäkʋ, nyɔsʋaplɛtorokʋ, ‑wawakʋ nyra plɛgälɩflɛrɛkʋ.

1 Tɛsalonikënyüü 1:5

'be 'Mʋfagogolä a 'saraa' 'lɩ 'amɩ nɩ, 'änyɩ 'fʋflɛ ‑gogo ‑a bä, ‑maa 'Nyüna ‑Susua 'klü bä 'lɩ, anya 'suru 'sɩrɩ 'i bäa 'cɩcasa; 'be 'a 'jä 'sɩrɩ a 'nyɛrɛa' 'ana ‑tɔrʋpɩɔ, 'ia 'fɩɔlʋ nɩ 'ana 'cɩcasaa ‑gʋ.

2 Korɛɛntënyüü 1:17

'Taɩn 'lɩ 'n 'daaa' kä 'nyaa 'ana ‑nyɛɛ jia ‑bɛ 'nyɩa' ji nɩ, 'iibä 'më 'sɔɔ 'n kä ‑beere ‑pɩ ‑tʋtʋ ‑gälɩa nyüülü nöa' ‑yɛɛ ‑bɛ 'woo dotro?

Rɔmënyüü 16:17

'Na ‑wlajü 'amɩ 'n bibie 'amɩ: 'ba ‑tre 'ana nyüfë nyüülü ‑gbaaa' nyüü 'kä 'üa ‑gʋ, 'ü to nyüü ‑gbasu 'ümä 'üün 'käkpa. I 'ü nöa' nyra wiili 'a 'kpɩaa' 'nyɩ po ‑a po! 'Ba tʋŋlɔlɩ 'üün dɛrɩ!

Akëtë 26:4

«Juifëa 'fɩɔ jre 'mɩ 'ü 'jä 'na nyɔkɔdɛɛ Jerusalɛɛmë, 'sɩrɩ 'maa bäa' 'na nyüüa ‑tɔrʋpɩɔ.

Akëtë 20:18

'Ü jia' nɩ, 'ɔnya ‑gbala 'üün ‑maa: «'Bala ‑srɩlɩ kä 'mlɩ 'n 'tɔ käa' Asiia 'bre 'a 'jä 'na nʋnʋgbi, 'sɩrɩ 'nyraa 'amɔ nʋa' ‑wälɩkʋdɛɛ.

Akëtë 2:42

'Ü ‑tʋʋä apotrëa 'kpɩkpɩakʋ 'nyügba, 'ü bä nyüü 'doo, 'ü ‑päplä jijri 'lɩ ‑bɛ 'ü bibrie Nyɔsʋa ‑pɩɔ 'doo 'wʋ.

Lukë 1:3

'Ii känyrɩ, 'cɩcanyɔɔ Teofiilë, 'na 'mʋgbɛ nya 'betre dɛrɩ plɛblösa 'nyaa mi 'ia 'fɩɔa 'käkolofa 'wʋ 'nyaa 'jä 'ia 'cɩcasa; 'ia ‑gʋ 'n ‑jɩjra ‑mɩ 'wʋ 'sɩrɩ 'i nʋa' ‑bɛ 'i 'totroa' 'klɩ,

1 Timotee 1:3

'Taɩn 'lɩ 'n mö käa' Masedoanëa ‑tʋtʋ ‑gälɩ nɩ, 'n ‑gbala kä ‑mɩ ‑a kʋ Ɛfɛsëbätä ‑mä nyüü ‑mölöö ‑gbala 'ü ‑pɩ ‑gbagblɛwii 'kpɩa.

Ɛfɛsënyüü 4:14

'Ia 'taɩn 'lɩ, a ‑ka ‑nëmä 'jü ‑a bä. A ‑ka ‑nëmä ‑beere 'sɩrɩ 'taniea 'nɩdakë faa' ‑gɔlʋ ‑a. ‑Gbagblɛnyüülüa 'kpɩkpɩakʋ ‑ka ‑nëmä amɩ 'lɩklɩ ‑a ‑piie. 'Ü ‑ka ‑nëmä amɩ ‑gbagblɛ ‑a 'sara 'ümä amɩ ‑trɔɔrɔ.

Filipënyüü 2:20

'be nyɔɔ ‑moloo 'nyɩ 'lɩ ‑a bä, ima 'nyɩ 'ɔa 'doo ‑a bä; ‑bɛ 'tasɩrɩ 'ɔɔ bobo ‑gböösa 'ana wii 'sɩrɩ 'n boboa' 'iin.

2 Timotee 4:2

‑kä 'taɩn 'naa o, ‑kä 'i bʋbɔ o, 'pa nyɔsʋaawii. 'Kpɩa nyüü, ja 'üün 'nyienyienyʋfɔ 'wʋ, 'jrara 'üa 'klü 'kpɩkpɩakʋa 'fɩɔ 'lɩ, nʋ 'imɩ plɛböblökʋ 'lɩ.

2 Timotee 4:7

'N ‑fu toulu 'naa'. 'Nya 'a 'na fʋfɔlʋ 'wlara. 'Nyɩ 'na nyɔsʋaplɛ ‑wälɩ ‑a 'cɛrɛ.