2 Timotee 2:9 - Kuö Dëdrä Jenɛɛsë Rutë

⁹ 'A 'äa ‑gʋ 'n 'jää ‑sʋɩ, ‑bɛ 'ü 'pa 'mɩ 'cɩ ‑beere ‑balʋnyɔɔ. ‑Maa ‑mää Nyɔsʋaa wii 'nyɩ 'cɩ 'pala.

2 Timotee 2:9 Referans Kwoze

Filipënyüü 1:7

'I 'nara 'lɩ 'na ‑nyɛɛ 'kä 'mä 'samaa wii bobo 'ana ‑gʋ, 'n ‑gbötö 'amɩ 'na plɛklɩ. 'Jrʋpalä Nyɔsʋa ‑nyɩa' 'mɩ 'ɔa ‑gbinanakʋ 'lɩ nɩ, 'a ji 'mɩ ‑gba. 'A ‑ka nö 'imɩ ‑tɛ ‑jie 'lɩ 'n bäa', 'taɩn 'lɩ 'maa 'saaa' 'Mʋfagogo, 'maa 'paaa' 'äa 'wli 'lɩa wii, 'n ‑gbalaa' nyüü 'sɩrɩ 'ä bäa' 'cɩcasa.

Akëtë 28:31

'Ɔ 'saralɩ nyüü Nyɔsʋaa 'kamapläa ‑gä ‑bɛ 'ɔ 'kpɩa nyüü wiili 'paa' 'Pläkänyɔɔ Jesu 'Kriisëa ‑gä. 'Inyɩ 'nɩmɩ 'ɔɔn ŋalɛ 'wʋ ‑a kä, dɛɛ 'nyɩ ka 'ɔɔn 'nyʋfɔ ‑a.

2 Timotee 1:8

'Ia ‑gʋ, ana 'Pläkänyɔɔa ‑gäa 'papakʋ 'nyɩ kä ‑mɩ 'nyüsü 'wʋ, ‑nyɩ kä bɩa 'na 'nyüsü, 'mɔɔlɔ bäa' ‑jienyɔɔ 'ɔa ‑gʋ. ‑Maa 'jä ‑sʋɩ 'nyraa ‑mɔ kɔsɔ 'Mʋfagogoa ‑gʋ, 'klülü Nyɔsʋa ‑nyɛɛa' ‑mɩ 'üü ‑a nʋ ‑bɛ a ‑fɛ 'jrʋpa.

Kolɔɔsënyüü 4:3

'Ama bibie Nyɔsʋa nɩ, 'ba bibie dotro ana 'wli 'lɩ, Nyɔsʋa 'mä amɩ 'nyʋfɔ ‑nyɩ wiili ‑sisiea' 'Kriisëa ‑gälɩ, amä 'iin 'lɩsa. 'A ‑gogoläa ‑gʋ 'n bä ‑jie 'lɩ.

2 Timotee 4:17

‑Maa 'Pläkänyɔɔ bä ɩ 'na ‑gba 'ɔnya ‑nyɩ 'mɩ 'klü; 'mɔɔ 'ɔ ‑srörökalɩ 'ɔnya 'saralɩ 'ɔa wii nyüülü kä 'fɩɔ 'nyɩa' Nyɔsʋa jre. 'Ɔnya 'ba 'mɩ sruku 'mä.

1 Piɛɛrë 2:12

'Ba kä 'cɩcagbi nyüülü 'nyɩa' Nyɔsʋa jrea ‑tɔrʋpɩɔ. 'Ama nʋ 'saa nɩ, ‑gbʋgblʋʋkänyüüa 'nyrɩ 'lɩ 'ümäa' 'amɩ ‑gälɩ ‑tʋ, üma 'jä 'ana 'cɩcagbi nɩ, 'ünya Nyɔsʋaa 'nyrɩ 'bʋalaa ‑srɩlɩ kä 'mlɩ 'ɔmäa' 'üa 'kläa 'mlɩ ji.

1 Piɛɛrë 4:15

'Ana ‑tɔrʋpɩɔa nyɔɔ 'nyɩ 'jä ‑sʋɩ ‑beere ‑dainde, 'aiɛ ‑beere 'jejienyɔɔ, 'aiɛ ‑beere nyɔɔlɔ nöa' bʋbɔgbi, ‑beere nyɔɔlɔ ‑piiea' nyüü ‑mölööa wiia 'mlɩ.

2 Timotee 1:12

'A 'ia ‑gʋ 'n 'jää 'ia ‑sʋɩ. ‑Maa 'inyɩ 'mɩ 'nyüsü 'wʋ ‑a kä, 'be 'n jre nyɔɔlɔ 'n toroa' plɛ, 'nyaa jre 'iin 'sɩrɩ 'ɔ 'mrɛɛa' 'ɔmäa' diili 'n tɩa' 'ɔɔn ‑gba ‑wälɩ ‑tʋ ‑tʋ ‑a ‑tɔɔ ‑gätʋtaɩn ‑gälɩ.

2 Tɛsalonikënyüü 3:1

‑Jäsɩ 'n blöa' nɩ, ‑wlajü 'amɩ, 'ba bibie ana 'wlili 'Pläkänyɔɔa 'papawii 'mä 'klɔɔtrʋ mi a 'doo ‑bɛ 'imä 'bʋala 'sɩrɩ 'i bäa' 'ana ‑nyɛɛ,

Kolɔɔsënyüü 4:18

‑Jää 'trɔrʋlʋ 'na 'mʋgbɛ bäa' 'Pɔɔlë, 'na wlu ‑jɩjraa' 'n jaa' 'amɩ. 'Ba 'pa plɛ 'sɩrɩ 'n bäa' 'cɩ 'lɩ! Abɩa Nyɔsʋa 'pa 'amɩ 'nɩ! 'Asɩ i bä.

Ɛfɛsënyüü 3:1

'Ia ‑gʋ 'mɔɔ 'Pɔɔlë, ɔ bäa' 'Kriisë Jesua ‑jienyɔɔ 'ana ‑gʋ, 'amɔ nyüülü 'nyɩa' juifë bä …

Akëtë 9:16

‑Sʋɛlɛ kä 'fɩɔ 'ɔmäa' 'jä 'na 'nyrɩklɩa ‑gʋ nɩ, 'nyaa 'ɔmɩ 'ɛɛn sraraa.»

1 Piɛɛrë 3:16

'Anyɩ pla 'ana bobowli ‑fre, nyüülü paaa' 'ana bʋbɔnyrɩ 'ana 'cɩcagbili 'a nöa' 'Kriisë 'lɩa ‑gʋ, ‑bɛ 'ü 'daaa' 'amɩ ‑beere ‑balʋnyüü nɩ, 'nyüsü 'mä 'üün 'bla.

1 Piɛɛrë 2:14

‑bakää 'inyɩ bä 'kamanyüülü 'kɩɩ blɔa', ü jia' ‑balʋnyüü 'pɔnɩ, ‑bɛ 'ümäa' ‑mülü nöa' 'cɩcagbi 'kɔlɔ nɩ, 'ba ‑träärälɩ 'üün.

2 Timotee 1:16

Abɩa 'Pläkänyɔɔ 'jä Onesefɔrë nyra 'ɔa ‑gböööa nyatɛrɩ, 'be 'ɔ 'paa 'mɩ 'klü 'lɩ ‑srɩ ‑mɩdoo 'lɩ. 'N bäa' 'nɩmɩ ‑jie 'lɩ 'inyɩ 'ɔɔn 'nyüsü 'wʋ ‑a kä.

Lukë 23:32

'Ü fa bɩa ‑srɩ 'dooläa 'mlɩ 'jejienyüü 'sɔɔ 'ümä 'üün 'bla 'üü ‑bɛ Jesu.

Akëtë 21:33

'Kamanyɔɔlɔ nya 'tɔ 'ɔa ‑gba 'ɔnya 'kpla 'ɔɔn, 'ɔnya ‑gbala 'ɔa nyüü ü nʋ 'cɩ 'sɔɔ ü kpasa 'ɔɔn. 'Ɔnya 'bete nyüülü nyɔɔlɔ 'ɔ bäa' nyra dɛɛlɛ 'ɔ nöa'.

Filipënyüü 1:17

‑Mülü nɩ, wasäsa 'ü 'paa 'Kriisëa ‑gä, ‑mää 'cɩcasa 'ünyɩ bobo; 'üa plɛɛ üma nʋ 'saa 'na ‑sʋɩ 'ü 'papla ‑gälɩ ‑tɛ ‑jie 'lɩ.

1 Tɛsalonikënyüü 1:8

'Be 'Pläkänyɔɔa wiia mimikʋlʋ nɩ, ‑tɛ 'ana ‑nyɛɛ 'i sɔrɔ 'klɩ. ‑Mää Masedoanë nyra Akaiia ‑tʋtʋa 'doo ‑gälɩ ‑a, ‑maa 'ana nyɔsʋaplɛtorokʋa wii mi ‑pɩɔa 'fɩɔ. 'Ia mimikʋa ‑gʋ, a ‑kanyɩ 'ia ‑gäa 'papakʋ ‑a kä.

2 Timotee 2:3

'Ii känyrɩ, ‑mɔlɔ nɩ, ‑gbötö ‑sʋɩ ‑beere Jesu 'Kriisëa 'cɩca 'sʋgɩanyɔɔ.