2 Timotee 2:12 - Kuö Dëdrä Jenɛɛsë Rutë

¹² ‑Bɛ ama ‑sɔɔrɔwʋ ‑sʋɩa 'mlɩ nɩ, a nyra 'ɔɔn nya 'kɩɩa 'kamakʋ 'lɩ 'nyɛrɛa. ‑Maa ama sɔ 'ɔɔn dɛrɩ nɩ, 'ɔa 'mʋgbɛ nya amɩ dɛrɩ sɔa.

2 Timotee 2:12 Referans Kwoze

Rɔmënyüü 8:17

‑Bɛ a bäa' 'ɔa 'jü nɩ, a bä bɩa ‑jaajinyüü: Nyɔsʋaa ‑jaajinyüü a bä, a nyra 'Kriisë kɔsɔ, ima 'daa 'kasa a nyra 'ɔɔn 'järä ‑sʋɩ 'wʋ nɩ, a nyra 'ɔɔn nya bɩa 'bʋalaa.

Matiö 10:33

‑Maa nyɔɔ o nyɔɔ 'mäa' 'daa 'ɔnyɩ 'mɩ ‑a jre nyüüa 'klɩ nɩ, 'na 'mʋgbɛ, 'nëmä bɩa 'ɔmɩ ‑a jre 'na Tʋlɔ bäa' cɛlɩ, 'ɔa 'klɩ.

'Nyügälɩjawii 20:4

'Pɩrɩgälɩ nɩ, 'nyaa 'jä 'kɩɩkpatë; Nyɔsʋa ‑nyɩ nyüülü kʋa' 'lɩ ‑gälɩ 'klü 'ümä nyüüa ‑gä ‑tʋ. 'Nyaa 'jä nyüülü kä 'wia 'ü 'bö böa' 'lɩ, 'üa ‑sisi. Jesua 'cɩcasa nyra nyɔsʋaawiili 'ü 'paaa', 'ia ‑gʋ 'ü 'bla 'üün. 'Ünyɩ mrɛɛlɛ nyra 'ɛa ‑papaa nɛ ‑a ‑pʋpʋa. 'Üa 'dari ‑gba nyra 'üa 'kʋtapra ‑gälɩ 'nyɩ 'ɛa tie ‑a bä. 'Ünya sɔ jäjäa 'mlɩ 'üü ‑bɛ 'Kriisë 'mä 'kama 'kamaa ‑sɩa ‑diisɔɔ ‑glʋɩpʋ (1 000).

'Nyügälɩjawii 20:6

Abɩa dɔrʋ 'bla nyüülü bäa' ü ‑kätɩ sɔa' 'kuaabre, 'üa ‑tɔrʋpɩɔ! 'Üü bä Nyɔsʋaa 'nyünanyüü. 'Sɔɔa në jäjä 'nyɩ 'üün 'klü ‑gälɩ ‑a kälä; 'ünya Nyɔsʋa nyra 'Kriisëa ‑gbɔsapɛrɩnyüü bäa, 'kä 'ü nyra 'ɔɔn nya 'kama ‑sɩa ‑diisɔɔ ‑glʋɩpʋ (1 000).

Lukë 12:9

‑Maa nyɔɔlɔ 'mäa' 'daa 'ɔnyɩ 'mɩ ‑a jre nyüüa 'klɩ nɩ, Nyɔɔa 'Jʋ ‑nëmä bɩa 'ɔmɩ ‑a jre Nyɔsʋaa 'aanjëɩɩa 'klɩ.

'Nyügälɩjawii 5:10

'Ɔnya nrörö 'üün 'kɩɩ nyra ‑gbɔsapɛrɩnyüü 'lɩ 'ümä ana Nyɔsʋa 'lɩträärä, ‑bɛ 'ümä 'plä 'kama.»

Lukë 9:26

'Ia ‑gʋ nyɔɔ o nyɔɔ 'mɔɔ ‑bɛ 'na mlɩa wii 'mäa' 'nyüsü 'wʋ kä nɩ, 'taɩn 'lɩ Nyɔɔa 'Jʋ 'mäa' ‑srɩ 'ɔa tʋa 'wliklɩ 'bʋabʋakʋ nyra 'nyüna 'aanjëa 'wliklɩ 'bʋabʋakʋ ja ‑bɛ 'ɔmä ji, 'ɔnya 'ɔa 'nyüsü käa bɩa.

'Nyügälɩjawii 2:13

'N jre wiili ‑nöa' nyra ‑plɩɩlɩ ‑kʋa', i Sataan a 'kɩɩkpata bäa'. ‑Kpaasra 'na 'nyrɩ ‑gba. 'Ana ‑tɔrʋpɩɔ, i Sataan kʋa', 'ii 'ü 'blaraa 'na ‑gäpanyɔɔ Antipasë 'nyɩa' 'mɩ dɛrɩ sɔ. ‑Maa ‑mɔlɔ nɩ, ‑jää 'ia 'fɩɔ ‑maa ‑ka toro 'mɩ plɛ.

'Nyügälɩjawii 1:9

'Mɔɔ Jaan, ɔ bäa' bɩa 'ana ‑wlajʋ nɩ, 'nyraa 'amɩ bä ‑sʋɩ 'lɩ 'Kamaplä 'lɩ nyra Jesu 'Kriisë 'lɩa 'mlɩkpʋkplɔkʋ 'lɩ. Nyɔsʋaawiia ‑gʋ nyra 'cɩcasalä 'paaa' Jesu 'Kriisëa ‑gäa ‑gʋ 'ü nrörö 'mɩ ‑jienyɔɔ 'lɩ dugbalä 'ü 'daraa' Patëmɔsë 'äa 'mlɩ.

Judë 1:4

'Be nyüü ‑mölöö ‑sisie 'ünya pa 'ana ‑tɔrʋpɩɔ, ‑bɛ 'ünyɩ pɩ Nyɔsʋa ‑a. 'Ü totrolɩ 'papawiili 'paaa' Nyɔsʋaa ‑gbinanakʋ ‑gälɩ, 'ümä ‑gʋ ‑sagbili Nyɔsʋa 'nyɩ 'bataa' nʋ. 'Ünyɩ Jesu 'Kriisëlɔ kä 'doo bäa' ana 'Kamanyɔɔ nyra ana 'Pläkänyɔɔ ‑a jre. Nyɔsʋaa ‑pɔɔkʋ 'a kä 'pɔnɩkʋlʋ ‑glaaa' 'üün 'lɩsa sököö.

Filipënyüü 1:28

'Anyɩ 'cɛrɛ 'ana nyüamlɩjraranyüü ‑wälɩ 'ünyɩ ‑guua 'amɩ 'fëflɛsa. 'Ii 'mä 'üün ‑gbala 'sɩrɩ 'ümäa' 'mɔlɔ. 'Ana ‑nyɛɛ nɩ, 'ii ‑gbala 'amɩ 'sɩrɩ 'anya 'a 'lɩmlɩwʋ. Nyɔsʋa ‑gba 'iin.

Marëkë 8:38

'Ia ‑gʋ nyɔɔ o nyɔɔ 'mɔɔ ‑bɛ 'na mlɩa wii 'mäa' 'nyüsü 'wʋ kä, nyüüglügbölä kʋa' ‑pɩ, ä kä 'mlɩa nyüü 'sia' ‑balʋ 'klɩ, ä sɔa' Nyɔsʋa dɛrɩ nɩ, 'taɩn 'lɩ Nyɔɔa 'Jʋ 'mäa' 'ɔa tʋa 'wliklɩ 'bʋabʋakʋ ja 'ɔɔ ‑bɛ 'nyüna 'aanjëɩɩ 'mäa' ji nɩ, 'ɔnya ‑srɩ 'ɔa 'nyüsü käa bɩa.»

Matiö 26:35

'Iibäa' Piɛɛrë nɩ: «‑Bakää ana 'sɔɔ nya 'wʋjärä nɩ, 'nëmä ‑srɩɩ 'daa 'nyɩ ‑mɩ ‑a jre.» 'Üa 'fɩɔ nya 'pawii 'doo.

'Nyügälɩjawii 3:8

'N jre ‑na nʋnʋdii. 'N jre 'iin 'sɩrɩ ‑nyɩa' 'saa 'klü kä, ‑maa ‑tʋ 'na 'papawii 'nyü ‑gba, ‑nyɩ 'mɩ dɛrɩ ‑a sɔ. 'Ia ‑gʋ, 'n 'sara ‑mɩ tatu 'klɩ nyɔɔ 'nyɩ 'lɩ ‑a bɩa ɔ 'pa 'umɩ.

Akëtë 14:22

Nyüülü toroa' Jesu plɛ nɩ, 'ü 'paa 'üa nyɔsʋaplɛ 'klü 'lɩ abɩa 'üa nyɔsʋaplɛ ‑sɔɔrɔwʋ. ‑Bɛ 'ü ‑gbala 'üün: «A kä amä ‑sʋɩ 'kɔkɔmlɛ 'lɩ ‑srörö ‑bɛ amä Nyɔsʋaa 'kamapläa 'mlɩ pa.»

Marëkë 10:33

«‑Jää Jerusalɛɛmë a 'jraa, Nyɔɔa 'Jʋ nya ‑gbɔsapɛrɩnyüü kpakü nyra ‑dɔkpɩanyüü kälɩ 'saraa; 'ünya 'ɔɔn jäjä ‑jie 'lɩ 'paa, 'kä 'ünya 'ɔɔn nyüülü 'nyɩa' juifë bä kälɩ 'sara,

Matiö 26:75

Piɛɛrë nya 'pa wiili Jesu ‑gbala käa' 'ɔɔn plɛ: «'Cɩcasa 'n ‑gbala ‑mɩ, ‑taa ‑gbiaralä nɩ, ‑nya tää kaa 'kä ‑nya 'daa ‑nyɩ 'mɩ ‑a jre 'fɩɔwʋ 'kä sapɛa ‑gbegbetaɩn nya 'lɩjrä.» 'Ɔnya 'cie 'ɔnya 'wu ‑gböösa.

'Nyügälɩjawii 1:6

'Ɔ nrörö amɩ 'kamaplä 'lɩ 'ɔnya nrörö amɩ ‑gbɔsapɛrɩnyüü 'lɩ amä 'ɔa Tʋ Nyɔsʋaa 'jrʋpafɛ. Abɩa 'wliklɩbʋbʋakʋ nyra 'klü bä Jesu 'lɩ 'plɔʋplɔʋa ‑gʋ! 'Asɩ i bä.

Lukë 22:29

'Ia ‑gʋ, 'n ‑nyɛɛ 'amɩ 'kamaplä, 'sɩrɩ 'na Tʋ nʋa' bɩa 'mɩ,

Lukë 22:30

'kä 'amä 'na 'kamapläa 'mlɩ 'töwlö ‑gälɩ tara ‑bɛ 'amä 'lɩ 'mlara. 'Amä 'kɩɩkpatë ‑gälɩ kɔ kɔ, 'amä Israɛɛlëa ‑glügbü ‑pʋ ‑bɛ 'sɔɔa 'cifu bä.»

Rɔmënyüü 5:17

Jäjä ma kälä nyüü 'klü ‑gälɩ nyɔɔ 'dooa ‑balʋa ‑gʋ nɩ, nyɔɔ 'doo Nyɔsʋa ‑srörö kälɩ 'ɔnya ‑nyɩ nyüü i ‑sia' 'wʋ: nyüülü 'ɔ ‑nyɛɛa' 'ɔa ‑gbinanakʋlʋ 'ɔnyɩ 'mɩsɩa' nyra 'klɩgägäkʋ, 'ünya 'klä 'jäa Jesu 'Kriisëa 'dooa 'nyrɩklɩ 'kä 'ü nyra 'ɔɔn nya 'kama.

1 Timotee 5:8

Nyɔɔ ma 'nyɩ 'pa 'ɔa nyüüa ‑gä ‑a nɩ, 'ɔa nyükölia nyüü 'n 'daa, 'ia nyɔɔlɔ 'a nyɔsʋaplɛ ‑wälɩ 'cɛrɛ, 'ɔ ‑si 'nɩmɩ nyɔɔlɔ 'nyɩ toroa' Nyɔsʋa plɛ 'wʋ.

'Nyügälɩjawii 3:10

'N ‑gbalaa' ‑mɩ ‑a kpʋkplɔmlɩ ‑sʋɩa 'mlɩ ‑beere 'mɔɔ, ‑bɛ ‑nʋa' 'imɩ nɩ, 'ia ‑gʋ 'na 'mʋgbɛ 'nyaa ‑mɩ 'nyiöli ‑gääläa 'taɩn 'lɩ ‑sʋɩ 'mäa' 'pläa 'fɩɔa 'mlɩ ji. ‑Sʋɩlɩ jö 'imä ‑tʋtʋ ‑gälɩa nyüüa 'fɩɔ 'lɩtɛ.

'Nyügälɩjawii 3:21

Nyɔɔlɔ nëmäa' 'wʋsi nɩ, 'nyraa 'ɔɔn nya 'na 'kɩɩkpata ‑gälɩ kʋa, 'sɩrɩ 'na 'mʋgbɛ ‑sia' 'wʋ ‑bɛ 'n mia' ‑bɛ 'mɔɔ ‑bɛ 'na Tʋ kʋa' 'ɔa 'kɩɩkpata ‑gälɩ.