2 Timotee 2:10 - Kuö Dëdrä Jenɛɛsë Rutë

¹⁰ 'A 'ia ‑gʋ, 'n 'nyiere wiia 'fɩɔ 'klɩ nyüülü Nyɔsʋa 'baa' 'lɩa ‑gʋ; 'kä 'üa 'mʋgbɛ 'mä bɩa 'lɩmlɩwʋwʋkʋlʋ bäa' Jesu 'Kriisë 'lɩ 'jä, nyra 'wliklɩbʋabʋakʋlʋ 'nyɩa' blöröfa kä.

2 Timotee 2:10 Referans Kwoze

Kolɔɔsënyüü 1:24

‑Sʋɛlɛ kä 'mlɩ 'n bäa' 'köklesaplɩɩ 'ana ‑gʋ nɩ, 'i kä 'mɩ dɔrʋ 'wʋ. 'Na 'jajɛa 'mlɩ 'n ‑ka 'jää ‑sʋɩlɩ tɩɔa' 'lɩ, i 'Kriisë nëmä ɩa' 'jä 'ɔa fugbalä bäa' 'Cɛcɩ, 'äa ‑gʋ.

1 Piɛɛrë 5:10

‑Maa 'ana ‑sʋɩ ‑nëmä 'lɩ ‑a ‑wlɛ, Nyɔsʋalɔ käa' ‑gbinanakʋa 'fɩɔ, ɔ werea' 'amɩ 'ɔa 'wliklɩbʋabʋakʋlʋ 'nyɩ bɩaraa' Jesu 'Kriisë 'lɩ nɩ, 'ɔnya 'amɩ 'naraa. 'Ɔnya 'amɩ nyɔnyrɔa, 'ɔnya 'amɩ 'wʋsɔɔrɔa, 'kä 'ɔnya 'amɩ 'wʋsɔɔrɔa nyɔɔ ‑pɩɔ 'amɩ käkpa.

2 Timotee 2:3

'Ii känyrɩ, ‑mɔlɔ nɩ, ‑gbötö ‑sʋɩ ‑beere Jesu 'Kriisëa 'cɩca 'sʋgɩanyɔɔ.

2 Korɛɛntënyüü 1:6

'Ii känyrɩ ama 'jä ‑sʋɩ nɩ, amä ‑gʋ 'amɩ plɛmlɩpa ‑bɛ 'amä 'lɩmlɩwʋ. ‑Bɛ üma 'pa amɩ plɛ 'lɩ nɩ, 'inya 'amɩ plɛ 'lɩ 'paa, ‑bɛ 'amä bɩa ‑sʋɩlɩ a 'jääa' ‑plɩɩ, 'ia ‑gbötökʋ mlɩbɩa.

2 Korɛɛntënyüü 4:17

'Be ‑sʋɩlɩ a 'jääa' 'fʋma ‑bɛ 'inyɩ ‑wlɛlɩ ‑a, ‑maa 'i tɛrɛ amɩ 'wliklɩbʋabʋakʋlʋ ‑sia' ana ‑sʋɩ 'wʋ. 'Ia 'wliklɩbʋabʋakʋlʋ ‑wlɛɛɛlɩ 'plɔʋplɔʋa ‑gʋ 'unya 'bʋa ‑gböösa 'unya ‑si ana ‑sʋɩ 'wʋ.

1 Piɛɛrë 2:10

'A ma 'nyɩ kä Nyɔsʋaa nyüü ‑a bä, ‑maa 'anya 'a 'saarɩ Nyɔsʋaa nyüü nʋ. Nyɔsʋa ma 'nyɩ 'ana nyatɛrɩ ‑a kä, ‑maa 'ɔ kä 'saarɩ 'ana nyatɛrɩ.

1 Tɛsalonikënyüü 5:9

'Be Nyɔsʋa 'nyɩ amɩ 'crɛ ‑a tɛrɛ, ‑maa 'lɩmlɩwʋwʋkʋ a kä, ana 'Pläkänyɔɔ Jesu 'Kriisë 'lɩ,

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

Ɛfɛsënyüü 3:13

'Ama bobo ‑sʋɩlɩ 'n 'järäa' 'na 'jrʋpa 'mlɩ 'ana ‑gʋ nɩ, 'ana 'klü 'nyɩ jä 'lɩ: 'iibä 'ana 'bʋalakʋ.

2 Korɛɛntënyüü 4:15

Wiili kä 'fɩɔ jräa' amɩ ‑gälɩ nɩ, 'ana ‑gʋ, 'kä Nyɔsʋaa ‑gbinanakʋ 'mä ‑gälɩ 'paplaa 'doo. 'Ia 'taɩn 'lɩ nyüülü nëmäa' Nyɔsʋa 'trɛɛ nya ‑sümlöa ‑gböösa, 'kä 'inya Nyɔsʋa 'bʋala.

1 Korɛɛntënyüü 9:22

Nyüülü 'fʋmaa' a ‑tɔrʋpɩɔ 'n 'fʋma, 'mä 'fʋmanyüü 'jä. 'N nrörö 'na nyufa nyüüa 'fɩɔa 'sa, 'mä ‑gʋ 'lɩ 'doorodoo mlɩba.

Rɔmënyüü 9:23

'ɔmä 'ɔa 'wliklɩbʋabʋakʋ nyatɛ ‑takɔɩɩa 'pɛlɩ srara, 'ɔmä ü 'ɔ tɩa' ‑srɩ dɛrɩ 'ɔ ‑gbalaa' 'bʋala.

Rɔmënyüü 2:7

Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Jaan 17:24

'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ.

Jaan 17:9

'A 'üa 'wlili 'n bibie. ‑Mää nyüüa 'fɩɔa 'wlili 'nyɩ bibie, ‑maa ü ‑nyɩa' 'mɩ 'üa 'wlili 'n bibie, 'be ‑mɔ kä 'üün.

Jaan 11:52

'Inyɩ juifëa 'pläa 'dooa ‑gʋ ‑a bä, ‑maa Nyɔsʋaa 'jülü ‑gbagbaa' 'kä nɩ, 'ɔmä 'üa 'fɩɔ ‑gbapapla 'ümä 'doo bä.

Matiö 24:31

Dɛglɛ nya wiimlɩbablaa ‑gböösa, 'kä 'ɔnya 'ɔa 'aanjë jaa 'ümä 'ɔa nyüülü 'ɔ 'baa' 'lɩ, ü bäa' ‑tʋtʋa kotü mlɔɔ 'lɩ, ‑gbapapla, sɔ cɛa 'käkolofa 'wʋ ‑a mi ‑a ‑tɔɔ cɛa blöröfa 'wʋ.»

Matiö 24:24

'N 'paa' 'iin nɩ, ‑gbagblɛ 'kriisë nyra ‑gbagblɛ nyɔsʋaamlɩpalanyüü nya ‑srɩɩ 'lɩbäa. 'Ünya ‑saragbi kpakü nyra plɛklɩkalawii nʋa, 'ünya 'nɩmɩ nyüülü Nyɔsʋa 'baa' 'lɩ mlüü 'lɩpaa ima bä 'ia 'sa.

Matiö 24:22

Nyɔsʋa ma 'nyɩ ɩ 'ia jrüülü 'klɩ ‑a 'bö, nyɔɔ 'doo ‑nëmä 'lɩmlɩ ‑a 'wʋ; ‑maa 'ɔa nyüülü 'ɔ 'baa' 'lɩ, 'üa ‑gʋ 'ɔ 'bö jrüü 'klɩ.

2 Tɛsalonikënyüü 2:14

'A 'ia ‑gʋ 'ɔ ‑srörö bɩa 'Mʋfagogolä a 'saa' 'amɩ kälɩ 'amä ana 'Pläkänyɔɔ Jesu 'Kriisëa 'wliklɩbʋabʋakʋa 'mlɩ dɛɛ kälä.

Lukë 18:7

‑Bɛ Nyɔsʋa le? 'Ɔa 'jülü 'ɔ 'baa' 'lɩ ü wea' ‑srɩ ‑bɛ ‑gbia 'sɔ nɩ, 'ɔ ‑nëmä 'üün 'üa ‑gä ‑a ‑nyɩ? 'Ɔnya dɛrɩ ‑wlɛa 'ɔmä 'üün ‑gbaji?

1 Korɛɛntënyüü 1:21

'Be Nyɔsʋaa 'lɩgaglakʋ 'lɩ nɩ, 'ɔ nʋ 'iin 'plä ‑pɩ 'lɩgaglakʋ nʋ 'ä ‑pɩ 'ɔɔn jre. 'A 'ia ‑gʋ Nyɔsʋa 'daa 'papawiili a 'paaa' nɩ, 'ii 'ü 'daraa' mlüü, 'inya kä Nyɔsʋa 'tʋ 'ɔmä 'iin kälɩ ‑srörö ‑bɛ 'ɔmä 'lɩmlɩ nyüülü toroa' 'ɔɔn plɛ 'ba.

2 Korɛɛntënyüü 12:15

'Ii känyrɩ 'mɔɔlɔ nɩ, 'inya 'mɩ dɔrʋ 'wʋ käa 'mä diia 'fɩɔ 'sa, 'palɩ 'na 'mʋgbɛa 'fɩɔ 'ana ‑gʋ. 'Asɩ 'n ‑waaa 'amɩ nɩ, 'na ‑wawakʋ 'bölöklɩ 'ana plɛklɩ?

2 Timotee 1:1

'Mɔɔ 'Pɔɔlë, ɔ bäa' Jesu 'Kriisëa apotrë, 'sɩrɩ Nyɔsʋa ‑waa'. 'Klälä 'ɔ 'daaa' 'ɔmäa' amɩ ‑nyɩ Jesu 'Kriisë 'lɩ nɩ, 'mä 'äa ‑gogo 'sa.

2 Timotee 2:1

'Ii känyrɩ, ‑mɔ bäa' 'na 'jʋ nɩ, 'ba ‑na 'klü ‑gbinanakʋlʋ a 'järäa' Jesu 'Kriisë 'lɩ.

Titë 1:1

'Mɔɔ 'Pɔɔlë, Nyɔsʋaa ‑geei nyra Jesu 'Kriisëa apotrë, 'mɔɔ ‑jɩjra. Nyɔsʋa ‑gbala 'mɩ ‑a we 'ɔa nyüülü 'ɔ 'baa' 'lɩ 'ümä nyɔsʋaplɛtoro, 'ümä 'cɩcasa jre, 'üa 'nyɛnyɛkʋ nyra 'üa nyɔsʋaplɛ 'mä dɛɛ 'dee bä.

Lukë 22:57

‑Maa 'ɔnya babla, 'ɔ ‑nëma: «'Ŋlʋʋ, 'nyɩ 'ɔɔn jre ‑a jre.»