2 Timotee 2:1 - Kuö Dëdrä Jenɛɛsë Rutë

¹ 'Ii känyrɩ, ‑mɔ bäa' 'na 'jʋ nɩ, 'ba ‑na 'klü ‑gbinanakʋlʋ a 'järäa' Jesu 'Kriisë 'lɩ.

2 Timotee 2:1 Referans Kwoze

Ɛfɛsënyüü 6:10

'Na ‑wlajü 'amɩ ‑jäsɩ 'n blöa' nɩ: 'ba 'batra 'ana 'klü 'Pläkänyɔɔ 'lɩ, 'kä 'a 'batra 'üün 'ɔa 'klü kpakü 'lɩ.

2 Timotee 1:7

'Be ‑susulu Nyɔsʋa ‑nyɩa' amɩ 'nyɩ nrörö amɩ ŋalɛkänyüü 'lɩ ‑a, ‑maa 'u ‑nyɛɛ amɩ 'klü, ‑wawlakʋ, nyra 'sɩrɩ amäa' ana fugba 'tiere.

Filipënyüü 4:13

'N 'mrɛɛ 'ia 'fɩɔlʋ mlɩ 'Kriisëa 'nyrɩklɩa ‑gʋ, 'be 'ɔɔ ‑nyɛɛɛ 'mɩ 'klü.

1 Korɛɛntënyüü 16:13

'Anyɩ 'mʋmɔ, abɩa 'ana nyɔsʋaplɛ nyɔnyrɔ, 'ama nëmä wii nʋ 'ba nʋ 'imɩ nyɩbɛsa, 'ba 'paplaklü 'lɩ.

2 Piɛɛrë 3:18

‑Maa 'ba 'bʋala Jesu 'Kriisëa ‑gbinanakʋ 'lɩ 'kä 'a jre 'ɔɔn ‑gböösa, 'ɔɔlɔ bäa' ana 'Pläkänyɔɔ nyra ana 'Lɩmlɩbanyɔɔ. 'Ɔɔ kä 'wliklɩbʋbʋakʋ 'köklesaplɩɩ, 'plɔʋplɔʋ! 'Asɩ i bä.

1 Timotee 1:18

'Na 'jʋ Timotee, ‑jää wiili 'mäa' ‑mɩ ‑gbala. 'Ii ‑bɛ wiili nyɔsʋaamlɩpalanyüü 'sa käa' 'lɩ ‑na ‑gʋ bä dɛɛ 'dee. I kʋ ‑na plɛklɩ ‑mä 'mʋfa ‑golu ‑fu nyɔsʋaplɛtorokʋ 'lɩ.

1 Timotee 1:2

Timotee. ‑Mɔ bäa' 'na 'cɩca 'jʋ nyɔsʋaplɛtorokʋ 'lɩ. Abɩa ana Tʋ Nyɔsʋa nyra Jesu 'Kriisë ana 'Pläkänyɔɔa ‑gbinanakʋ, 'ɔa nyatɛplɛ nyra 'ɔa plɛgälɩflɛrɛkʋ bä ‑mɩ ‑gälɩ.

2 Timotee 1:2

'Na ‑wawajʋ Timotee, 'n ‑jɩjra ‑mɩ 'wʋ: abɩa Nyɔsʋalɔ bäa' Tʋ nyra ana 'Pläkänyɔɔ Jesu 'Kriisëa ‑gbinanakʋ, nyatɛplɛ, nyra plɛgälɩflɛrɛkʋ bä ‑mɩ ‑gälɩ.

2 Timotee 1:1

'Mɔɔ 'Pɔɔlë, ɔ bäa' Jesu 'Kriisëa apotrë, 'sɩrɩ Nyɔsʋa ‑waa'. 'Klälä 'ɔ 'daaa' 'ɔmäa' amɩ ‑nyɩ Jesu 'Kriisë 'lɩ nɩ, 'mä 'äa ‑gogo 'sa.

2 Timotee 2:10

'A 'ia ‑gʋ, 'n 'nyiere wiia 'fɩɔ 'klɩ nyüülü Nyɔsʋa 'baa' 'lɩa ‑gʋ; 'kä 'üa 'mʋgbɛ 'mä bɩa 'lɩmlɩwʋwʋkʋlʋ bäa' Jesu 'Kriisë 'lɩ 'jä, nyra 'wliklɩbʋabʋakʋlʋ 'nyɩa' blöröfa kä.

2 Timotee 4:17

‑Maa 'Pläkänyɔɔ bä ɩ 'na ‑gba 'ɔnya ‑nyɩ 'mɩ 'klü; 'mɔɔ 'ɔ ‑srörökalɩ 'ɔnya 'saralɩ 'ɔa wii nyüülü kä 'fɩɔ 'nyɩa' Nyɔsʋa jre. 'Ɔnya 'ba 'mɩ sruku 'mä.