2 Timotee 1:9 - Kuö Dëdrä Jenɛɛsë Rutë

⁹ Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.

2 Timotee 1:9 Referans Kwoze

Rɔmënyüü 16:25

A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ.

Titë 1:2

'Ia 'taɩn 'lɩ 'ünya 'üa plɛ 'klälä 'nyɩa' blöröfa kä ‑gälɩ 'piea. 'Klälä nɩ, ‑tʋtʋ ‑kaaŋlʋ kä 'lɩbä Nyɔsʋalɔ 'nyɩ käa' ‑gbagblɛ ‑nëma 'ɔnya kä amɩ 'ään ‑nyɩa.

Rɔmënyüü 9:11

'Be Nyɔsʋaa 'mlɔɔ 'ɔɔ 'baalɩ nyüü: ‑maa ‑mää 'üa ‑gbi 'ɔnyɩ tɛklɩ ‑bɛ 'ɔnyɩ 'balɩ 'üün, 'ɔɔ bäa' Nyɔsʋa ɔ 'baa' 'lɩ nyüü 'ɔa 'doo 'i bäkälɩ. 'Asɩ 'jülü ‑kaaŋlʋ ‑glooro, 'ü ‑kaaŋlʋ 'nɩmɩ ‑balʋ nyra 'cɩcasa ‑a nʋ,

Jaan 17:24

'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ.

Ɛfɛsënyüü 1:11

A nyra 'ɔɔn bäa' nyüü 'doo nɩ, 'ia ‑gʋ a bä ‑jaajinyüü, 'be Nyɔsʋa 'a kä 'lɩ amɩ 'ba, 'sɩrɩ 'ɔ boboa'; 'sɩrɩ 'ɔ 'daaa' ‑bɛ 'ɔ 'bataa' 'asɩ 'ɔ nʋ diia 'fɩɔ,

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

1 Piɛɛrë 1:20

'Plä ‑kaaŋlʋ nrörö Nyɔsʋa nya 'ba kä 'lɩ 'ɔɔn, ‑bɛ ‑taa jrüülü bäa' ‑gälɩ 'blörö jrüü nɩ, 'ɔnya srara 'ɔa nyufa 'ana ‑gʋ.

Jaan 17:9

'A 'üa 'wlili 'n bibie. ‑Mää nyüüa 'fɩɔa 'wlili 'nyɩ bibie, ‑maa ü ‑nyɩa' 'mɩ 'üa 'wlili 'n bibie, 'be ‑mɔ kä 'üün.

1 Piɛɛrë 2:9

‑Maa 'amɔlɔ nɩ, Nyɔsʋaa 'lɩba ‑glügbö 'a bä. 'Kɩɩa 'pɛrɩnyüü 'a bä, ‑tʋtʋ ‑gälɩa ‑glügbölä kä 'nyü 'naa', nyüülü bäa' Nyɔsʋaa nyüü. 'Ɔ 'balɩ 'amɩ 'mʋfa diili 'ɔ nʋa' nɩ, 'amä 'ia ‑gogo 'sa. 'Ɔɔ 'ba 'amɩ 'jöjrüükpü 'lɩ 'ɔnya were 'amɩ 'ɔa 'cɩca 'napɛ 'lɩ.

Ebröönyüü 3:1

'A 'ia ‑gʋ 'na 'nyüna ‑wlajü 'amɩ, 'amɔlɔ Nyɔsʋa werea' cɛlɩ, 'ba tɛ Jesu 'Kriisë 'klɩ 'cɩcasa. 'Ɔɔ Nyɔsʋa blɔ 'ɔnya bä ‑gbɔsapɛrɩnyɔɔ kpakö, 'ii a toroplɛ, 'ii a 'pala ‑pɩɔa 'fɩɔ.

Ɛfɛsënyüü 2:5

a bä käa' 'nɩmɩ jäjänyüü ana ‑balʋa ‑gʋ nɩ, 'ɔ nʋ 'iin a nyra 'Kriisë nya bä 'sɔɔwʋ 'lɩ. Nyɔsʋaa ‑gbinanakʋa ‑gʋ 'a 'wʋlɩmlɩ.

1 Tɛsalonikënyüü 4:7

Nyɔsʋa 'nyɩ amɩ ‑a we amä ‑frepanyüü bä, ‑maa 'ɔ we amɩ amä nyüülü kä 'nyü 'naa' bä.

1 Korɛɛntënyüü 1:18

Nyüülü faa' 'mɔlɔnyʋfɔ ma 'jä 'Kriisëa krʋagälɩjäräwii nɩ, saklawii 'ü 'dara 'iin. ‑Maa amɔlɔ 'wʋa' 'lɩmlɩ nɩ, a jre 'iin 'sɩrɩ 'i bäa' Nyɔsʋaa 'klü.

Jaan 6:37

Ü kä 'fɩɔ Tʋ ‑nyɩa' 'mɩ 'ünya 'na 'pɛlɩ jia, ‑bɛ 'nëmä bɩa nyɔɔlɔ jöa' 'na 'pɛlɩ ‑fälɩ ‑a be 'plɔʋ.

'Nyügälɩjawii 17:8

«Mrɛɛlɛ ‑jäa' ma bä 'lɩ ‑maa 'ɛ ‑kanyɩ 'lɩ ‑a bä. 'Ɛ jö 'lee 'ɛmä 'lɩtʋŋlɔbütügbaa 'mlɩ 'cie 'ɛmä 'mɔlɔ. ‑Tʋtʋ ‑gälɩa nyüülü känyrɩ 'nyɩa' 'kläa ‑pɔɔkʋ 'lɩ ‑jɩjra 'bala ‑tʋtʋa 'käkolofa 'wʋ nɩ, üma 'jä 'ɛɛn 'wʋ nɩ, 'inya 'üün plɛklɩ kalaa; 'be mrɛɛlɛ ma bäa' 'lɩ ‑bɛ ɛ ‑kanyɩa' 'lɩbä, 'ɛnya 'sɔɔwʋ 'plä 'wʋ jia.

Ɛfɛsënyüü 3:11

'A 'sɩrɩ 'ɔ 'daa käa' sököö 'ɔmä ɩa' nʋ, 'asɩ 'i nrörö; ana 'Pläkänyɔɔ Jesu 'Kriisë kälɩ 'i ‑srörö.

Rɔmënyüü 3:20

Nyɔɔ 'doo nyɔɔ 'doo ‑nëmä 'klɩ ‑a ‑gä 'ɔa 'klɔɔtrʋ ‑dɔa 'lɩträäräkʋ ‑a ‑gʋ; 'be ‑dɔ srara nyɔɔ dɛɛlɛ bäa' ‑balʋ.

1 Timotee 1:1

'Mɔɔ 'Pɔɔlë, Jesu 'Kriisëa apotrë; Nyɔsʋalɔ bäa' ana 'Lɩmlɩbanyɔɔ Nyɔsʋa nyra 'Pläkänyɔɔ Jesu 'Kriisëlɔ bäa' ana plɛgälɩpienyɔɔ, 'üü ‑tʋ 'lɩ 'mɩ. 'Mɔɔ ‑jɩjra ‑mɩ 'wʋ,

Ɛfɛsënyüü 1:9

'Ɔ srara amɩ dɛɛlɛ ‑sisie ɩa' ɛ 'ɔmä ɩa' nʋ; dɛɛlɛ nɩ, 'ɔ 'a kä 'nyie 'ɔa ‑gbinanakʋ 'lɩ 'ɔmä 'ɛɛn nʋ 'Kriisë 'lɩ.

Rɔmënyüü 9:24

Amɔ bäsaa. ‑Mää juifëa 'dooa ‑tɔrʋpɩɔ 'ɔnyɩ amɩ were, 'ɔ were bɩa amɩ nyüülü 'nyɩa' juifë bäa ‑tɔrʋpɩɔ.

Lukë 10:21

'A 'ia 'taɩn 'lɩ dotro dɔrʋ 'si Jesu 'klɩ 'Nyüna ‑Susu 'lɩ 'ɔ ‑nëma: «Tʋ, cɛ nyra ‑tʋtʋa 'Pläkänyɔɔ, 'n 'trɛɛ ‑mɩ 'sɩrɩ nʋa' ‑bɛ ‑sisrea' wiili 'lɩglanyüü nyra ‑pɔɔkɩjrenyüü ‑gba, ‑bɛ ‑sraraa' 'iin 'jütɛtɛɛ. ‑Yɛɛ, Tʋ, 'a wiili käa' ‑mɩ 'tʋ, 'ii nʋ!

Matiö 1:21

Nyɩbɛjʋ 'ɔmä ‑gu, 'ba ‑nyɩ 'ɔɔn Jesu 'nyrɩ, 'be 'ɔɔ nëmä 'ɔa nyüü 'üa ‑balʋ mlɩ 'ba.»

Akëtë 2:47

'Ü 'bʋala Nyɔsʋa, nyüüa 'fɩɔ ma ‑wa 'üün, ‑bɛ nyüülü 'Pläkänyɔɔ 'baaa' 'lɩmlɩ ‑srɩ o ‑srɩ ma bɩa 'cɛcɩnyüü 'wli.

Akëtë 15:18

‑bɛ diili kä 'fɩɔ 'ɔ nʋa' , 'i jrerea' 'i 'a 'lɩ ‑wlɛ.

Rɔmënyüü 11:14

'N nö 'imɩ 'imä 'na ‑glügbö wasä plɛklɩ ‑tʋ 'kä 'doorodoolü bäa' 'üa ‑tɔrʋpɩɔ 'mä 'lɩmlɩwʋ.

Rɔmënyüü 11:29

'Be Nyɔsʋa ma ‑nyɩ dɛɛ 'ɔ ‑kanyɩ ji 'ɛa 'klʋɛɛ ‑a, ‑bɛ ɔma we nyüü 'ɔnyɩ sɔ 'üün dɛrɩ ‑a.

Filipënyüü 3:14

Fʋfɔlʋa blöröfa 'n tɛ 'klɩ ‑bɛ 'n fɔ 'mä 'pɛpɛɛdɛɛlɛ kä ‑gʋ Nyɔsʋa wea' amɩ 'ɔmäa' amɩ ‑nyɩ cɛlɩ Jesu 'Kriisë 'lɩ, 'mä 'ɛɛn fa.

2 Timotee 1:1

'Mɔɔ 'Pɔɔlë, ɔ bäa' Jesu 'Kriisëa apotrë, 'sɩrɩ Nyɔsʋa ‑waa'. 'Klälä 'ɔ 'daaa' 'ɔmäa' amɩ ‑nyɩ Jesu 'Kriisë 'lɩ nɩ, 'mä 'äa ‑gogo 'sa.