2 Timotee 1:8 - Kuö Dëdrä Jenɛɛsë Rutë

⁸ 'Ia ‑gʋ, ana 'Pläkänyɔɔa ‑gäa 'papakʋ 'nyɩ kä ‑mɩ 'nyüsü 'wʋ, ‑nyɩ kä bɩa 'na 'nyüsü, 'mɔɔlɔ bäa' ‑jienyɔɔ 'ɔa ‑gʋ. ‑Maa 'jä ‑sʋɩ 'nyraa ‑mɔ kɔsɔ 'Mʋfagogoa ‑gʋ, 'klülü Nyɔsʋa ‑nyɛɛa' ‑mɩ 'üü ‑a nʋ ‑bɛ a ‑fɛ 'jrʋpa.

2 Timotee 1:8 Referans Kwoze

Rɔmënyüü 1:16

'Be 'nyɩ 'Mʋfagogolä 'paaa' 'Kriisëa ‑gäa 'sasakʋa 'nyüsü ‑a kä. 'Ää bä Nyɔsʋaa 'klülü 'ɔ ‑sröröa' kälɩ ‑bɛ 'ɔ 'pʋɔa' nyɔɔ o nyɔɔ toroa' 'ɔɔn plɛ: kolo juifë ‑gälɩ 'kä, ‑a jrä ünyɩa' juifë bä ‑gälɩ.

Marëkë 8:38

'Ia ‑gʋ nyɔɔ o nyɔɔ 'mɔɔ ‑bɛ 'na mlɩa wii 'mäa' 'nyüsü 'wʋ kä, nyüüglügbölä kʋa' ‑pɩ, ä kä 'mlɩa nyüü 'sia' ‑balʋ 'klɩ, ä sɔa' Nyɔsʋa dɛrɩ nɩ, 'taɩn 'lɩ Nyɔɔa 'Jʋ 'mäa' 'ɔa tʋa 'wliklɩ 'bʋabʋakʋ ja 'ɔɔ ‑bɛ 'nyüna 'aanjëɩɩ 'mäa' ji nɩ, 'ɔnya ‑srɩ 'ɔa 'nyüsü käa bɩa.»

2 Timotee 4:5

‑Maa ‑mɔlɔ nɩ, ‑tre ‑na nyufa wiia 'fɩɔa 'mlɩ, 'nyiere ‑sʋɩ 'klɩ, ‑fɛ ‑na 'Mʋfagogoa 'sasakʋa 'jrʋpa, 'wlara 'mʋfasa 'jrʋpalä Nyɔsʋa ‑nyɩa' ‑mɩ.

'Nyügälɩjawii 12:11

‑Bablëëjʋa ‑torua 'nyrɩklɩ nyra nyɔsʋaawiili 'ü 'salɩ, 'a 'ia ‑gʋ 'ü ‑siwʋ. 'Ü 'cɛrɛ 'üa 'kläa ‑wawakʋ ‑wälɩ, 'ünya 'nyiere jäjäkʋ 'klɩ.

2 Timotee 2:9

'A 'äa ‑gʋ 'n 'jää ‑sʋɩ, ‑bɛ 'ü 'pa 'mɩ 'cɩ ‑beere ‑balʋnyɔɔ. ‑Maa ‑mää Nyɔsʋaa wii 'nyɩ 'cɩ 'pala.

2 Timotee 1:12

'A 'ia ‑gʋ 'n 'jää 'ia ‑sʋɩ. ‑Maa 'inyɩ 'mɩ 'nyüsü 'wʋ ‑a kä, 'be 'n jre nyɔɔlɔ 'n toroa' plɛ, 'nyaa jre 'iin 'sɩrɩ 'ɔ 'mrɛɛa' 'ɔmäa' diili 'n tɩa' 'ɔɔn ‑gba ‑wälɩ ‑tʋ ‑tʋ ‑a ‑tɔɔ ‑gätʋtaɩn ‑gälɩ.

Ɛfɛsënyüü 3:1

'Ia ‑gʋ 'mɔɔ 'Pɔɔlë, ɔ bäa' 'Kriisë Jesua ‑jienyɔɔ 'ana ‑gʋ, 'amɔ nyüülü 'nyɩa' juifë bä …

Filipënyüü 3:10

Dɛɛlɛ 'n 'bataa' nɩ, 'iibä ‑a jre 'Kriisë nyra 'ɔa 'kuaabresɔsɔkʋa 'klü; 'nyraa 'ɔɔn 'mä 'ɔa ‑sʋɩ ‑gbötö, 'nyraa 'ɔɔn 'mä 'wʋjärä,

Lukë 9:26

'Ia ‑gʋ nyɔɔ o nyɔɔ 'mɔɔ ‑bɛ 'na mlɩa wii 'mäa' 'nyüsü 'wʋ kä nɩ, 'taɩn 'lɩ Nyɔɔa 'Jʋ 'mäa' ‑srɩ 'ɔa tʋa 'wliklɩ 'bʋabʋakʋ nyra 'nyüna 'aanjëa 'wliklɩ 'bʋabʋakʋ ja ‑bɛ 'ɔmä ji, 'ɔnya 'ɔa 'nyüsü käa bɩa.

2 Timotee 1:16

Abɩa 'Pläkänyɔɔ 'jä Onesefɔrë nyra 'ɔa ‑gböööa nyatɛrɩ, 'be 'ɔ 'paa 'mɩ 'klü 'lɩ ‑srɩ ‑mɩdoo 'lɩ. 'N bäa' 'nɩmɩ ‑jie 'lɩ 'inyɩ 'ɔɔn 'nyüsü 'wʋ ‑a kä.

Ɛfɛsënyüü 4:1

'Ia ‑gʋ, 'mɔɔ 'Pläkänyɔɔa ‑jienyɔɔlɔ nɩ, 'n 'paa 'amɩ 'klü 'lɩ, 'sɩrɩ Nyɔsʋa 'bataa' i kä ‑gʋ 'ɔ wea' 'amɩ nɩ, 'amä 'ia 'sa 'nyɛ.

'Nyügälɩjawii 1:9

'Mɔɔ Jaan, ɔ bäa' bɩa 'ana ‑wlajʋ nɩ, 'nyraa 'amɩ bä ‑sʋɩ 'lɩ 'Kamaplä 'lɩ nyra Jesu 'Kriisë 'lɩa 'mlɩkpʋkplɔkʋ 'lɩ. Nyɔsʋaawiia ‑gʋ nyra 'cɩcasalä 'paaa' Jesu 'Kriisëa ‑gäa ‑gʋ 'ü nrörö 'mɩ ‑jienyɔɔ 'lɩ dugbalä 'ü 'daraa' Patëmɔsë 'äa 'mlɩ.

Judë 1:24

Abɩa Nyɔsʋa 'bʋala, 'ɔ 'mrɛɛ 'ɔ 'ba 'amɩ böblökʋ mlɩ, 'ɔɔ 'mrɛɛ ɔ ja 'amɩ 'ɔa 'wliklɩbʋabʋakʋ 'lɩ dɔrʋa 'mlɩ ‑beere nyüülü 'nyɩa' bʋbɔdɛɛ ‑gba kä.

1 Piɛɛrë 1:5

‑Bɛ 'a toroa' 'ɔmɩ plɛ nɩ, Nyɔsʋaa 'klü ‑tʋʋäa 'amɩ 'nyügba 'amä 'lɩmlɩwʋ. 'Lɩmlɩwʋwʋkʋlʋ nɩ, 'unya sraraa ‑gälɩblöröjrüü 'lɩ.

2 Timotee 2:3

'Ii känyrɩ, ‑mɔlɔ nɩ, ‑gbötö ‑sʋɩ ‑beere Jesu 'Kriisëa 'cɩca 'sʋgɩanyɔɔ.

1 Tɛsalonikënyüü 3:4

'Be a bä käa' 'ana ‑tɔrʋpɩɔ nɩ, a ‑gbala 'amɩ 'sɩrɩ amäa' ‑sʋɩ 'jä. 'A 'i jrälɩ, 'a jre 'iin.

Filipënyüü 1:7

'I 'nara 'lɩ 'na ‑nyɛɛ 'kä 'mä 'samaa wii bobo 'ana ‑gʋ, 'n ‑gbötö 'amɩ 'na plɛklɩ. 'Jrʋpalä Nyɔsʋa ‑nyɩa' 'mɩ 'ɔa ‑gbinanakʋ 'lɩ nɩ, 'a ji 'mɩ ‑gba. 'A ‑ka nö 'imɩ ‑tɛ ‑jie 'lɩ 'n bäa', 'taɩn 'lɩ 'maa 'saaa' 'Mʋfagogo, 'maa 'paaa' 'äa 'wli 'lɩa wii, 'n ‑gbalaa' nyüü 'sɩrɩ 'ä bäa' 'cɩcasa.

Ɛfɛsënyüü 3:13

'Ama bobo ‑sʋɩlɩ 'n 'järäa' 'na 'jrʋpa 'mlɩ 'ana ‑gʋ nɩ, 'ana 'klü 'nyɩ jä 'lɩ: 'iibä 'ana 'bʋalakʋ.

Rɔmënyüü 16:25

A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ.

1 Jaan 4:14

Ana 'mʋgbɛlɔ nɩ, anya 'jä 'iin, 'ii a 'saalɩ: Tʋ blɔ 'ɔa 'Jʋ, 'pläa 'lɩmlɩbanyɔɔ.

2 Timotee 4:17

‑Maa 'Pläkänyɔɔ bä ɩ 'na ‑gba 'ɔnya ‑nyɩ 'mɩ 'klü; 'mɔɔ 'ɔ ‑srörökalɩ 'ɔnya 'saralɩ 'ɔa wii nyüülü kä 'fɩɔ 'nyɩa' Nyɔsʋa jre. 'Ɔnya 'ba 'mɩ sruku 'mä.

Filipënyüü 4:13

'N 'mrɛɛ 'ia 'fɩɔlʋ mlɩ 'Kriisëa 'nyrɩklɩa ‑gʋ, 'be 'ɔɔ ‑nyɛɛɛ 'mɩ 'klü.

Rɔmënyüü 9:33

'sɩrɩ 'i ‑jɩjraa': ‑A ‑gbala 'amɩ, 'n ‑tʋ Siɔɔnbätäa 'mlɩ 'täkälä 'kpaaa' nyüü 'kä, 'täkä ‑susugbee 'kpaaa' nyüü 'kä; nyɔɔ o nyɔɔ toroa' 'ɔɔn plɛ nɩ, 'nyüsü ‑nëmä 'ɔmɩ ‑a 'bla.

Akëtë 5:41

Apotrëlü nya 'cie juifëa tropina 'lɩ, dɔrʋ 'bla 'üün 'sɩrɩ Nyɔsʋa 'nyiea' ‑bɛ 'ü ‑jejreea' 'üün 'ɔa 'nyrɩklɩa ‑gʋ.

'Nyügälɩjawii 19:10

'Nyaa ‑gbri 'na 'klʋɩ ‑tʋtʋ 'wʋ 'kä 'nyaa trara 'ɔɔn 'wli, ‑maa 'ɔnya ‑gbala 'mɩ: «‑Nyɩ nʋ 'imɩ! 'Sɩrɩ ‑bäa' Nyɔsʋaa 'jrʋpafɛnyɔɔ, 'na 'mʋgbɛ 'n bä ‑na 'jrʋpafɛnyɔɔ nyra ‑na ‑wlajülü sraraa' nyüü 'cɩcasalä Jesu crɛrɛa' 'wʋ, 'üa 'jrʋpafɛnyɔɔ. Nyɔsʋa ‑kä ‑mä 'wlitrara! 'Cɩcasalä Jesu sraraa', 'ää bä nyɔsʋaamlɩpalanyüüa 'papawiia 'tasɩrɩa kpöö.»

'Nyügälɩjawii 1:2

'Nyaa 'pa nyɔsʋaawii nyra 'cɩcasalä Jesu 'Kriisë sraraa' 'mɩ nyra diili kä 'fɩɔ 'n 'jäa'.

1 Korɛɛntënyüü 1:6

'Kpɩkpɩakʋlʋ käläa' 'Kriisë ‑gba, u 'a 'kplaa' 'mʋfasa nɩ,

Jaan 19:35

Nyɔɔlɔ 'saalɩ wiili nɩ, 'ɔ 'jä 'imɩ; wiili 'ɔ 'saalɩ nɩ, 'cɩcasa bäsaa, 'ana 'mʋgbɛ 'amä 'iin wii 'dara.

Kolɔɔsënyüü 1:24

‑Sʋɛlɛ kä 'mlɩ 'n bäa' 'köklesaplɩɩ 'ana ‑gʋ nɩ, 'i kä 'mɩ dɔrʋ 'wʋ. 'Na 'jajɛa 'mlɩ 'n ‑ka 'jää ‑sʋɩlɩ tɩɔa' 'lɩ, i 'Kriisë nëmä ɩa' 'jä 'ɔa fugbalä bäa' 'Cɛcɩ, 'äa ‑gʋ.

Ɛfɛsënyüü 4:17

'Ii känyrɩ, 'amɔ 'n ‑gbala ‑bɛ 'n bɔtrɔ 'iin ‑gälɩ 'kä 'Pläkänyɔɔa 'nyrɩklɩ: 'a ‑kanyɩ 'nyɛ ‑mülü 'nyɩ toroa' Nyɔsʋa plɛa 'sa. 'Üa bobowli 'nyɩ mi 'klɔɔtrʋ ‑a.

2 Korɛɛntënyüü 6:7

'cɩcasaa 'papawiia 'mlɩ, Nyɔsʋaa 'klüa 'mlɩ. A srara bɩa 'iin 'klɩgägäkʋa 'mlɩ i ‑beere tafudɛɛ amä tou ‑fu ‑bɛ ana 'mʋgbɛ 'mä ana 'wli 'lɩa ‑gbi 'ba;

Rɔmënyüü 8:36

‑Jäsɩ 'i ‑jɩjraa' nyɔsʋapɔɔkʋ 'lɩ: ‑Na ‑gʋ 'ü 'blaa amɩa 'doo; 'ü 'kplaa amɩ ‑beere ‑bablëë 'ümä ‑plɛlɩ 'bö .

Jaan 15:27

‑Bɛ 'ana 'mʋgbɛ nya 'na ‑gä 'pa, 'be 'nyraa 'amɔ kolo 'wʋ 'kä.»

1 Timotee 2:6

'ɔ 'sa 'ɔa 'klä ana ‑pi 'lɩ, 'kä nyüüa 'fɩɔ 'mä 'lɩmlɩwʋ. 'Ii srara wiili Nyɔsʋa ‑tʋa' 'lɩ, ‑bɛ i jräa' 'lɩ 'ia 'taɩnlɩ 'ɔ ‑tʋa' 'lɩa 'mlɩ.

Kolɔɔsënyüü 1:11

'Sɩrɩ 'ɔa 'wliklɩbʋbʋakʋa 'klü bäa' 'asɩ 'ɔmä 'amɩ 'klülɩpa diia 'fɩɔa 'mlɩ, 'amä wiia 'fɩɔa ‑gbötökʋ mlɩbɩa, 'amä nyɔnyrɔ nyɔnyrɔ 'amä 'blöröfawʋ 'tɔ dɔrʋsa.

2 Timotee 1:10

'U crɛrɛwʋ 'saarɩ 'taɩn 'lɩ ana 'Pläkänyɔɔ Jesu 'Kriisë sraraa' 'ɔa nyufa. 'Ɔɔ bʋblɔ jäjäa 'klü, 'ɔnya ‑srörö 'Mʋfagogo kälɩ 'ɔnya ja 'klä ‑srɩ 'klɩ, 'klälä 'nyɩa' blöröfa kä 'plɔʋ.

2 Timotee 2:8

'Pa Jesu 'Kriisë plɛ: 'ɔɔ sɔ 'kuaabre jäjänyüüa ‑tɔrʋpɩɔ, 'ɔɔ bä Daviidëa ‑gböölia nyɔɔ 'asɩ 'Mʋfagogolä 'n 'saaa' ‑gba.