2 Timotee 1:5 - Kuö Dëdrä Jenɛɛsë Rutë

⁵ 'N jre ‑na nyɔsʋaplɛtorokʋlʋ 'nyɩa' ‑gla 'klɩ bä, u bäa' ‑mɩ 'lɩ. 'A 'ɛɛ ‑na 'yioa 'yio Loiisë nyra ‑na 'yio Öniisë 'klaa kä; 'n 'suru, 'ɛɛ ‑klaa bɩa.

2 Timotee 1:5 Referans Kwoze

1 Timotee 1:5

Dɛɛlɛ 'n 'batraa' wiili 'n ‑gbalaa' ‑mɩa 'mlɩ nɩ, 'ɛɛ bä ‑wawakʋlʋ sɔa' plɛlɛ 'nyɩa' ‑fre paa 'mlɩ, i sɔa' 'mʋfa bobowli 'lɩ nyra 'tasɩrɩa nyɔsʋaplɛtorokʋlʋ 'nyɩa' ‑gla 'klɩ bäa' 'lɩ.

Akëtë 16:1

'Ünya 'tɔ bätälä 'ü 'daraa' Dɛbee, 'ünya mi bɩa Lisëtrë. Nyɔsʋaplɛtoronyɔɔ 'doo bä ɩ 'lɩ, 'ɔɔ 'ü 'dara Timotee. 'Ɔa 'yio bä juifëyria 'ɔnya nʋ nyɔsʋaplɛtoroŋlʋʋ, ‑maa 'ɔa tʋ bä grɛɛkënyɔɔ.

1 Timotee 4:6

‑Ama 'kpɩa 'imɩ ‑wlajü nɩ, ‑nya Jesu 'Kriisëa 'cɩca 'jrʋpafɛnyɔɔ bäa; 'ii nëmä nyüü srara 'sɩrɩ nöa' nyɔsʋaplɛa 'papawii ‑bɛ 'finia' ‑na nyufa 'klɩ, ‑bɛ ‑trääräa' 'lɩ 'cɩca 'kpɩkpɩakʋ.

2 Timotee 3:15

Kolo ‑na nyɔkɔwlaa 'wʋ jre nyɔsʋaapɔɔkʋ; 'ii 'mrɛɛ i ‑nyɩ ‑mɩ 'lɩgaglakʋlʋ 'mäa' ‑mɩ 'lɩmlɩbabakʋ ‑nyɩ, 'lɩmlɩbabakʋlʋ bäa' Jesu 'Kriisë plɛtorokʋ 'lɩ.

Rɔmënyüü 15:14

'Na ‑wlajü 'amɩ, ima 'daa 'ana ‑gʋ nɩ, 'na plɛ 'nyɩ ‑taaralɩ ‑a. 'N jre 'iin 'sɩrɩ 'cɩcagbi 'si 'a 'amɩ 'lɩ, 'a jre wii 'kɔkɔmlɛ, 'a 'mrɛɛ 'amä ‑tɔɔ 'lɩ 'papla.

Ebröönyüü 6:9

‑Maa, ‑wawawlajü 'amɩ, 'amɔlɔ nɩ, ‑yɛɛ ‑bakää a 'pa 'saa wii nɩ, a jre 'iin 'sɩrɩ 'a bäa' 'cɩca 'pɛ ‑gälɩ, 'lɩmlɩwʋwʋkʋa 'pɛ.

2 Timotee 1:12

'A 'ia ‑gʋ 'n 'jää 'ia ‑sʋɩ. ‑Maa 'inyɩ 'mɩ 'nyüsü 'wʋ ‑a kä, 'be 'n jre nyɔɔlɔ 'n toroa' plɛ, 'nyaa jre 'iin 'sɩrɩ 'ɔ 'mrɛɛa' 'ɔmäa' diili 'n tɩa' 'ɔɔn ‑gba ‑wälɩ ‑tʋ ‑tʋ ‑a ‑tɔɔ ‑gätʋtaɩn ‑gälɩ.

2 Korɛɛntënyüü 6:6

'Sɩrɩ a bäa' Nyɔsʋaa 'jrʋpafɛnyüülü 'nyɩa' ‑fre pa, 'ii a srara 'üün, ana wiijejrekʋ 'lɩ, plɛblöblökʋ 'lɩ, ‑gbinanakʋ 'lɩ, 'Nyüna ‑Susua 'mlɩ, ‑wawlakʋlʋ 'nyɩa' ‑gla 'klɩ bäa 'mlɩ,

Rɔmënyüü 8:38

'Na plɛ 'srikä 'nyaa jresaa: ‑mää jäjä, 'aiɛ 'klä, 'aiɛ 'aanjë, 'aiɛ ‑sisia 'klü, 'aiɛ 'saarɩ, 'aiɛ ‑srɩɩ,

Rɔmënyüü 4:21

Wiili kä 'doo 'ɔ 'piea' plɛ ‑gälɩ 'iibä: Nyɔsʋa 'mrɛɛ ɔ nʋ wiili 'ɔ 'daaa'.

Ebröönyüü 11:13

'Üa 'fɩɔlü nɩ, 'ü toro Nyɔsʋa plɛ toro toro 'ünya jä. Diili Nyɔsʋa 'da ɩa' 'ɔmäa' 'üün ‑nyɩ 'ünyɩ 'iin 'jä ‑a 'jä, ‑maa 'ü 'jä 'iin 'wʋ 'lee 'ünya toro 'iin 'plɛɛ, dɔrʋ nya 'bla 'üün ‑gböösa. 'Ü ‑nëma 'kasa nyɔtugbanyüü 'ü bä 'plälä kʋa' ‑pɩa 'mlɩ, 'sɩrɩ 'ü bäa' ‑sisinyüü ‑pɩ ‑tʋtʋ ‑gälɩ.

Rɔmënyüü 14:14

‑Bɛ 'nyraa 'Pläkänyɔɔ Jesu bäa' 'doo nɩ, 'n jre 'iin, 'nyaa 'suru 'iin, 'sɩrɩ dɛɛ 'nyɩa' ‑fre pa. ‑Maa nyɔɔ ma 'daa dɛɛlɛ kʋa' ‑pɩ pla nyɔɔ ‑fre 'lɩ nɩ, 'ɔa 'dooa ‑nyɛɛ dɛɛlɛ pla ‑fre 'lɩ.

Rɔmënyüü 14:5

‑Molooa plɛɛ jrüü ‑mölöö ‑si ‑mɩdoo 'wʋ; ‑mölööa plɛɛ jrüüa 'fɩɔ bä dɛɛ 'dee. ‑Moloo ma bälɩ ɔ 'suru 'ɔa 'mʋgbɛa bobowli.

Akëtë 26:26

'Kɩɩ jre 'ia 'fɩɔ 'mʋfasa, ŋalɛ 'nyɩ 'bla 'mɩ ‑a ‑bɛ 'n 'pala 'ɔɔn wii ‑gba, 'be 'n jre 'iin 'ia wapɛ 'dee 'nyɩ ‑sisie a ‑sisie 'ɔa ‑nyɛɛ. ‑Mää 'sraa 'lɩ 'inyɩ nrörö, ‑maa nyüüa 'fɩɔa 'klɩ.

Jaan 1:47

Jesu 'jäa' Natanaɛɛlë ‑bɛ 'ɔ jaraa' 'ɔa 'pɛlɩ nɩ, 'ɔ ‑nëma: «‑Jää 'tasɩrɩa Israɛɛlënyɔɔ 'nyɩa' yrʋ kä.»

1 Piɛɛrë 1:22

Nyɔsʋaa ‑Susu 'lɩ 'a ‑träärälɩ 'cɩcasa ‑bɛ 'ana ‑sisi kpëträ 'amä ‑wawla 'tasɩrɩasa ‑beere ‑wlajü. 'Ii känyrɩ, 'ba nʋ 'nyünaplɛ 'ba ‑wawla 'tasɩrɩasa.