2 Timotee 1:18 - Kuö Dëdrä Jenɛɛsë Rutë

¹⁸ Abɩa 'Pläkänyɔɔ 'jä 'ɔa nyatɛrɩ ‑Gätʋsrɩ 'lɩ. ‑Na 'mʋgbɛ ‑jre 'wʋ ‑srülü 'ɔ jia' 'mɩ ‑gba Ɛfɛsëbätä.

2 Timotee 1:18 Referans Kwoze

Ebröönyüü 6:10

'Be Nyɔsʋa ‑gäklɩ, 'ɔ ‑nëmä wiili 'a nʋa' ‑a ‑trɔ. 'Ɔ ‑nëmä bɩa 'jrʋpalä 'a nʋa' 'ana ‑wawaplɛ ‑bɛ 'a ‑fɛa' 'ɔa 'nyrɩa ‑gʋ nɩ, 'ɔ ‑nëmä bɩa 'äa ‑gä ‑a ‑trɔ. 'A ji 'cɛcɩnyüü ‑gba, ‑bɛ 'a ‑ka nö 'imɩ.

2 Timotee 1:12

'A 'ia ‑gʋ 'n 'jää 'ia ‑sʋɩ. ‑Maa 'inyɩ 'mɩ 'nyüsü 'wʋ ‑a kä, 'be 'n jre nyɔɔlɔ 'n toroa' plɛ, 'nyaa jre 'iin 'sɩrɩ 'ɔ 'mrɛɛa' 'ɔmäa' diili 'n tɩa' 'ɔɔn ‑gba ‑wälɩ ‑tʋ ‑tʋ ‑a ‑tɔɔ ‑gätʋtaɩn ‑gälɩ.

2 Timotee 1:16

Abɩa 'Pläkänyɔɔ 'jä Onesefɔrë nyra 'ɔa ‑gböööa nyatɛrɩ, 'be 'ɔ 'paa 'mɩ 'klü 'lɩ ‑srɩ ‑mɩdoo 'lɩ. 'N bäa' 'nɩmɩ ‑jie 'lɩ 'inyɩ 'ɔɔn 'nyüsü 'wʋ ‑a kä.

1 Timotee 1:3

'Taɩn 'lɩ 'n mö käa' Masedoanëa ‑tʋtʋ ‑gälɩ nɩ, 'n ‑gbala kä ‑mɩ ‑a kʋ Ɛfɛsëbätä ‑mä nyüü ‑mölöö ‑gbala 'ü ‑pɩ ‑gbagblɛwii 'kpɩa.

'Nyügälɩjawii 2:1

«‑Jɩjra 'aanjëlɔ bäa' Ɛfɛsëa 'cɛcɩ 'lɩ 'wʋ; ‑gbala 'ɔɔn ‑maa: ‹Nyɔɔlɔ 'klaaa' ‑särëeju ‑uunsɔɔlʋ 'ɔa 'dupa 'darʋ 'lɩ kälɩ, ɔ 'nyɛrɛa' ‑sikaa 'naputiia ‑tɔrʋpɩɔ, ‑jäsɩ 'ɔ ‑gbaa:

1 Piɛɛrë 1:10

'Lɩmlɩwʋwʋkʋlʋ nɩ, nyɔsʋaamlɩpalanyüü kätɛ 'ünya 'bata 'sɩrɩ Nyɔsʋa 'mäa' nʋ ‑bɛ 'ɔmäa' 'lɩ nyüü mlɩba. 'Ü 'a kä bɩa ‑gbinankʋlʋ 'amäa' 'jäa ‑gäa 'palafa 'wʋ ‑wlɛ.

2 Timotee 4:12

'N blɔ Tikiikë Ɛfɛsë.

1 Tɛsalonikënyüü 2:19

Nyɔɔ 'plɛɛ bä ana plɛgälɩpiepiekʋ le? Ɔ bä ana dɔrʋ le? Ɔ bä ana 'wʋsisikʋa 'pɛpɛɛkʋ i amä ‑pɩ ana 'Pläkänyɔɔ Jesu srara ‑srɩlɩ kä 'ɔmäa' ji le, ‑mää 'amɔ ‑a?

Ɛfɛsënyüü 2:4

‑Maa ana nyatɛrɩ 'si Nyɔsʋa 'klɩ, 'ɔnya ‑wa amɩ ‑gböösa,

2 Korɛɛntënyüü 9:1

Dɛɛlɛ bäa' möliili 'bablaa' 'klɩ Nyɔsʋaa 'nyünanyüüa ‑gbajijikʋa ‑gʋ nɩ, 'n ‑kanyɩ kä ‑a kä 'mä 'amɩ 'wʋjɩjra,

1 Korɛɛntënyüü 16:8

‑Maa ‑tɛ Ɛfɛsëbätä Patekɔɔtëa ‑glɩsɩglɩsɩ 'mä 'mɩ jrä,

Akëtë 19:1

'Taɩn 'lɩ Apolɔsë ‑ka bäa' Korɛɛntëbätä nɩ, 'Pɔɔlë nya ‑srörö Asiia 'blɩlɩ 'dʋgbë bäa' 'ɔnya 'tɔ Ɛfɛsëbätä, 'ɔ jrä 'lɩ 'wʋnyɛrɛnyüü ‑mölöö,

Lukë 8:3

Susaalɔ ‑gääläa' Erɔɔdëa diia 'fɩɔ 'nyiöli, 'ɔa 'ŋlʋʋ Jaanë bälɩ, nyra nyüü 'kɔkɔmlɛ ‑mölöö nöa' 'üa käkädii ‑bɛ 'ü jöa' 'ɔɔn ‑gba.

Lukë 1:78

Ana Nyɔsʋaa nyatɛplɛa ‑gʋ, 'napɛlɛ sɔa' cɛlɩ ŋʋala amɩ ‑gälɩ ‑beere 'jrʋa 'wʋsɔdɛɛ,

Lukë 1:72

'Asɩ 'ɔ nʋ kä 'ɔnya srara 'ɔa nyatɛplɛ ana tʋɩɩ, 'ɔnya 'pa 'ɔa 'nyüna kuölä 'ɔ nyra 'üün 'pa käa' 'äa ‑gä plɛ.

Akëtë 18:19

'Ɔ 'tɔa' Ɛfɛsëbätä nɩ, 'ɔnya tɩ Prisiilë nyra Akilasë, 'ɔnya pa juifëa 'sraaplanyuku ‑wälɩ ‑bɛ 'ɔ nyra juifë ‑topo.

Akëtë 18:21

'Ɔ nëmäa' mi nɩ, 'ɔnya ‑gbala 'üün: «'N kä 'mä ‑glɩsɩglɩsɩlɛ jöa' Jerusalɛɛmë 'järä. ‑Maa Nyɔsʋa ma 'nyie 'nyaa ana ‑nyɛɛ dɛrɩ 'blööa.» 'Ɔ 'wlaraa' nɩ, 'ɔnya 'jra 'mɩɩ 'lɩ 'ɔnya 'cie Ɛfɛsë.

1 Korɛɛntënyüü 1:8

'Ɔɔ nëmä 'amɩ 'klü ‑nyɩ ‑bɛ 'amä 'pläa blöröfa 'wʋ 'tɔ, nyɔɔ ‑pɩ 'amɩ wii ‑gälɩ ‑tʋ ‑srɩlɩ kä 'mlɩ ana 'Pläkänyɔɔ Jesu 'Kriisë 'mäa' ji.

1 Korɛɛntënyüü 3:13

nyüü nya 'jrʋpalä ‑moloo ‑fɛɛɛrɛa' 'lɩ ‑gälɩ 'jäa. 'Inya ‑fälɩ 'cerea ‑gätʋtaɩn 'lɩ. 'Ia ‑srɩlɩ nya kapu käa, 'kä kapulu nya nyɔɔ o nyɔɔa 'jrʋpa srara 'sɩrɩ 'ä bäbläa' 'lɩ.

2 Timotee 1:17

‑Maa 'ɔ 'tɔa' Rɔmë dotro nɩ, 'ɔ 'pa 'kpɔɔ 'ɔnya 'bata 'mɩ, 'ɔnya 'jä 'mɩ.

2 Timotee 4:8

'Bala 'saarɩ ‑gälɩ nɩ, 'klɩgä 'wlugbölä 'ümäa' 'mɩ ‑nyɩ nɩ, 'mɔɔ 'ä ‑glaaa. 'Pläkänyɔɔlɔ ‑gäa' 'klɩ ɔ ‑tʋʋäa' ‑gä, nya 'mɩ 'ään ‑nyɩa 'ia ‑srɩlɩa 'mlɩ. ‑Bɛ ‑mää 'na 'doo ‑a, nyüülü kä 'fɩɔ ‑waa' 'ɔɔn ü ‑glaaa' bɩa 'ɔa jijisrɩ bä bɩa 'lɩ.