2 Timotee 1:16 - Kuö Dëdrä Jenɛɛsë Rutë

¹⁶ Abɩa 'Pläkänyɔɔ 'jä Onesefɔrë nyra 'ɔa ‑gböööa nyatɛrɩ, 'be 'ɔ 'paa 'mɩ 'klü 'lɩ ‑srɩ ‑mɩdoo 'lɩ. 'N bäa' 'nɩmɩ ‑jie 'lɩ 'inyɩ 'ɔɔn 'nyüsü 'wʋ ‑a kä.

2 Timotee 1:16 Referans Kwoze

2 Timotee 4:19

'Trɛɛ Prisëka, Akilasë, nyra Onesefɔrëa ‑gbööö.

Filemɔɔ 1:20

‑Yɛɛ, 'na ‑wlajʋ, 'nyiere wiili 'n 'betrea' ‑mɩ 'lɩ 'Pläkänyɔɔa ‑gʋ. 'Sie 'na plɛ dɔrʋ 'klɩ 'Kriisë 'lɩ.

Filemɔɔ 1:7

'Be 'na ‑wlajʋ, ‑blaara Nyɔsʋaa 'nyünanyüü dɔrʋ ‑na ‑wawaplɛa ‑gʋ; 'i kä 'mɩ dɔrʋ 'wʋ ‑gböösa ‑bɛ 'i 'paa 'mɩ 'klü 'lɩ.

Ɛfɛsënyüü 6:20

Bɔblɔnyɔɔ 'n bä, 'äa ‑gʋ 'ü 'pa 'mɩ 'cɩ. 'Ii känyrɩ, 'ba bibie Nyɔsʋa 'mä 'suru 'mä 'Mʋfagogo 'sa 'sɩrɩ 'n käa' 'mäa' 'ään 'sa.

Akëtë 28:20

‑Jää wiili kä ‑gʋ 'n 'bata ɩa' 'ana 'jäjäkʋ, 'mä 'amɩ 'iin ‑gbala. Nyɔɔlɔ Israɛɛlë 'piea' plɛ ‑gälɩ, 'ɔa ‑gʋ 'ü 'pa 'mɩ 'cɩ.»

Ebröönyüü 10:34

'A 'jä 'sɩrɩ 'n kpasraa' a nyatɛrɩ. 'Ü 'baa' 'amɩ 'ana käkädii kälɩ nɩ, 'a 'nyiere 'iin 'klɩ dɔrʋsa, 'be 'a jre 'iin 'sɩrɩ 'ana ni bäa' cɛɩɩa 'mlɩ 'bɩɔlʋ 'bʋaa' u ‑sia' ‑taa nu 'wʋ ‑bɛ u 'mäa' 'lɩbä 'plɔʋplɔʋa ‑gʋ.

Ebröönyüü 6:10

'Be Nyɔsʋa ‑gäklɩ, 'ɔ ‑nëmä wiili 'a nʋa' ‑a ‑trɔ. 'Ɔ ‑nëmä bɩa 'jrʋpalä 'a nʋa' 'ana ‑wawaplɛ ‑bɛ 'a ‑fɛa' 'ɔa 'nyrɩa ‑gʋ nɩ, 'ɔ ‑nëmä bɩa 'äa ‑gä ‑a ‑trɔ. 'A ji 'cɛcɩnyüü ‑gba, ‑bɛ 'a ‑ka nö 'imɩ.

2 Timotee 1:18

Abɩa 'Pläkänyɔɔ 'jä 'ɔa nyatɛrɩ ‑Gätʋsrɩ 'lɩ. ‑Na 'mʋgbɛ ‑jre 'wʋ ‑srülü 'ɔ jia' 'mɩ ‑gba Ɛfɛsëbätä.

2 Timotee 1:8

'Ia ‑gʋ, ana 'Pläkänyɔɔa ‑gäa 'papakʋ 'nyɩ kä ‑mɩ 'nyüsü 'wʋ, ‑nyɩ kä bɩa 'na 'nyüsü, 'mɔɔlɔ bäa' ‑jienyɔɔ 'ɔa ‑gʋ. ‑Maa 'jä ‑sʋɩ 'nyraa ‑mɔ kɔsɔ 'Mʋfagogoa ‑gʋ, 'klülü Nyɔsʋa ‑nyɛɛa' ‑mɩ 'üü ‑a nʋ ‑bɛ a ‑fɛ 'jrʋpa.

1 Korɛɛntënyüü 16:18

'Ü 'cie 'na plɛ 'wʋ 'ünya 'cie bɩa 'ana nu 'wʋ. 'Ii känyrɩ 'ba jre 'ia 'samaa nyüülüa 'cɩcasa.

Matiö 5:7

Abɩa dɔrʋ 'bla nyüülü käa' nyatɛplɛ, 'be Nyɔsʋaa nya 'üa nyatɛrɩ 'jäa.

Rutë 1:8

Naomii nya ‑gbala 'ɔa 'jüa 'ŋlëgë 'sɔɔlü ‑maa: «'Ba mi, ‑moloo ma bälɩ ɔ 'blöö 'ɔa 'yioa ‑nyɛɛ dɛrɩ! Abɩa Yawea ‑gbinanakʋ bä 'amɩ ‑gälɩ, 'sɩrɩ 'a srara 'mɩ 'ana ‑gbinanakʋ, 'mɔɔ ‑bɛ 'na 'jü kɔsɔ.

Akëtë 21:33

'Kamanyɔɔlɔ nya 'tɔ 'ɔa ‑gba 'ɔnya 'kpla 'ɔɔn, 'ɔnya ‑gbala 'ɔa nyüü ü nʋ 'cɩ 'sɔɔ ü kpasa 'ɔɔn. 'Ɔnya 'bete nyüülü nyɔɔlɔ 'ɔ bäa' nyra dɛɛlɛ 'ɔ nöa'.

2 Timotee 1:12

'A 'ia ‑gʋ 'n 'jää 'ia ‑sʋɩ. ‑Maa 'inyɩ 'mɩ 'nyüsü 'wʋ ‑a kä, 'be 'n jre nyɔɔlɔ 'n toroa' plɛ, 'nyaa jre 'iin 'sɩrɩ 'ɔ 'mrɛɛa' 'ɔmäa' diili 'n tɩa' 'ɔɔn ‑gba ‑wälɩ ‑tʋ ‑tʋ ‑a ‑tɔɔ ‑gätʋtaɩn ‑gälɩ.

2 Timotee 1:17

‑Maa 'ɔ 'tɔa' Rɔmë dotro nɩ, 'ɔ 'pa 'kpɔɔ 'ɔnya 'bata 'mɩ, 'ɔnya 'jä 'mɩ.

Matiö 25:17

‑Mɔlɔ 'jäa' 'sɔɔ nya nʋ dɛɛ 'dee 'ɔnya 'järä 'ia ‑gälɩ talaan 'sɔɔ ‑mölöö.