9 Nyüülü 'bataa' 'bɩɔjijikʋ 'nyɩ 'lɩ ‑balʋ dɛrɩ ‑a tʋŋlɔ, 'ü böblö ‑gbasu mlɩ: mlüüdii 'kɔkɔmlɛ nyra bʋbɔdiia 'tʋ 'tutro nyüü bʋblɔkʋ nyra 'mɔlɔkʋ 'lɩ.
Abɩa nyüülü 'nyɩa' 'cɛcɩnyüü bä 'pa 'ɔa 'cɩca 'nyrɩ, 'ü ‑pɩ 'ɔa bʋbɔnyrɩ 'pa, 'ɔ ‑pɩ Sataan a ‑gbasi mlɩ blö.
'Iibäa' Piɛɛrë nɩ: «Jä, ‑nyra ‑na mölii 'sɔ! ‑Na plɛ nɩnɩa dɛɛlɛ Nyɔsʋa ‑nyɛɛa' nyɔɔ 'flɛɛlɩ nɩ, ‑mrɛɛɛ ‑a nʋ mölii ‑a ‑su 'ɛ ‑mɩ!
Papladiili blöa' nänëa mlɩ nɩ, 'a nyɔɔlɔ 'nööa' nyɔsʋaawii 'wli, ‑maa 'ɔa plɛ ‑ka bä ‑tʋtʋ ‑gälɩa dii dɛrɩ, 'ɔa 'nyü ‑ka fɔlɔa' 'bɩɔ dɛrɩ 'fʋflɛsa. 'Ii kakla nyɔsʋaawii 'klɩ, 'a 'ia ‑gʋ 'inyɩ 'lɩ ‑a bɩa i tʋ.
Busukʋ jrä 'üün! 'Be Kaɛɛn a 'nyʋfɔ 'ü fa; möliia ‑wawakʋa ‑gʋ 'ü blö ‑beere Balaamë; 'ünya saka ‑beere 'sɩrɩ Koree sakla käa' 'taɩnlɩ 'ü ‑kanyɩ po käa' Moisë 'nyakli.
Dɛɛnyü nyra ‑gbagblɛwii 'ümä nʋ 'ümä 'amɩ ‑trɔɔrɔ. ‑Mää ‑mlatɩkä 'üa ‑gä 'nyɩ ‑träärä, 'üa ‑gbogblookʋ 'nyɩ 'nyüglö ‑a 'nyüglö.
'A kä 'amä 'ana ‑kätɩsaa nʋnʋgbi nyra 'ana ‑kätɩnyɔɔlɔ käa' dɛɛnyülü ‑trɔɔrɔa' ‑wälɩ 'cɛrɛ. 'Ba 'ba 'ana ‑kätɩnyɔɔlɔ, ɔ bʋblɔa' 'ana 'klä ‑gba.
‑maa 'ü kä plɛ ‑ka bäa' ‑tʋtʋ ‑gälɩa dii dɛrɩ, ü ‑ka fɔlɔa' 'bɩɔ dɛrɩ 'fʋflɛsa, nyra dɛɛnyükäkäkʋ. 'Ii kakla nyɔsʋaawii 'klɩ, 'a 'ia ‑gʋ 'inyɩ 'lɩ ‑a bɩa i tʋ.
'Ɔnya 'bete 'üün: «Ama 'sara 'amɩ Jesu kälɩ, dɛplɛɛ 'a nëmä 'mɩ ‑nyɩ le?» 'Ünya ‑nyɩ 'ɔɔn möliia ‑glʋ ‑bɛ ‑pʋ.
‑Maa ‑sëgbanyʋklɔlɔ 'nua' ‑taa wiili 'wli nɩ, 'ɔa 'klü jä 'lɩ ‑bɛ 'ɔ mö, 'be 'ɔ kä dii 'kɔkɔmlɛ.
‑bɛ 'ümä 'üa 'cɩca bobowli ‑gälɩ ji, 'ümä Sataan a ‑gbasi mlɩ sɔ, ɔ 'kpla ɩa' 'üün 'ümä wiili 'ɔ 'bataa' nʋ.
A kä amä wii 'doo jre: ‑mää nyɔɔlɔ ‑gäa' 'klɩa ‑gʋ ‑dɔ 'nyɩ 'lɩbä, ‑maa 'ünyɩa' ‑dɔ jre: ü blaa' jraa 'doo, plɛbʋbɔnyüü, nyra ‑balʋnyüü, nyüülü 'nyɩ ‑trääräa' 'lɩ Nyɔsʋa, ‑bɛ ü 'saalɩ Nyɔsʋaa diili paa', ü 'blaaa' nyüülü 'blaaa' 'üa tʋɩɩ nyra 'üa 'yioɩɩ, nyra nyüüblanyüü ‑mölöö.
'be 'inya ‑beere ‑tata, 'änya nyüülü kä 'fɩɔ bäa' ‑tʋtʋ ‑gälɩ blöa.
«'Anyɩ 'papla ‑pɩ ‑tʋtʋ ‑gälɩa 'bɩɔ ‑gba; 'be 'nya nyra ‑wlɔsʋ bʋblɔ 'uun, ‑bɛ 'jejienyüü wa wa dii ‑bɛ 'ü 'jie 'iin.
Jesu nya ‑gbala 'üün: «Nyɔɔlɔ kä 'mʋgbɛ 'paplaa' käkädii ‑gba ‑bɛ ɔnyɩa' Nyɔsʋaa ‑nyɛɛ dɛɛ kälä nɩ, ‑jää wiili jräa' 'ɔɔn ‑gälɩ.»
'Be möliia ‑wawakʋ, 'iibä mɩmɩakʋa 'kaɩn 'kaɩn a 'käkolofa. 'Ia ‑gʋ ‑mölöö 'cɛrɛ 'üa nyɔsʋaplɛtorokʋ ‑wälɩ, ‑sʋɩ 'kɔkɔmlɛ nya jrä 'üün ‑gälɩ.
‑Gbala 'bɩɔjinyüülü bäa' ‑taa 'plälä kʋa' ‑pɩa 'mlɩ nɩ, 'ünyɩ ‑gbalɩ; 'ünyɩ 'pie 'üa plɛ ‑taa 'bɩɔlʋ kʋa' ‑pɩ unyɩ ‑wlɛa' 'lɩ ‑gälɩ. ‑Gbala 'üün ü 'pie 'üa plɛ 'Lɩbä Nyɔsʋa ‑gälɩ, 'ɔɔ ‑nyɛɛ amɩ diia 'fɩɔ, 'kä 'ɔ ‑sööö 'lɩ ‑gba dɔrʋ 'mä amɩ 'bla.
'U 'kpɩa amɩ bʋbɔgbi nyra ‑taa 'pläläa diia ‑wawakʋa ‑wälɩcɛrɛkʋ, amä ‑pɩ ‑tʋtʋ ‑gälɩ kʋ 'lɩglasa, ana 'klä 'mä 'klɩgä ‑bɛ amä 'lɩ Nyɔsʋa ‑träärä.