6 'Kasa, Nyɔsʋaa 'lɩträäräkʋ bä 'bɩɔ kpaku nyɔɔa ‑gʋ, 'ɔma mala dɛɛlɛ 'ɔ 'klaaa' 'wʋ.
Möliia ‑wawakʋ 'nyɩ 'tiere 'ana nʋnʋgbi. Dɛɛlɛ 'a 'klaaa' 'ɛa 'dee 'ba tɛklɩ. 'Be Nyɔsʋaa 'mʋgbɛ nɩnɩa: 'Nëmä ‑mɩ ‑wälɩ ‑a 'cɛrɛ 'plɔʋ, 'nëmä ‑mɩ dɛrɩ ‑a sɔ 'plɔʋ .
‑Maa ama ‑ka 'klaa jijri nyra 'koti nɩ, i bɩa amɩ mlɩ.
Fʋfɔlʋ jö nyɔɔa fugba ‑gba ‑jie. ‑Maa Nyɔsʋaa 'lɩträäkʋ 'na diia 'fɩɔa ‑gʋ, 'be 'i ‑nyɛɛɛ amɩ 'klä: 'saarɩa 'klä nyra ‑srɩɩa nä.
'Na në ‑nyɛɛ, 'Kriisë 'ɔɔ bä 'na 'klä, jäjä bä 'na 'lɩgälɩjärädɛɛ.
‑Bɛ a jre 'iin 'sɩrɩ wiili kä 'fɩɔ jräa' nyüülü ‑waa' Nyɔsʋa ‑bɛ ü werea' 'sɩrɩ 'ɔ ‑waa' ‑gälɩ nɩ, Nyɔsʋa ‑nyɩgla 'iin 'kä 'imä 'na 'üa ‑gʋ.
'Sʋgɩaa 'mʋgbɛ nya 'bete 'ɔɔn: «‑Bɛ amɔ le, ‑asɩ amä nʋ le?» 'Ɔnya ‑gbala 'üün: «'Anyɩ 'ba nyɔɔ mölii kälɩ, 'klüsa 'aiɛ yrʋsa. Möliili 'ü 'pɛɛa' 'amɩ 'ia 'doo 'ba fa.»
'Be ‑sʋɩlɩ a 'jääa' 'fʋma ‑bɛ 'inyɩ ‑wlɛlɩ ‑a, ‑maa 'i tɛrɛ amɩ 'wliklɩbʋabʋakʋlʋ ‑sia' ana ‑sʋɩ 'wʋ. 'Ia 'wliklɩbʋabʋakʋlʋ ‑wlɛɛɛlɩ 'plɔʋplɔʋa ‑gʋ 'unya 'bʋa ‑gböösa 'unya ‑si ana ‑sʋɩ 'wʋ.
'Ɔnya ‑gbala 'üün: «'Ba ‑tre 'ana nyüfë! 'A 'nɩ kä dɛɛnyü! ‑Bakää nyɔɔ 'nyɩ ji 'bɩɔ, ‑mää 'ɔa käkädii 'nyɩ 'ɔa 'klä ‑gba kälä.»