1 Timotee 6:18 - Kuö Dëdrä Jenɛɛsë Rutë

¹⁸ ‑Gbala 'üün ü nʋ 'mʋfagbi, ü kä 'cɩcagbi 'kɔkɔmlɛ, abɩa 'üa ‑gbi 'na, 'kä 'ü jö ‑mölöö ‑gba.

1 Timotee 6:18 Referans Kwoze

Ebröönyüü 13:16

'Anyɩ ‑trɔ 'cɩcasaa nʋnʋkʋ, 'kä 'a jöjrögba 'be 'a 'samaa ‑gbɔ kä Nyɔsʋa 'tʋ.

1 Jaan 3:17

Nyɔɔ ma kä dii, ‑bɛ ɔma bʋblɔ 'ɔa ‑wlajʋlɔ 'nyɩa' dɛɛ kä plɛ 'wʋ nɩ, ‑asɩ 'ɔmä Nyɔsʋa ‑wa le?

Rɔmënyüü 12:8

Ima 'daa nyüü ‑nëmä 'klülɩpa nɩ, 'pa nyüü 'klü 'lɩ. Ima 'daa käkädii ‑nëmä ‑nyɩ nɩ, a bɩa ‑na plɛ 'wlalɩkä ‑a ‑nʋ 'imɩ. Ima 'daa 'kama ‑nëmä 'kama nɩ, 'kama 'cɩcasa. Ima 'daa nyatɛplɛ ‑nëmä kä nɩ, kä 'ɛmɩ dɔrʋsa.

Titë 3:8

Wiili 'n ‑gbalaa' ‑mɩ nɩ, 'i bä 'tasɩrɩa wii, ‑bɛ 'n 'bata ‑a ‑sɔɔrɔ 'ia ‑gälɩ mɛ 'wʋ, nyüülü toroa' Nyɔsʋa plɛ 'mä 'klü 'pa 'ümä 'mʋfagbi nʋ. 'A wiili 'naa' ‑bɛ i 'mrɛɛa' 'imäa' nyɔɔ ‑gbaji.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Lukë 12:21

Jesu nya ‑gbala 'üün: «Nyɔɔlɔ kä 'mʋgbɛ 'paplaa' käkädii ‑gba ‑bɛ ɔnyɩa' Nyɔsʋaa ‑nyɛɛ dɛɛ kälä nɩ, ‑jää wiili jräa' 'ɔɔn ‑gälɩ.»

Galaatënyüü 6:10

'Ii känyrɩ, 'sɩrɩ a ‑ka käa' 'taɩn nɩ, a nʋ nyüüa 'fɩɔ 'cɩcagbi ‑gba, ‑maa ü a nyra 'üün toroa' Nyɔsʋa plɛ, 'üü ‑kätɩ.

Rɔmënyüü 12:13

'Ba ji Nyɔsʋaa 'nyünanyüü ‑gba. 'Ba 'kʋɛɛlɩ 'mʋfasa nyüülü jöa' 'ana ‑nyɛɛ.

1 Timotee 5:10

'kä nyüü 'paa 'ɔa 'cɩcagbia ‑gä. Ɔ bä 'ŋlʋʋlɔ 'bʋaa' 'ɔa 'jü, ɔ 'kʋɛɛa' 'lɩ nyɔtugbanyüü, ɔ sua' 'cɛcɩnyüüa bei ‑gba, ɔ jia' ‑sʋɩjänyüü ‑gba, ‑bɛ ɔ nʋa' 'mʋfagbi 'kɔkɔmlɛ.

2 Korɛɛntënyüü 8:9

'A jre ana 'Pläkänyɔɔ Jesu 'Kriisëa ‑gbinanakʋ: 'sɩrɩ 'ɔ ji käa' 'bɩɔ, ‑maa 'ana ‑gʋ 'ɔnya nrörö 'ɔa nyufa 'pʋablanyɔɔ 'lɩ 'kä 'ɔa 'pʋa 'lɩ 'ɔmä 'amɩ 'bɩɔ jrörö.

2 Korɛɛntënyüü 8:12

'Be 'ia 'tʋ ma bälɩ nɩ, dɛɛlɛ nyɔɔ 'mrɛɛa' ‑bɛ 'ɔ ‑nyɛɛa' 'ɛɛ Nyɔsʋa tɛklɩ, ‑maa ‑mää dɛɛlɛ nyɔɔ 'nyɩa' 'klaa 'ɔnyɩ tɛklɩ.

1 Korɛɛntënyüü 16:2

'Sɔrɛ o 'sɔrɛ nɩ, ‑moloo ma bälɩ 'ɔ 'jä möliili 'ɔ 'klaaa', ‑bɛ 'ɔmä 'lɩ 'mlɩ mölii 'ba, 'ɔmä 'iin 'klɩbere 'ɔa nyüköli. 'Ama nʋ 'saa, ama ji nɩ, 'a ‑ka ‑nëmä 'klɩ ‑a 'baba.

3 Jaan 1:11

'Na ‑wlajʋ, ‑nyɩ tɛ ‑balʋ 'klɩ ‑maa 'cɩcasa ‑a ‑tɛ 'klɩ. Nyɔɔlɔ nöa' 'cɩcasa nɩ, Nyɔsʋaa 'jʋ 'ɔ bä; nyɔɔlɔ nöa' ‑balʋ nɩ, 'ɔnyɩ Nyɔsʋa ‑a jre 'plɔʋ.

Jaakë 2:5

'Ba ponyakli 'na plɛ ‑gälɩa ‑wlajü 'amɩ: ‑mää nyüülü 'plä 'daraa' 'pʋablanyüü nɩ, ‑mää 'üün Nyɔsʋa 'nyɩ 'lɩba 'kä 'üa 'bɩɔ 'mä nyɔsʋaplɛtorokʋ bä, ‑bɛ 'ɔa 'plälä 'ɔ tɛrɛa' nyüülü ‑waa' 'ɔɔn, 'ümä 'äa ‑jaaa ji?

Akëtë 9:36

'Ŋlʋʋ 'doo bä kä 'wʋnyɛrɛnyüüa ‑tɔrʋpɩɔ bätälä 'ü 'daraa' Jopee 'äa 'mlɩ, 'ɔa 'nyrɩ bä Tabita. 'Iibä Dɔrëkaasë grɛɛkëwii 'lɩ. 'Ɔ ma nö nyüü 'mʋfagbi ‑gba, ‑bɛ 'ɔ ma jö 'pʋablanyüü ‑gba.

1 Piɛɛrë 3:11

Ɔ fɔlɔ wiili bʋbɔa' 'klɩ, ɔ nʋ wiili 'naa'; 'ɔ 'bata 'wlinönrökʋ 'ɔnyɩ sɩa.

Akëtë 11:29

'Wʋnyɛrɛnyüülü nya 'nönröwli 'ümä 'üa ‑wlajülü kʋa' Judeea ‑tʋtʋ ‑gälɩ ‑gbaji; dɛɛlɛ ‑moloo 'bataa'.

Akëtë 10:38

'A jre 'iin 'sɩrɩ Nyɔsʋa ‑tʋa' 'Nyüna ‑Susu nyra 'klü Nasarɛɛtënyɔɔ Jesu ‑gälɩ, ‑bɛ 'ɔ ‑nyɩa' 'ɔɔn 'klü, 'sɩrɩ 'ɔ ‑sröröa' ‑tʋtʋa 'fɩɔ ‑gälɩ, 'ɔ nöa' 'mʋfagbi ‑bɛ 'ɔ ‑futoa' nyüülü kä 'fɩɔ ma bäa' Sataan a ‑goou; 'be Nyɔsʋa bä kä 'ɔɔn dɛrɩ.

Matiö 5:42

Nyɔɔ ma ‑sɛ ‑mɩ, ‑nyɩ 'ɔɔn; ‑bɛ nyɔɔ ma 'betre ‑mɩ 'kpa 'lɩ ‑nyɩ 'blara 'ɔɔn 'klɩ.

Lukë 3:11

'Ɔnya ‑gbala 'üün: «‑Moloo ma 'klaa 'koti 'sɔɔ, 'ɔ ‑nyɩ ‑mɔlɔ 'nyɩa' dɛɛ 'klaa, kä ‑mɔlɔ 'klaaa' jijri nö bɩa dɛɛ 'dee.»

Ɛfɛsënyüü 4:28

Nyɔɔ ma 'jie kä, ɔ 'pie 'jejiekʋ; ɔ ‑fɛjrʋpa, ɔ nʋ 'ɔa 'dari ɔ nʋ wiili 'naa', 'ɔmä ‑mülü 'nyɩa' dɛɛ kä ‑gbaji.